Auenture von den Nibelungen.^[1]

U^[2]NS. IST. .Inalten^[3] mæren.
wnders vil geseit. von heleden lobebæren. von
grozer arebeit. von frevde unde hochgeciten
von weinen vnde klagen. von kvner rec-
ken striten. mvget ir nv wnder horen sa-
gen. Ez^[4] whs in Bvregonden^[5]. ein vil edel
magedin. daz in allen landen. niht schoners
mohte sin. Chriemhilt^[6] geheizen. div wart
ein schone wip. dar vmbe mvsin degene.
vil verliesen den lip. Ir^[7] pflagen dri kuni-
ge. edel unde rich. Gunther^[8] unde Gernot. die
rechen lobelich. vnde Giselher^[9] der iunge. ein wetlicher degen. div frowe was ir swe-
ster. die helde hetens inir pflegen. Ein^[10] richiv chuniginne. frov^[11] Vte^[12] ir mvter
hiez. ir vater der hiez Dancrât^[13]. der in div erbe liez. sit nach sime lebene. ein ellens
richer man. der ovch insiner iugende. grozer eren vil gewan. Die^[14] herren wa-
ren milte. von arde hoh erborn. mit kraft vnde mazen^[15] chvne. die rechen vz
erchorn. da zen Bvrgonden^[16]. so was ir lant genant. si frvmten starchiv wn-
der. sit in Etzelen^[17] lant. Ze^[18] Wormze bi dem Rine. si wonten mit ir chraft.
in dienten von ir landen. vil stolziv ritterschaft. mit lobelichen eren. vnz
an ir endes zit. si sturben iæmerliche. sit von zweier frowen nit.
D^[19]ie dri kunige waren. als ich gesaget han^[20]. von vil hohem ellen. in waren
vndertan. ovch die besten rechen. von den man hat gesaget. starch vnde
vil chvo^[21]ne. in scharpfen striten vnverzaget. Daz^[22] was von tronege hagene.
vnde ovch^[23] der bruder sin. Danchwart^[24] der snelle. von Metzzen^[25] Ortwin^[26]. die zwene
Marcgrauen^[27]. Gere^[28] vnde Ekkewart^[29]. Volker^[30] von Alzeye^[31]. mit ganzem ellen wol be-
wart. Rvomolt^[32] der chvchen meister. ein vz erwelter degen. Sindolt^[33] vnde Hvnolt^[34].
dise herren mvsin pflegen. des hoves vnde der eren. der drier kunige man.
si heten noch manigen rechen. des ich genennen nienen kan. Danchwart^[35]
der was marschalch. do was der nefe sin. Trvhsetzze [des]^[36] kuniges. von mezzen
Ortwin^[37]. Sindolt^[38] der was schenche. ein wetlicher degen. Hvnolt^[39] was chame-

[Bl. 1v] rære. si chunden hoher eren pflegen. Von^[40] des hofes ere. vnde von ir witen chraft.
von ir vil hohen werdekeit. vnde von ir ritterschaft. der die herren pflagen. mit
frevden al ir leben. des enchunde iv ze ware. niemen gar ein ende geben.

[1] Ganz in rot ausgeführt.
[2] U als farbige Initiale ausgeführt.
[3] Majuskeln und Punkte vor In in blau und rot ausgeführt; I rot gestrichelt.
[4] E rot gestrichelt.
[5] Erstes e übergeschrieben.
[6] C rot gestrichelt.
[7] I rot gestrichelt.
[8] G rot gestrichelt.
[9] G rot gestrichelt.
[10] E rot gestrichelt.
[11] Sonderzeichen: v über o.
[12] V rot gestrichelt.
[13] D rot gestrichelt.
[14] D rot gestrichelt.
[15] Zu erwarten wäre: vnmazen!
[16] B rot gestrichelt.
[17] E rot gestrichelt.
[18] / rot gestrichelt.
[19] Als Lombarde ausgeführt.
[20] h über der Zeile nachgetragen!
[21] Sonderzeichen: o über v.
[22] D rot gestrichelt.
[23] Sonderzeichen: o über v.
[24] D rot gestrichelt.
[25] M schwach rot gestrichelt.
[26] O rot gestrichelt.
[27] M rot gestrichelt.
[28] G rot gestrichelt.
[29] E rot gestrichelt.
[30] V rot gestrichelt.
[31] A rot gestrichelt.
[32] R rot gestrichelt; Sonderzeichen: o über v.
[33] S rot gestrichelt.
[34] H rot gestrichelt.
[35] D rot gestrichelt.
[36] Durch Fleck nicht erkennbar.
[37] O rot gestrichelt.
[38] S rot gestrichelt.
[39] H rot gestrichelt.
[40] V rot gestrichelt.