Nibelungen-Handschrift C

Blatt 23^v
Str. 609,1 - 622,4

Blatt 24^r
Str. 623,1 - 636,4

Nibelungen-Handschrift C / Blatt 23v / JPG-Format klein

Nibelungen-Handschrift C / Blatt 24r / JPG-Format klein

Blatt 23^v
Str. 609,1 - 622,4

0609,1: ten taveln breit
0609,2: vol spise wart gesezzet als vns daz ist geseit
0609,3: des si haben solden wie wenich des gebrast!
0609,4: do sach man bi dem kunige vil manigen herlichen gast
0610,1: Des wirtes kamerære in pechen goldes rot
0610,2: daz wazzer fvor trvogen des wære lvzzil not
0610,3: ob iv daz iemen seite daz man diente baz
0610,4: ze kuniges hochgeciten ich gelovbe mvliche daz
0611,1: ))E(( daz d/er\ vogt von Rine wazzer do genam
0611,2: do tet d/er\ herre Sivrit als im do gezam
0611,3: er mant in siner triwe wes er im v/er\iach
0611,4: e daz er Prvnhilde da heim in Islande sach
0612,1: Er sp/ra\ch zvo dem chvnege ia swor mir iw/er\ hant
0612,2: swenne daz frov Prvnh' chome in dizze lant
0612,3: ir gæbt mir iw/er\ swester war si/n\t die eide chom/en\?
0612,4: ich han an iw/er\ reise vil micheI arebeit genom/en\
0613,1: Do sp/ra\ch d/er\ chunic riche ir habt mich reht ermant
0613,2: iane sol niht meineide werden des min hant
0613,3: ich wilz iv helfen fvgen so ich beste chan
0613,4: do hiez man Chriemh' ze hove zv dem chvnige gan
0614,1: Mit ir schonen meiden si chom fvr den sal
0614,2: do sp/ra\nch von einer stiegen Giselh/er\ zetal
0614,3: do hiez er wid/er\ wenden ir schonen mægedin
0614,4: niwan min swest/er\ eine div sol mit vns ze hove sin
0615,1: Do brahter <sine> swest/er\ da man den chunic vant
0615,2: da stvnden ritter edele von manig/er\ fvrsten lant
0615,3: in dem sal enmitten hiez man si stille stan
0615,4: do was div frowe Prvnhilt an ir sedel nv gegan
0616,1: Sine wesse niht d/er\ mære waz man da wolde tvon
0616,2: do sp/ra\ch zv sinen magen d/er\ Danchrates svn
0616,3: helfet mir daz min swester Sivriden neme ze man
0616,4: do sp/ra\chens al geliche si mag in wol mit eren han
0617,1: ))D((o sp/ra\ch d/er\ chunic Gvnth/er la dirz niht wesn leit
0617,2: min vil liebiv swest/er\ vñ loese minen eit
0617,3: ich swor dich eime rechen vñ wirdet er din man
0617,4: so hastv minen willen mit grozen triwen getan
0618,1: Do sprach div magt edele vil lieb/er\ brvd/er\ min
0618,2: irn svlt mich niht vlehen ia wil ich imm/er\ sin
0618,3: swie ir mir gebietet daz sol sin getan
0618,4: ich sol in loben gerne den ir mir herre gebt ze man
0619,1: Von lieb/er\ ovgenweide wart Sivrides varwe rot
0619,2: ze dienest sich d/er\ meide do d/er\ reche boe
0619,3: man hiez si zvo ein and/er\ in dem ringe stan
0619,4: vñ vragtes ob si wolde den vil wætlichen man
0620,1: In magtlichen zvehten si schamte sich ein teil
0620,2: iedoch so was gelucke vñ Sivrides heil
0620,3: daz si in niht v/er\sprechen wolde da zehant
0620,4: ovch lobte si ze wibe d/er\ edel chunic von Nid/er\lant
0621,1: Do si in gelobte vñ ovch er die meit
0621,2: gvtlich vmbevahen daz was da vil bereit
0621,3: von Sivrides armen daz minnekliche chint
0621,4: nach siten wart gechvsset div schone chvniginne sint
0622,1: ))S((ich teilte daz gesinde als schiere daz geschach
0622,2: an daz gegensidele man Sivride sach
0622,3: mit Chriemh' sizzen dar dient im manic man
0622,4: man sach die Nibelunge nach im an den sedel gan

Blatt 24^r
Str. 623,1 - 636,4

0623,1: Ovch was d/er\ wirt gesezzen vñ Prunh' div meit
0623,2: do sach si Chriemh' do wart ir nie so leit
0623,3: bi Sivride sizzen weinen si began
0623,4: ir vielen heize træhene vb/er\ liehtiv wange dan
0624,1: Do sp/ra\ch d/er\ wirt des landes waz ist iv frowe min
0624,2: daz ir so lazet trvben lieht/er\ ovgen schin?
0624,3: ir mohtet sanfter lachen wan iv ist vnd/er\tan
0624,4: min lant vnde riche bvrege vñ manic wætlich/er\ man
0625,1: Ich mac wol balde weinen sp/ra\ch div schone meit
0625,2: vmbe dine swester ist mir so grimme leit
0625,3: di sich ich sizzen nahn dem eigen holden din
0625,4: daz mvoz mich imm/er\ riwen vñ sol si also v/er\stozen sin
0626,1: ))D((o sp/ra\ch d/er\ chunich Gvnth/er\ ir mvgt wol stille dagn
0626,2: ich wil iv zand/er\n citen disiv mære sagn
0626,3: warvmbe ich mine swest/er\ dem rechen han gegebn
0626,4: ia mac si mit dem degene imm/er\ vroliche lebn
0627,1: Si sp/ra\ch mich iam/er\t imm/er\ ir schoene vñ ovch ir zvht
0627,2: vñ wesse ich war ich solde ich hete gerne vluht
0627,3: daz ich iv nimm/er\ wolde gelige/n\ nahen bi
0627,4: irn saget mir wa von Chriemh' div wine Sivrides si
0628,1: Do sp/ra\ch d/er\ chvnic riche ich tvonz iv wol bechant
0628,2: er hat als wol burge als ich vñ witiv lant
0628,3: daz wizzet sich/er\lichen er ist ein chunic rich
0628,4: des gan ich im ze minnen die schonen magt lobelich
0629,1: Swaz ir d/er\ chunic sagete si hete trvbin mvot
0629,2: do gahete von den tisschen vil manic ritt/er\ gvot
0629,3: ir bvhurt wart so herte daz al div bvrch erdoz
0629,4: den wirt do bi den gesten da ze wesene v/er\droz
0630,1: Er daht er læge sanfter d/er\ schonen frowen bi
0630,2: do was er des gedingen niht in h/er\cen vri
0630,3: im mvese von ir minne ein hohez liep geschehen
0630,4: er begunde vrivntliche an die magt dicke sehen
0631,1: ))I((r ritt/er\schaft die geste hiez man do ab lan
0631,2: d/er\ chvnic mit sime wibe ze bette wolde gan
0631,3: vor des sales stiegen die frowen schieden sich
0631,4: in zhte/n\ minnekliche als ich wol v/er\wæne mich
0632,1: Do chom ir ingesinde die sovmten sich des niht
0632,2: ir richen chamerære die brahten in div lieht
0632,3: sich teilten do die rechen d/er\ zweier kunige man
0632,4: do sach man vil d/er\ degene dan mit Sivride gan
0633,1: Die h/er\ren chom/en\ beide al da si solden ligen
0633,2: do gedaht ir ieslich/er\ mit minnen an gesigen
0633,3: den minneklichen frowen daz trost in wol den mvot
0633,4: Sivrides kvrzewile div wart vil grozliche gvot
0634,1: Do d/er\ herre Sivrit bi Chriemh' lach
0634,2: vñ er so minnekliche d/er\ iuncfrowen pflach
0634,3: mit sinen edeln minnen si wart im so d/er\ lip
0634,4: daz chvnde ovch <si> v/er\dienen als ein tvgende riche wip
0635,1: Ine sage iv niht mere wie er d/er\ frowen pflac
0635,2: nv horet ovch disiv mære wie Gunth/er\ gelach
0635,3: bi d/er\ sinen brvte d/er\ vil mære degen
0635,4: was vil diche sanfter bi and/er\n frowen gelegn
0636,1: ))D((az volch was im entwichen frowen vñ man
0636,2: do wart div kemenate balde zv getan
0636,3: er wande er solde trvten ir minneklichen lip
0636,4: ez was noch vil

Blatt 23^v
Str. 609,1 - 622,4

Blatt 24^r
Str. 623,1 - 636,4

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr