Nibelungen-Handschrift C

Blatt 28^v
Str. 744,1 - 757,3

Blatt 29^r
Str. 757,3 - 770,4

Nibelungen-Handschrift C / Blatt 28v / JPG-Format klein

Nibelungen-Handschrift C / Blatt 29r / JPG-Format klein

Blatt 28^v
Str. 744,1 - 757,3

0744,1: ze hove vant
0744,2: enbuten ovch ir dienest in Sivrides lant
0744,3: den minneklichen meiden vñ manigem chvnem ma/n\
0744,4: Gere d/er\ vil chune sich hvop mit den <mæren> dan
0745,1: Si fvren reisliche ir pfærit vñ ir gewant
0745,2: daz was in chomen allen do rvomten si daz lant
0745,3: in zovgte wol d/er\ reise dar si da solden varn
0745,4: d/er\ kunic mit geleite bat die boten wol bewarn
0746,1: Inre tagn zwelfen si chom/en\ in daz lant
0746,2: ze Nibelunges burge dar warn si gesant
0746,3: da vunden si mit frevden den vil chvnen degn
0746,4: div ross den boten waren mvede von den langen wegn
0747,1: Dem kunige vñ sime wibe wart zehant geseit
0747,2: in wærn chom/en\ geste die trvgen solhiv chleit
0747,3: als man zen Burgonden do d/er\ site pflach
0747,4: Chriemh' sp/ra\nch von dem bette daran si bi ir liebe lach
0748,1: ))S((i bat an ein venst/er\ ir mægede eine gen
0748,2: div sach den chunen Geren an dem hove sten
0748,3: mit sinen hergesellen die warn dar gesant
0748,4: gein ir herceleide wie <liebiv> mare si bevant!
0749,1: Si sp/ra\ch zv dem kvnige ir svlt vf sten
0749,2: ieh sihe den starchen Geren her ze hove gen
0749,3: in hat min brvd/er\ Gunth/er\ wætlich her gesant
0749,4: waz d/er\ reche w/er\be daz het ich gerne bechant
0750,1: Allez daz gesinde dar lief vñ gie
0750,2: in vil grozen vrevden man die geste enpfie
0750,3: vñ taten in daz beste daz si chunden do
0750,4: wande si ir chunfte in ir hercen warn vro
0751,1: Gere wol enpfangen wart mit sinen man
0751,2: ir ross man hiez behalten die helde braht man dan
0751,3: da d/er\ herre Sivrit bi Chriemh' saz
0751,4: si sahen in vil gerne daz svlt ir wizzen ane haz
0752,1: Gegen den lieben gesten si stvnden vf zehant
0752,2: wol wart <enpfangen> Gere von Buregonden lant
0752,3: vñ sine hergesellen bi d/er\ hende dan
0752,4: Chriemh' fvorte Geren daz wart dvrch liebe getan
0753,1: ))S((i bat in zvo zir sizzen er sp/ra\ch wir suln sten
0753,2: erlovbet vns die boteschaft e daz wir sizzen gen
0753,3: vñ horet disiv mære waz iv enboten hat
0753,4: Gvnth/er\ vñ Prunh' d/er\ dinc an eren hohe stat
0754,1: vn waz iv iw/er\ mvot/er\ min frowe her enbot
0754,2: Giselh/er\ d/er\ iunge vñ ovch Gernot
0754,3: vñ iw/er\ besten mage die hant vns h/er\ gesant
0754,4: vñ enbietent iv ir dienest vzer Burgonden lant
0755,1: Nv lon in got sp/ra\ch Sivrit ich getrow in allen wol
0755,2: triwen vñ gvotes also man frivnden sol
0755,3: daz selbe tvot ir swest/er\ wie <si> gehabn sich
0755,4: die unsern lieben frivnde daz sult ir lazen horen mich
0756,1: Sit daz wir von in schieden hat ieman iht getan
0756,2: den minen chonemagen daz lazet mich verstan
0756,3: daz wil ich in mit triwen immer helfen tragen
0756,4: vnze daz ir viende den minen dienest mvzen klagen
0757,1: ))D((o sp/ra\ch d/er\ marcg/ra\ue Gere ein reche gvot
0757,2: si sint in allen tvgenden mit frevden wol gemvot
0757,3: si ladent ivch ze

Blatt 29^r
Str. 757,3 - 770,4

0757,3: Rine zein/er\ hochgecit
0757,4: wande si ivch gerne sæhen daz ir des ane zwifel sit
0758,1: Vñ bite/n\t mine frowen si svln mit iv chom/en\
0758,2: swenne so d/er\ wind/er\ ein ende habe genomen
0758,3: gein disen svnewenden so wolden si ivch sehen
0758,4: do sp/ra\ch d/er\ herre Sivrit daz chunde mvelich geschehn
0759,1: Do sp/ra\ch ab/er\ Gere voz Buregonden lant
0759,2: iwer mvot/er\ Vote div hat ivch gemant '
0759,3: vñ iw/er\ brved/er\ beide ir svlt in niht v/er\sagen
0759,4: daz ir in sit so verre daz hoere ich si vil dicke klagen
0760,1: Prvnh' min vrowe vñ alle ir magedin
0760,2: die froewent sich d/er\ gegene ob daz chunde sin
0760,3: daz si ivch gesehen noch so si des habent mvot
0760,4: da dvhten disiv mære die schone/n\ Chriemh' gvot
0761,1: ))G((ere was ir sippe d/er\ wirt in sizzen hiez
0761,2: den gesten hiez man schenchen niht langer man daz liez
0761,3: do was ovch chom/en\ Sigemvont do er die boten sach
0761,4: d/er\ h/er\re minnekliche zv den Burgonden sp/ra\ch
0762,1: Sit willechom/en\ ir <reche/n\> ir Gvnth/eres\ man
0762,2: sit Chriemhilde ze <man> minen svon gewan
0762,3: so solde man ivch degene dick/er\ bi vns sehn
0762,4: ob ir vns mit triwen woldet frivntschefte iehn
0763,1: Si sp/ra\chen swenner wolde si solden gerne chom/en\
0763,2: in wart ir michel mvede mit frevden vil benomen
0763,3: die boten bat man sizzen spise man in trvoch
0763,4: d/er\ wart den lieben gesten gegebn volleklich genvoch
0764,1: Man gab in herberge vñ schvf in gvot gemach
0764,2: d/er\ herre zv den gesten minneklichen sp/ra\ch
0764,3: lat ivch niht betragen darvmbe ir sit gesant
0764,4: her von vns/er\n friunden wir svlenz iv schiere tvon bechant
0765,1: Ich mvoz mihs noch beraten mit den <friunde/n\> min
0965,2: er gie zein/er\ sp/ra\che mit den rechen sin
0765,3: er sp/ra\ch min frivnt Gunth/er\ hat nach vns gesant
0765,4: zein/er\ hochgecite nv ist ze verre mir sin lant
0766,1: Vñ bite/n\t mine frowen daz si mit var
0766,2: nv ratent liebe vriunde wie sol si chomen dar?
0766,3: vñ solde ich herverten durch si in drizech lant
0766,4: da mvse in gerne dienen hin div Sivrides hant
0767,1: ))D((o sp/ra\chen sine rechen habt ir d/er\ reise mvot
0767,2: so wellen wir iv raten daz iv wirdet gvot
0767,3: ir svlt mit tvsint rechen riten an den Rin
0767,4: so mvgt ir wol mit eren da zer hochgecite sin
0768,1: Do sp/ra\ch von Nid/er\landen d/er\ h/er\re Sigemvnt
0768,2: welt ir zir hochgecite wan tvot ir mir daz kunt?
0768,3: ob ez iv niht v/er\smahet so rite ich mit iv dar
0768,4: vñ bringe iv hund/er\t degene da mit mer ich iw/er\ schar
0769,1: Sit ir welt mit uns riten vil lieber vat/er\ min
0769,2: sp/ra\ch d/er\ herre Sivrit vro sol ich des sin
0769,3: inre tage zwelfen so rvom ich miniv lant
0769,4: die si do furen wolden den gap man ross vñ ovch gewant
0770,1: ))D((o d/er\ chunic edele d/er\ reise hete mvot
0770,2: do hiez man wid/er\ riten die snellen boten gvot
0770,3: den sinen chonemagen enbot er an den Rin
0770,4: daz er gerne wolde

Blatt 28^v
Str. 744,1 - 757,3

Blatt 29^r
Str. 757,3 - 770,4

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr