Nibelungen-Handschrift C

Blatt 26^v
Str. 690,4 - 703,3

Blatt 27^r
Str. 703,3 - 717,2

Nibelungen-Handschrift C / Blatt 26v / JPG-Format klein

Nibelungen-Handschrift C / Blatt 27r / JPG-Format klein

Blatt 26^v
Str. 690,4 - 703,3

0690,4: ne ir vil grozen chrefte entweich!
0691,1: ))D((one was ovch si niht sterch/er\ dann ein and/er\ wip
0691,2: er trvote vil minnekliche den ir vil schonen lip
0691,3: ob siz v/er\svochte mere waz chvnde daz v/er\van?
0691,4: daz het ir d/er\ kunic Gunth/er mit sinen minnen getan
0692,1: Wie rehte minnekliche si im nahen lac
0692,2: mit vrivntlich/er\ liebe vnze an den liehten tac!
0692,3: ovch was d/er\ <her/r\e> Sivrit nv hin wid/er\ gegan
0692,4: da warde wol enpfangen von ein/er\ frowen wolgetan
0693,1: Er vnd/er\stunt ir vrage d/er\ si doch hete mvot
0693,2: vñ hal siz harte lange d/er\ chune degn gvot
0693,3: diz chleinoet er ir da heime doch ze iungest gap
0693,4: daz frumte vil d/er\ degene mit samt im selben in daz grap
0694,1: Der wirt wart an de/m\ morgen verre baz gemvot
0694,2: denn/er\ da vor wære des wart div froewde gvot
0694,3: in allen sinen landen von manigem hohen man
0694,4: die er zv huse ladete den wart do dienste vil getan
0695,1: ))D((iv hochgecite do werte vnz an den zwelften tac
0695,2: daz in al d/er\ wile d/er\ scal da nie gelac
0695,3: vo/n\ aller hande vrevden d/er\ iem/en\ solde pflegen
0695,4: do wart des chuniges choste vil harte hohe gewegn
0696,1: Des edeln wirtes mage als ez d/er\ kunic gebot
0696,2: si gaben richiv chleid/er\ dar zvo daz golt vil rot
0696,3: ross vñ dar zv silber vil manigem varnden man
0696,4: die gabe nem/en\ wolden die schieden vrolichen dan
0697,1: Sivrit d/er\ herre vzer Nid/er\lant
0697,2: mit tvsint sinen rechen allez daz gewant
0697,3: daz si ze Rine brahten daz wart gar hin gegebn
0697,4: vñ ovch div ross mit sætelen si chunden miltekliche lebn
0698,1: E man die richen gabe alle da v/er\swanch
0698,2: die wid/er\ ze lande wolden die dvhte des ze lanch
0698,3: ezn wart nie geste mere baz gepflegn
0698,4: svs endet sich div hochgecit daz wolde Gunth/er\ der degen

Auentv wie Sifrit sin wip heim ze lande fvrte
vñ wie <er> sit da heime brvotten
0699,1: )))))S(((((von d/er\ Sigemundes mit gvtlichem site
0699,2: sp/ra\ch zv sinen heleden tvot des ich ivch bite
0699,3: nv bereit vns die moere ia wil ich in min lant
0699,4: liep was ez sime wibe do si div mære an im ervant
0700,1: Si sp/ra\ch zv dem h/er\ren sit wir von hinnen varn
0700,2: daz ich so harte gahe daz heiz ich wol bewarn
0700,3: mir suln e mine brouder teilen mit div lant
0700,4: leit was ez Sivride do erz an Chriemh' <ervant>
0701,1: Die foursten zv zim gie/n\gen vñ sp/ra\chen <alle> dri
0701,2: nv wizzet daz h/er\re Sivrit daz iv imm/er\ si
0701,3: mit <triwen> vns/er\ dienest bereit vnz in den tot
0701,4: des neiger do den degenen do manz im so wol erbot
0702,1: Wir suln ovch mit iv teilen sp/ra\ch Giselh/er\ daz kint
0702,2: lant vñ burge die unser eigen sint
0702,3: swaz d/er\ witen erbe vns ist und/er\tan
0702,4: d/er\ svlt ir teil vil gvten mit samt <Chriemh'> han
0703,1: ))Z((v sinen chonemagen do d/er\ reche sp/ra\ch
0703,2: do er den gvten willen an den herren sach
0703,3: got laze iv iw/er\ erbe imm/er\

Blatt 27^r
Str. 703,3 - 717,2

0703,3: selic sin
0703,4: vñ ovch die lute drinne ia tvot div wine min
0704,1: des teiles wol ze rate den ir ir woldet gebn
0704,2: da si da sol tragen chrone vñ svln wir daz gelebn
0704,3: si mvoz <werde/n\> richer dann iem/en\ lebend/er\ <si>
0704,4: swaz ir svs gebietet sten ich iv dienstlichen bi
0705,1: Do sp/ra\ch div frowe Chriemh' habt ir d/er\ erbe rat
0705,2: vmbe Buregonden degene ez so lihte niene stat
0705,3: sine mvge ein chunich gerne fvren in sin lant
0705,4: ia sol si mit mir teile/n\ miner lieben brud/er\ hant
0706,1: Do sp/ra\ch d/er\ herre <Gernot> nv nim dir swen dv wil
0706,2: die mit dir gerne riten d/er\ vindestv vil
0706,3: von drizech hund/er\t rechen so habe dir tusint man
0706,4: die sin din heimgesinde daz was ir liebe getan
0707,1: Si bereite sich zir verte als ir vil wol gezam
0707,2: ir edeln ingesindes frov Chriemh' do nam
0707,3: zwo uñ drizzech mægede dar zvo funfhvnd/er\t man
0707,4: Ecgewart d/er\ grave fvr mit sin/er\ frowen dan
0708,1: ))V((rlovp si alle namen beide ritt/er\ vñ kneht
0708,2: <mægede> vñ frowen daz was vil michel reht
0708,3: mit chvssen gescheiden wrden si zehant
0708,4: si rovmten minnekliche do d/er\ Buregonden lant
0709,1: Do beleiten si ir mage vil verre vf den wegen
0709,2: man hiezin allenthalben ir nahtselde legn
0709,3: swa si si gerne namen dvrch d/er\ chunige lant
0709,4: do wrden boten balde dem kunige Sigemvnt gesant
0710,1: daz er daz wizzen solde vñ ovch Sigelint
0710,2: daz Sivrit chomen wolde vñ ovch frown voten kint
0710,3: Chriemh' div vil schone von Wormez vb/er\ Rin
0710,4: done kunden in div mêre nimm/er\ lieb/er\ gesin
0711,1: Nv wol mich sp/ra\ch do Sigemvnt daz ich gelebt han
0711,2: daz hie div schone Chriemhilt sol gechronet <stan>
0711,3: des mvezen wol getivret sin div erbe min
0711,4: Sivrit d/er\ vil chuene sol hie nv selbe voget sin
0712,1: Do gap div frowe Sigelint vil manigen samyt rot
0712,2: silber vñ golt daz swêre daz was ir botenbrot
0712,3: si vrevte sich d/er\ mære vñ mit ir manic man
0712,4: allez ir gesinde mit vlize <chleide/n\> sich began
0713,1: ))M((an seit ir wer da choeme mit Sivride in daz lant
0713,2: do <hiezen> si gesidele <rihten> alzehant
0713,3: dar zv er vnd/er\ chrone vor fvrsten solde gan
0713,4: do rite/n\ im engegene des kunich Sigemundes man
0714,1: Ist iem/en\ baz enpfangen daz ist vns vnbechant
0714,2: denne die helede wrden ze Sigemundes lant
0714,3: Sigelint sin mvot/er\ Chriemh' engegen reit
0714,4: mit manig/er\ schonen frowen ir volgeten ritt/er\ gemeit
0715,1: in ein/er\ tageweide da man die geste sach
0715,2: die vremeden vñ dic chvnden die dolten vngemach
0715,3: vnz daz si chomen zer burge wol bechant
0715,4: riche vñ mære div was ze Santen genant
0716,1: Mitt lachendem mvnde Sigelint vñ Sigemvnt
0716,2: chusten Chriemh' mit vrovden sa zehant
0716,3: darnach ir vil liebez kint ir leit in was benom/en\
0716,4: allez ir gesinde was in groz willechomen
0717,1: Do brahte man die geste fvr Segemvndes sal
0717,2: die schone iuncfrowen

Blatt 26^v
Str. 690,4 - 703,3

Blatt 27^r
Str. 703,3 - 717,2

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr