Nibelungen-Handschrift C

Blatt 19^v
Str. 503,4 - 517,1

Blatt 20^r
Str. 517,1 - 530,3

Nibelungen-Handschrift C / Blatt 19v / JPG-Format klein

Nibelungen-Handschrift C / Blatt 20r / JPG-Format klein

Blatt 19^v
Str. 503,4 - 517,1

0503,4: len disiv mære vb/er\ al d/er\ Nibelunge lant
0504,1: ))D((o hort daz grimme striten verre dvrch den berch
0504,2: Albrich d/er\ vil starche ein chvne getwerch
0504,3: er wart gewaffent balde do lief er da er vant
0504,4: disen gast vil edelen d/er\ was in beiden vil vnbechant
0505,1: Albrich was vil grimme dar zvo starch genvoch
0505,2: helm vñ ringe er an dem libe trvoch
0505,3: vñ eine geisel swêre von golde an sin/er\ hant
0505,4: do lief er harte sere da er Sivriden vant
0506,1: Siben knopfe sware die hiengen vor daran
0506,2: da mit er von den hende den schilt dem <kunen> man
0506,3: slvoch so bitt/er\lichen daz im des vil zeb/ra\st
0506,4: des chom in groze sorge do d/er\ wætlich gast
0507,1: Den scherm er von d/er\ hende gar zebrochen swanch
0507,2: do warfer von im balde sin wafen daz was lanch
0507,3: den sinen kamerære wold/er\ niht slahen tot
0507,4: er schonte sin/er\ zvhte als im sin tvgent gebot
0508,1: Mit starchen sinen handen lief er Albrichen an
0508,2: do vieng er bi dem parte den altgrisen man
0508,3: er zogeten vngefvge daz er vil lvot erscre
0508,4: zvht des ivngen rechen div tet Albriche we
0509,1: Lvte rief d/er\ chvne nv lazzet mich genesen
0509,2: vñ moht ich iemens eigen an einen rechen wesen
0509,3: dem swor ich des eide ich wære im vnd/er\tan
0509,4: ich diende iv <e> ich stvrbe so sp/ra\ch d/er\ listige man
0510,1: ))D((o bant er Albrichen alsam den risen ê
0510,2: die Sifrides chrefte taten im vil we
0510,3: daz twerch begvnde vragen wie sint ir genant?
0510,4: er sp/ra\ch ich bin ez Sifrit ich wande ich wære iv wol bekant
0511,1: So wol mich dirre mære sp/ra\ch ab/er\ daz getwerch
0511,2: nv han ich wol erfvnden div degenlichen werch
0511,3: daz ir von waren schulden mvget landes herre wesn
0511,4: ich tvon swaz ir gebietet daz ir lazet mich genesn
0512,1: Do sp/ra\ch der herre Sifrit ir svlt balde gan
0512,2: vñ bringet mir d/er\ rechen d/er\ besten d/er\ wir han
0512,3: tvsint Nibelunge daz mich die hie gesehn
0512,4: was er d/er\ aller wolde des hort in niemen v/er\iehn
0513,1: Dem risen vñ Albrichen lost er do div bant
0513,2: do lief er harte balde da er die rechen vant
0513,3: er wacht in grozen <sorgen> vil manigen chvnen man
0513,4: er sp/ra\ch wol vf ir helde ir sult zv Sifride gan
0514,1: ))S((i sprungen von dem bette vñ waren vil bereit
0514,2: tvsint sneller degene wrden wol gekleit
0514,3: si chomen da si fvnden Sifriden stan
0514,4: da wart ein schone grvzen ein teil mit vorhten getan
0515,1: Vil kercen wart enzvndet man schancht im lutt/er\tranch
0515,2: daz si so balde chomen des saget er in do danch
0515,3: er sprach ir mvzet hinnen mit mir vb/er\ flvot
0515,4: des vant er vil bereit die helde chven vñ gvot
0516,1: Wol <driezech> hund/er\t rechen die waren schiere kom/en\
0516,2: vz den wrden tusint d/er\ besten <do> genom/en\
0516,3: den braht man ir helme vñ and/er\ ir gewant
0516,4: do er si fveren wolde in daz Prvnhilde lant
0517,1: Hort ir gvten ritter

Blatt 20^r
Str. 517,1 - 530,3

0517,1: waz ich iv welle sagn
0517,2: ir svlt vil richiv chleider da ze hove tragen
0517,3: da wir sehen mvzen vi minnekliv wip
0517,4: dar vmbe svlt ir zieren mit gvter wæte den lip
0518,1: Nv sp/ri\chet liht ein tvmber ez mach wol lvge wesen
0518,2: wie moehte so vil ritter bi ein and/er\ sin genesn?
0518,3: wa namen si die spise? wa namen si gewant?
0518,4: sine chvndenz niht v/er\enden vñ ob in dienten drizzech lannt
0519,1: Sivrit was so riche als ir wol habt gehort
0519,2: im diente daz chunichriche vñ Nibelunge hort
0519,3: des gaber sinen degenen vil vollechlich genvoch
0519,4: wande sin wart doch niht minre swie vil man von dem schatze trvoch
0520,1: ))V((il frvo an einem morgen hvben sie sih dan
0520,2: waz sneller geverten Sivrit do gewant!
0520,3: si fvrten ros div gvten vñ herlich gewant
0520,4: si chomen ritt/er\liche in daz Prvnhilt lant
0521,1: Do stvnden in den venstern div minneklichen kint
0521,2: do sprach div kuniginne weiz iemen wer die sint
0521,3: die dort her gein vns vliezent so verre vf ienem se?
0521,4: si fvrent segel riche die sint noch wizzer danne ein sne
0522,1: Do sp/ra\ch d/er\ vogt von Rine ez sint mine man
0522,2: die het ich an d/er\ verte hie nahe bi v/er\lan
0522,3: die han ich besendet frowe die sint chom/en\
0522,4: d/er\ herlichen gesten wart vil groze war genom/en\
0523,1: Do sach man Sifride vor in eime scheffe stan
0523,2: in vil herlich/er\ wæte im volget manic man
0523,3: do sp/ra\ch div kuniginne her chvnic ir svlt mir sagen
0523,4: sol ich die geste enpfahen od/er\ sol ich grvzen si v/er\dagen?
0524,1: Ir svlt in begegene sp/ra\ch er miht zvhten gan
0524,2: ob wir si sehen gerne daz si wol daz v/er\sten
0524,3: do tet div kuniginne daz ir d/er\ kunic geriet
0524,4: Sifride mit dem grvoze von den and/er\n si do schiet
0525,1: Man schvof in h/er\berge mit willen al zehant
0525,2: do was so vil d/er\ geste chomen in daz lant
0525,3: daz si sich allenthalben drvngen mit den scharn
0525,4: do wolden die vil chvenen zv den Burgonden varn
0526,1: ))D((o hiez div kuniginne teilen sa zehant
0526,2: golt vñ silber ross vñ ovch gewant
0626,3: den vremden vñ den chvnden vil <manigem> werden man
0526,4: des ir <ir> vater hete nach sime tode vil v/er\lan
0527,1: Si hiez ovch sagen von Rine den rechen also her
0527,2: daz si des schazzes næmen minre od/er\ mer
0527,3: daz si daz mit ir brêhten in Burgonden lant
0527,4: des antwrt ir Hagene in hohem mvte sa zehant
0528,1: Vil edeliv kuniginne iv si fvr war geseit
0528,2: ez hat d/er\ kunic von Rine golt vñ kleit
0528,3: also vil ze gehene daz wir des habn rat
0528,4: daz wir iht hinnen fvren iw/er\ golt od/er\ iw/er\ wat
0529,1: Nein dvrch mine liebe sp/ra\ch daz magedin
0529,2: ich wil mit mir hinnen <fveren> zweinzich schrin
0529,3: von golde vñ ovch siden daz gebn sol min hant
0529,4: so wir chom/en\ vber in daz Gvntheres lant
0530,1: ))D((o sp/ra\ch div kuniginne wem laz ich miniv lant?
0530,2: di sol nv hie bestiften vnser beid/er\ hant
0530,3: do sp/ra\ch d/er\ kunic edele

Blatt 19^v
Str. 503,4 - 517,1

Blatt 20^r
Str. 517,1 - 530,3

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr