Nibelungen-Handschrift C

Blatt 22^v
Str. 583,3 - 596,1

Blatt 23^r
Str. 596,1 - 609,1

Nibelungen-Handschrift C / Blatt 22v / JPG-Format klein

Nibelungen-Handschrift C / Blatt 23r / JPG-Format klein

Blatt 22^v
Str. 583,3 - 596,1

0583,3: gegen d/er\ wat
0583,4: so schones ingesindes nv niht kuniges chvnne hat
0584,1: Do die vil minneklichen nv trvgen ir gewant
0584,2: di si da fvren solden die chomen al zehant
0584,3: der hochgemvten rechen ein vil michel chraft
0584,4: man trvg ovch dar mit schilden vil manigen esschinen schaft

Auentv wie d/er\ kunec Gunth/er\ zu Wormze
mit frov P/rv\nh' <prvtte>
0585,1: <)))))A(((((nderthalp> des Rines sach man mit grozen scharn
0585,2: den chunic mit sinen gesten zv dem stade varn
0585,3: ovch sach man da bi zovmen leiten manige meit
0585,4: di si enpfahen solden die waren alle bereit
0586,1: Do die von Islande zen schiffen chomen dan
0586,2: vñ ovch von Nibelungen Sivrides man
0586,3: si gahten zv dem lande vnmvzich wart ir hant
0586,4: da man des chvniges frivnde des stades and/er\thalben vant
0587,1: Nv hoert ovch disiv mære von d/er\ chvnegin
0587,2: Uten d/er\ vil richen wie si div mægedin
0587,3: gefrvmte von d/er\ bvrge dar si do selbe reit
0587,4: da gewan ein and/er\ chvnde vil manic ritt/er\ vñ meit
0588,1: ))D((er marg/ra\ve Gere Chriemhilde zovmte dan
0588,2: niwan vz d/er\ burge Sivrit d/er\ chvne man
0588,3: dient ir do minnekliche si was ein schoene kint
0588,4: des wart im wol gelonet von d/er\ ivncfrowen sint
0589,1: Ortwin d/er\ chvne bi fron Voten reit
0589,2: vil gesellechlichen manic ritter vñ meit
0589,3: ze solhem antphange des mach man wol v/er\iehen
0589,4: wart nie so vil d/er\ frowen bi ein and/er\ gesehn
0590,1: Vil manic bvhvrt richen sach man dan getribn
0590,2: von helden loblichen niht wol wær ez beliben
0590,3: vor <Chriemhilde> d/er\ schoenen al zv den schiffen dan
0590,4: do hvop man oon den moeren manige frowen wolgetan
0591,1: Der chvnich was chomen selbe vñ manic werd/er\ gast
0591,2: hey was starch/er\ schefte vor den frowen brast!
0591,3: man hort da hvrteklichen von schilden manigen stoz
0591,4: hey waz da rich/er\ bvckelen von gedrange lvot erdoz!
0592,1: ))D((ie vil minneklichen die stvnden an d/er\ habe
0592,2: Gunth/er\ mit sinen gesten gie von den schiffen abe
0592,3: er fvorte Prvnhilde selbe an siner hant
0592,4: da lvhten wid/er\ ein and/er\ die edeln <stein> vñ ovch daz gewant
0593,1: In vil grozen zvhren frow Chriemh' do gie
0593,2: da si Prvnhilde mit ir gesinde enpfie
0593,3: da wart gervchet hoher mit wnneklich/er\ hant
0593,4: vil manic schapel riche do si sie enpfiengen in daz lant
0594,1: Do sp/ra\ch gezogenliche Chriemh' div chvniginne
0594,2: ir svlt zv disen landen groz willechom/en\ sin
0594,3: mir vñ min/er\ mvot/er\ vnde allen die wir <han>
0594,4: dar nach wart von den vrowen mit trvten chvssen niht v/er\lan
0595,1: Do Prvnh' frowen vol chomen vf den sant
0595,2: da wart vil minneklichen genom/en\ bi d/er\ hant
0595,3: von herlichen rechen manich wip wol getan
0595,4: man sah die schonen megede vor d/en\ chvniginn/en\ stan
0596,1: E daz ir grvoz ergienge

Blatt 23^r
Str. 596,1 - 609,1

0596,1: das was ein langiv stvnt
0596,2: ia wart da gechvsset manic rosen varwer mvont
0596,3: noh stvnden bi ein and/er\ die kuniges toht/er\ rich
0596,4: daz liebet an ze sehene vil manigen rechen lobelich
0597,1: ))D((o speheten mit den ovgen die ê horten iehn
0597,2: daz si so mi/n\nechliches heten niht gesehn
0597,3: so die frowen beide des iach da manic man
0597,4: daz si den pris an schoene in manigen landen mvsen han
0598,1: Die frowen spehen chvnden vñ herlichen lip
0598,2: die lobten durch ir schoene daz Gunth/er\es wip
0598,3: doch sp/ra\chen da di wisen die hetenz baz ersehn
0598,4: man mohte Chriemh' wol fvr <Prvnhilde> iehn
0599,1: Wid/er\ ein and/er\ giengen beide magt vñ wip
0599,2: man sach da wol gezieret vil manigen schonen lip
0599,3: da warn sidin hutten vñ manich rich gezelt
0599,4: d/er\ was da vil gespannen vor Wormez vb/er\ al daz velt
0600,1: Von des chuniges mâgen wart dringen niht v/er\lan
0600,2: man hiez die chuniginne beide dannen gan
0600,3: vñ mit in al die frowen da man den scaten vant
0600,4: dar brahten si die degene vzer Burgonden lant
0601,1: ))D((v waren ovch die geste zen rossen alle chomen
0601,2: vil manic richiv tioste durch schilde wart genom/en\
0601,3: daz velt begunde stovben sam ob al daz lant
0601,4: mit lovge enbrunnen wære da wrden degene bechant
0602,1: Wes da die helde pflægen daz sach vil manic meit
0602,2: man sagt <daz> her Sivrit mit sinen helden reit
0602,3: manige wid/er\chere fvr die hutten dan
0602,4: er fvrt d/er\ Nibelunge tvsint wætlich/er\ man
0603,1: Do chom von Tronege Hagene als im d/er\ wirt geriet
0603,2: den bvhvrt frivntliche do d/er\ helt geschiet
0603,3: daz si ungestovbet liezen div <minnekliche/n\> kint
0603,4: des wart do von den gesten gevolget zvhtekliche sint
0604,1: Do sp/ra\ch der herre Gernot div ross nv lazet stan
0604,2: vnz ez beginne chvolen so svlen wir ane van
0604,3: dienen schoenen wiben fvr den palas wit
0604,4: so der chunic welle riten daz ir bereite denne sit
0605,1: Vor d/er\ <vesp/er\zite> do div sunne nid/er\ gie
0605,2: vñ ez begunde chvolen niht langer man daz lie
0605,3: in die stat sich hvben man <magt> vñ wip
0605,4: mit ovg/en\ wart getrvtet vil manig/er\ ivncfrowen lip
0606,1: Da wart von gvten rechen vil chleid/er\ ab gerieten
0606,2: von den hochgemvten nach ir lande siten
0606,3: vnz fvr den palas witen d/er\ chunich da nid/er\ stvnt
0606,4: da wart gedienet frowen so helde hoch gemvote tvont
0607,1: ))D((o wrden ovch gescheiden die richen kunigin
0607,2: froe vote vñ ovch ir toht/er\ die giengen beide hin
0607,3: vñ mit ir ingesinde in ein vil witez gadem
0607,4: do hort man allenthalben vil harte grozlichen chradem
0608,1: Gerihtet wart gesidele d/er\ chunic wolde gan
0608,2: ze tische mit den gesten do sach man bi im stan
0608,3: die schonen Prvnhilden chrone si do trvoch
0608,4: in des <chvniges> lande div was spæhe vñ rich genvoch
0609,1: Vil manic hergesidele mit gvo

Blatt 22^v
Str. 583,3 - 596,1

Blatt 23^r
Str. 596,1 - 609,1

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr