Nibelungen-Handschrift C

Blatt 29^v
Str. 770,4 - 783,4

Blatt 30^r
Str. 784,1 - 797,3

Nibelungen-Handschrift C / Blatt 29v / JPG-Format klein

Nibelungen-Handschrift C / Blatt 30r / JPG-Format klein

Blatt 29^v
Str. 770,4 - 783,4

0770,4: da zir hochgecite sin
0771,1: Sivrit vñ Chriemh' als wir horen sagen
0771,2: so vil den boten gaben daz ez niht mohten tragen
0771,3: ir moere heime ze lande er was ein richer man
0771,4: ir starchen sovmære si t/ri\ben vrolichen dan
0772,1: Ir volche daz <kleite> Sivrit vñ ovch Sigemvnt
0772,2: Ecgewart d/er\ graue d/er\ hiez do an d/er\ stvnt
0772,3: frowen chleider svochen die besten die man vant
0772,4: od/er\ iemen vinden chvnde vb/er\ allez Sivrides lant
0773,1: Sætil vñ schilde bereiten man began
0773,2: rittern vñ frowen die mit im wolden dan
0773,3: den gab man swaz si wolden wie wenich in gebrast!
0773,4: do brahter sinen frivnden manigen herlichen gast
0774,1: ))D((en boten zogete sere wid/er\ vf den wegn
0774,2: do chome wol ze lande Gere d/er\ degen
0774,3: er wart vil wol enpfangen do stvnden si zetal
0774,4: nid/er\ von den moeren fvr den Gunth/eres\ sal
0775,1: Der chunic durch groze liebe vorn dem sedele sp/ra\nch
0775,2: daz so snelle chomen des bat si haben danch
0775,3: Prunhilt div schone d/er\ kunich zen boten sp/ra\ch
0775,4: wie vert min frivnt Sivrit von dem mir liebes vil geschach?
0776,1: Do sp/ra\ch d/er\ chune Gere da wart er frevden rot
0776,2: er vñ iw/er\ swest/er\ nie frivnden baz enbot
0776,3: so frivntlich/er\ mære deheiner slahte man
0776,4: als iv d/er\ herre Sivrit vñ ovch sin vat/er\ hat getan
0777,1: Do sprach zem marcg/ra\uen des edeln kuniges wip
0777,2: nv sagt mir chvmet Chriemhilt? hat noch ir schoner lip
0777,3: behalten iht d/er\ zvehte d/er\ si wol chunde pflegen?
0777,4: er sp/ra\ch si choment beide vñ mit in manic <kuner> degn
0778,1: ))F((rov vote bat do drate die boten zvo zir gen
0778,2: daz mac man an ir vrage harte wol v/er\sten
0778,3: daz si vil gerne horte was Chriemh' noch gesunt
0778,4: er sagete wie er funde vñ daz si chome in churzer stunt
0779,1: Ovch wart von in div gabe ze hove niht v/er\deit
0779,2: die in dort gab Sivrit golt <silber> vñ kleit
0779,3: daz brahte man ze sehene d/er\ drier kunige man
0779,4: d/er\ ir vil grozen milte wart in do <danche/ns\> vil getan
0780,1: Er mac wol gebn ringe sp/ra\ch Hagene d/er\ degn
0780,2: ern chundez niht v/er\swenden vñ solt er imm/er\ lebn
0780,3: hort d/er\ Nibelunge beslozzen hat sin hant
0780,4: hey solden wir den teilen noch in Buregonden lant!
0781,1: Allez daz gedigene frevte sich d/er\ zvo
0781,2: daz si chomen solden spate vñ frvo
0781,3: warn vil vnmvzich des fursten ambtman
0781,4: waz rich/er\ hergesidele man da rihten began!
0782,1: ))O((rtwin vñ Sindolt die zwene chune degn
0782,2: die warn vil vnmvezich die zit si mvosin pflegen
0782,3: d/er\ trvhsezze vñ d/er\ schenche rihten manigen banch
0782,4: des hulfen ir vnd/er\tanen des sagete in Gvnther do danch
0783,1: Rvomolt d/er\ chuchenmeist/er\ vil wol berihte sit
0783,2: die sinen vnd/er\tanen vil manigen kezzil wit
0783,3: hæfene vñ pfannen hey waz man d/er\ da vant!
0783,4: do bereite man den spise die da chom/en\ in daz lant

Blatt 30^r
Str. 784,1 - 797,3

0784,1: Der frowen arebeiten was ovch niht kleine
0784,2: da si bereiten ir chleid/er die edeln steine
0784,3: mit glanze verre glesten v/er\wieret in daz golt
0784,4: do si sie ane leiten daz in die lute wrden holt

Auentv wie Chriemh' mit ir man zer hochgecite fvr
0785,1: <)))))A(((((lle> ir vnmvze die lazen wir nv sin
0785,2: vñ sagen iv wie Chriemh' vñ ovch ir magedin
0785,3: zer hochgecite fvoren von Nibelunge lant
0785,4: nie getrugen moere so manic h/er\lich gewant
0786,1: Vil d/er\ leitschrine man schicte zv den wegen
0786,2: do reit mit sinen frivndin Sivrit d/er\ degen
0786,3: vñ ovch div kuniginne vf hoh/er\ frevden wan
0786,4: ir frevde mvse leid/er\ mit grozem iam/er\ sit zergan
0787,1: Da heime si do liezen ir beid/er\ kindelin
0787,2: beliben in ir landen daz mvos et also sin
0787,3: von ir hovereise erstunden starchiv ser
0787,4: vat/er\ vñ mvt/er\ gesach daz kindel nimm/er\ mer
0788,1: Da mite reit d/er\ herre d/er\ kunic Sigemunt
0788,2: sold/er\ der getrowen wie ez im nach d/er\ stunt
0788,3: zer hochgecite ergienge ern het ir niht gesehen
0788,4: ia chunde im in d/er\ w/er\lde leid/er\ nimm/er\ geschehen
0789,1: ))B((oten ma/n\ fvr sande die div mære sagten dar
0789,2: do reit ovch in engegene mit manig/er\ liehten schar
0789,3: vil d/er\ gvten degene d/er\ Gunth/eres\ man
0789,4: d/er\ wirt sich gegen den gesten sere vlizen began
0790,1: Er gie zv Prvnhilde da er si sizzen vant
0790,2: wie enpfie et ivch min swester do ir chomet in daz lant
0790,3: sam svlt ovch ir enpfahen daz Sivrides wip
0790,4: daz tvn ih sp/ra\ch div frowe <daz> hat v/er\schuldet wol ir lip
0791,1: Do sp/ra\ch ab/er\ Gunth/er\ si choment vns morgen frvo
0791,2: nv ir si welt enpfahen da grifet balde zvo
0791,3: daz wir ir in d/er\ bourge niht erbiten hie
0791,4: mir chom in manigen ziten so rehte lieb/er\ geste nie
0792,1: Ir meide vñ ovch ir frowen die hiez si do zehant
0792,2: svchen gvtiv chleid/er\ die besten die man vant
0792,3: die si wol mit eren vor gesten mohten tragen
0792,4: wie gern si daz tæten daz mac man lihte gesagen
0793,1: ))O((vch ilten in do dienen die Gunth/er\es man
0793,2: alle sine degene d/er\ wirt zv sich gewan
0793,3: da reit div kuniginne mit ir frowen mite
0793,4: gegen den lieben gesten al nach friuntlichem site
0794,1: Mit wie getanen eren man die geste enpfie!
0794,2: si dvhte daz frov Chriemh' Prunh' nie
0794,3: so rehte wol enpfienge in Burgonden lant
0794,4: die si ê niene gesahen den wart vil hoh/er\ mvot erchant
0795,1: Nv was ovch kom/en\ Sivrit mit den sinen man
0795,2: man sach die helde wenden wid/er\ vñ dan
0795,3: des veldes allenthalben mit vngefvgen scharn
0795,4: dringen vñ stovben chunde niem/en\ da bewarn
0796,1: Do d/er\ wirt des landes Sivriden sach
0796,2: vñ ovch Sigemunden wie gutlicher sp/ra\ch
0796,3: nv sit mir groze willechomen vñ al den vriunden min
0796,4: d/er\ iw/er\ hovereise svln wir hochgemvte sin
0797,1: ))N((v lone iv got sp/ra\ch Sigemunt d/er\ ere gernder man
0797,2: sit daz ivch min svn Sivrit ze friunde gewan
0797,3: do rieten

Blatt 29^v
Str. 770,4 - 783,4

Blatt 30^r
Str. 784,1 - 797,3

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr