Aventiuren 33 - 36

Blatt 71v

...

[ Aventiure 33 ]
Auentv wie Danchwart div maer ze hove sinen h/er\ren b/ra\ht

2005,1
<))))U((((il> lvote rief do Danchwart  eime degene
2005,2
ir sizzet al ze lange  brvoder Hagene
2005,3
iv vñ got von himele  chlage ich vnser not
2005,4
ritter vñ knehte  sint in d/er\ herberge tot

2006,1
Er rief im engegene  wer hat daz getan?
2006,2
daz hat d/er\ herre <Bloedel>  vñ sine man
2006,3
ovch hat ers niht genozzen  div wil ich iv sagen
2006,4
ich han im sin hovbet  mit minen handen abe geslagen

2007,1
Daz ist ein schade kleine  sp/ra\ch ab/er\ Hagene
2007,2
swa man solhiv mære  saget von degene
2007,3
ob er von rechen handen  v/er\livset sinen lip
2007,4
in svln deste ringer  klagen wætlichiv wip

2008,1
Nv saget mir lieb/er\ brvod/er\  wie sit ir so rot?
2008,2
ich wæn ir uon wnden  lidet groze not
2008,3
ist er inder inme lande  derz iv hat getan
2008,4
in erner d/er\ <vb/el\> tivfel  ez mvz im an sin leben gan

2009,1
Ir seht mich wol gesunden  min wat ist blvotes naz
2009,2
von and/er\ mannen wnden  ist mir geschehn daz
2009,3
d/er\ ich also manigen  hivte han erslahen
2009,4
ob ich des swern solde  ine chvndez nimm/er\ gesagen

2010,1
))E((r sp/ra\ch brvod/er\ Danchwart  so hvtet vns d/er\ tver
2010,2
vñ enlat d/er\ Hvnen eine/n\  chom/en\ niht d/er\fver
2010,3
ich wil reden mit den rechen  des vns nv dwinget not
2010,4
vnser ingesinde  lit vnv/er\dienet hie tot

2011,1
Sol ich sin kamerære?  sp/ra\ch do d/er\ kvene man
2011,2
also richen kvnegen  ich wol gediene/n\ cha/n\
2011,3
<so> ich d/er\ stiegen  nach den eren min
2011,4
den Chriemh' degenen  chvnde leid/er\ niht gesin

2012,1
Mich nimt des michel wnd/er\  sp/ra\ch do Hagene
2012,2
   rvnen in disem gademe
2012,3
si wæn des lihte enbêrn  d/er\ an d/er\ tver dort stat
2012,4
vñ ovch div hovemære  gesaget den Bvrgonden hat

2013,1
Ich han gehort vil lange  von Chriemh' sagen
2013,2
daz si ir hercen leide  wolde niht vertragen
2013,3
nv trinchen wir die minne  vñ gelten skvniges win
2013,4
der
Blatt 72r
2013,4
ivnge vogt d/er\ Hvnen  d/er\ mvoz hie d/er\ erste sin

2014,1
))D((o slvoc daz kint Ortlieben  Hagen d/er\ helt gvot
2014,2
daz im an dem sw/er\te  zer hende vloz daz blvot
2014,3
vnt daz des kindes hovbet  sp/ra\nch Chriemh' <in> ir schoz
2014,4
do hvop sich vnd/er\ degenen  ein mort vil grimmech vñ groz

2015,1
Ovch slvoger den magetzogen  einen swinden slac
2015,2
mit beiden sinen handen  der Ortliebes pflac
2015,3
daz im daz hovbet schiere  vor tischen nid/er\ lac
2015,4
ez was ein iæm/er\licher lon  den er dem magtzogen wach

2016,1
Er sach vor Ezeln tische  einen spileman
2016,2
Hagen in sime zorne  gahen dar began
2016,3
er slvog im vf d/er\ videlen  ab die einen hant
2016,4
daz habe d/er\ boteschefte  in d/er\ Bvrgonden lant

2017,1
Owe mir sp/ra\ch Werbel  d/er\ Ezeln spileman
2017,2
her Hagen von Tronege  waz het ich iv getan?
2017,3
ich kom vf groze triwe  in iw/er\ herren lant
2017,4
wie chlenche ich nv die doene  sit ih nv v/er\lorn han die hant?

2018,1
))H((agene/n\ ahte ringe  gevidelter nimmer mer
2018,2
do frvmt er in dem hvse  div werch grimmen ser
2018,3
an den Ezelen rechen  d/er\ er so manigen slvoc
2018,4
er braht ir in dem gademe  zvo dem tode genvoc

2019,1
Volker sin geselle  von tische sp/ra\nch
2019,2
sin videlboge im lvote  an siner hende erchlanc
2019,3
do videlte vngefvege  d/er\ kunige spileman
2019,4
hey waz er im ze vienden  d/er\ chvnen Hvnen gewan!

2020,1
Do sprvngen von den tischen  die drie kvnige her
2020,2
si woldenz gerne scheiden  e des schaden wrde mer
2020,3
sine chvndenz mit ir sinnen  do niht vnd/er\stan
2020,4
do Volker vñ Hagene  so sere weten began

2021,1
Do sach d/er\ vogt von Rine  vngescheiden den strit
2021,2
do slvoc d/er\ fvrste selbe  vil manige wnden wit
2021,3
dvrch die liehten ringe  den vianden sin
2021,4
er was ein helt zen handen  daz wart da grozlichen schin

2022,1
))D((o chom ovch zvo dem strite  d/er\ starche Gernot
2022,2
ia frvomt er den Hvnen  vil manigen helt tot
2022,3
mit dem scharpfen sw/er\te  daz im gap Rvdeger
2022,4
den Ezeln magen  frvmrer div grozlichen ser

2023,1
Der ivnge svon frovn Vten  zvo dem strite spranch
2023,2
sin wafen herrenliche  dvrch die helme erchlanc
2023,3
den Ezeln rechen  vzer Hvnen lant
2023,4
da tet vil michel wnder  div Giselh/eres\ hant

2024,1
Swie frvom si alle wæren  die kvnige vñ ovch ir man
2024,2
doch sah man Giselhere  ze vorderest stan
2024,3
bi den vianden  er was ein helt gvot
2024,4
er schvf da mit den wnden  vil manigen nid/er\ in daz blvot

2025,1
Ovch werten sich vil sere  die Ezeln man
2025,2
do sah man die geste  howende gan
2025,3
mit den liehten swerten  dvrch des kvniges sal
2025,4
do hort man allenthalben  von strite grozlichen schal
Blatt 72v
2026,1
))D((o wolden die dar vzen  mit frivnden sin dar in
2026,2
si namen an d/er\ stiegen  vil kleinen gewin
2026,3
do wolden si dar inne  vil gerne fvr die tver
2026,4
done lie d/er\ portenære  ir deheinen dar fver

2027,1
Do hvop sich in d/er\ porte  vil grozer d/er\ gedranc
2027,2
vñ ovch von den swerten  vf helme lvoter klanc
2027,3
des chom d/er\ kvne Danchwart  in vil starche not
2027,4
daz bedahte Hagene  als im sin triwe gebot

2028,1
Vil lvte rief do Hagene  Volkern an
2028,2
seht ir dort geselle  minen brvod/er\ stan
2028,3
vor hvnischen rechen  vnd/er\ starchen slegen?
2028,4
frivnt nert mir den brvod/er\  ê wir vliesen den degn

2029,1
Daz tvon ich sicherlichen  sp/ra\ch d/er\ man
2029,2
er begvnde vil videlende  dvrch den palas gan
2029,3
ein scharpfez <swert> im diche  an siner hende erchlanc
2029,4
die rechen bi dem Rine  sagten im des grozen danch

2030,1
Volker d/er\ vil chvene  zvo Danchwarte sp/ra\ch
2030,2
ir habt erliten hivte  grozen vngemach
2030,3
mich bat iw/er\ brvod/er\  dvrch helfe zv zw gan
2030,4
welt ir nv sit dar vze  so wil ich inrethalben stan

2031,1
Danchwart d/er\ vil snelle  stvnt vzerhalp d/er\ tver
2031,2
do wert er in die stiegen  swaz ir chom d/er\ fver
2031,3
des hort man waffen hellen  an d/er\ helede hant
2031,4
sam tet ovch inrethalben  Volker von Bvregonden lant

2032,1
))D((er chvne videlære  rief zvo dem degene
2032,2
daz hvs ist wol beslozen  frivnt Hagene
2032,3
ez ist also verschranchet  div Ezeln tver
2023,4
von zweier rechen handen  da <gent> wol tvsent rigel fver

2033,1
Do d/er\ starche Hagene  die tver so sach behvot
2033,2
den schilt warf do zervcke  d/er\ chvne degen gvot
2033,3
do erst begund/er\ rechen  siner frivnde leit
2033,4
sines zornes mvose engelten  vil manic ritter gemeit

2034,1
Do d/er\ voget von Berne  daz wnd/er\ reht ersach
2034,2
daz Hagene d/er\ starche  so manigen helm brach
2034,3
d/er\ kunic d/er\ Amelvnge  sp/ra\ch vf einen banch
2034,4
er sp/ra\ch hie schenchet Hagene  daz aller wirsiste tranch

2035,1
Der wirt het groze sorge  sin wip div het alsam
2035,2
waz man im lieber frivnde  vor sinen ovgen nam!
2035,3
wand/er\ von sinen vinden  vil chvme da genas
2035,4
er saz vil angestliche  waz half in daz er kunec was?

2036,1
))C((hriemh' div frowe  rief Dietrichen an
2036,2
nv hilf mir von dem sedele  ritter von in dan
2036,3
dvrch aller fvrsten tvgende  vz Amelvnge lant
2036,4
vñ erreichet mich dort Hagene  ich han den tot an d/er\ hant

2037,1
Wie sol ich iv gehelfen  sp/ra\ch do Diet/ri\ch
2037,2
vil edeliv kuneginne?  nv sorge ich vmbe mich
2037,3
ez sint so sere erzvrnet  die Gunth/eres\ man
2037,4
daz ich an disen citen  gevriden niem/en\ enchan

2038,1
Neina h/er\re Diet/ri\ch  vil edel ritter gvot
2038,2
laza hivte schinen  den tvgentlichen
Blatt 73r
2038,2
mvt
2038,3
daz dv mir helfest hinnen  od/er\ ich belibe tot
2038,4
nv hilf mir vñ dem kvnige  vz dirre angestlicher not

2039,1
Daz wil ich v/er\svochen  ob ich iv helfen chan
2039,2
wande ich in langen citen  niht gesehn han
2039,3
so pitt/er\lich erzvrnet  manigen ritt/er\ gvot
2039,4
ia <sahe> dvrch die helme  von swerten vliezen daz blvot

2040,1
Mit chraft begunde rufen  d/er\ degen vz erchorn
2040,2
daz im sin stimme erlvote  alsam ein wisents horn
2040,3
vñ daz d/er\ palas wite  von siner chraft erdoz
2040,4
div sterche Diet/ri\ches  was vil vnmæzliche groz

2041,1
))D((o gehorte Gvnther  rvfen disen man
2041,2
in dem starchen stvrme  losen er began
2041,3
er sp/ra\ch Diet/ri\ches stimme  ist in min ore chomen
2041,4
ich wæn im vnser degene  etewen hie benomen

2042,1
Ich sihe in vf dem tische  er winchet mit d/er\ hant
2042,2
ir frivnt vñ mage  von Burgonden lant
2042,3
gehabt vf des strites  lat hoeren vñ sehn
2042,4
waz hie Diet/ri\che  von vns ze schaden si geschehn

2043,1
Do d/er\ kunic Gunth/er\  bat vñ ovch gebot
2043,2
si habten vf mit swerten  in des stvrmes not
2043,3
daz was gewalt vil grozer  daz do niemen streit
2043,4
do reiten mit ein and/er\  die kvnen rechen gemeit

2044,1
Er sp/ra\ch vil edel Dietrich  waz ist iv hie getan
2044,2
von den minen magen?  willen ich des han
2044,3
svne vñ bvze  bin ich iv bereit
2044,4
swaz iv iem/en\ tæte  daz wær mir inneklichen leit

2045,1
))D((o sp/ra\ch der herre Diet/ri\ch  mir ist noch niht getan
2045,2
des ich schaden deheinen  von iv mvge han
2045,3
wan lar mih von dem strite  mit dem gesinde min
2045,4
daz wil ich vmbe ivch degene  immer dienende sin

2046,1
Wie vleget ir so sere?  sprach do Wolfhart
2046,2
iane hat d/er\ videlære  die tver nie so v/er\spart
2046,3
wir entsliezen si so wite  daz wir dar fvre gan
2046,4
nv swiget sp/ra\ch her Dietrich  ir habt den tivfel getan

2047,1
Do sp/ra\ch d/er\ kunic Gvnther  erlovben ich iv wil
2047,2
fvret vz dem hvse  lvzzil od/er\ vil
2047,3
ane mine vinde  die svln hie bestan
2047,4
si habent mir zen Hvnen  leides vil getan

2048,1
Der herre von Berne  vnd/er\ einen arm besloz
2048,2
die edeln kuniginne  d/er\ angest div was groz
2048,3
do fvrt er and/er\thalben  Ezeln mit im dan
2048,4
ovch giengen mit im dannen  sehs hvnd/er\t siner chven/er\ man

2049,1
))D((o sp/ra\ch d/er\ marcg/rave\  d/er\ edel Rvdeg/er\
2049,2
sol ab/er\ ozem hvse  iemen chomen mer
2049,3
die iv doch dienen gerne  daz lazet vns v/er\nemen
2049,4
so sol ovch fride d/er\ stæte  gvten frivnden immer zemen

2050,1
Des antwrte Giselher  sime sweher zehant
2050,2
vride vñ svone  si iv von uns bechant
2050,3
sit ir sit triwen stæte  beide ir vñ iw/er\ man
2050,4
svlt gemeinliche  mit iw/er\n frivnden hinnen gan

2051,1
Do d/er\ marcg/rave\  gervmte den sal
2051,2
fvnf hund/er\t vñ mere  
Blatt 73v
2051,2
im volgten zetal
2051,3
die stiegen von dem hvose  daz warn sine man
2051,4
von den d/er\ kvnec Gvnther  vil grozen schaden sit gewan

2052,1
Do sach ein Hvnen reche  Ezelen gan
2052,2
bidem Bernære  genozzen wolders han
2052,3
dem gap der videlære  einen swern slac
2052,4
daz im vor Ezeln fvezen  daz hovbet schiere gelac

2053,1
))D((o d/er\ wirt des landes  chom von dem hvse dan
2053,2
do cherte er sich hin widere  vñ sach Volkeren an
2053,3
owe mir dirre geste!  daz ist ein grimmniv not
2053,4
daz alle mine frivnde  svln vor in ligen tot

2054,1
Ach we d/er\ hochgecite!  sp/ra\ch d/er\ kvnec her
2054,2
da vihter einer inne  d/er\ heizet Volker
2054,3
alsam ein eber wilde  vñ ist ein spileman
2054,4
ich danches mime heile  daz ich dem valande entran

2055,1
Sine leyche lvtent vbele  sine zvege die sint rot
2055,2
ia velent sine doene  vil manigen helt tot
2055,3
ine weiz niht waz vns wize  der selbe spileman
2055,4
wan ich gast neheinen  nie so leiden gewan

2056,1
Zir herbergen giengen  die rechen also her
2056,2
der herre von Berne  vñ ovch Rvdeg/er\
2056,3
sine wolden mit dem strite  niht ze schaffen han
2056,4
vñ gebvten ovch ir degenen  daz sis mit fride solden lan

2057,1
Vñ heten si getrowet  alsolher swære
2057,2
daz in div von in beiden  so chvnftich wære
2057,3
sine wærn von dem <hvse>  niht so sanfte chomen
2057,4
si <heten> eine strovfe  an den vil chvnen ê genomen

2058,1
))S((i heten die si wolden  lazen vz dem sal
2058,2
<do> hvop sich inrethalben  ein grozlicher schal
2058,3
die geste sere rachen  daz in ê geschach
2058,4
Volker d/er\ vil chvene  hey waz er liehter helme brach!

2059,1
Sich cherte gein dem schalle  Gunther d/er\ kunec her
2059,2
hort ir die doene Hagene  die dort Volker
2059,3
mit den Hvnen videlet  swer gegen d/er\ tvor gat?
2059,4
ez ist ein roter anstrich  den er zem videlbogen hat

2060,1
Mich riwet ane maze  sprach do Hagene
2060,2
daz ich vor Volkere  ie gesaz dem degene
2060,3
ich was sin geselle  vñ ovch er der min
2060,4
vñ chom wir immer wid/er\e  daz svln wir noch mit triwen sin

2061,1
Nv schowe kvnec Gvnth/er  Volker ist dir holt
2061,2
er dienet willechliche  din silber vñ <din> golt
2061,3
sin videlbogeim snidet  dvrch den herten stal
2061,4
er brichet vf den helmen  div liehten schinende mal

2062,1
Man gesach nie videlære  so herlichen stan
2062,2
also d/er\ degen Volker  hivte hat getan
2062,3
die sinen leyche hellent  dvrch helm vñ dvrch den rant
2062,4
ia sol er riten gvtiv ros  vñ tragen herlich gewant

2063,1
))S((waz d/er\ Hvnen mage  in dem hvse was gewesen
2063,2
der enwas nv deheiner  dar inne genesen
2063,3
des was d/er\ schal geswiftet  daz niemen mit in streit
2063,4
div swert von
Blatt 74r
2063,4
handen legeten  die kvnen degene gemeit
2064,1
Die herren nach ir mvede  gesazen do zetal
2064,2
Volker vñ Hagene  die giengen fvr den sal
2064,3
sich leinten vf die schilde  die vb/er\mvten man
2064,4
da wart rede genvoge  von in beiden getan

2065,1
Do sp/ra\ch von Burgonden  Giselher d/er\ degen
2065,2
iane mvegt ir lieben frivnde  niht rowe noch gepflegen
2065,3
ir svlt die toten lvte  vz dem hvse tragen
2065,4
wir werden noch bestanden  ich wilz iv wærliche sagen

2066,1
So wol mich solhes herren  sp/ra\ch do Hagene
2066,2
d/er\ rat enzæme niemen  wan eime degene
2066,3
den vns min ivnger herre  hivte hat getan
2066,4
des mvgt ir Bvrgonden  alle vroeliche stan

2067,1
))D((o volgeten si dem kinde  vñ trvgen fvr die tver
2067,2
wol zwei tvsent toten  wrfen si d/er\fver
2067,3
vor des sales stiegen  vielen si zetal
2067,4
do hvop sich von ir mâgen  ein vil klagelicher schal

2068,1
Ez was ir etelicher  so mæzliche wnt
2068,2
d/er\ sin mit helfe pflæge  er wrde noch gesvnt
2068,3
d/er\ von dem hohem valle  mvse ligen tot
2068,4
die klagten do ir frivnde  des twanch si iamerhaftiv not

2069,1
Do sp/ra\ch d/er\ videlære  ein reche vil gemeit
2069,2
nv chivse ich des die wareheit  als ma mir hat gesæit
2069,3
die Hvnen sint vil boese  si chlagent sam div wip
2069,4
nv solden si bervchen  d/er\ vil sere wnd/er lip

2070,1
Do wande ein marcg/rave\  er reit ez dvrch gvot
2070,2
er sach einen sinen mach  gevallen in daz blvot
2070,3
er besloz in mit den armen  vñ wolde in tragen dan
2070,4
den schoz ob im ze tode  d/er\ vil chvne spileman

2071,1
Do dand/er\n daz gesahen  div flvht hvp sich von dan
2071,2
si begvnden alle flvchen  dem selben spileman
2071,3
noh hvob er vnd/er\ fvzen  einen ger vil hart
2071,4
d/er\ von eime Hvnen  in daz hvs geschozzen wart

2072,1
Den schoz er do hin wid/er\e  dvrch die bvrch dan
2072,2
mit siner chraft so verre  den Ezelen man
2072,3
gaber herberge  vof hoher von dem sal
2072,4
daz sin vil starchez ellen  die lvte vorhten vb/er\ al

2073,1
))D((o stvnden vor dem hvose  Ezel vñ sine man
2073,2
Volker vñ Hagene  reden do began
2073,3
mit d/er\ Hvnen kvnige  ir willen vñ mvot
2073,4
des chomen sit in sorgen  die helede chven vñ gvot

2074,1
Ez zæme so sp/ra\ch Hagene  vil wol volches trost
2074,2
daz die herren væhten  zaller vorderost
2074,3
also d/er\ kvnec Gvnther  vnde Gernot hie tvot
2074,4
die howent dvrch die helme  nach swerten vlvzet daz blvot

2075,1
Ezele was so chvne  er vazzete sinen schilt
2075,2
nv vart gewærliche  sp/ra\ch min frov Chriemh'
2075,3
vñ bietet ir den rechen  daz golt vb/er\ rant
2075,4
wan erreichet ivch dort Hagene  ir habt den tot an d/er\ hant

2076,1
Done wolde d/er\ kvnec here  des strites erwinden niht
2076,2
daz von so ri
Blatt 74v
2076,2
chen fvrsten  selten nv geschiht
2076,3
man mvos in bi dem <vezzil>  wid/er\ ziehen dan
2076,4
Hagene d/er\ grimme  sin spotten ab/er\ began

2077,1
Ez was ein nahiv sippe  sp/ra\ch do Hagene
2077,2
die Sivrit vñ Ezele  <heten> zesamene
2077,3
er minnete Chriemh'  ê si ie gesæhe dich
2077,4
kvnic vil boese  warvmbe rætest an mich?

2078,1
))D((ise rede horte  wol des kvniges wip
2078,2
des wart vil vnmvtes  der Chriemh' lip
2078,3
daz er si torste schelten  vor Ezelen man
2078,4
dar vmbe si aber raten  an die geste began

2079,1
Si sp/ra\ch d/er\ mir von Tronegen  Hagenen slvege
2079,2
vñ mir sin hovbet  ze gibe trvge
2079,3
dem fvlt ich rotes goldes  den Ezeln rant
2079,4
ovch gæb ich im ze miete  vil gvte bvrge vñ lant

2080,1
Nvne weiz ich wes si bitent  sp/ra\ch d/er\ spileman
2080,2
ine gesach nie helde mere  so zageliche stan
2080,3
da man horte bieten  so rehte richen solt
2080,4
si mohten gerne dienen  die bvrge vñ ovch daz rote golt

2081,1
Ezele der vil riche  hete iamer vñ not
2081,2
er klagte pitterliche  mage vñ manne tot
2081,3
da stvnt von manigen landen  vil rechen gemeit
2081,4
die weinten mit dem kvnige  siniv chreftigen leit

2082,1
Des begvnde spotten  d/er\ kvne Volker
2082,2
ich sihe hie sere weinen  vil manigen rechen her
2082,3
si gestent ir herren vbele  in siner starchen not
2082,4
ia ezzent si mit schanden  nv vil lange hie sin brot

2083,1
Do gedahten in die besten  er hat vns war geseit
2083,2
doch enwas ez da niemen  so hercenliche leit
2083,3
als ovch Iringe  dem helede vz Tenelant
2083,4
daz man in churcen citen  mit d/er\ wareheite wol bevant

[ Aventiure 34 ]
Auentv wie Irinch mit Hagenen streit vñ wie im sit an im gelanch

2084,1
<)))))D(((((o> rief von Tenemarche  d/er\ marcg/rave\ Irinch
2084,2
ich han vferelazen  nv lange miniv dinch
2084,3
vñ han in volches stvermen  des besten vil getan
2084,4
nv brinch mir min gewæfen  ia wil ich Hagenen bestan

2085,1
Daz wil ich wid/er\raten  sp/ra\ch do Hagene
2085,2
so gewinnent iwer mage  mer ze klagene
2085,3
gespringent iw/er\ zwene  od/er\ dri zvo mir her in
2085,4
ist daz si min erbitent  si scheident schedeliche hin

2086,1
<Darvmbe> ihz niht enlaze  sp/ra\ch aber Irinch
2086,2
ich han ovch ê v/er\svchet  sam sorchlichiv dinc
2086,3
ia wil ich mit dem swerte  aleine dich bestan
2086,4
ob dv mit strite hetest  mer danne iemen getan

2087,1
Do wart gewafent Irinch  nach <ritterliche/m\> sit
2087,2
alsam wart von Dvrigen  d/er\ lantg/ra\ve Irnfrit
2087,3
vñ Hawart d/er\ starche  wol mit tvsent man
2087,4
swes Irinch begvnde  si woldens alle im gestan

2088,1
))D((o sach d/er\ videlære  eine groze schar
2088,2
die mit Iringe  gewafent chom/en\ dar
2088,3
si trvgen vf gebvnden  vil manigen helm gvot
2088,4
des wart d/er\ chvne Volker  
Blatt 75r
2088,4
ein teil vil zornic gemvot

2089,1
Er sp/ra\ch seht ir Hagene  dort Iringen gan
2089,2
d/er\ ivch hie mit dem swerte  lobt eine bestan?
2089,3
wie zimt helede lvgene?  ich wil vnprisen daz
2089,4
ez gent mit im gewafent  wol tvsent rechen od/er\ baz

2090,1
Nv heizet mich niht liegen  sp/ra\ch Hawartes man
2090,2
ich wil ez leisten gerne  swaz ich gelobet han
2090,3
dvrch deheine vorhte  wil ihs abe gan
2090,4
wie vreislich nv si Hagene  
vzer Bvrgonden lant

2091,1
Doch bat er si so lange  daz ez sit geschach
2091,2
do daz ingesinde  den willen sin ersach
2091,3
daz er warp nach eren  do liezen si in gan
2091,4
do wart ein grimmez striten  von in beiden da getan

2092,1
))I((rinch d/er\ vil starche  hohe erbvrt den ger
2092,2
den schilt er fvr sich zvchte  d/er\ tivr degen her
2092,3
do lief vz zv Hagene  vaste fvr den sal
2092,4
do hvop sich von den degenen  ein vil grozlicher schal

2093,1
Do schvzzen si die gere  mit chreften von d/er\ hant
2093,2
dvrch die vil vesten schilde  vf liehtez ir gewant
2093,3
daz die gerstangen  vil hohe dræten dan
2093,4
do griefen zv den swerten  die vil grimme chvnen man

2094,1
Des starchen Hagenen ellen  was in vnmazen groz
2094,2
ovch slvg vf <in> Irinch  daz al div bvrch erdoz
2094,3
palas vñ tverne  erhullen nach ir slegen
2094,4
done chunde niht verenden  des sinen willen d/er\ degen

2095,1
Irinch lie do Hagenen  vnv/er\wndet stan
2095,2
zvo dem videlære  gahen er began
2095,3
er wande in solde twingen  mit den grimmen slegen
2095,4
sich chunde wol beschirmen  d/er\ vil zierliche degen

2096,1
Do slvoc d/er\ videlære  daz vber schildes rant
2096,2
dræte daz gespenge  von Volkers hant
2096,3
den liez er do beliben  ein was ein vbel man
2096,4
er lief den kunic Gvnther  da von Buregonden an

2097,1
Do was ir ietwedere  ze strite starch genvoc
2097,2
swaz Gunth/er\ on Irinch  vf ein and/er\ slvoch
2097,3
daz enbrahte niht von wnden  dar vliezende blvot
2097,4
daz behvote ir gewæfen  daz was veste vñ gvot

2098,1
))G((vnthern er lie beliben  Gernoten lief er an
2098,2
daz fivr vzen ringen  er howen im began
2098,3
do hete von Bvregonden  d/er\ starche Gernot
2098,4
den chvnen Iringin  vil nach gesendet in den tot

2099,1
Do sp/ra\nger vo/n\ dem fvrsten  snel er was genvoc
2099,2
der Bvrgonden viere  d/er\ helt vil schiere slvoc
2099,3
des edeln ingesindes  von Wormez vb/er\ Rin
2099,4
done chunde Giselhere  zornær nimm/er\ gesin

2100,1
Gote weiz her Irinch  sp/ra\ch Giselher daz kint
2100,2
ir mvzet mir die gelten  die veige vor iv sint
2100,3
gelegen hie ze stvnden  do lief er in an
2100,4
er slvoc den Tenemarche  daz er strvchen began

2101,1
Er schoz vor sinen fvezen  nid/er\ in daz blvot
2101,2
daz si alle wolden wænen  daz d/er\ helt gvot
2101,3
ze strite nimmer mere  geslvge cheinen slac
2101,4
Irinch noch ane wnden  hie vor Giselh/er\e lac
Blatt 75v
2102,1
Von des helmes doze  vñ von des swertes chlanc
2102,2
wæren sine wizze  worden also chranc
2102,3
daz sich d/er\ degen Irinch  des lebenes niht v/er\san
2102,4
daz het mit siner sterche  d/er\ chvne Giselher getan

2103,1
))D((o im begunde wichen  von hovbte d/er\ doz
2103,2
von helm vñ ovch von swerte  d/er\ was gewesen groz
2103,3
er dahte ih bin noch lebnde  min lip ist nind/er\ wnt
2103,4
nv ist mir all/er\ erste  daz ellen Giselhers kvnt

2104,1
Do horter beidenhalben  die viande stan
2104,2
heten siz gewisset  im wære mer getan
2104,3
ovch het er Giselhere  da bi im v/er\nomen
2104,4
er dahte wie er solde  mit dem libe dannen chomen

2105,1
Wie rehte tobeliche  er vzem blvote sp/ra\nch!
2105,2
d/er\ siner snelheite  er mohte <danch>  
2105,3
do lief er vzem hvose  da er aber Hagenen vant
2105,4
vñ slvg im slege swinde  mit siner ellenthafter hant

2106,1
Do gedaht ovch Hagene  dv solt d/er\ mine wesen
2106,2
dich enner d/er\ vbel tivfel  dv enchanst nv niht genesen
2106,3
doch wndet Irinch Hagen/en\  dvrch sinen helmhvot  
2106,4
daz tet d/er\ helt mit Wasechen  daz was ein wafen also gvot

2107,1
Do d/er\ grimme Hagene  d/er\ wnden enpfant
2107,2
do erwaget im vngefvege  daz swert an siner hant
2107,3
al da mvose im entwichen  d/er\ Hawartes man
2107,4
zetal von dem hvse  Hagen volgen im began

2108,1
Irinch vb/er\ hovbet  den schilt vil balde swanc
2108,2
vñ wær div selbe stiege  drier stiegen lanch
2108,3
done liez in Hagene  slahen deheinen slac
2108,4
hey waz roter vanchen  ob sime helme gelac!

2109,1
Do sahen sine frivnde  Iringen noch gesvnt
2109,2
do wrden disiv mære  Chriemh' chvnt
2109,3
waz er dem von Tronege  mit strite hete getan
2109,4
desim div chunig/inne\  hohe danchen began

2110,1
Nv lone dir got Irinch  vil mærrer helt gvot
2110,2
dv hast mir wol getrostet  daz herce vñ ovch den mvot
2110,3
nv sihe ich Hagene rotez  von blvte sin gewant
2110,4
do nam si im selbe  den schilt vor liebe von d/er\ hant

2111,1
Ir mvgt im maze danchen  sp/ra\ch do Hagene
2111,2
ia ist noch harte chleine  da von ze sagene
2111,3
vñ wolt erz noch v/er\svchen  so wær er chven ein man
2111,4
div wnde frvmt ivch chleine  die ich von im gewnnen han

2112,1
Daz ir von miner wnden  die ringe sehet rot
2112,2
daz hat mich erreizet  vf maniges mannes tot
2112,3
ich bin alrerste erzvrnet  vf in vñ manigen man
2112,4
mir hat d/er\ degen Irinch  schaden chleinen noch getan

2113,1
))D((o stvnt gegen dem winde  Irinch von Tenelant
2113,2
er chvlte sich in ringen  den helm er abe gebant
2113,3
do sp/ra\chen al die lvte  sin ellen wære gvot
2113,4
des het d/er\ marcg/rave\  von schulden <hohe/n\> mvot

2114,1
Irinch d/er\ vil chvene  sinen frivnden sagte daz
2114,2
nv wafent mich vil balde  ich wilz v/er\svchen baz
2114,3
ob ich noch mvge betwingen  den vb/er\mveten
Blatt 76r
2114,3
man
2114,4
sin schilt d/er\ was v/er\howen  einen bezzern er gewan

2115,1
Vil schiere wart d/er\ reche  ab/er\ gewafent baz
2115,2
vñ einen ger vil starchen  den nam er vf den haz
2115,3
daz er da mite Hagen/en\  wolde noch bestan
2115,4
ez wær im frvom vñ ere  ob erz hete nv v/er\lan

2116,1
Sin mohte niht erbiten  Hagene d/er\ degen
2116,2
do lief er im engegene  mit stichen vñ mit slegen
2116,3
d/er\ stiege vnze an ein ende  sin zvrnen daz was groz
2116,4
Irinch siner sterche  harte wenic do genoz

2117,1
Si slvogen dvrch die schilde  deiz lovgen began
2117,2
von vivr roten winden  d/er\ Hawartes man
2117,3
wart von Hagenen swerte  vil kreftiklichen wnt
2117,4
dvrch schilt vñ dvrch die brvenne  des er wart nimmer mer gesvnt

2118,1
))D((o d/er\ degen Irinch  d/er\ wnden enpfant
2118,2
den schilt er baz bedachte  vb/er\ div helmbant
2118,3
des schaden in dvht d/er\ volle  den er da gewan
2118,4
sit tet im noch mere  d/er\ vil vbermvete man

2119,1
Hagen vor sinen fvzen  einen ger er ligen vant
2119,2
do schoz er Iringen  den helt von Tenelant
2119,3
daz im von dem hovbte  d/er\ gere ragete dan
2119,4
im het d/er\ vb/er\mvete  den grimmen ende getan

2120,1
Irinch mvse wichen  zv den von Tenelant
2120,2
e daz man do dem degene  dem helm ab gebant
2120,3
den ger man brach von hbet  do nahet im d/er\ tot
2120,4
daz weinten sine mage  des gie in wærliche not

2121,1
Chriemh' div frowe  chlagen ovch began
2121,2
den chvnen Iringen  den schadehaften man
2121,3
si weinte sine wnden  wande ez was ir leit
2121,4
do sp/ra\ch vor sinen magen  d/er\ snelle reche gemeit

2122,1
Lat iw/er\ klage beliben  vil herlichez wip
2122,2
waz hilfet iwer weinen?  ia mvoz <ich> minen lip
2122,3
v/er\liesen von den wnden  die ich enpfangen han
2122,4
d/er\ tot wil mich niht dienen  iv vñ Ezeln lan

2123,1
Er sp/ra\ch zv den von Dvrigen  vnt den von Tenelant
2123,2
die gabe sol enpfahen  iwer deheines hant
2123,3
von der kvnig/inne\  ir liehtez golt so rot
2123,4
vñ bestet ir Hagenen  ir mvzet liden den tot

2124,1
Sin varwe was erblichen  des todes zeichen trvoc
2124,2
Irinch d/er\ chvene  daz was in leit genvoc
2124,3
genesen niht enchunde  d/er\ Hawartes man
2124,4
do mvos ez an ein striten  von den sinen frivnden gan

2125,1
Irnfrit vñ Hawart  die sprvngen fvr daz gadem
2125,2
wol mit tvsent heleden  vil vngefvgen chradem
2125,3
hort man allenthalben  vil chreftechlichen groz
2125,4
hey waz man starcher gere  vf die Bvrgonde schoz!

2126,1
Irnvrit d/er\ herre  lief an den spileman
2126,2
des er schaden grozen  von siner hant gewan
2126,3
d/er\ chvene videlære  den lantgraven slvoc
2126,4
dvrch einen helm vesten  ia was er grimme genvoc

2127,1
Do slvoc d/er\ lantg/ra\ve  den chvnen spileman
2127,2
daz im mvsen bresten  ringes gespan
Blatt 76v
2127,3
vñ daz sich beschvtte  div prvenne fivr rot
2127,4
do vil lantg/rave\  vor dem vidælære tot

2128,1
))H((awart vñ Hagene  zesamne warn chom/en
2128,2
er mohte wnder chiesen  ders hete war genom/en\
2128,3
div swert genote vielen  den rechen an d/er\ hant
2128,4
Hawart mvose ersterben  von dem vz Bvrgonde lant

2129,1
Die Durigen vñ die Tenen  ir herren sahen tot
2129,2
do hvop sich vor dem hvose  ein vil grimmiv not
2129,3
ê si die tvr gewnnen  mit ellenthafter hant
2129,4
des wart da v/er\howen  vil manic helm vñ rant

2130,1
Wichet spra\ch do Volker  lat si her in gan
2130,2
ez ist svs vnv/er\endet  des si da habent wan
2130,3
si mvzen drinne ersterben  in vil chvrcer zit
2130,4
si arnent mit dem tode  daz in div kvnig/inne\ git

2131,1
Do die vb/er\mveten  chomen in den sal
2131,2
manigem wart daz hovbet  geneiget so zetal
2131,3
daz er mvse ersterben  von ir grimmen slegen
2131,4
wol streit d/er\ chvne Gernot  sam tet ovch Giselher d/er\ degen

2132,1
))T((vsent vñ viere  die chomen dar in
2132,2
die erzeigten drinne schiere  ir degenlichen sin
2132,3
si wrden von den gesten  alle zehant erslagen
2132,4
man mohte michel wnder  von den Burgonden sagen

2133,1
Dar nach wart ein stille  daz der schal v/er\doz
2133,2
daz blvot do allenthalben  dvrch div locher vloz
2133,3
vñ da zen rigelsteinen  von den chvnen man
2133,4
daz heten die von Rine  mit grozem ellen getan

2134,1
Do sazen ab/er\ rvowen  die chomen in daz lant
2134,2
ir schilde vnt wafen  si leiten von d/er\ hant
2134,3
do stvnt noch vor dem hvose  d/er\ chvne spilema/n\
2134,4
ob iemen zvo zin wolde  mit strite zvo dem sale gan

2135,1
Der chvnic klagte sere  sam tet ovch sin wip
2135,2
mægde vñ frowen  die qvelten ovch den lip
2135,3
ich wæne des daz hete  d/er\ tot vf si gesworn
2135,4
des wart noch vil d/er\ degene  von den gesten verlorn

[ Aventiure 35 ]
Auentv wie drie kvnige mit Ezele vñ mit <ir> swester vmbe die Svone reiten

2136,1
<)))))N(((((v> bindet abe die helme  sp/ra\ch do Hagene
2136,2
ia lazen wir den Hvnen  so vil ze chlagene
2136,3
daz si d/er\ hochgecite  v/er\gezzent nimm/er\ hie
2136,4
waz hilfet nv Chriemh'  daz si vns ze Rine niht enlie?

2137,1
Do entwaffent da dez hovbet  manic ritter gvot
2137,2
si sazen vf den veigen  die vor in in daz blvot
2137,3
waren in dem strite  mit dem tode chomen
2137,4
sit wart d/er\ Ezeln geste  vil vbel govme genomen

2138,1
Vor abendes zite  geschvof d/er\ kunic daz
2138,2
vñ ovch div kvniginne  daz iz v/er\svochten baz
2138,3
die hvnischen rechen  dvrch d/er\ geste leit
2138,4
des man an si gerte  die helde warens bereit

2139,1
Sich hvob ein stvrme herte  hier vz vñ ovch dar in
2139,2
Danchwart
Blatt 77r
2139,2
Hagenen brvoder  dvrch degenlichen sin
2139,3
sp/ra\nch vor sinen herren  zen vinden vz d/er\ <tvr>
2139,4
sich v/er\sahen sines todes  er chom gesunder wol dar fvor

2140,1
Der herte strit do werte  vnz iz div naht benam
2140,2
do werten sich die geste  als iz in wol gezam
2140,3
den Ezeln degenen  den svmerlangen tac
2140,4
hey waz noch d/er\ helede  vor in veige gelac!

2141,1
))Z((einen svnewenden  d/er\ groze mort geschach
2141,2
daz div kuniginne  ir hercenleit errach
2141,3
an ir næhsten mage/n\  vñ svs an manigem man
2141,4
da von d/er\ kvnec Ezele  vil manigen <siechchen> gewan

2142,1
Sine het d/er\ grozen slahte  also niht gedaht
2142,2
si het ez in ir ahte  vil gerne dar zvo brahte
2142,3
daz niwan Hagene aleine  den lip da hete lan
2142,4
do geschvof d/er\ vbel tivfel  deiz vb/er\ si alle mvose ergan

2143,1
In was des tages zerrvnnen  do gie in sorgen not
2143,2
si gedahten daz in bezzer  wær ein kurcer tot
2143,3
denne lange da ze qvelne  vf vngefvegiv leit
2143,4
eins vrides si do gerten  die stolzen ritt/er\ gemeit

2144,1
Si baten daz man bræhte  Ezelen dar
2144,2
die blvotvarwen degene  vñ schone harnasch var
2144,3
traten vz dem hvse  die drie kvnige her
2144,4
sine wessen wem ze klagene  div ir vil grozlichen ser

2145,1
))E((zel vñ Chriemh'  die chomen beide dar
2145,2
daz lant daz was ir eigen  des merte sich ir schar
2145,3
er sp/ra\ch zv den kunige/n\  sagt waz welt ir min?
2145,4
ir wênet vride gewinnen  daz chvnde mvelich gesin

2146,1
vf schaden also grozen  als ir mir habt getan
2146,2
irn svltes niht geniezen  sol ich min lebn han
2146,3
min kint daz ir mir slvoget  vnde vil d/er\ mage min!
2146,4
des ensol mit sime lebene  iwer deheiner chom/en\ hin

2147,1
Des antwrte Gvnth/er\  des twanch vns starchiv not
2147,2
allez min gesinde  lac von den dinen tot
2147,3
an den herbergen  wie het ich daz v/er\solt?
2147,4
ich chom zv dir vf triwe  vñ wande daz dv mir wærest holt

2148,1
Do sp/ra\ch von Bvrgonden  Giselher daz kint  
2148,2
ir Ezeln rechen  die noch hie lebende sint
2148,3
waz wizet ir mir degene?  waz han ich iv getan?
2148,4
wande ich vil minnekliche  in dizze lant geriten han

2149,1
Si sp/ra\chen diner gvete  ist al div bvrch vol
2149,2
mit iamer zv dem lande  ia gvnden wir dir wol
2149,3
daz dv nie chomen wærest  von Wormez vb/er\ Rin
2149,4
diz lant ist gar v/er\weiset  von dir vñ ovch den magen din

2150,1
))D((o sp/ra\ch in zornes mvote  Gvnther d/er\ degen
2150,2
welt ir dizze starchez hazzen  zeiner svone legen
2150,3
mit vns vil ellenden  deist beidenthalben gvot
2150,4
ez ist gar ane schulde  swaz vns Ezele getvot

2151,1
))D((o sp/ra\ch d/er\ wirt zen gesten  min uñ iw/er\ leit
2151,2
div sint
Blatt 77v
2151,2
vil vngeliche  div michel arebeit
2151,3
des scaden zv den schanden  die ich han genom/en\
2151,4
des sol iv deheiner  mit dem libe hinnen chom/en\

2152,1
Do sp/ra\ch zv dem kunige  Gernot d/er\ hochgemvot
2152,2
so sol iv got gebieten  daz ir wol tvot
2152,3
wichet von dem hvose  vñ lat vns zvo ziv gan
2152,4
sit wir zv dem lebene  haben also chleinen wan

2153,1
Swaz vns geschehn chvenne  daz lazet chvrz ergan
2153,2
ir habt so vil gesvnd/r\  vñ tvrrens vns bestan
2153,3
daz si vns stvrmen mvede  lazent niht genesen
2153,4
sit daz ist vnwendech  wir mvzen hie v/er\derbet wesen

2154,1
Die Ezeln rechen  die heten ez nach getan
2154,2
<daz> si se vz dem hvse  wolden lazen gan
2154,3
do daz gehorte Chriemh'  ez was ir grimme leit
2154,4
des wart den ellenden  do d/er\ vride widerseit

2155,1
Neina Hvnen rechen!  des ir da habet mvot
2155,2
ich rat an rehten triwen  daz ir des niene tvot
2155,3
daz ir die mortrechen  iht lazet fvr den sal
2155,4
so mvsen iw/er\ frivnde  liden totlichen val

2156,1
Ob ir nv niem/en\ lebte  niwan div voten kint
2156,2
die minen edeln brved/er\  vñ chomens an den wint
2156,3
erchvlten in die ringe  so sit ir <alle> v/er\lorn
2156,4
ez enwrden chvner degene  nie zer werlde geborn

2157,1
))D((o sp/ra\ch d/er\ herre Giselher  vil liebiv swester min
2157,2
wie mohte ich des getrowen  do dv mich vb/er\ Rin
2157,3
so mi/n\neklichen ladetes  her in dizze lant
2157,4
daz mir so grozer chumber  solde werden hie bechant?

2158,1
Ich was dir ie get/ri\we  nie getet ich dir leit
2158,2
vf solhen gedingen  ich her ze hove reit
2158,3
daz dv min frivnt wærest  vil edeliv swester min
2158,4
begench an vns genade  sit ez niht and/ers\ kan gesin

2159,1
Ine mag iv niht genaden  vngenade ich han
2159,2
mir hat von Tronege Hagene  so leide getan
2159,3
da heime vñ hie ze lande  slvoger mir min kint  
2159,4
des mvzen sere engelten  die mit iv da her chom/en\ sint

2160,1
Welt ab/er\ ir mir ze gisel  den min vint geben
2160,2
sone wil ichz niht v/er\sprechen  ichn welle ivch lazen leben
2160,3
wan ir sit min brvod/er\  vñ einer mvoter chint
2160,4
so rede ihz zeiner svone  mit disen rechen die hie sint

2161,1
Nvne welle got von himele  sp/ra\ch do Gernot
2161,2
ob vnser tvsent wæren  wir legen alle tot
2161,3
d/er\ sippen diner mage  ê wir dir einen man
2161,4
gæben hie ze gisel  ez wirdet nimmer getan

2162,1
Wir mvesen doch ersterben  sp/ra\ch do Giselher
2162,2
vns enscheidet niemen  von ritterlicher wer
2162,3
swer gerne mit vns strite  wir sin et ab/er\ hie
2162,4
wande ich d/er\ minen frivnde  an triwen nie deheinen lie

2163,1
))D((o sp/ra\ch d/er\ chvene Danchwart  fvr die degene
Blatt 78r
2163,2
iane stet noh niht eine  min brvod/er\ Hagene
2163,3
die hie den vride v/er\sprechent  ez mag in werden leit
2163,4
des bringen wir ivch innen  daz si iv wêrlich geseit

2164,1
Do sp/ra\ch div kvnig/inne\  ir helde vil gemeit
2164,2
nv get d/er\ stiegen naher  vñ rechet vnser leit
2164,3
daz wil ich immer dienen  als ich von rehte sol
2164,4
d/er\ Hagen/en\ vb/er\mvete  d/er\ gelon ich im wol

2165,1
Springet zv dem hvse  ir rechen vb/er\ al
2165,2
so heiz ich vieren enden  zvnden an den sal
2165,3
so werdent wol errochen  elliv vnser leit
2165,4
die Ezelen degene  die wrden schiere bereit

2166,1
Die noch hier vzen stvnden  die triben si dar in
2166,2
mit slegen vñ mit schvzzen  wid/er\ in den palas hin
2166,3
sich wolden nie gescheiden  die fursten vñ ir man
2166,4
sine mohten von ir triwen  niht ein and/er\ verlan

2167,1
))D((en sal hiez do zvnden  daz Ezeln wip
2167,2
do qvelte man den rechen  mit fivre da den lip
2167,3
daz hvos von einem winde  mit chraft vil hohe enbran
2167,4
ich wæn ie volch deheinez  grozer angest mer gewan

2168,1
Genvge rvften drinne  owe dirre not!
2168,2
wir mohten michel gerner  sin in stvrme tot
2168,3
daz mvze got erbarmen  wie vlisen wir den lip!
2168,4
nv richet vngefvoge  ir zorn an vns des kvniges wip

2169,1
Ir einer sp/ra\ch dar inne  wir mvzen ligen tot
2169,2
vor rovche vñ ovch vor hizze  deist ein gri/m\miv not
2169,3
mir tvot vor starcher hizze  d/er\ dvrst so rehte we  
2169,4
des <wen> min leben schiere  in disen sorgen zerge

2170,1
Do sp/ra\ch von Tronege Hagene  ir edeln ritt/er\ gvot
2170,2
swen d/er\ dvrste nv twinge  d/er\ tri/n\che hie daz blvot
2170,3
daz ist in solhen noten  noch bezzer danne win
2170,4
fvr trinchen vñ fvr spise  kan niht and/er\s nv gesin

2171,1
))D((o gie d/er\ rechen einer  do er einen toten vant
2171,2
er kniet im zv d/er\ wnden  den helm er abe gebant
2171,3
do begvnd/er\ trinchen  daz vliezende blvot
2171,4
swie vngewon er des wære  ez dvhte in groezlichen gvot

2172,1
Nv lon iv got von himele  sp/ra\ch d/er\ mvde man
2172,2
daz ich von ivrem rate  so wol getrvnchen han
2172,3
mir ist geschenchet selten  dehein bezzer win
2172,4
leb ich deheine wile  ich sol ez dienende sin

2173,1
Do dand/er\n daz gehorten  daz ez in dvhte gvot
2173,2
do wart ir michel mere  die trvnchen ovch daz blvot
2173,3
da von begunde chreften  d/er\ gvten rechen lip
2173,4
des engalt an lieben frivnden  sit vil manic schone wip

2174,1
Daz fivr <viel> genote  zvo zin in den sal
2174,2
do leitten siz mit schilden  von in hin zetal
2174,3
d/er\ rovch vñ ovch div hizze  in beidiv taten we
2174,4
ia wæn ez an heleden  d/er\ iam/er\ imm/er\ mer erge

2175,1
Do sp/ra\ch von Tronege Hagene  stet zv des sales want
2175,2
lat niht die
Blatt 78v
2175,2
brende vallen  vf iw/er\ helmbant
2175,3
vñ tret si mit den fvzen  tieferin daz blvot
2175,4
ez ist ein vbel hochgecit  die vns div kvneginne tvot

2176,1
))I((n svs getanen leiden  in iedoch d/er\ naht zerran
2176,2
noch stvnden vor dem hvse  die zwene chvne man
2176,3
Volker vñ Hagene  geleinet vb/er\ rant
2176,4
si hvten ir gesindes  vzer Burgonden lant

2177,1
Die geste half daz sere  daz d/er\ sal gewelbet was
2177,2
da von ir deste mere  in d/er\ not genas
2177,3
wan daz si zen venster/n\  von fivre liten not
2177,4
do nerten sich die degene  als in ir ellen daz gebot

2178,1
Do sp/ra\ch d/er\ videlære  nv ge wir in den sal
2178,2
so wellent die Hvnen  wenen vb/er\ al
2178,3
wir sin in not erstorben  div an vns ist getan
2178,4
si sehent vns begegene  noch ir eteslichen gan

2179,1
Do sp/ra\ch von Bvrgonden  Giselh/er\ daz kint
2179,2
ich wæn ez tagen welle  sich hebt ein chveler wint
2179,3
nv laze vns got von himele  noch lieb/er\ cit geleben
2179,4
vns hat min swest/er\ Chriemh'  ein arge hochgecite gegebn

2180,1
Do sp/ra\ch ab/er\ einer  ich chivse nv den tac
2180,2
sit daz ez vns bezzer  wesn nine mac
2180,3
so bereitet ir ivch rechen  ze strite deist vns not
2180,4
wir chom/en\ doch nimm/er\ hinnen  daz wir mit eren ligen tot

2181,1
))D((er chvnich wolde wænen  die geste wæren tot
2181,2
vñ ovch div kunig/inne\  von des fivres not
2181,3
do lebt ir noch dar inne  sehs hundert chvner man
2181,4
daz nie kunec deheiner  bezzer degene gewan

2182,1
Der ellenden hvote  hete wol ersehen
2182,2
daz noch die geste lebten  swie vil in was geschehen
2182,3
ze schaden vñ ze leide  den kvnigen vñ ir man
2182,4
man sah ir noch genvoge  vil wol <gesunt> dort inne stan

2183,1
Man sagt d/er\ kunig/inne\  ir wære vil genesen
2183,2
do sp/ra\ch div frowe here  daz enchvnde nimmer wesen
2183,3
<daz> ir deheiner lebte  in des fivres not
2183,4
ich wil des baz getrowen  daz si alle ligen tot

2184,1
Noch genæsen gerne  die fvrsten vñ ir man
2184,2
ob in iemen hæte  genade da getan
2184,3
den kunden si niht vinden  an den von Hvnen lant
2184,4
do rachen si ir sterben  mit vil willechlicher hant

2185,1
Vil frvo wid/er\ morgen  grvzen man in bot
2185,2
mit starchem vrlivge  des chomen helde in not
2185,3
do wart zvo zin geschozzin  vil manic scharpfer ger
2185,4
noch fvnden si dar inne  ze wer die reehen also her

2186,1
Dem Ezeln gesinde  erwegt was d/er\ mvot
2186,2
si wolden vaste dienen  daz Chriemh' gvot
2186,3
dar zv si wolden leisten  daz in d/er\ kvnec gebot
2186,4
des chom/en\ aber die degene  in vil angestliche not

2187,1
))U((on geheize vñ ovch von gabe  man mohte wnd/er\ sagen
2187,2
dar hi
Blatt 79r
2187,2
ez si golt daz rote  in den schilden tragen
2187,3
si gab ez sw/er\ sin rvochte  vnde ez wolde enpfan
2187,4
iane wart nie grozer solden  mer vf vinde getan

2188,1
Ein michel chraft d/er\ rechen  dar zv gewafent gie
2188,2
do sp/ra\ch d/er\ videlære  wir sin et aber hie
2188,3
ine gesach zem tode  nie helde gerner chom/en\
2188,4
die daz golt des kuniges  vns ze vare hant genomen

2189,1
Do riefen ir genvge  naher helede baz
2189,2
daz wir da svlen enden  vñ tvon bezite daz
2189,3
hie belibet niemen  wan doch d/er\ sterben sol
2189,4
do sahe man schiere ir schilde  stechen gerschvzze vol

2190,1
Waz inag ich sagen mere?  wol zwelf hvnd/er\t man
2190,2
v/er\svhten ez vil sere  wid/er\ vñ dan
2190,3
do chvlten an den vinden  die geste wol ir mvot
2190,4
ez enmohte niem/en\ scheiden  des sah man vliezen daz blvot

2191,1
von verchtiefen wnden  d/er\ wart da vil geslagen
2191,2
do horte man genvoge  nach ir <frivnde/n\> chlagen
2191,3
die frvmen stvrben alle  dem richen kvnige her
2191,4
des heten holde mage  nach in iamer vñ ser

[ Aventiure 36 ]
Auentv wie Rvdeger erslagen wart

2192,1
<))))E((((z> heten die ellenden  wid/er\ morgen gvot getan
2192,2
wine d/er\ Gotelinde  chom ze hove gegan
2192,3
do sah er beidenthalben  div vngefvgen ser
2192,4
daz weinte innechliche  der <getriwe> Rvdeger

2193,1
Owe sp/ra\ch d/er\ reche  deich ie den lip gewan
2193,2
daz disen starchen iam/er\  chan niemen vnd/er\stan
2193,3
swie gern ihz vriden wolde  d/er\ kvnic entvot es niht
2193,4
wander der sinen leide  ie mere vñ mere geschiht

2194,1
Do sande an Diet/ri\chen  d/er\ gvte Rvdeger
2194,2
ob siz noch chunden wenden  an den kvnigen her
2194,3
do enbot im d/er\ von Berne  wer moht ez vnderstan?
2194,4
ezn wil d/er\ kunic Ezele  scheiden niemene lan

2195,1
))D((o sah ein Hvnen reche  Rvdegeren stan
2195,2
mit weinenden ovgen  vñ het des vil getan
2195,3
do sp/ra\ch zer kvnig/inne\  nv seht ir wie er stat
2195,4
d/er\ doch gewalt den meisten  bi iv vñ Ezeln hat

2196,1
vñ dem ez allez dienet  livt vñ ovch div lant
2196,2
wie ist so vil d/er\ bvrge  vñ d/er\ erbe an in gewant
2196,3
d/er\ er von dem kvnige  so vil gehaben mac!
2196,4
er geslvc in disen stvrmen  noch nie <lobeliche/n\> slac

2197,1
Mich dvnchet ern rvche  wie ez hie vmbe gat
2197,2
daz et er den vollen  nach sime willen hat
2197,3
man giht im er si chvener  danne iemen mvge sin
2197,4
daz ist in disen sorgen  worden boeseliche schin

2198,1
Mit trvrigem mvote  d/er\ vil getriwer man
2198,2
den er daz reden horte  d/er\ helt d/er\ blicht in an
2198,3
er daht dv solt ez arnen  dv gihest ich si v/er\zaget
Blatt 79v
2198,4
dv hast div dinen mære  ze hove ze lvte gesaget

2199,1
))D((ie fvost begvnder twingen  do lief er in an
2199,2
er slvoc so chreftechliche  den hvnischen ma/n\
2199,3
daz er im vor den fvzen  lac vil schiere tot
2199,4
do was ab/er\ gemeret  des kvnic Ezeln not

2200,1
Fvrd/er zage bose  sp/ra\ch do Rvdeger
2200,2
ich han doch genvoge  leit vñ ser
2200,3
daz ich hie niht enstrite  zwiv wizzestv mir daz?
2200,4
ia wær ih den gesten  grozlichen haz

2201,1
vñ allez daz ich mohte  daz het ich in getan
2201,2
niwan daz ich die degene  her gefvret han
2201,3
ich was ir geleitte  in mines herren lan
2201,4
des ensol mit in niht striten  min vil ellendes hant

2202,1
Do sp/ra\ch zem marcg/raven\  Ezel d/er\ kunec her
2202,2
wie habt ir vns geholfen  vil edel Rvdeg/er\?
2202,3
wan wir so vil d/er\ veigen  hie ze lande han
2202,4
wir bedorften ir niht mere  ir habt vil vbele getan

2203,1
Do sp/ra\ch d/er\ ritt/er\ edele  da beswart er mir den mvot
2203,2
vñ hat mir v/er\wizzen  ere vñ gvot
2203,3
des ich von dinen handen  habe so vil genomen
2203,4
daz ist dem lvgenære  ein teil vnstætelichen chomen

2204,1
))C((hriemh' saz bi Ezelen  div het ez ovch gesehen
2204,2
daz von des rechen zorne  dem Hvnen was geschehen
2204,3
si chleit iz vngefvge  ir ovgen warn naz
2204,4
si sp/ra\ch zvo Rvdegere  wie haben wir v/er\dienet daz

2205,1
daz ir mir uñ dem kvnige  meret vnser leit?
2205,2
nv habt ir vns doch Rvdeger  allez her geseit
2205,3
ir woldet durch vns wagen  die ere vñ ovch daz leben
2205,4
ich hort iv vil d/er\ rechen  den pris vil grozlichen gebn

2206,1
Ich man <ivch> d/er\ genaden  vñ ir mir habt geswarn
2206,2
do ir mir zvo Ezelen  her ze lande rietet varn
2206,3
daz ir mir woldet dienen  an vnser eines tot
2206,4
des enwart mir armen wibe  nie so grozliche not

2207,1
Daz ist ane lovgen  ich swor iv edel wip
2207,2
ich wolde dvrch ivch wagen  die ere vñ ovch den lip
2207,3
daz ich die sele vliese  des enhan ich niht gesworn
2207,4
ia braht ich her ze lande  die iw/er\n brvder wol geborn

2208,1
Si sp/ra\ch gedenche Rvdeg/er\  d/er\ grozen triwe/n\ din
2208,2
d/er\ stæte vñ ovch d/er\ eide  daz dv den schaden min
2208,3
immer woldest <reche/n\>  vñ elliv miniv leit
2208,4
des man ich dich hivte  degen chvne vñ gemeit

2209,1
))E((zele der riche  vlegen ovch began
2209,2
do bvten si sich beide  ze fvzen fvr den man
2209,3
den gvten marcg/raven  trvren man do sach
2209,4
d/er vil get/ri\we reche  harte iæmerlichen sp/ra\ch

2210,1
Owe mir gotes armen  sp/ra\ch d/er\ get/ri\we man
2210,2
aller miner eren  d/er\ mvoz ich ab stan
2210,3
triwen vñ zvhte  d/er\ got an mir gebot
2210,4
vil richer got von himele  daz mihs wendet niht d/er\ tot!

2211,1
Swelhez ich nv laze  vñ daz and/er\ began
2211,2
so han ich bosliche  vñ vbel getan
2211,3
laz ab/er\
Blatt 80r
2211,3
ih si beide  mich schiltet elliv diet
2211,4
nv rvche mich bewisen  d/er\ mir ze lebene geriet

2212,1
Do baten si genote  d/er\ kunic vñ ovch sin wip
2212,2
des mvsen sid/er\ degene  v/er\liesen den lip
2212,3
vor Rvdegeres handen  da ovch d/er\ helt erstarp
2212,4
ir mvget daz balde horen  daz er vil iæm/er\lichen warp

2213,1
Er wiste schaden gewinnen  vñ vngefvgiv leit
2213,2
er het dem kunige  vil gerne v/er\seit
2213,3
vñ ovch d/er\ kvnig/inne\  vil ser vorht er daz
2213,4
ob er ir einen slvege  daz im div werlt trvge haz

2214,1
Do sp/ra\ch d/er\ marcg/rave\ Rvdeger  d/er\ chvne man
2214,2
her chvnic nv nemt hin widere  al daz ich von iv han
2214,3
lant vñ burge  des sol mir niht besten
2214,4
ich wil vf minen fvzen  in daz ellende gen

2215,1
Alles gvtes ane  so rvom ich iv div lant
2215,2
min wip vñ mine tohter  nim ich an mine hant
2215,3
ê daz ich ane triwe  beliben mvse tot
2215,4
ich het genom/en\ vbele  iw/er golt also rot

2216,1
))D((o sp/ra\ch der kunic Ezele  wer hvlfe danne mir?
2216,2
daz lant zvo den bvrgen  daz gib ich allez dir
2216,3
daz dv mich rechest Rvdeg/er\  an den vinden min
2216,4
dv solt ein kvnic gewaltech  benebn mime libe sin

2217,1
Do sp/ra\ch ab/er\ Rvdeg/er\  wie sol ihz ane van?
2217,2
heim ze mime hvose  ich si geladet han
2217,3
trinchen vñ spise  ich in mit triwen bot
2217,4
vñ gab in mine gabe  sol ich si dar zvo slahen tot?

2218,1
Die lvte wænent lihte  daz ich si v/er\zaget
2218,2
deheinen minen dienest  han ich in wid/er\saget
2218,3
solde ich nv mit in striten  daz wære missetan
2218,4
so rowe mich div frivntschaft  die ich mit in geworben han

2219,1
Giselh/er\ dem degene  gab ich die toht/er\ min
2219,2
sine chvnde in dirre werlde  niht baz v/er\wendet sin
2219,3
vf zvht vñ ovch vf ere  vf triwe vñ ovch vf gvot
2219,4
ine gesach nie kunec so ivngen  so rehte tvgentlich gemvot

2220,1
Do sp/ra\ch ab/er\ Chriemh'  vil edel Rvdeger
2220,2
nv la dich erbarmen  vnser beid/er\ ser
2220,3
min vñ ovch des kuniges  gedenche wol dar an
2220,4
daz nie wirt deheiner  so leide geste gewan

2221,1
Do sp/ra\c d/er\ marcg/rave\  wid/er\ daz edel wip
2221,2
ez mvz noch hivte gelten  d/er\ Rvdeg/eres\ lip
2221,3
swaz ir vñ ovch min herre  mir liebes habt getan
2221,4
dar vmbe mvz ich sterben  ez mac niht langer nv gestan

2222,1
<Ich> weiz wol daz noch hivte  mine burge vñ miniv lant
2222,2
iv ledech mvzen werden  von ir etesliches hant
2222,3
ich bevilhe iv vf genade  min wip vñ min chint
2222,4
vñ die vil ellenden  die da zen Bechelaren sint

2223,1
))N((v lon dir got Rvdeg/er\  sp/ra\ch d/er\ kunic do
2223,2
er vñ div kvnig/inne\  si wrden beidiv vro
2223,3
vns svln dine lvte  vil wol bevolhen wesen
2223,4
ovch getrowe ich mime heile  daz dv maht selbe wol genesen

2224,1
Do liez er an die wâge  die sele vñ ovch den lip
2224,2
do begunde weinen  daz
Blatt 80v
2224,2
Ezeln wip
2224,3
er sp/ra\ch ich wil iv leisten  als ich gelobet han
2224,4
owe d/er\ minen frivnde  die ich leid/er\ mvoz bestan

2225,1
Man sah in von dem kvnige  in starchen riwen gen
2225,2
do sah er siner rechen  ein teil da nahen sten
2225,3
er sp/ra\ch ir svlt ivch wafen  alle mine man
2225,4
die chvnen Burgonden  mvz ich nv leider bestan

2226,1
Do brahte man den rechen  ir gewæfen al zehant
2226,2
ez der helm wære  vñ ovch des schildes rant
2226,3
von ir <ingesinde>  wart ez in dar getragen
2226,4
sit horten leidiv mære  die chvnen ellenden sagen

2227,1
))G((ewafent wart do Rvdeger  mit fvnfhvndert man
2227,2
dar vb/er\ zwelf rechen  ze helf er ovch gewan
2227,3
die wolden pris erwerben  in des stvrmes not
2227,4
sine wisten niht d/er\ mære  daz so nahte d/er\ tot

2228,1
Do sah man Rvdeg/er\e  vnd/er\ helme gan
2228,2
ez trvgen swert div scharpfen  des marcg/raven\ man
2228,3
vñ dar zv vor ir handen  die liehten schilde breit
2228,4
daz sach d/er\ videlære  ez was im ane maze leit

2229,1
Ovch sach d/er\ ivnge Giselh/er\  sine/n\ sweher gen
2229,2
mit vf gebvndem helme  wie mohter do v/er\sten
2229,3
waz er da mite meinte  niwan allez gvot?
2229,4
des wart d/er\ kvnic edele  von hercen vrolich gemvot

2230,1
Nv wol mich solher frivnde  sp/ra\ch Giselh/er\ d/er\ degn
2230,2
die wir han gewnnen  her vf disen wegn
2230,3
wir svln mines wibes  vil wol geniezen hie
2230,4
mir ist liep vf mine triwe  daz ie d/er\ hyrat ergie

2231,1
Ine weiz wes ir ivh troestet  sp/ra\ch do d/er\ spileman
2231,2
wa gesaliet ir ie dvrch svne  so manigen rechen gan
2231,3
mit vf gebvnden helmen  die trvegen swert enhant?
2231,4
an vns wil dienen  Rvdeg/er\  sine burge vñ siniv lant

2232,1
Bedaz d/er\ videlære  die rede vol sp/ra\ch
2232,2
den gvten marcg/raven\  man vor dem hvse sach
2232,3
sinen schilt den gvten  sazter fvr den fvoz  
2232,4
do mvser den gesten  v/er\sagen dienest vñ grvoz

2233,1
))D((er edel marcg/rave\  rief hin vf zehant
2233,2
nv wert ivch edeln <reche/n\>  von Burgonden lant
2233,3
ir soldet min geniezen  ir engeltet leid/er\ min
2233,4
ê do waren wir gefrivnde  nv mvz ich iw/er\ vient sin

2234,1
Do erschracten dirre mære  die nothaften man
2234,2
in was der trost enpfallen  den si da wanden han
2234,3
do mit in wolde striten  dem si da warn holt
2234,4
si heten doh von vienden  vil michel arebeit gedolt

2235,1
Nvne welle got von himele  sp/ra\ch Gvnther d/er\ degen
2235,2
daz ir ivch svlt genaden  noch an vns bewegen
2235,3
vñ d/er\ vil grozen triwe  d/er\ wir doch heten mvot
2235,4
ich wil iv des baz getrowen  daz ir ez nimmer getvot

2236,1
Ine mages niht gelazen  sp/ra\ch do d/er\ chvene man
2236,2
ich mvoz mit iv striten  wande ihz gelobet han
2236,3
nv wert ivch chvnen degene  so lieb iv si d/er\ lip
2236,4
mich enwoldes niht erlazen  des
Blatt 81r
2236,4
kvnec Ezeln wip

2237,1
Ir wid/er\saget vns nv ze spate  sp/ra\ch do d/er\ chunic her
2237,2
nv mvez iv golt v/er\gelten  vil edel Rvedeger
2237,3
triwe vñ minne  die ir vns habt getan
2237,4
ob irz an dem ende  woldet minneklicher lan

2238,1
Wir soldenz imm/er\ dienen  daz ir vns habt gegebn
2238,2
ich vñ mine mage  ob ir vns liezet leben
2238,3
die herlichen gabe  do ir vñ iw/er\ man
2238,4
vns fvrtet frivntliche  zvo dirre hochgezite dan

2239,1
))W((ie wol ich iv des gvnde  sp/ra\ch Rvdeger d/er\ degen
2239,2
daz ich iv mine gabe  noch diche solde wegen
2239,3
mit vollen willechliche  als ich des hete wan
2239,4
sone wrde mir dar vmbe  nimm/er\ schelten getan

2240,1
Erwindet edel Rvdeg/er\  sp/ra\ch do Gernot
2240,2
wandez wirt deheiner  gesten nie erbot
2240,3
so rehte minnekliche  als ir vns habt getan
2240,4
des svlt ir wol geniezen  ob wir bi lebene bestan

2241,1
Daz wolde got sp/ra\ch Rvdeger  vil edel Gernot
2241,2
daz ir ze Rine wæret  vñ ich wære tot
2241,3
mit etelichen eren  sit ich ivch sol bestan
2241,4
ez enwart noch nie an degenen  wirs von frivnden getan

2242,1
Nv lon iv got her Rvdeger  sp/ra\ch ab/er\ Gernot
2242,2
die vil richen gabe  mich riwet iw/er\ tot
2242,3
sol an iv v/er\terben  so tvgentlicher mvot
2242,4
ich trage hie iwer wafen  daz ir mir gabet helet gvot

2243,1
Daz ist mir nie geswichen  in aller dirre not
2243,2
vnd/er\ sinen ecken  lit manic ritt/er\ tot
2243,3
ez ist lvoter vñ stæte  herlich uñ gvot
2243,4
ich wæn so riche gabe  ein reche nimm/er\ mer getvot

2244,1
Vñ welt ir niht erwinden  irn wellet zvo zvns gan
2244,2
slaht ir mir iht d/er\ frivnde  die ich noch hinne han
2244,3
mit iw/er\ selbes swerte  nim ich iv den lip
2244,4
so riwet ir mich Rvdeg/er\  vñ herlichez wip

2245,1
))D((az wolde got her Gernot  vñ moehte daz ergan
2245,2
daz aller iw/er\ wille  wære hie getan
2245,3
vñ daz genesn wære  iw/er\ frivnde lip
2245,4
iv sol vil wol getrowen  bediv min toht/er\ vñ min wip

2246,1
Des antwrt im Giselher  d/er\ edeln voten kint
2246,2
wie tvot ir so her Rvdeger?  die mit mir chomen sint
2246,3
si sint iv alle wæge  ir grifet vbel zvo
2246,4
die iwern schonen tohter  welt ir v/er\witewen ze frvo

2247,1
Swenne ir vñ iw/er\ rechen  mit strite mich bestat
2247,2
wie <rehte> vnfrivntliche  ir daz schinen lat
2247,3
daz ich iv wol getrowe  fver and/er\ alle man
2247,4
da von ich zeinem wibe  iw/er\ tohter mir gewan

2248,1
Gedenchet iwer triwe  vil edel kunich her
2248,2
gesende ivch got fon hinnen  so sp/ra\ch Rvdeg/er\  
2248,3
lat die ivncfrowen  niht engelten min
2248,4
dvrch aller fvrsten tvgende  so rvochet ir genædich sin

2249,1
Daz tæt ich wol von schulden  sp/ra\ch Giselh/er\ daz kint
2249,2
die edeln mine mage  die noch hier inne sint
2249,3
svln die von iv ersterben  so mvoz gescheiden
Blatt 81v
2249,3
sin
2249,4
div vil stæte frivntschaft  zvo ziv vñ ovch dem wibe min

2250,1
))N((v mvez vns got genaden  sp/ra\ch do d/er\ chvne man
2250,2
do hvben si die schilde  also si wolden dan
2250,3
striten zv den gesten  in Chriemh' sal
2250,4
do rief vil lvote Hagene  von der stiegen hin zetal

2251,1
Belibet eine wile  vil edel Rvdeg/er\
2251,2
also sp/ra\ch do Hagene  wir wolden reden mer
2251,3
ich vñ mine h/er\ren  des vns twinget not
2251,4
waz mac gefrvmen Ezeln  vnser ellenden tot?

2252,1
Ich stan in grozen sorgen  vil edel fvrste milt
2252,2
mir gab div marcg/ravinne\  disen richen schilt
2252,3
den habent mir die Hvnen  zerhowen vor d/er\ hant
2252,4
ich fvrt in minneklichen  her in Ezelen lant

2253,1
Daz wolde got von himele  sp/ra\ch ab/er\ Hagene
2253,2
vnt het ich schilt so gvten  hie ze tragene
2253,3
also dv hast vor hende  vil edel Rvdeger
2253,4
sone gerte ich hie zen Hvnen  deheiner <halsp/er\ge> mer

2254,1
))V((il gern wær ich dir gvot  mit mime schilde
2254,2
torst ich diren gebieten  vor Chriemh'
2254,3
doch nim dv in hin Hagene  vñ trag in vor d/er\ hant
2254,4
hey soldestv in fveren  in d/er\ <Burgonde/n\> lant!

2255,1
Do er im so willechliche  den schilt ze gebne bot
2255,2
do wart genvger ovgen  von weinen harte rot
2255,3
ez was div leste gabe  die sid/er\ immer mer
2255,4
gebot deheime degene  von Bechelaren Rvdeger

2256,1
Swie grimme Hagene wære  vñ swie herte gemvot
2256,2
doch erbarmet in div gabe  die d/er\ helt gvot
2256,3
bi sinen lesten citen  so nahe hete getan
2256,4
vil manic ritter edele  mit im trvren began

2257,1
Nv lon iv got von himele  vil edel Rvdeger
2257,2
ez wirt iw/er\ geliche  deheiner nimm/er\ mer
2257,3
d/er ellenden rechen  so miltechlichen gebe
2257,4
got sol daz gebieten  daz iw/er\ tvgent imm/er\ lebe

2258,1
Nv lon ich iv d/er\ gabe  sp/ra\ch Hagene d/er\ degen
2258,2
daz ich mich alles vbeles  wil gein iv bewegen
2258,3
daz nimm/er\ ivch gerveret  in strite hie min hant
2258,4
ob ir si alle slvget  die von Bvrgonden lant

2259,1
Des neig im do mit zvehten  d/er\ marcg/rave\ her
2259,2
die lvte weinten alle  daz disiv starchen ser
2259,3
niemen scheiden chvnde  daz was ein michel not
2259,4
vater aller tvgende  lag an Rvdegere tot

2260,1
Do sp/ra\ch ovch von dem hvose  Volker d/er\ spileman
2260,2
sit min geselle Hagene  den vride hat getan
2260,3
den svlt ir also stæte  han von miner hant
2260,4
daz habt ir wol v/er\dienet  do wir chomen in daz lant

2261,1
Vil edeler marcg/rave\  ir svlt min bote sin
2261,2
dise roten bovge  gab mir div marg/ravin\
2261,3
daz ih si tragen solde  hie zer hochgecite
2261,4
daz han ich geleisten  daz ir min zivch des site

2262,1
))D((az wolde got von himele  sp/ra\ch do Rvdeg/er\
2262,2
daz iv div marcg/ravinne\  noch solde gebn mer
2262,3
div mære sage ich gerne  d/er\ trvtinne min
2262,4
vñ gesi
Blatt 82r
2262,4
he ich si gesvnde  des svlt ir ane zwivel sin

2263,1
Als er im daz gelobte  den schilt hvop Rvdeger
2263,2
des mvtes er irtobete  dane beit er da niht mer
2263,3
er lief vf zv den gesten  eiine rechen gelich
2263,4
manigen slac vil swinden  slvoc d/er\ marcg/ra\ve rich

2264,1
Die zwene wichen hoher  Volker vñ Hagene
2264,2
wandez im ê gelobten  die snellen degene
2264,3
noch vant er also chvnen  bi dem tvrne stan
2264,4
daz Rvdeger des strites  mit grozen sorgen began

2265,1
Dvrch mort rêchen willen  so liezen si in dar in
2265,2
Gvnther vñ Gernot  si heten helede sin
2265,3
Giselher stvnt vf hoher  ze ware ez was im leit
2265,4
er v/er\sach sich noch des lebenes  dar vmbe er Rvdegeren meit

2266,1
Do sprvngen zvo den vinden  des marcg/raven\ man
2266,2
man sah si degenliche  nach ir herren gan
2266,3
div vil scharpfen wafen  si trvgen an der hant
2266,4
des brast da vil d/er\ helme  vñ manic herlicher rant

2267,1
))D((o slvgen die vil mvden  manigen swinden slac
2267,2
den von Bechelaren  d/er\ ebene gelach
2267,3
dvrch die liehten ringe  vaste vnz vf daz verch
2267,4
si frvmten in dem stvrme  div vil herlichen werch

2268,1
Daz edel ingesinde  was chomen gar dar in
2268,2
Volker vñ Hagene  die sprunge/n\ balde hin
2268,3
sine gaben vride niemen  wan dem einem man
2268,4
von ir beid/er\ hande  daz blvot dvrch helme nid/er\ ran

2269,1
Wie rehte gremliche  vil swerte drinne erchlanc!
2269,2
vil d/er\ schildes spangen  vz den slegen sp/ra\nch
2269,3
des reise ir schiltgesteine  v/er\howen in daz blvot
2269,4
si vahten also grimme  daz man ez nimm/er\ mer getvot

2270,1
Der vogt von Bechelaren  gie wid/er\ vñ dan
2270,2
also d/er\ mit ellen  in stvrme werben chan
2270,3
dem tet des tages Rvedeg/er\  mit strite wol gelich
2270,4
daz er ein degn wære  vil <chven> vñ ovch vil lobelich

2271,1
))H((ie stvnden dise zwene  Gunth/er\ vñ Gernot
2271,2
si slvogen in dem strite  vil manigen helt tot
2271,3
Giselher vñ Danchwart  die bede ez ringe wach
2271,4
des frvmten si vil manigen  vnz vf ir ivngesten tach

2272,1
Wol zeigte d/er\ marcg/rave\  daz er was starch genvoc
2272,2
chvene vñ wol gewafent  hey waz er helde slvoc!
2272,3
daz sach ein Burgonde  do dwang in zornes not
2272,4
da von begvnde nahen  des gvten Rvdeg/er\es tot

2273,1
Ez was d/er\ starche Gernot  den helt den rief er an
2273,2
er sp/ra\ch zem marcg/raven\  ir welt mir miner man
2273,3
niht genesen lazen  vil edel Rvdeg/er\
2273,4
daz mvet mich ane maze  ine chans niht an gesehn mer

2274,1
Nv mag iv iw/er\ gabe  wol ze schaden chomen
2274,2
sit ir min/er\ frivnde  mir habt so vil genom/en\
2274,3
nv wendet ivch her vmbe  vil edel chvene man
2274,4
iw/er\ gabe wirt v/er\dienet  so ich aller hohste kan

2275,1
E daz d/er\ marcg/rave\  vol zvo zim chome dar
2275,2
des mvsen liehte ringe  werden missevar
2275,3
do sprungen zvo
Blatt 82v
2275,3
zein and/er\  die ere gernde man
2275,4
ir ietewed/er\ schirmen  fvr starche wnden im began

2276,1
))I((r swert so scherpfe warn  ez enchunde niht gewegen
2276,2
do slvoc Gernoten  Rvdeg/er\ d/er\ degen
2276,3
dvrch helm vlins herten  daz nid/er\ vloz daz blvot
2276,4
daz v/er\galt im wol mit ellen  d/er\ ritter chven vñ gvot

2277,1
Die Rvdegers gabe  an hende er hohe erwach
2277,2
swie wnt er zem tode wære  er slg im einen slac
2277,3
dvrch sinen schilt gvten  vnz vf div helm gespan
2277,4
da von ersterben mvose  d/er\ schonen Gotelinde man

2278,1
lane wart nie wirs gelonet  so richer gabe mer
2278,2
do vielen bede erslagene  die rechen also her
2278,3
gelich in dem stvrme  von ir selber hant
2278,4
alrerst erzvrnede Hagene  do er den grozen schaden vant

2279,1
Do sp/ra\ch d/er\ helt von Tronege  ez ist vns vbel chomen
2279,2
wir haben an in beiden  so <starche/n\> schaden genom/en\
2279,3
den nimm/er\ vb/er\windent  ir lvte vñ ovch ir lant
2279,4
die Rvdeg/eres\ degene  die mvzen nv sin vnser pfant

2280,1
Dane wolde ir deheiner  dem and/er\n niht v/er\tragen
2280,2
vil manig/er\ ane wnden  dar nid/er\ wart geslagen
2280,3
d/er\ wol genesen wære  ob im wart solch gedranch
2280,4
swie gesunt er and/ers\ wære  d/er\ in dem blvot doch ertranch

2281,1
Owe mines brvder  d/er\ tot ist hie gefrvomt!
2281,2
waz wir d/er\ leiden mære  zallen citen chvomt
2281,3
ovch mvz mich imm/er\ riwen  min sweh/er\ Rvdeger
2281,4
d/er\ schade ist beidenthalben  vñ div vil groezlichen ser

2282,1
))D((o die rechen sahen  daz si beide waren <tot>
2282,2
. . . . . . . . . . . . . .  di mvsen liden not
2282,3
d/er\ tot d/er\ svochte sere  da sin gesinde was
2282,4
d/er\ von Bechelaren  ein/er\ langer niht genas

2283,1
Gvnth/er\ vñ Giselher  vñ ovch Hagene
2283,2
Danchwart vñ Volker  die gvten degene
2283,3
die giengen da si fvnden  ligen zwene man
2283,4
da wart von den heleden  mit iamer weinens vil getan

2284,1
Der tot vns sere rovbet  sp/ra\ch Giselh/er\ daz chint
2284,2
lazet iw/er\ weinen  vñ gen wir an den wint
2284,3
daz die ringe erchvelen  vns stvrme mvden man
2284,4
ia wæn vns <got> niht langer  nv daz lebn welle lan

2285,1
Den sizzen disen leinen  sah man da manigen degen
2285,2
si waren ab/er\ mvzich  da waren tot gelegen
2285,3
die Rvdegers helde  v/er\gangen was d/er\ doz
2285,4
so lange wert div stille  daz sin die kvniginne erdroz

2286,1
))O((we mir dirre swære  sp/ra\ch des kvniges wip
2286,2
si sp/ra\chent al ze lange  vnser viende lip
2286,3
mac nv wol vri beliben  vor Rvdegeres hant
2286,4
er wil si wid/er\ bringen  heim in d/er\ Bvrgonden lant

2287,1
Waz hilfet chunic Ezele  daz wir geteilet han
2287,2
mit im swaz er wolde?  d/er\ helt hat missetan
2287,3
d/er\ vns da solde rechen  d/er\ wil d/er\ svne pflegn
2287,4
des antwrt ir Volker  d/er\ vil zierliche degn

2288,1
Iane zimt niht reden vbele  deheines kvniges wip
2288,2
vñ torst ich heizen liegen  alsvs edel wip
2288,3
so het ir Rvdegere  vil vreislich an gelogen
2288,4
er vnt die
Blatt 83r
2288,4
sinen degene  sint an d/er\ svne gar betrogen

2289,1
Er tet so willechliche  daz im d/er\ kunic gebot
2289,2
daz er vñ sine gesinde  ist hie gelegen tot
2289,3
nv seht alvmbe Chriemh'  wem ir nv gebieten welt
2289,4
iv hat vnz vf den ende  gedienet Rvdeg/er\ der helt

2290,1
Welt ir des niht gelovben  man solz ivch sehn lan
2290,2
dvrch ir hercenleide  so wart daz getan
2290,3
man trvoch den helt v/er\howen  da in d/er\ kvnic ersach
2290,4
den Ezeln degenen  so rehteleide nie geschach

2291,1
Do si den marcg/raven\  sahen toten tragen
2291,2
ezn chunde ein schribêre  geprieven noch gesagen
2291,3
die manigen vngebære  d/er\ wib vñ man
2291,4
von ir hercen swære  al da bezeigen began

2292,1
Do wart d/er\ Ezeln iamer  so starch vñ also groz
2292,2
als eins lewen stimme  d/er\ riche kunic erdoz
2292,3
mit hercen leidem wofe  alsam tet ovch sin wip
2292,4
si chlageten vngefvge  des gvten Rvdegers lip

Fortsetzung: Aventiuren 37 - 38 (Str. 2294 - 2440)