Aventiuren 37 - 38

Auentv wie des h/er\ren Diet/ri\ches <reche/n\> alle wrd/e\n erslage/n\

2293,1

<)))))D(((((o> hort man allenthalben  iamer also groz

2293,2

daz palas vñ tvrne  von dem wofe erdoz

2293,3

do hort ez ovch von Berne  ein Dietriches man

2293,4

dvrch disiv starchen mære  wie balder gahen began!

2294,1

Do sp/ra\ch er zvo dem fvrsten  hort min her Dietrich

2294,2

swaz ich her gelebt han  so reht vnmvgelich

2294,3

gehort ich klage nie mere  als ich nv han v/er\nomen

2294,4

ich wæn d/er\ kunic Ezele  ist selbe zv dem schaden chomen

2295,1

Wie moehtens and/ers\ alle  haben solhe not?

2295,2

d/er\ chvnic od/er\ Chriemh'  ir einez daz ist tot

2295,3

von den chunen gesten  dvrch ir nit gelegen

2295,4

ez weinet harte sere  vil manic vz erwelter degen

2296,1

Do sp/ra\ch d/er\ helt von Berne  mine lieben man

2296,2

nvne gahet niht ze sere  swaz hie hant getan

2296,3

die ellenden rechen  des get in michel not

2296,4

vñ lat si des geniezen  daz ich in minen vride bot

2297,1

))D((o sp/ra\ch d/er\ chvne Wolfhart  ich wil dar gan

2297,2

vñ wil d/er\ mære vragen  waz si haben getan

2297,3

vñ wilz iv sagen denne  vil lieber herre min

2297,4

als ich ez rehte ervinde  waz div rede mvege sin

2298,1

Do sp/ra\ch d/er\ h/er\re Diet/ri\ch  swa man zornes sich v/er\siht

2298,2

ob vngefvgiv vrage  denne da gesiht

2298,3

daz betrvebet rechen  vil lihte danne ir mvot

2298,4

iane wil ich niht Wolfhart  daz ir die vrage da zin tvot

2299,1

Do hiez er Helpfrichen  vil balde dar gan

2299,2

vñ bat in daz ervinden  an Ezelen man

2299,3

oder an den gesten selben  waz wære da geschehn

2299,4

done het er nie von lvten  so grozer iamer mer gesehen

2300,1

Der bote vragte balde  waz ist hie getan?

2300,2

do seit man im div mære  da ist vil gar zergan

2300,3

swaz wir frevden heten  in d/er\ Hvnen lant

2300,4

hie lit erslagen Rvdeger  von d/er\ Bvrgonden hant

2301,1

Die mit im dar in chom/en\  d/er\ ist einer niht genesen

2301,2

done chunde Helpfriche  leid/er\ nimm/er\ wesn

2301,3

iane sagt er siniv mære  so reht vngerne nie

2301,4

d/er\ bote do hin wid/er\e  vil sere weinende gie

2302,1

))W((az habt ir vns erfvnden?  sp/ra\ch do Dietrich

2302,2

wie weinet ir so sere  degen Helpfrich?

2302,3

do sp/ra\ch d/er\ chvne reche  ich mac wol balde chlagen

2302,4

den gvten Rvdegere  hat vns her Gernot erslagen

2303,1

Do sp/ra\ch d/er\ helt von Berne  daz ensol niht wellen got

2303,2

daz wær ein starchiv rache  vñ ovch des tivfels spot

2303,3

wa mite hete Rvdeg/er\  an in daz v/er\scholt?

2303,4

ia ist mir daz wol chvende  er ist den Bvrgonden holt

2304,1

Do sp/ra\ch d/er\ chvene Wolfhart  vñ heten siz getan

2304,2

so solt ez in allen  an ir lebn gan

2304,3

ob wirz in v/er\trvgen  des wæren wir geschant

2304,4

ia hat vns vil gedienet  des gvten Rvdeg/eres\ hant

2305,1

Der vogt Amelunge  bat iz ervarn baz

2305,2

vil harte seneliche  er in venster saz

2305,3

do hiez er Hildebrande  zvo den gesten dan

2305,4

daz an in erfvnde  waz da wære getan

2306,1

))D((er stvrme chvne reche  meist/er\ Hildebrant

2306,2

wed/er\ schilt noch wafen  trvger an der hant

2306,3

er wolde in sinen zvhten  zv den gesten gan

2306,4

von siner swester chinde  wart im ein strafen getan

2307,1

Do sp/ra\ch d/er\ grimme Wolfhart  welt ir dar blozer gan

2307,2

sone mag ez ane ein schelten  nimm/er\ wol gestan

2307,3

so mvzet ir lasterliche  tvon die wid/er\vart

2307,4

ob ir dar chomet gewafent  daz eteslicher wol bewart

2308,1

Do garte sich d/er\ wise  d/vr\ch des tvmben rat

2308,2

e iz erfunde Hildeb/ra\nt  do waren in ir wat

2308,3

alle Diet/ri\ches rechen  vñ trvgen swert enhant

2308,4

dem helde was iz leide  vil gerne het erz erwant

2309,1

Er vragte war si wolden  wir wellen mit iv dar

2309,2

waz ob von Tronege Hagene  dest wirs getar

2309,3

gein iv mit spotte sprechen  des er chan wol gepflegen?

2309,4

do er die rede gehorte  da von gestattes in d/er\ degen

2310,1

))D((o sach d/er\ chvne Volker  wol gewafent gan

2310,2

die rechen vo/n\ Berne  die Diet/ri\ches man

2310,3

begvrtet mit den swerten  ir schilde vor der hant

2310,4

er sagtez sinen herren  vzer Bvrgonden lant

2311,1

Do sp/ra\ch der videlære  ich sihe dort her gan

2311,2

so rehte vientliche  die Diet/ri\ches man

2311,3

gewafent vnd/er\ helme  si wellent vns bestan

2311,4

mich nimt des michel wnder  waz wir den rechen haben getan

2312,1

In den selben ziten  chom ovch Hildebrant

2312,2

do sazter fvr die fvze  sinen schildes rant

2312,3

er begvnde vragen  die Gunth/eres\ man

2312,4

owe ir gvten degene  waz het iv Rvdeger getan?

2313,1

Mich hat min herre Diet/ri\ch  her zv ziv gesant

2313,2

ob erslagen hete  iw/er\ deheines hant

2313,3

den edeln marcg/raven\  als vns ist geseit

2313,4

wir

2313,4

enchvnden vb/er\winden  niht div groezlichen leit

2314,1

))D((o sp/ra\ch d/er\ grimme Hagene  daz mære ist vngelogen

2314,2

wie wol ich iv des gvnde  het ivch d/er\ bot betrogen

2314,3

dvrch Rvdegeres liebe  daz lebte noch sin lip

2314,4

den immer mvgen weinen  bediv man vñ ovch div wip

2315,1

Do si daz rehte erhorten  daz er wære tot

2315,2

do chlagten in die degene  ir triwe in daz gebot

2315,3

den Diet/ri\ches mannen  sah man træhene gan

2315,4

vb/er\ bærte vñ vb/er\ chinne  in was vil leide getan

2316,1

Der herzoge vzer Berne  Sigestap do sp/ra\ch

2316,2

nv hat gar ein ende  genom/en\ d/er\ gemach

2316,3

den vns ie fvogte Rvdeger  nach vnser leide tagen

2316,4

frevde ellend/er\ diete  lit von iv degenen erslagen

2317,1

Do sp/ra\ch von Amelvngen  d/er\ degen <Wlfwin>  

2317,2

vñ ob ich hivte sæhe  tot den vater min

2317,3

mir en wrde nimm/er\ leider  denne vmbe sinen lip

2317,4

owe wer sol nv troesten  des gvten marcg/ra\ven wip?

2318,1

))D((o sp/ra\ch in zornes mvote  d/er\ chvene Wolfhart

2318,2

wer wiset nv die rechen  so manige hervart

2318,3

also d/er\ marcg/rave\  vil diche hat getan?

2318,4

owe vil edel Rvdeg/er\  deich dinen tot gelebt han!

2319,1

Wolfprant vñ Helpfrich  vñ Helmnot

2319,2

mit allen ir frivnden  si weinten sinen tot

2319,3

vor svften mohte vragen  niht mer Hildebrant

2319,4

er sp/ra\ch nv tvot ir degene  dar nach min herre hat gesant

2320,1

Gebt vns Rvdegeren  so toten vz dem sal

2320,2

an dem gar mit iamer  lit vnser vrevden val

2320,3

vñ lat vns an im dienen  daz er ie hat began

2320,4

an vns vil grozer triwen  vñ ovch an manigem vremden man

2321,1

Wir sin ovch ellende  als Rvdeg/er\ d/er\ degen

2321,2

wes lazet ir vns biten?  lat in vns after wegen

2321,3

tragen daz wir nach tode  lonen noch dem man

2321,4

wir hetenz pillicher  bi sime lebene getan

2322,1

))D((o sp/ra\ch d/er\ kunec Gvnth/er\  nie dienest wart so gvot

2322,2

den ein frivnt frivnde  so nach tode tvot

2322,3

daz heiz ich stæte triwe  swer die chan began

2322,4

ir lonet im von schulden  wander iv liebe hat getan

2323,1

Wie lange svln wir vlegen?  sp/ra\ch Wolfhart d/er\ degen

2323,2

sit vnser trost d/er\ beste  ist von iv tot belegen

2323,3

vñ wir sin leid/er\ mere  mvgen niht gehaben

2323,4

lat in vns tragen hinnen  da wir den rechen begraben

2324,1

Des antwrt Volker  niem/en\ in iv git

2324,2

nemt in in dem hvse  da d/er\ degen lit

2324,3

mit sinen tiefen wnden  gevallen in daz blvot

2324,4

so ist ez ein voller dienest  den ir hie Rvdegere tvot

2325,1

Do sp/ra\ch der chvne Wolfhart  lat sin her spileman

2325,2

irn dvrfet vns niht reizen  ir habt vns leit getan

2325,3

toerst ich vor mime herren  so chomt irs in not

2325,4

des mvzen wir ez lazen  wan er vns strit mit iv v/er\bot

2326,1

))D((o sp/ra\ch d/er\

2326,1

videlære  d/er\ vorht ist gar ze vil

2326,2

swaz im v/er\bivtet  d/er\z allez lazen wil

2326,3

daz enchan ich niht geheizen  rehten heldes mvot

2326,4

div rede dvhte Hagenen  von <sime> hergesellen gvot

2327,1

Welt ir den spot niht lazen  sp/ra\ch ab/er\ Wolfhart

2327,2

ich entrihtiv liht die seiten  swenne ir die wid/er\vart

2327,3

ritet gegen Rine  daz irz wol mvgt gesagen

2327,4

iw/er vb/er\mveten  mag ich langer niht v/er\tragen

2328,1

Do sp/ra\ch d/er\ videlære  swenn ir die seiten min

2328,2

v/er\irret gvoter done  d/er\ iw/er\ helmes schin

2328,3

mac wol trvebe werden  von der min/er\ hant

2328,4

swie ich halte geriten  in d/er\ Burgonden lant

2329,1

Do wolder zvo zim springen  wandaz in niht enlie

2329,2

Hildebrant sin oehaim  in vaste zim gevie

2329,3

ich wæn dv woldest woten  dvrch dinen tvmben zorn

2329,4

mines herren hvlde  wir heten imm/er\ mer v/er\lorn

2330,1

Lat ab den lewen meister  er ist so grimme gemvot

2330,2

chvmt er mir zen handen  sp/rach Volker d/er\ helt gvot

2330,3

het er die werlde alle  mit siner hant erslagen

2330,4

ich slah in daz erz wid/er\spel  nimm/er\ mere darf gesagen

2331,1

))D((es wart vil harte erzvrnet  d/er\ Bernære mvot

2331,2

den schilt gezvchte Wolfhart  ein sneller degen gvot

2331,3

alsam ein lewe wild/er\  lief er vor in dan

2331,4

im wart eine gæhez volgen  von sinen frivnden getan

2332,1

Swie witer sprvnge er pflæge  fvr des sales want

2332,2

doch ergahet in vor d/er\ stiegen  d/er\ alde Hiltebrant

2332,3

er wolde in vor im lazen  niht chomen in den strit

2332,4

si fvnden daz si svochten  an den ellenden sit

2333,1

Do gespranch zvo Hagene  maist/er\ Hildebrant

2333,2

div swert man hort erchlingen  an ir beid/er\ hant

2333,3

si waren harte erzvrnet  vil wol erchos manz sint

2333,4

von ir beid/er\ wafen  gie d/er\ vivr rot/er\ wint

2334,1

Di wrden do gescheiden  in des strites not

2334,2

daz taten die von Berne  als in ir chraft gebot

2334,3

zehant do wande Hildebrant  von Hagene balde dan

2334,4

do lief d/er\ starche Wolfhart  den chvnen Volkeren an

2335,1

Er slvoc den videlære  vf den helm gvot

2335,2

daz des swertes ecke  vnz an die spangen wot

2335,3

daz v/er\galt mit ellen  d/er\ chvne spileman

2335,4

do slvoger Wolfharte/n\  daz er strvchen began

2336,1

Fivr vz den ringen  des hiwen si genvoc

2336,2

haz ir ieslich/er\  dem andern vaste trvoc

2336,3

do schiet do von Berne  der degen Wlfwin

2336,4

ob er ein helt niht wære  des enchunde niht gesin

2337,1

))G((vnther d/er\ vil chvne  mit williger hant

2337,2

enpfie die helde mære  von Amelunge lant

2337,3

Giselh/er\ d/er\ starche  div liehten helm vaz

2337,4

d/er\ frvmt er da vil manigez  von blvote rot vñ naz

2338,1

Danchwart Hagen/en\ brvd/er\  was ein grimmech man

2338,2

swaz er da vor hete  in strite getan

2338,3

den Ezeln rechen  daz was gar ein

2338,3

wint

2338,4

alrest vaht tobeliche  des kvnen Adrianes kint

2339,1

<Gerbart> vñ Wichart  Helpfrich vñ Rischart

2339,2

die heten in manigen stvrmen  vil selten sih gespart

2339,3

des brahten si wol innen  die Gunth/eres\ man

2339,4

do sach man Wolfp/ra\nden  in stvrme herliche gan

2340,1

Da streit er als er wote  d/er\ alde Hildebrant

2340,2

vil manic kvner reche  vor Wolfhartes hant

2340,3

mit tode mvse vallen  von sw/er\ten in daz blvot

2340,4

svs rachen Rvdeg/er\e  die rechen <kvne> vñ gvot

2341,1

Sigestap von Berne  als im sin ellen riet

2341,2

hey waz er in dem sturme  d/er\ herten helm schriet

1241,3

den sinen vianden  Diet/ri\ches swest/er\ svon!

2341,4

d/er\ chvnde in dem stvrme  bezzers nimm/er\ niht getvon

2342,1

Volker d/er\ vil starche  do er daz ersach

2342,2

daz Sigestap d/er\ chvene  den blvtigen bach

2342,3

hiw vz h/er\ten ringen  daz was dem degene zorn

2342,4

do spranger im begegene  do hete Sigestap v/er\lorn

2343,1

von dem videlære  vil schiere al da daz lebn

2343,2

er begunde in siner chunste  al solhen teil da gebn

2343,3

daz er von sime swerte  mvse ligen tot

2343,4

daz rach der alde Hildebrant  als im sin ellen daz gebot

2344,1

Owe vil liebes herren  sp/ra\ch meister Hildebrant

2344,2

d/er hie lit erstorben  von Volkeres hant

2344,3

nvne sol d/er\ videlære  langer niht genesen

2344,4

zorn d/er\ Hildebrandes  chunde grimmer niht gewesen

2345,1

Do slvger Volkere  daz im div helmbant

2345,2

stvben allenthalben  zvo des sales want

2345,3

von helme vñ ovch von schilde  dem chvnen spileman

2345,4

da von d/er\ videlære  do den ende da gewan

2346,1

))D((o drvngen zvo dem strite  die Diet/ri\ches man

2346,2

si slvgen daz die ringe  vil hohe wæten dan

2346,3

vñ daz man ort d/er\ swerte  inme gewelbe stechen sach

2346,4

si hiwen vz den helmen  den heize <vliezende/n\> bach

2347,1

Do sach von Tronege Hagene  Volkeren tot

2347,2

daz was zer hochgecite  sin aller meistiv not

2347,3

die er da hete gewnnen  an magen vñ an man

2347,4

owe wie grimme Hagene  den helt rechen began!

2348,1

Nvne sol es niht geniezen  d/er\ alde Hildebrant

2348,2

min helfe lit erslagene  hie von des heldes hant

2348,3

d/er\ beste hergeselle  den ieman gewan

2348,4

den schilt den rvchter hoher  do gie er howende dan

2349,1

Helpfrich d/er\ vil starche  Danchwarten slvoc

2349,2

Gvnth/er vñ Giselh/er\  den was ez leit genvoc

2349,3

do si in sahen vallen  in d/er\ starchen not

2349,4

er het wol v/er\golten  mit sinen handen sinen tot

2350,1

Swie vil von manigen landen  gesamnet wære dar

2350,2

vil fvrsten chreftekliche  gegen ir chleinen schar

2350,3

wæren die kristen lvte  wid/er\ si niht gewesen

2350,4

si wæren mit ir ellen  vor allen heiden wol genesen

2351,1

))D((ie wile gie do Wolfhart  beide wid/er\ vñ dan

2351,2

allez

2351,2

howende  die Gvnth/eres\ man

2351,3

er was die dritten chere  den palas zende chom/en\

2351,4

ia het er den chunigen  so vil d/er\ rechen da genomen

2352,1

Do rief d/er\ starche Giselher  Wolfharten an

2352,2

ovve daz ich so grimmen  vient ie gewan

2352,3

edel ritter chvene  nv wendet gegen mir

2352,4

si chom/en\ zv ein and/er\  sit mit ellenthaft/er\ gir

2353,1

Wolfhart gein Giselhere  chert in den strit

2353,2

do slvg ir ietwed/er\e  vil manige <wnde/n\> wit

2353,3

so rehte chreftechliche  er zvo dem kunige dranch

2353,4

daz im daz blvot von fvzen  al vb/er\ daz hovbet sin <gespranch>  

2354,1

Mit grimmen slegen swinden  d/er\ edeln Vten chint

2354,2

enpfie vil pitt/er\liche  den chvenen rechen sint

2354,3

swie chvne Wolfhart wære  er mohte niht genesen

2354,4

vor dem ivngen kvnige  niem/en\ dorfte chvner wesen

2355,1

Do slvg er Wolfharte  d/vr\ch eine prvnne gvot

2355,2

daz im von d/er\ wnden  vil sere vloz daz blvot

2355,3

er wnte zvo dem tode  den Diet/ri\ches man

2355,4

ez enhet ân einen rechen  and/er\ niemen getan

2356,1

))A((lso d/er\ chvne Wolfhart  d/er\ wnden enpfant

2356,2

den schilt liez er do vallen  hoh/er\ an d/er\ hant

2356,3

hvber daz starchez wafen  daz was scharpf genvoc

2356,4

dvrch helm vñ dvrch ringe  d/er\ helt do <Giselh/er\n> slvoc

2357,1

Si heten beide ein and/er\  den grimmen tot getan

2357,2

done lebt ovch nv niht mere  d/er\ Diet/ri\ches man

2357,3

wan Hildebrant aleine  do er den neven vallen sach

2357,4

im wæn vor sime tode  so rehte leide nie geschach

2358,1

Ovch warn gar gevallen  Gunth/eres\ degene

2358,2

niwan si einen zwene  er vñ Hagene

2358,3

si stvnden in dem blvote  tief unz an div knie

2358,4

Hildebrant harte balde  hin vb/er\ sinen neven gie

2359,1

Er besloz in mit armen  vñ wolde in tragen dan

2359,2

mit im vzem hvose  er mvse in ligen lan

2359,3

er was ein teil ze swære  wid/er\ in daz blvot

2359,4

enpfiel er im vz handen  do blicht vf d/er\ degen gvot

2360,1

Do sp/ra\ch d/er\ totwnde  vil lieber oeheim min

2360,2

irn mvget an disen ziten  mir niht frvom gesin

2360,3

nv hvtet ivch vor Hagene  ia dvnchet ez mich gvot

2360,4

er treit in sime hercen  einen grimmigen mvot

2361,1

))V((nde ob mich mine mage  nach tode wellen chlagen

2361,2

den næhsten vñ den besten  den svlt ir daz sagn

2361,3

daz si nach mir niht weinen  daz ist ane not

2361,4

vor eines kuniges handen  lige ich hie herlichen tot

2362,1

Ich han ovch so v/er\golten  hier inne minen lip

2362,2

daz ez wol mvgen beweinen  d/er\ gvten ritter wip

2362,3

ob ivch des iemen vrage  so mvget ir balde sagen

2362,4

vor min eines handen  ir lit wol hund/er\t erslagen

2363,1

Do gedaht ovch Hagene  an den spileman

2363,2

dem <d/er\> alde Hildebrant  sin lebn an gewan

2363,3

do sp/ra\ch er zv dem kvnige  ir geltet miniv leit

2363,4

ir habt vns hinne erbvnnen  vil maniges rechen gemeit

2364,1

Er slvog vf Hildebranden  daz man wol v/er\nam

2364,2

Balmvngen diezen  daz Sivride nam

2364,3

Hagene d/er\ chune  da er den rechen slvoc

2364,4

do wid/er\stvnt im Hildebrant  d/er\ im vil wenic iht v/er\trvoc

2365,1

Der Wolfhartes oeheim  slvog ein wafen breit

2365,2

vf Hagenen von Tronege  daz ovch vil sere sneit

2365,3

done chund/er\ niht v/er\wnden  den Gvnth/eres\ man

2365,4

do slvog ab/er\ in Hagene  dvrch eine prvnne wolgetan

2366,1

Also meister Hildebrant  d/er\ wnden enpfant

2366,2

do vorht er schaden mere  von d/er\ Hagenen hant

2366,3

den schilt warf er vb/er\ rvcke  d/er\ Dietriches man

2366,4

mit d/er\ starchen wnden  d/er\ helt vil chvome danne entran

2367,1

))D((ar inne was niem/en\ lebnde  als ich gesaget han

2367,2

niwan die einen zwene  Gunth/er\ vñ ovch sin man

2367,3

mit blvte gie bervnnen  d/er\ alde Hildebrant

2367,4

er brahte leidiv mære  da er sinen herren vant

2368,1

Do saher trvrechliche  sizzen hie den man

2368,2

leides michel mere  d/er\ fvrste do gewan

2368,3

als er Hildebranden  ersach von blvte rot

2368,4

do vragt er in der mære  als im div sorge gebot

2369,1

Wan sagt ir mir meister  wie sit ir so naz

2369,2

<worden> von dem blvote?  od/er\ wer tet iv daz?

2369,3

ich wên ir mit den gesten  zem hvse habt gestriten

2369,4

ich v/er\bot ez iv so sere  do wær ez pillich v/er\miten

2370,1

Swie vbel disiv mære  mir sten ze sagene

2370,2

er sp/ra\ch dise wnden  slvoc mir Hagene

2370,3

do ich vz dem hvse  wolde wenden

2370,4

wie chvom <ich> mit dem lebene  dem selben valande entran!

2371,1

))D((o sp/ra\ch d/er\ Bernære  vil reht ist iv geschehn

2371,2

do ir mich frivntschefte  den helden hortet iehn

2371,3

daz ir den vride brachet  den ich in het gegeben

2371,4

hete ihs niht imm/er\ schande  ir soldet vliesen daz leben

2372,1

Nvne zvrnet niht so sere  min herre Diet/ri\ch

2372,2

an mir vñ minen frivnden  d/er\ schade ist gremlich

2372,3

wir wolden Rvdegeren  getragen haben dan

2372,4

des enwolden vns niht gvnnen  des kvnec Gunth/eres\ man

2373,1

So we mir dirre leide  ist Rvdeg/er\ doch tot!

2373,2

daz mvz mir sin ein iam/er\  vor aller miner not

2373,3

Gotelint div edele  ist min/er\ basen chint

2373,4

ach we d/er\ armen weisen  die da ze Bechelaren sint!

2374,1

Riwen vñ ovch leides  mant in do sin tot

2374,2

er begvnde starche weinen  des gie dem helede not

2374,3

owe get/ri\wer helfe  d/er\ ich v/er\lorn han!

2374,4

iane vb/er\winde ich nimmer  des kunic Ezeln man

2375,1

Er sp/ra\ch ze Hildebrande  mvget ir mir doch sagen

2375,2

wer d/er\ degen wære  d/er\ in da hat erslagn?

2375,3

er sp/ra\ch daz tet mit chreften  d/er\ starche Gernot

2375,4

vor Rvdegers handen

2375,4

  mvos ovch d/er\ degn ligen tot

2376,1

))E((r sp/ra\ch meister Hildeb/ra\nt  nv saget minen man

2376,2

daz si sich balde wafen  ia wil ich dar gan

2376,3

vñ heizet mir gewinnen  min liehtez wichgewant

2376,4

ich wil selbe vragen  die helede vz Burgonden lant

2377,1

Do sp/ra\ch meister Hildeb/ra\nt  wer sol zvo ziv gen?

2377,2

swaz ir habt d/er\ lebenden  die seht ir bi iv sten

2377,3

daz bin ich alterseine  die and/er\n die sint tot

2377,4

do erschracter dirre mære  des gie dem rechen groziv not

2378,1

wand/er\ leit so grozez  zer werlde nie gewan

2378,2

er sp/ra\ch unt sint erstorben  alle mine man

2378,3

so hat min got v/er\gezzen  ich was ein kunic rich

2378,4

nv mag ich wol heizen  der vil arme Diet/ri\ch

2379,1

Wie chundez sich gefvgen  sp/ra\ch ab/er\ Diet/ri\ch

2379,2

daz si alle sint erstorben  die helde lobelich

2379,3

von den strit mvden  die doch heten not?

2379,4

wan dvrch min vngelvcke  in wære vremde noch d/er\ tot

2380,1

Owe vil lieb/er\ Wolfhart  sol ich dich han v/er\lorn

2380,2

so mac mich balde riwen  daz ich ie wart geborn!

2380,3

Sigestap vñ Wlfwin  vñ ovch Wolfp/ra\nt!

2380,4

wer sol mir danne helfen  in d/er\ Amelvnge lant?

2381,1

Helpfrich d/er\ vil chvene  vñ ist mir d/er\ erslagen?

2381,2

Gerbart vñ Wichart  wie solde ich die v/er\klagen?

2381,3

daz ist an minen frevden  mir d/er\ leste tac

2381,4

owe daz vor leide  niem/en\ sterben ne mac!

Aventv wie d/er\ h/er\re Dietrich Gunteh/er\n vñ Hagen/en\ betwanch

2382,1

<)))))D(((((o> svchte d/er\ h/er\re Diet/ri\ch  selbe sin gewant

2382,2

do half daz er sich wafent  maist/er\ Hildeb/ra\nt

2382,3

do chlaget also sere  d/er\ chreftige man

2382,4

daz im daz hvs erdiezen  gein siner stimme began

2383,1

Der helt gewan do wid/er\e  rehten mannes mvot

2383,2

in grimme wart gewafent  do d/er\ degen gvot

2383,3

einen <schilt> vil vesten  den nam er an die hant

2383,4

nach schaden in do troste  d/er\ vil chune Hildebrant

2384,1

Do sp/ra\ch von Tronege Hagene  ich sihe dort her gan

2384,2

den herren Diet/ri\chen  d/er\ wil vns bestan

2384,3

nach sinne starchen leide  daz im ist hie geschehn

2384,4

man sol daz hivte chiesen  wem man des besten mvge iehn

2385,1

lane dvnchet sich von Berne  d/er\ herre Diet/ri\ch

2385,2

nie so starch des libes  vñ ovch so gremelich

2385,3

vñ wil erz an vns rechen  daz im ist getan

2385,4

also reite Hagene  ich tarr in rehte wol bestan

2386,1

))D((ie rede erhorte Diet/ri\ch  vñ Hildebrant

2386,2

er gie da er die rechen  beide stende vant

2386,3

vzen vor dem hvse  geleinet an den sal

2386,4

sinen schilt den gvten  den sazte Diet/ri\ch zetal

2387,1

In leitlichen sorgen  sp/ra\ch do Diet/ri\ch

2387,2

wie habt ir so geworben  Gunth/er\ ein chunic rich?

2387,3

ich ellender reche  waz ist an mir getan!

2387,4

alles mines trostes  des bin ich eine bestan

2388,1

Ivch endvhte niht d/er\ volle  an

2388,1

d/er\ vil grozen not

2388,2

do ir vns Rvdegeren  den rechen slvget tot

2388,3

nv habt ir mir erbunnen  aller miner man

2388,4

ia het ich iv degenen  solher leide niht getan

2389,1

Gedenchet an ivch selben  vñ an iw/er\ leit

2389,2

tot d/er\ iw/er\ frivnde  vñ ovch div arebeit

2389,3

ob ez iv gvten degenen  beswæret iht den mvot

2389,4

owe wie rehte vnsanfte  mir tot d/er\ Rvdegers tvt!

2390,1

Ez <gescach> in d/er\ werlde  nie manne leid/er\ mer

2390,2

ir gedahtet vbele  an min vñ an iw/er\ ser

2390,3

swaz ich frevden hete  div lit von iv erslagen

2390,4

iane chan ich nimm/er\ mere  die mine mage v/er\chlagen

2391,1

))I((ane sin wir niht so schuldich  sp/ra\ch do Hagene

2391,2

ez chomen her zem hvse  die iw/er\n degene

2391,3

ze vlize wol gewafent  mit ir schar so breit

2391,4

mich dvnchet wie iv div mære  niht ze rehte sin geseit

2392,1

Waz sol ich anders gelovben?  mir sagtez Hildebrant

2392,2

do mine rechen gerten  von Amelunge lant

2392,3

daz ir in Rvdegere  gæbet vz dem sal

2392,4

do tat ir niwan spottens  die chvnen helde her zetal

2393,1

Do sp/ra\ch d/er\ kunec von Rine  si iahen wolden tragen

2393,2

Rvedegeren hinnen  den hiez ich in v/er\sagen

2393,3

Ezeln ze leide  vñ niht den dinen ma/n\

2393,4

vnze daz do Wolfhart  dar vmbe schelten began

2394,1

Do sp/ra\ch d/er\ helt von Berne  ez mvese et also sin

2394,2

Gunth/er\ kunec edele  dvrch die zvhte din

2394,3

so ergezzet mich d/er\ leide  die mir sint getan

2394,4

vñ svnez ritter choune  so wil ich gar die schulde lan

2395,1

Ergip dich mir ze gisel  dv vñ ovch din man

2395,2

so wil ich ivch behvten  so ich beste chan

2395,3

daz iv hie zen Hvnen  niemen niht entvot

2395,4

ir svlt an mir niht vinden  niwan triwe vñ gvot

2396,1

))N((vne welle got von himele  sp/ra\ch do Hagene

2396,2

daz sich dir ergeben  zwen degene

2396,3

die dv so wærliche  sihest gewafent stan

2396,4

daz hiez ein michel schande  vñ wær ovch vbele getan

2397,1

Irn svlt ez niht v/er\sprechen  sp/ra\ch ab/er\ Diet/ri\ch

2397,2

Gunth/er\ vñ Hagene  ia habt ir beide mich

2397,3

so sere beswæret  min herce vñ ovch den mvot

2397,4

welt ir mich ergezzen  daz irz vil pillichen tvot

2398,1

Ich gibs iv mine t/ri\we  vñ gihtes iv min hant

2398,2

daz ich mit iv rite  heim in iw/er\ lant

2398,3

ich beleite iv nach den eren  od/er\ ich gelige tot

2398,4

ich wil dvrch ivch v/er\chiesen  d/er\ minen grozlichen not

2399,1

Nvne gewæhent sin niht mere  sp/ra\ch ab/er\ Hagene

2399,2

von <vns> enzimt daz mære  niht ze sagene

2399,3

daz sich iw/er\ ergæben  zwene also chvne man

2399,4

nv siht ma/n\ niem/en\ mære  bi iv wan Hildebrande stan

2400,1

Des antwrt Hildebrant  ivch mohte wol gezemen

2400,2

den fride mines herren  ob ir den rvchet nemen

2400,3

ez chvmt noch an die stunde  vil liht in churcer cit

2400,4

daz ir in gerne næmet  vñ in iv danne niem/en git

2401,1

Ja neme ich ê die svone  sp/ra\ch do Hagene

2401,2

ê ih

2401,2

so lasterliche  von eime degene

2401,3

flvhe meister Hildeb/ra\nt  als ir habt hie getan

2401,4

ich wande dar ir kundet  baz gein viande stan

2402,1

))D((o sp/ra\ch meister Hildeb/ra\nt  zwiv v/er\wizzet ir mir daz?

2402,2

nv wer was d/er\ vf eime schilde  vor dem Waschenstein saz

2402,3

do im von Span Walther  so vil d/er\ frivnde slvoc?

2402,4

ovch habt ir noch ze zeigen  an iv selben genvoc

2403,1

Do sp/ra\ch d/er\ fvrste Diet/ri\ch  wie zimt daz helede lip

2403,2

daz si svln schelten  sam div alten wip?

2403,3

ich v/er\bivt iv Hildebrant  daz ir iht sprechet mer

2403,4

mich ellenden rechen  twingent grozlichiv ser

2404,1

Lat hoeren frivnt Hagene  sp/ra\ch do Diet/ri\ch

2404,2

waz ir ê redetet  ir rechen lobelich

2404,3

do ir mih gewafent  zvo ziv sahet gan

2404,4

ir iahet daz ir eine  mit strite woldet mich bestan

2405,1

Iane lovgent iv des niem/en\  sp/ra\ch Hagene d/er\ degen

2405,2

ine welle ez hie v/er\svochen  mit stichen uñ mit slegen

2405,3

ez ensi daz mir zebreste  daz Nibelunges swert

2405,4

mich mvet daz mines herren  vñ min ze gisel ist gegert

2406,1

))D((o d/er\ reche erhorte  den grimm/en\ Hagenen mvot

2406,2

den schilt vil balde zvchte  d/er\ snelle degen gvot

2406,3

wie balde gein im Hagene  von d/er\ stiegen sp/ra\nch!

2406,4

Nibelunges swert daz gvote  vil lvot vf Diet/ri\che erchlanch  

2407,1

Do wesse wol her Diet/ri\ch  daz d/er\ chune man

2407,2

vil grimmes mvtes wære  schermen im began

2407,3

d/er\ voget von Berne  vor angestlichen slegen

2407,4

wol erchander Hagenen  er was ein vz erwelter degen

2408,1

Ovch vorht er Balmungen  ein wafen starch genvoc

2408,2

vnd/er\ wilen Diet/ri\ch  mit listen wid/er\ slvoc

2408,3

vnze daz er Hagenen  mit strite doch betwanch

2408,4

er slvog im eine wnden  div was tief vñ lanch

2409,1

Do daht d/er\ herre Diet/ri\ch  dv bist in not erwigen

2409,2

ih han es luzzil ere  soltv nv tot geligen

2409,3

ich wil ez svs v/er\svchen  ob ich ertwingen chan

2409,4

dich mir zeinem gisel  daz wart mit sorgen getan

2410,1

Den schilt lie vallen Dietrich  sin sterche div was groz

2410,2

mit beiden sinen armen  er Hagen/en\ vmbesloz

2410,3

do wart von im betwngen  d/er\ vil chvene man

2410,4

Gunth/er\ d/er\ vil edele  dar vmbe trvrin began

2411,1

))H((agenen bant do Dietrich  vñ fvrt in da er va/n\t

2411,2

die edeln Chriemh'  vñ gab ir bi d/er\ hant

2411,3

den chvnisten rechen  d/er\ ie swert getrvoc

2411,4

nach ir vil starchem leide  do wart ir liebe genvoc

2412,1

Vor frevden neich dem rechen  daz Ezeln wip

2412,2

imm/er\ si dir sæli  din herce vñ ovch din lip

2412,3

dv hast mich wol ergezzet  nach aller miner not

2412,4

ich sol ez immer dienen  mich enwendes d/er\ tot

2413,1

Do sp/ra\ch d/er\ herre Diet/ri\ch  ir svlt in lan genesen

2413,2

vil edeliv kvnig/inne\  ez mac vil wol noch wesen

2413,3

daz ivch sin dienst ergezzet  des er iv hat getan

2413,4

er sol des niht engelten  daz

2413,4

man in siht gebunden stan

2414,1

Do hiez si fvren Hagen/en\  an sin vngemach

2414,2

da er lac beslozzen  vñ da in niemen sach

2414,3

Gunth/er\ d/er\ kunec edele  rvfen do began

2414,4

war chom d/er\ helt von Berne?  er hat mir leide getan

2415,1

))D((o gie im hin begegene  der herre Diet/ri\ch

2415,2

daz Gunthers ellen  daz was so lobelich

2415,3

ern beite do niht mere  er lief her fvr den sal

2415,4

von ir beid/er\ sw/er\ten  hvp sich ein vngefvger schal

2416,1

Swie vil d/er\ herre Diet/ri\ch  lange was gelobt

2416,2

Gunth/er\ was so sere  erzvrnet vñ ertobt

2416,3

wander nach starchen leiden  sin herce vient was

2416,4

man sagtez noch fvr wnder  daz do Diet/ri\ch ie genas

2417,1

Ir ellen vñ ir sterche  beide warn groz

2417,2

palas vñ tvrne  von den slegen doz

2417,3

do si mit swerten hewen  vf die helme gvot

2417,4

ez het d/er\ kunic Gunth/er\  einen h/er\lichen mvot

2418,1

Sit twange in d/er\ von Berne  sam Hagenen ê geschach

2418,2

daz blvot man durch die ringe  dem helde vliezen sach

2418,3

von eime scharpfen sw/er\te  daz trvoc her Diet/ri\ch

2418,4

doch het gewert Gunther  nach mvde lobeliche sich

2419,1

Der herre wart gebunden  von Diet/ri\ches hant

2419,2

swie kunige niene solden  liden solhiv bant

2419,3

er daht ob er lieze  vngebunde/n\ wesen

2419,4

daz si zwene inme lande  niem/en\ liezen genesen

2420,1

))D((er vogt von Berne  d/er\ nam in bi d/er\ hant

2420,2

do brahter in gebunden  da er Chriemh' vant

2420,3

do was mit sime leide  ir sorge ein teil benomen

2420,4

si sp/ra\ch chunic Gunth/er\  sit mir groze willechomen

2421,1

Er sp/ra\ch ich soltv nigen  vil edel swest/er\ min

2421,2

ob iw/er\ grvezen moehte  genêdichlich/er\ sin

2421,3

ich weiz ivch kvnig/inne\  so zornic gemvot

2421,4

daz ir mir vñ Hagen/en\  vil swachez grvzen getvot

2422,1

Do sp/ra\ch d/er\ helt von Berne  vil edel kuniges wip

2422,2

ez enwart nie gisel mere  so gvot/er\ ritt/er\ lip

2422,3

als ich iv frowe here  an in gegeben han

2422,4

nv svlt ir die ellenden  min vil wol geniezen lan

2423,1

Si iach si tæt iz gerne  do gie d/er\ chune man

2423,2

mit weinenden ovgen  von in balde dan

2423,3

si rach sich gremliche  daz Ezeln wip

2423,4

den vz erwelten degenen  nam si beiden den lip

2424,1

Si lie si ligen svnder  dvrch ir vngemach

2424,2

daz ir sit dewedere  den andern nie gesach

2424,3

swie ez v/er\lobt hete  daz vil edele wip

2424,4

si daht ich geriche hivte  mins vil lieben mannes lip

2425,1

Do gie div kunig/inne\  da <si> Hagenen sach

2425,2

wie reht erbolgenliche  si zvo dem rechen sp/ra\ch

2425,3

welt ir mir geben wid/er\e  daz ir mir habt genomen

2425,4

so mvget ir mit dem lebene  wid/er\ zen Burgonden chomen

2426,1

))D((o sp/ra\ch d/er\ grimme Hageñ

2426,1

  <div> rede ist gar v/er\lorn

2426,2

vil edeliv kvnig/inne\  ia han ich des gesworn

2426,3

daz ich den hort iht zeige  die wile dehein/er\ lebe

2426,4

d/er\ minen edelen herren  vñ in niemanne gebe

2427,1

Er wiste wol div mære  sine liezen in niht genesen

2427,2

wie mohte ein vntriwe  imm/er\ stercher wesen?

2427,3

er vorhte so si hete  im sinen lip genom/en\

2427,4

daz si danne ir brvod/er\  lieze heim ze lande chom/en\

2428,1

Ich bringez an ein ende  gedaht daz edel wip

2428,2

do hiez si ir brvod/er\  nem/en\ den lip

2428,3

man slvog im abe daz hovbet  bi hare si ez trvoc

2428,4

fvr den helt von Tronege  do warde im leide genvoc

2429,1

Also d/er\ vngemvote  sins herren hovbet sach

2429,2

wid/er\ Chriemh'  do d/er\ reche sp/ra\ch

2429,3

dv hast ez zeime ende  nach dime willen braht

2429,4

vñ ist ovch rehte ergangen  als ich mir hete gedaht

2430,1

Nv ist vo/n\ Bvrgonden  d/er\ edel kunec tot

2430,2

Giselh/er\ vñ Volker  Danchwart vñ Gernot

2430,3

den hort den weiz nv niemen  wan got vñ min

2430,4

d/er\ sol dich vælændinne  imm/er\ wol v/er\holn sin

2431,1

))S((i sp/ra\ch so habt ir vbele  geltes mich gewert

2431,2

so wil doch ich behalten  daz Sivrides swert

2431,3

daz trvoc min hold/er\ vriedel  do ir im namet den lip

2431,4

mortlich mit vntriwen  sp/ra\ch do daz iam/er\hafte wip

2432,1

Si zoch ez von d/er\ scheiden  daz enchund/er\ niht gewern

2432,2

do dahte si den rechen  des libes vol behern

2432,3

si hvbez mit ir handen  daz hovpt si im abe slvoc

2432,4

daz sach d/er\ kunic Ezele  do was im leide genvoc

2433,1

Wafen sp/ra\ch d/er\ furste  wie ist nv tot gelegen

2433,2

von eines wibes handen  d/er\ aller beste degen

2433,3

d/er\ ie chom ze stvrmen  od/er\ ie schilt getrvoc!

2433,4

swie vient ich im wære  ez ist mir leide genvoc

2434,1

Do sp/ra\ch meist/er\ Hildebrant  iane genivzet si es niht

2434,2

daz si in slahen torste  swaz halt mir geschiht

2434,3

swie er mich selben bræhte  in angestliche not

2434,4

idoch so wil ich rechen  des vil chvnen rechen tot

2435,1

))H((ildebrant mit zorne  zvo Chriemh' sp/ra\nch

2435,2

er slvoc d/er\ chuniginne  ein/en\ grimmen swanch

2435,3

ia tet ir div sorge  von dem degene we

2435,4

si mohte lvzzil helfen  daz si so angestlichen scre

2436,1

Do was gelegen aller  da d/er\ veigen lip

2436,2

ze stvchen lac v/er\howen  do daz edel wip

2436,3

Ezel vñ Diet/ri\ch  weinen do began

2436,4

si chlageten iæm/er\liche  alle ir mage vñ man

2437,1

Div vil michel ere  was da gelegen tot

2437,2

die lvte heten alle  iamer vñ not

2437,3

mit leide was v/er\endet  des kuniges hochgecit

2437,4

als ie div liebe leide  an dem ende gerne git

2438,1

Ine chan ivch niht bescheiden  waz sid/er\ da geshach

2438,2

wan christen vñ heiden  weinen man do sach

2438,3

wibe vñ knehte  vñ manige schone meit

2438,4

die heten nach ir frivnden  div

2438,4

aller grozisten leit

2439,1

Ine sage iv nv niht mere  von d/er\ grozen not

2439,2

die da erslagen waren  die lazen ligen tot

2439,3

wie ir di/n\ch an geviengen  sit der Hvnen diet

2439,4

hie hat daz mære ein ende  daz ist d/er\ Nibelunge liet