Nibelungen-Handschrift C

Blatt 25^v
Str. 663,3 - 677,2

Blatt 26^r
Str. 677,2 - 690,4

Nibelungen-Handschrift C / Blatt 25v / JPG-Format klein

Nibelungen-Handschrift C / Blatt 26r / JPG-Format klein

Blatt 25^v
Str. 663,3 - 677,2

0663,3: den in den palas gan
0663,4: do hiezen die kamerære die lvte von dem wege stan
0664,1: Von <rossen> vñ von lvten gerovmet was d/er\ hofe
0664,2: d/er\ frowen iesliche fvrt ein bisscofe
0664,3: do si vor den kunigen ze tische solden gan
0664,4: in volgte zv dem sidele vil manic reche wolgetan
0665,1: Der chunic in gvtem wane bi sime wibe saz
0665,2: daz im gelobte Sivrit wol gedahter an daz
0665,3: der eine tac in dvhte wol drizzech tage lanc
0665,4: an Prvnh' minne stvnde im all/er\ sin gedanc
0666,1: Wand/er\ erbeite chvome daz man ze naht von tische gie
0666,2: die schonen Prvnhilde man do chom/en\ lie
0666,3: vñ ovch Chriemh' si bede an ir gemach
0666,4: hey waz <man> chuner degene bi den schonen frowen sach!
0667,1: Sivrit vñ Chriemh' ie baz vñ baz
0667,2: durch liebe ein and/er\ trvoten ir svlt gelovben daz
0667,3: swaz si im gedienen chvnde wie luzzil si des liez
0667,4: do mvs ovch <leisten> Sivrit alser Gunth/er\ gehiez
0668,1: Er stal sich von den frowen vil tovgen chom er dan
0668,2: da er vil kamerære vant mit liehten stan
0668,3: div begunde leschen den chinden an d/er\ hant
0668,4: daz ez Sivrit wære daz wart do Gunth/er\ bechant
0669,1: Wol wesser waz er wolde do hiez er dannen gan
0669,2: mægede vñ frowen do daz wart getan
0669,3: er besloz mit vlize selbe do die tvr
0669,4: starcher rigele zwene die warfer snelle d/er\ fvr
0670,1: Div lieht v/er\barger schiere vnd/er\ die bettewat
0670,2: eines spils begunde des was do niht rat
0670,3: Sivrit d/er\ vil starche vñ ovch div schone meit
0670,4: daz was do dem chunige beide lieb vñ leit
0671,1: Der helt sich leite nahen d/er\ iuncfrowen bi
0671,2: si sp/ra\ch nv lat ez Gvnth/er\ als liep als iv daz si
0671,4: daz ir niht arebeite lidet alsam ê
0671,4: sit getet div frowe dem chunige Sifride we
0672,1: Do hal er sine stimme daz er niht ensprach
0672,2: d/er\ kunic ez allez horte swie er sin niht ensach
0672,3: daz heimlich/er\ dinge von <in> da niht geschach
0672,4: si heten an dem bette harte kleinen gemach
0673,1: ))E((r gebarte sam ez wære Gunth/er\ d/er\ chunic rich
0673,2: er vmbesloz mit arm/en\ die magt lobelich
0673,3: si warfen vz dem bette dabi vf einen banch
0673,4: daz im sin hovbet lvote an eime scamel erchlanch
0674,1: Wid/er\ vf mit chreftin spranch d/er\ vil snelle man
0674,2: er woldez baz v/er\svochen do er des began
0674,3: daz ers im wolde twingin dem erz gelobet ê
0674,4: solch wer deheiner frowen wêin ich imm/er\ mer erge
0675,1: Do er niht wolde erwinden div magt balde vf sp/ra\nch
0675,2: irn svlt mir niht zefveren min <hemede> also blanch
0675,3: mit iw/er\ groz vnfvge wandez ist mir leit
0675,4: des bringe ich ivch wol innen sp/ra\ch do div minneklichiv meit
0676,1: Mit ir vil starchen armen besloz si den degn
0676,2: do wolde si in gebvnden alsam den kunic legen
0676,3: daz si an ir bette mohte habn gemach
0676,4: daz er ir wat zerfverte div frowe ez grozliche rach
0677,1: Waz half sine groziv sterche vñ ovch sin michel ch/ra\ft?
0677,2: si erzeigete wol dem

Blatt 26^r
Str. 677,2 - 690,4

0677,2: degene ir libes meisterschaft
0677,3: si trvge in mit gewalte da wart ir ellen schin
0677,4: vñ trvchtin vngefvege zwischen d/er\ <wende> vñ einen schrin
0678,1: Owe gedaht d/er\ reche sol ich nv minen lip
0678,2: von einer magt v/er\liesen so mvgen elliv wip
0678,3: her nach imm/er\ mere hohe tragen den mvot
0678,4: so <v/er\svochtet> ez vil mænegiv div ez svs nimm/er\ getvot
0679,1: ))D((o schamte sich vil sere d/er\ vil choune man
0679,2: ob ir gelinge solde zvrnen er began
0679,3: mit vngefveger chrefte sazter sich <ir> wid/er\
0679,4: er v/er\svochtez angestlichen an d/er\ chvniginne sid/er\
0680,1: Swie vaste si vf im læge sin zorn in do twanch
0680,2: vñ ovch sin starchez ellen daz er an ir danch
0680,3: sich wid/er\ vf gerihte sin angest div was groz
0680,4: si taten in dem gademe her vñ dar vil manigen stoz
0681,1: Ovch was d/er\ chunic Gvnth/er\ niht an angest gar
0681,2: er mvse dicke wenchen vor in her vñ dar
0681,3: si rungen also starche daz ez groz wnd/er\ was
0681,4: daz ir ieslichez vor dem andern <ie> genas
0682,1: Den kunich mvete sere beidenthalp div not
0682,2: doch vorhter michels mere den Sivrides tot
0682,3: wande si het dem degene den lip nach benom/en\
0682,4: wan daz er niht getorste er were ze helfe im gerne chom/en\
0583,1: Ja werte harte lange vnd/er\ in d/er\ strit
0683,2: doch b/ra\ht er die frowen wid/er\ an daz bette sit
0683,3: swie vaste si sich werte ir wer wart ze ivngest chranch
0683,4: d/er\ chunic in sinen sorgen hete manigen gedanch
0684,1: ))E((z dvhte in harte lenge e daz er si betwanch
0684,2: si drucht im sine hende daz vz den nageln sp/ra\nch
0684,3: daz blvot im von ir chreften daz was dem helede leit
0684,4: sit b/ra\hter an ein lovgen die vil herlichen meit
0685,1: ir vngefvges willen des si e da iach
0685,2: d/er\ chunich iz allez horte swier doeh niht ensprach
0685,3: er drvchtes an daz bette daz si vil lvt erschre
0685,4: ir taten sine chrefte do vil grozlichen we
0686,1: Do greif si nach dem porten da si den ligen vant
0686,2: vñ wold in da mit binden do wert ez so sin hant
0686,3: daz ir div lit erchrachten do v/er\zagt ir lip
0686,4: des wart d/er\ strit gescheiden do wart si Gvnth/er\es wip
0687,1: ))S((i sp/ra\ch kunic edele ir svlt mich lebn lan
0687,2: ez wirt vil wol v/er\svenet swaz ich iv han getan
0687,3: ich gewer mich nimm/er\ mere d/er\ edeln minne din
0687,4: wand ich han wol erfvnden daz dv chanst frowen meist/er\ sin
0688,1: Sivrit d/er\ stvnt dannen ligen liez er die meit
0688,2: sam er von sinem libe ziehen wolt div chleit
0688,3: er nam ir e ein vingerlin von golde wol getan
0688,4: daz wolde got von himele daz er daz hete v/er\lan
0689,1: Dar zvo nam er ir gvrtel daz was ein porte gvot
0689,2: ine weiz ob er daz tæte dvrch sinen hohen mvot
0689,3: er gab ez sime wibe daz wart im sid/er\ leit
0689,4: do lagen bi ein and/er\ Gunth/er\ vñ Prunh' div meit
0690,1: Er pflag ir minnekliche als in daz beiden zam
0690,2: do mvste si v/er\chiesen ir zorn vñ ovch ir scham
0690,3: von siner heinliche si wart ein luzzil bleich
0690,4: hey waz ir von d/er\ min

Blatt 25^v
Str. 663,3 - 677,2

Blatt 26^r
Str. 677,2 - 690,4

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr