Nibelungen-Handschrift C

Blatt 20^v
Str. 530,3 - 543,3

Blatt 21^r
Str. 543,3 - 556,4

Nibelungen-Handschrift C / Blatt 20v / JPG-Format klein

Nibelungen-Handschrift C / Blatt 21r / JPG-Format klein

Blatt 20^v
Str. 530,3 - 543,3

0530,3: nv heizet her gan
0530,4: swer iv dar zvo gevalle den svln wir vogt wesn lan
0531,1: Ein ir hohsten mage div frowe bi ir sach
0531,2: er was ir mvt/er\ brvd/er\ zv dem div maget sp/ra\ch
0531,3: nv lat iv sin bevolhen die burge vñ ovch daz lant
0531,4: vnze daz hie rihte des kunich Gunth/er\es hant
0532,1: Do welt si ir gesindes tvsint chvner man
0532,2: die mit ir ze Rine solden varn dan
0532,3: zvo ienen tvsint rechen von Nibelunge lant
0532,4: si rihten sich zer verte man sach sie riten vf den sant
0533,1: Si fvrten mit ir dannen sehs vñ ahzech wip
0533,2: dar zvo wol hvnd/er\t mægede vil schone was ir lip
0533,3: sine sovmten sich niht langer si ilten vaste dan
0533,4: die si da heime liezen hey was d/er\ weinen began!
0534,1: ))I((n tvgentlichen zouhten si rvmt ir eigen lant
0534,2: si chvst ir frivnt die nehsten swaz si d/er\ bi ir vant
0534,3: mit gvtem vrlovbe si chom/en\ vf den se
0534,4: zvo zir vat/er\ lande chome div frowe nimm/er\ me
0535,1: Do hort man vf der verte maniger hande spil
0535,2: all/er\ kvrzewile d/er\ heten si vil
0535,3: do chome in zv zir reise ein reht/er\ wazzerwint
0535,4: si fvren von dem lande vil harte vrolichen sint
0536,1: Iane wolde si den herren niht minnen vf d/er\ vart
0536,2: er wart ir kurzwile vnz in sin hvs gespart
0536,3: ze Wormez zv d/er\ burge zeiner hochgecit
0536,4: dar si vil frevden riche chomen mit ir rechen sit

Auentv wie Sivrit ze Wormez i/n\ botschefte fvor
0537,1: <))))D((((o> si gevarn warn vollen niwen tage
0537,2: do sp/ra\ch der chvne Hagene nv merchet waz ih sage
0537,3: ir svomt ivch mit den mæren ze Wormeze an den Rin
0537,4: die iwern boten solden nv zen Burgonden sin
0538,1: Do sp/ra\ch d/er\ kunich Gvnther ir habt mir reht geseit
0538,2: nv hereitet ivch zer verte ritter vil gemeit
0538,3: wande wir in disen ziten ander niem/en\ han
0538,4: d/er\ dar mvge geriten do sp/ra\ch d/er\ vb/er\mvete man
0539,1: Nv wizzet lieb/er\ herre ine bin niht bote gvot
0539,2: ich wil ivch eins bewisen d/er\ ez doch gerne tvot
0539,3: Sivrit den chvnen svlt ir iz niht v/er\dagen
0539,4: dvrch iw/er\ swest/er\ liebe getarrer erz iv nimm/er\ v/er\sagen
0540,1: Er sande nach dem rechen d/er\ herre chom zehant
0540,2: er sprach sit daz wir nahen heim in miniv lant
0540,3: so solde ich boten senden d/er\ lieben swest/er\ min
0540,4: vñ ovch min/er\ mvoter daz wir nv nahen an den Rin
0541,1: Des bitte ich ivch her Sivrit daz ir die reise tvot
0541,2: daz ez mit mir v/er\diene div edel maget gvot
0541,3: mit allen minen frivnden ritter vil gemeit
0541,4: do sp/ra\ch d/er\ degen chvne d/er\ reise bin ich iv bereit
0542,1: ))N((v enbietet swaz ir wellet des wirdet niht v/er\daget
0542,2: dvrch die vil minneklichen so wirt ez gar gesaget
0542,3: zwiv solde ih dir v/er\zihen die ich in hercen han?
0542,4: swaz ir durch si gebietet daz ist allez getan
0543,1: So sagt min/er\ mvoter vñ ovch d/er\ swest/er\ min
0543,2: daz wir an dirre v/er\te in hohem mvote sin
0543,3: lat wizzen

Blatt 21^r
Str. 543,3 - 556,4

0543,3: mine brveder wie wir geworben han
0543,4: vñ and/er\ unser frivnde sol man div mære ovch horen lan
0544,1: Chriemhilde vñ mine mvoter svlt ir niht v/er\dagen
0544,2: min vñ Prvnh' dienest svlt ir in beiden sagen
0544,3: vñ allem ir gesinde vñ allen minen man
0544,4: dar nach ie ranc min h/er\ce wie wol ich daz erworben han!
0545,1: Vñ sagt ovch minen brvdern vñ andern frivnden min
0545,2: daz si mit grozem vlize dar zv gewarnt sin
0545,3: vñ sol in vnsern landen div mære wizzen lan
0545,4: ich wil mit Prvnhilde vil groze hochgecite han
0546,1: Vñ bitet mine swest/er\ so si daz habe v/er\nom/en\
0546,2: daz ich mit minen gesten si ze lande chomen
0546,3: daz si mit vlize enpfahe die trvtinne min
0546,4: daz wil imm/er\ mere mit triwen dienende sin
0547,1: ))D((o d/er\ vil chvne reche vrlovp von im genam
0547,2: vñ ovch von Prvnhilde d/er\ ritt/er\ lobesam
0547,3: reit in grozen frevden ze Wormeze an den Rin
0547,4: ez enchunde in allen landen ein bote bezzer niht gesin
0548,1: Mit vier vñ zweinzech rechen ze Wormeze er do reit
0548,2: des chvniges chom er ane do daz wart geseit
0548,3: allez daz gedigene vor iamer heten not
0548,4: si vorhten daz ir herre dort beliben wære tot
0549,1: Die helde erbeizet waren vil hohe stvont ir mvot
0549,2: vil schier in chomen beide die ivnge kvnige gvot
0549,3: vñ al daz hofegesinde d/er\ herre Gernot sp/ra\ch
0549,4: do er sinen <brvd/er\> niht bi Sivride ensach
0550,1: Willechom/en\ ritter edele ir svlt vns hoeren lan
0550,2: wa ir mine/n\ brvd/er\ <de/n\> kunic habt v/er\lan
0550,3: div Prvnhilde sterche in wæn vns hat benom/en\
0550,4: so ist vns ir hohiv minne harte schedelich chomen
0551,1: ))I((v edeln rechen beiden vñ al den magen sin
0551,2: enbivtet sinen dienest d/er\ hergeselle min
0551,3: den liez ih wol gesunden er hat mich her gesant
0551,4: ze boten mit den mæren daz ich iv div tæte <bekant>
0552,1: Ir svlt daz ahten schiere swie so daz geschehe
0552,2: daz ich iw/er\ mvot/er\ vñ iw/er\ swest/er\ sehe
0552,3: die sol ich lazen horen waz in enboten hat
0552,4: Gunth/er\ d/er\ chvnic riche des dinch in hohen eren stat
0553,1: Do sp/ra\ch d/er\ ivnge Giselher da svlt ir dar gan
0553,2: da habt ir min/er\ mvot/er\ vil liebe an getan
0553,3: div hat doch michel sorge vmbe den brvod/er\ min
0553,4: si sehent ivch beide gerne des svlt ir gar ane angest sin
0554,1: Do sp/ra\ch d/er\ herre Sivrit swaz ich in dienen chan
0554,2: daz sol vil willechlichen mit triwen sin getan
0554,3: wer sagt nv den frowen daz ich wil dar gan?
0554,4: daz tvon ich sp/ra\ch do Giselh/er\ d/er\ vil wætlich man
0555,1: ))D((er stolze chvene reche ze sin/er\ mvot/er\ sp/ra\ch
0555,2: vñ ovch zv sin/er\ swest/er\ da er si beide sach
0555,3: vns ist chom/en\ Sivrit d/er\ helt vz Nid/er\lant
0555,4: in hat min brvod/er\ Gunth/er\ ze Rine her von im gesant
0556,1: Er bringet vns div mære wiez vmben chvnich ste
0556,2: nv svlt ir im erlovben daz er ze hove ge
0556,3: er bringet div rehten mære her von Islant
0556,4: noch was den ede

Blatt 20^v
Str. 530,3 - 543,3

Blatt 21^r
Str. 543,3 - 556,4

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr