Nibelungen-Handschrift C

Blatt 13^v
Str. 337,1 - 351,1

Blatt 14^r
Str. 351,1 - 365,3

Nibelungen-Handschrift C / Blatt 13v / JPG-Format klein

Nibelungen-Handschrift C / Blatt 14r / JPG-Format klein

Blatt 13^v
Str. 337,1 - 351,1

0337,1: wol raten sp/ra\ch do Hagene
0337,2: ir bitet Sifride mit iv ze tragene
0337,3: die vil starchen sorge daz ist nv min rat
0337,4: side im daz ist so kundich wiez vmbe Privnhilde stat
0338,1: Er sp/ra\ch wiltv mir helfen degen Sifrit
0338,2: die minnekliche erw/er\ben? tvostv des ich dih bite
0338,3: vñ wirt mir zeinem trvote daz h/er\liche wip
0338,4: ich wil durch dinen willen wagen ere vñ lip
0339,1: Des antwrte Sifrit swie mir min dinch da chvom
0339,2: gistv mir din swester so bin ich dir frvom
0339,3: die schonen Chriemhilde ein kuniginne her
0339,4: ine ger dehein/er\ miete nach minen arebeiten mer
0340,1: Daz lobe ich sp/ra\ch do Gvnther Sivrit an dine hant
0340,2: vñ kvomt div schone Prvnhilt her in dizze lant
0340,3: so wil ich dir ze wibe die mine swest/er\ gebn
0340,4: so mahtv mit d/er\ schonen imm/er\ vroliche lebn
0341,1: Des sworen si do eide die rechen vil her
0341,2: des wart ir arebeiten verre deste mer
0341,3: ê si die <wolgetanen> brehten an den Rin
0341,4: des mvsen die vil chvnen starche sorgende sin
0342,1: ))V((on wilden getwergen han ich gehoeret sagen
0342,2: si sin in holn b/er\gen vñ daz si ze scherme tragen
0342,3: einez heizet tarnkappen von wnd/er\lich/er\ art
0342,4: sw/er\z hat an sime libe d/er\ sol vil gar wol sin bewart
0343,1: vor slegen vñ vor stichen in mvge ovch niem/en\ sehen
0343,2: swenner si darinne beide horn vñ spehen
0343,3: mag er nach sinem willen daz in doch niem/en\ siht
0343,4: er si ovch verre stercher als uns div auenture giht
0344,1: Mit im fvrt Sifrit die tarnkappen an
0344,2: die d/er\ helt vil kune nnit sorgen gewan
0344,3: ab einem getwerge daz hiez Albrich
0344,4: sich bereiten zv d/er\ verte die degn chune vñ rich
0345,1: Also d/er\ starche Sifrit die tarnkappen trvch
0345,2: so het er dar inne chrefte genvoch
0345,3: zwelf and/er\ manne sterche als uns ist geseit
0345,4: er gewan mit grozen listen die vil <herlichen> meit
0346,1: Ovch was div selbe tarnhvot also getan
0346,2: daz dar inne worhte ein ieslich/er\ man
0346,3: swaz er selbe wolde daz in doch niem/en\ sach
0346,4: so gewan er Prvonhilde da von im leide sit geschach
0347,1: ))D((v solt mir sagen Sifrit e uns/er\ vart erge
0347,2: daz wir mit vollen eren chom/en\ an den se
0347,3: svln wir iht ritt/er\ fvren in Prvnh' lant?
0347,4: <zwei> tusint degene die werdent schiere besant
0348,1: Swie vil wir volches fvrten sp/ra\ch do Sifrit
0348,2: ez pfliget div kuniginne so eyslich/er\ site
0348,3: die mvsen alle ersterben von ir vb/er\vot
0348,4: ich wil ivch baz bewisen degen chvne vnde gvot
0349,1: Wir svln in rechen wise varn zetal den Rin
0349,2: die wil ich iv nennen die daz svln sin
0349,3: zvo vns zwein noch zwene vñ niem/en\ me
0349,4: so erwerben wir die frowen swiez vns dar nach erge
0350,1: Der gesellen sit ir ein/er\ der and/er\ sol ich wesn
0350,2: Hagene si d/er\ dritte wir mvgen wol genesn
0350,3: Danehwart si d/er\ vierde d/er vil chvene man
0350,4: vns endurfen and/er\ tvsint mit strite nimm/er\ bestan
0351,1: ))D((iv mære ich

Blatt 14^r
Str. 351,1 - 365,3

0351,1: wiste g/er\ne sp/ra\ch d/er\ kunic do
0351,2: e daz wir hinne schieden des wære ich harte vro
0351,3: waz wir kleid/er\ solden vor <Prvnhilde> tragen
0351,4: div uns da wol gezæmen daz svlt ir mir bi zite sagen
0352,1: Wat die all/er\ besten die ieman bevant
0352,2: die treit man zallen citen in Prvnh' lant
0352,3: des suln wir richiv chleid/er\ vor d/er\ frowen tragen
0352,4: daz wirs iht habn scande so man div mære hore sagen
0353,1: Do sp/ra\ch d/er\ degn gvter so wil ich selbe gan
0353,2: zv min/er\ lieben mvt/er\ ob ich erwerben chan
0353,3: daz uns ir schone mægede helfen <prvven> chleit
0353,4: die wir tragen mit eren fvr die h/er\lichen meit
0354,1: Do sp/ra\ch von Tronege Hagene mit h/er\lichen siten
0354,2: wes welt ir iwer mvter solh/er\ dienste biten?
0354,3: lat <iwer> swest/er\ horen wes wir habn mvot
0354,4: si ist so chvnst riche daz div chleid/er\ werdent gvt
0355,1: ))D((o enbot er sin/er\ swest/er\ daz er si wolde sehn
0355,2: vñ ovch d/er\ h/er\re Sifrit ê daz daz was geschehn
0355,3: do hete sich div schone ze wnsche wol gechleit
0355,4: daz si sie sehn wolden des was si vro vñ ovch gemeit
0356,1: Do was ovch ir gesinde gezieret als ir gezam
0356,2: die fvrsten chom/en\ beide do si daz v/er\nam
0356,3: do stvnt si von dem sidele mit zvhten si do gie
0356,4: do si den gast vil edelen vñ ovch ir brud/er\ enpfie
0357,1: Wilechom/en\ si min brud/er\ vñ d/er\ geselle sin
0357,2: div mære wist ich gerne so sp/ra\ch daz magedin
0357,3: was ir werben woldet sit ir ze hofe gat
0357,4: daz lat mich beide horen wiez iv hochgemvten stat
0358,1: Do sp/ra\ch d/er\ chunic riche frowe ich wilz iv sagn
0258,2: wir mvzin michel sorgen bi hohem mvte t/ra\gn
0358,3: wir wellen hobeschen riten verre in vremdiv lant
0358,4: wir solden zv d/er\ reise haben zierlich gewant
0359,1: ))N((v sizzet lieb/er\ brvoder sp/ra\ch daz kuniges kint
0359,2: lat mich div mære hoeren wer die frowen sint
0359,3: d/er\ ir da gere mir minnen in and/er\ foursten lant
0359,4: die vz erwelten beide nam div frowe bi d/er\ hant
0360,1: Do gie si mit den degenen da si selbe saz
0360,2: matraz div richen ir svlt gelovben daz
0360,3: lagen allenthalben an dem vlezze nid/er\
0360,4: si heten bi den frowen gvot kurzwile sid/er\
0361,1: Vil lieplich/er\ bliche vñ minneklichez sehn
0361,2: des mohte da in beiden harte vil <gescehen>
0361,3: er trvch si imme h/er\cen si was im so d/er\ lip
0361,4: er erwarp mit starchem dienste daz si doch sid/er\ wart sin wip
0362,1: Do sp/ra\ch d/er\ kunic Gunther vil edel swest/er\ min
0362,2: ane dine helfe sone kundez niht gesin
0362,3: wir wellen zvercewilen in Prvnhilde lant
0362,4: da bedorften wir ze t/ra\gene vor frowen h/er\lich gewant
0363,1: ))D((o sp/ra\ch div kuniginne vil lieb/er\ brvd/er\ min
0363,2: swaz d/er\ minen helfe daran kan gesin
0363,3: des bringe ich ivch wol innen daz ich iv bin bereit
0363,4: v/er\sagt iv and/er\ iem/en\ daz wære Chriemh' leit
0364,1: Irn svlt mich ritt/er\ edele niht sorgende biten
0364,2: ia svlt ir mir gebieten mit h/er\lichen siten
0364,3: swaz so iv gevalle des bin ich bereit
0364,4: vñ tvon ez willekliche sp/ra\ch div herliche meit
0365,1: Wir wellen liebiv swest/er\ tragen gvt gewant
0365,2: daz sol helfen prveuen iw/er\ wiziv hant
0365,3: des volziehen iwer mægede daz

Blatt 13^v
Str. 337,1 - 351,1

Blatt 14^r
Str. 351,1 - 365,3

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr