Nibelungen-Handschrift C

Blatt 16^v
Str. 422,1 - 435,3

Blatt 17^r
Str. 435,3 - 449,2

Nibelungen-Handschrift C / Blatt 16v / JPG-Format klein

Nibelungen-Handschrift C / Blatt 17r / JPG-Format klein

Blatt 16^v
Str. 422,1 - 435,3

0422,1: d/er\ ist vil <gremlich>
0422,2: vñ doch mit schome libe kuniginne rich
0422,3: von <swinden> sinen blichen d/er\ er so vil getvot
0422,4: er ist in sinen sinnen ich wæn vil grimme gemvot
0423,1: ))D((er d/er\ iungest ist darvnd/er\ d/er\ ist so lobelich
0423,2: in magtlichen zvhten sihe ich den degen rich
0423,3: mit gvtem gelæze so minnekliche stan
0423,4: wir mohtenz fvrhten alle het im hie iemen iht getan
0424,1: Swie blide er pflege d/er\ zvhte vñ swie schoen im si d/er\ lip
0424,2: er moehte wol erweinen vil wætlichiv wip
0424,3: swenner begunde zvernen sin lip ist so gestalt
0424,4: er ist in allen tvgenden ein degn chvene vñ balt
0425,1: Do sp/ra\ch div kuniginne nv brinch mir min gewant
0425,2: vñ ist der starche Sivrit chomen in daz lant
0425,3: durch willen min/er\ minne ez gat im an den lip
0425,4: ine fvrht in niht so sere daz ich werde sin wip
0426,1: Do wart chuniginne schiere wol gekleit
0426,2: do gie mit ir dannen vil manic schoniv meit
0425,3: wol hund/er\t vñ mere gezieret was ir lip
0426,4: ez wolden sehen die geste div vilminneklichen wip
0427,1: Da mit giengen rechen vzer Islant
0427,2: die Prvnhilde degene die trvgen sw/er\t enhant
0427,3: fvnf hund/er\t od/er\ mere daz was den gesten leit
0427,4: do stunden von dem sedele die helde chven vñ gemeit
0428,1: ))D((o div kuniginne Sifriden sach
0428,2: div magt zvhtekliche zv dem rechen sp/ra\ch
0428,3: sit willechomen Sivrit her in dizze lant
0428,4: waz iw/er\ reise meine gern het ich daz erkant
0429,1: Vil michel iw/er\ genade min vrov Prunhilt
0429,2: daz ir mich rvchet grvzen fversten toht/er\ milt
0429,3: vor diesem chvnem rechen d/er\ hie vor mir stat
0429,4: wand/er\ ist min herre d/er\ eren het ich gerne rat
0430,1: Er ist geborn von Rine daz tvot er dir bechant
0430,2: er hat durch dinen willen gesvchet dizze lant
0430,3: d/er\ wil dich gerne minnen swaz im da von geschiht
0430,4: nv bedenche dihs bezite min h/er\re erlêt dihs niht
0431,1: Er ist geheizen Gunth/er\ vñ ist ein kunic her
0431,2: erwrber dine minne sone engert er nihtes mer
0431,3: ia gebot mir her ze varne d/er\ reche wolgetan
0431,4: wan daz ich entorste ich hietez g/er\ne v/er\lan
0432,1: ))S((i sp/ra\ch ist er din h/er\re vi bistv sin man
0432,2: div spil div ich im teile vñ tarrer div bestan
0432,3: behabt er des die maisterschaft so minne ich sinen lip
0432,4: anders mvz er sterben ê ich werde sin wip
0433,1: Do sp/ra\ch von Tronege Hagene frow nv lat vns sehen
0433,2: iw/er\ spil div starchen e daz iv mvse iehn
0433,3: Gunth/er\ min h/er\re da mvsez h/er\te sin
0433,4: er mach noch wol gewinnen ein also schone magedin
0434,1: Den stein den sol er werfen vñ springen dar nach
0434,2: den ger mit mir schiezen lat iv niht sin ze gach
0434,3: des bedenchet ivch vil ebene sp/ra\ch daz vil schone wip
0434,4: gebristet im an dem einen ez get iv allen an den lip
0435,1: Sifrit d/er\ starche zv dem kunige trat
0435,2: allen sinen willen er in reden bat
0435,3: mit d/er\ kuniginne

Blatt 17^r
Str. 435,3 - 449,2

0435,3: ez kunde im geschaden niht
0435,4: ez wirt al anders gendet des sich ir vb/er\mvot v/er\siht
0436,1: <o> sp/ra\ch d/er\ kunich Gunth/er\ kuniginnne her
0436,2: nv teilt swaz ir gebietet vñ wære is dannoch mer
0436,3: daz bestvnde ich alliz gerne durch iw/er\n schonen lip
0436,4: min hovbet wil ich wagen irn werdet min wip
0437,1: Do div kuniginne sine rede v/er\nam
0437,2: d/er\ spile bat si gahen als ir do daz gezam
0437,3: si hiez ir dar gewinnen balde ir stritgewant
0437,4: eine veste brvnne vñ einen gvten schildes rant
0438,1: Einn wafenhemde sidin daz leit an sich div meit
0438,2: daz in deheime strite wafen nIe v/er\sneit
0438,3: von pfelle vzer Libia ez was vil wolgetan
0438,4: von porten lieht gewerhte daz sach man schinen daran
0439,1: Die zit wart disen rechen harte vil gedrevot
0439,2: Danchwart vñ Hagene die waren vngefrevot
0439,3: wiez dem kunige ergienge des sorget in d/er mvot
0439,4: si dahten unser reise ist vns rechen niht ze gvot
0440,1: ))D((ie wile was ovch Sivrit d/er\ listige man
0440,2: e iz iemen erfunde in daz schiff gegan
0440,3: da er die tarnkappen v/er\borgen ligen vant
0440,4: dar in slavf er vil schiere do was er niem/en\ bechant
0441,1: Er ilte hin widere do vant er rechen vil
0441,2: da div kuniginne teilte ir hohen spil
0441,3: dar gie er tovgenliche von listen daz geschach
0441,4: alle die da waren daz in da niem/en\ gesach
0442,1: Der rinch d/er\ was bezeiget da soldez spil geschehn
0442,2: vor manigem chvenem rechen die daz solden sehn
0442,3: mer danne sibenhund/er\t die sah man waffen tragen
0442,4: swer daz spil gewnne daz ez die helde solden sagen
0443,1: Do was nv kom/en\ Prvnhilt gewaffent man die vant
0443,2: sam ob si striten solde vmbe elliv kuniges lant
0443,3: ia trvoch si ob den siden vil manigen stahel zein
0443,4: ir minneklichiv varwe dar vnd/er\ herlichen schein
0444,1: ))D((o chom ovch ir gesinde die trugen dar zehant
0444,2: von vil rotem golde einen liehten schildes rant
0444,3: mit stahel h/er\ten spangen vil michel vñ breit
0444,4: dar vnd/er\ spilen wolde div vil h/er\liche meit
0445,1: Der frowen schiltvezzel ein edel porte was
0445,2: dar vffe lagen steine grouner denne ein gras
0445,3: die luhten manig/er\ hande mit schine wid/er\ daz golt
0445,4: der si solde minnen der het iz hohe <v/er\scolt>
0446,1: Der schilt was und/er\ bvkelen als uns daz ist geseit
0446,2: wol drier hende dicke den tragen solde div meit
0446,3: von stale vñ ovch von golde rich er was genvoch
0446,4: den ir kamerære selbe vierd/er\ kvnne trvoch
0447,1: Also d/er\ karche Hagene den schilt dar tragen sach
0447,2: in vil grozem unmvote d/er\ helt von Tronege sp/ra\ch
0447,3: wie nv kunic Gunth/er\? wie vliesen wir den lip?
0447,4: d/er\ ir da gert ze minnen div ist des valandes wip
0448,1: Vernemt noch von ir wæte d/er\ hete si genouch
0448,2: von Azagovch d/er\ siden einen waffenroch si trvoch
0448,3: vil edel uñ vil riche ab des varwe schein
0448,4: von d/er\ kuniginne vil manic h/er\lich/er\ stein
0449,1: ))D((o trvoch man dar d/er\ frowen swære uñ dar zvo groz
0449,2: einen ger vil

Blatt 16^v
Str. 422,1 - 435,3

Blatt 17^r
Str. 435,3 - 449,2

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr