Nibelungen-Handschrift C

Blatt 15^v
Str. 393,2 - 407,4

Blatt 16^r
Str. 407,4 - 422,1

Nibelungen-Handschrift C / Blatt 15v / JPG-Format klein

Nibelungen-Handschrift C / Blatt 16r / JPG-Format klein

Blatt 15^v
Str. 393,2 - 407,4

0393,2: ez ist frown Prvnhilt livt vñ lant
0393,3: vñ Isenstein div veste als <ir> mich hortet iehen
0393,4: da mvget ir noch hivte schon/er\ frowen vil gesehn
0394,1: Vñ wil iv helden raten ir habt einen mvot
0394,2: daz wir iehn geliche ia dvnchet ez mich gvot
0394,3: swenne wir noh hivte fvr Prvnhilde gan
0394,4: so mvzen wir mit sorgen for d/er\ kuniginnestan
0395,1: ))S((o wir die minneklichen bi ir gesinde sehn
0395,2: so svlt ir helede gvote wan ein/er\ rede iehen
0395,3: Gunth/er\ si min h/er\re ich si sin eigen man
0395,4: so mag uns/er\ wille harte wol an ir ergan
0396,1: Des waren si bereite swaz er si loben hiez
0396,2: durch ir vbermvete dehein/er\ ez niht liez
0396,3: si iahen swes er wolde da von in wol geschach
0396,4: do d/er\ kunic Gvnther die schonen Prvnhilde sach
0397,1: Ich enlob ez niht so verre durch den willen din
0397,2: so durch Chriemh' daz schone magedin
0397,3: div ist mir sam min sele vñ so min eigen lip
0397,4: ich wil daz gerne dienen daz si werde min wip
0398,1: In den selben citen do was ir schiff gegan
0398,2: d/er\ burge also nahenn do sach d/er\ kunic stan
0398,3: oben in den venstern vil manige schone meit
0398,4: do begunde vragen d/er\ reche kvene vñ gemeit
0399,1: Saget mir frivnt Sifrit durch den willen min
0399,2: bekennet ir die frowen vñ ovch div magedin
0399,3: di dort h/er\ nid/er\ schowent zvo zvns vf die flvot?
0399,4: si gebarent dem geliche daz si hohe sint gemvot
0400,1: ))D((o sp/ra\ch d/er\ chune Sifrit ir svlt von hinnen spehn
0400,2: tovgen in dem mvote vñ svlt mir danne iehn
0400,3: welhe ir nemen woldet hetet irs gewalt
0400,4: daz tvn ich sp/ra\ch do Gunth/er\ d/er\ ritter chven vñ balt
0401,1: So sihe ih vnd/er\ in eine in ienem venst/er\ stan
0401,2: in snewizer wæte div ist so wolgetan
0401,3: die wellent miniv ovgen vil schoen ist <ir> d/er\ lip
0401,4: ob ich gewalt des hæte si mvse werden min wip
0402,1: Dir hat erwelt vil rehte diner ovgen schin
0402,2: ez ist div starche Prvnhilt daz schone magedin
0402,3: die din herce minnet d/er\ lip vñ ovch d/er\ mvot
0402,4: elliv ir geberde div dvhte Guntheren gvot
0403,1: Do hiez div kuniginne vz den venstern stan
0403,2: ir minneklichen meide sine solden niht da stan
0403,3: den vremden an ze sehene des waren si bereit
0403,4: waz do die frowen tæten daz ist vns sid/er\ ovch geseit
0404,1: Gegen den vnchunden strichen si ir lip
0404,2: des ie site habeten div wætlichen wip
0404,3: an div engen venst/er\ chomen si gegan
0404,4: da si die rechen sahen daz wart d/ur\ch schowen getan
0405,1: ))I((r waren niwan viere di da chomen in daz lant
0405,2: Sifrit der starche ein ross zoch an d/er\ hant
0405,3: daz sahen durch div venst/er\ div minneklichen wip
0405,4: des wart sit getivret des kunic Gunth/er\es lip
0406,1: Er habt im da bi zovme daz zierliche march
0406,2: gvot vñ schone vil michel vñ starch
0406,3: vnze d/er\ kunic Gvnther in den satel gesaz
0406,4: also dient im Sifrit des er doch sit vil gar v/er\gaz
0407,1: Do zoh er ovch daz sine von dem schiffe dan
0407,2: er hete solhen dienest selten ê getan
0407,3: daz er den stegereif gehabt ie helede mer
0407,4: daz sahen durch div venster

Blatt 16^r
Str. 407,4 - 422,1

0407,4: die frowen schoen vñ h/er\
0408,1: Reht in ein/er\ maze den ritt/er\n vil gemeit
0408,2: von sneblanch/er\ varwe ir ross vñ ovch ir kleit
0408,3: ez waren vil geliche ir schilde wolgetan
0408,4: die luht/en\ von den handen den vil wætlichen man
0409,1: Ir sætele wol gesteinet ir fvrbouge smal
0409,2: si riten herlichen fvr <Prunhilde> sal
0409,3: dar an so hiengen schellen von liehtem golde rot
0409,4: si chom/en\ zv dem lande als ez ir ellen in gebot
0410,1: Mit spern niwo sliffen mit swerten wol getan
0410,2: div uf die sporn giengen den wætlichen man
0410,3: div fvrt/en\ die vil chvenen scharpf vñ dar zv breit
0410,4: daz sach allez Prvnh' div vil minnekliche meit
0411,1: ))M((it im chom ovch Danchwart vñ Hagene
0411,2: nv hoeret disiv mære wie die degene
0411,3: von rabenswarzer varwe trougen richiv kleit
0411,4: ir schilde waren schone vil gvot michel vñ breit
0412,1: Von India dem lande man sach si steine tragen
0412,2: die chos man an ir wete vil h/er\liche wagen
0412,3: sie liezen ane hvote ir schiffel bi d/er\ flvot
0412,4: svs riten zv d/er\ burge die helde choun vñ gvot
0413,1: Sehs uñ ahzech tourne si sahen drinne stan
0413,2: dri palas wite vñ einen sal wolgetan
0413,3: von edelm marmelsteine grven alsam ein gras
0413,4: dar inne div kuniginne mit ir ingesinde was
0414,1: Div porte stvnt entslozzen div bvrch vf getan
0414,2: do liefen in engegene die Prvnh' man
0414,3: vñ enpfiengen wol die chvenen in ir frowen lant
0414,4: ir ross man hiez behalten vñ ir schilde von d/er\ hant
0415,1: Do sp/ra\ch ein kamerære ir svlt uns geben div sw/er\t
0415,2: vñ ovch die liehten brvenne des sit ir vngew/er\t
0415,3: sp/ra\ch Hagene d/er\ choune wir selbe wellens tragen
0415,4: do begunde in Sifrit da von div rehten mære sagn
0416,1: Man pfligt in dirre burge daz wil ich iv sagen
0416,2: daz decheine geste hie waffen svln tragen
0416,3: ir svlt si lan behalten daz ist wolgetan
0416,4: daz tet do vil ungerne Hagen d/er\ Gvnth/er\es man
0417,1: ))D((en gesten hiez man schenchen vñ schaffen ir gemach
0417,2: vil manigen snellen rechen man da ze hove sach
0417,3: in fvrstenlich/er\ wæte allenthalben gan
0417,4: da wart michel schowen an die vil chvenen getan
0418,1: Do tet man Prvnhilde chvnt mit mæren
0418,2: daz da vremde rechen chomen wæren
0418,3: in vil rich/er\ wæte gevlozzen vof d/er\ flvot
0418,4: da von begunde vragen div magt schoen vñ gvot
0419,1: Ir svlt mich lazen hoeren sp/ra\ch div kunigin
0419,2: wer die vil vnchvnden rechen mvgin sin
0419,3: die in min/er\ bverge so h/er\liche stan
0419,4: vñ durch welhe schulde die helde her gevarn han
0420,1: Do sp/ra\ch ein ir gesinde frowe ich mach wol iehn
0420,2: daz ich ir deheine/n\ nimere habe gesehn
0420,3: wan geliche Sifride ein/er\ drvnder stat
0420,4: den svlt ir wol enpfahen daz ist mit t/ri\wen min rat
0421,1: Der and/er\ d/er\ gesellen d/er\ ist so lobelich
0421,2: ob er gewalt des hete wol wær er kunic rich
0421,3: ob witen fursten landen ob er div mohte han
0421,4: man siht in bi den and/er\n so rehte h/er\liche stan
0422,1: Der dritte d/er\ gesellen

Blatt 15^v
Str. 393,2 - 407,4

Blatt 16^r
Str. 407,4 - 422,1

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr