Nibelungen-Handschrift C

Blatt 2^v
Str. 36,4 - 50,2

Blatt 3^r
Str. 50,2 - 64,3

Nibelungen-Handschrift C / Blatt 2v / JPG-Format klein

Nibelungen-Handschrift C / Blatt 3r / JPG-Format klein

Blatt 2^v
Str. 36,4 - 50,2

0036,4: kunden bot man eren da genvoch
0037,1: Solcher kurcewile si pflagen al den tac
0037,2: vil d/er\ varnder diete rwoe sich bewac
0037,3: si dieten nach d/er\ gabe die man da riche vant
0037,4: des wart mit lobe gezieret allez Sigemundes lant
0038,1: Der h/er\re hiez do lihen sinen svn den iungen man
0038,2: lant uñ purge als er e het getan
0038,3: den sinen sw/er\tgenôzen gap do vil sine hant
0038,4: do liebt in do div reise daz si chomen in daz lant
0039,1: ))D((iv hochgecite do werte vnz an den sibenden tac
0039,2: Sigelint div riche nach alten siten pflac
0039,3: durch ir kindes liebe geben rotez golt
0039,4: si kundez wol gedienen daz si ir svne warn holt
0040,1: Lutzel deheinen varnden armen man da vant
0040,2: rosse vñ kleider daz stvop in von d/er\ hant
0040,3: sam si ze lebene heten mer deheinen tac
0040,4: ich wene ie ingesinde so grozzer milte gepflac
0041,1: ))M((it lobelichen eren schiet sich div hochgecit
0041,2: von des landes h/er\ren hort man wol sit
0041,3: daz si den iungen wolden zeime vogete han
0041,4: des enwolde in do niht volgen Sifrit d/er\ wêtlich man
0042,1: Sit daz noch beide lebten Sigemunt vñ Sigelint
0042,2: niht wolde t/ra\gen krone noch ir liebez kint
0042,3: doch wold/er\ wesen h/er\re fur allen den gewalt
0042,4: des in den landen vorhte d/er\ degen kvn vñ balt
0043,1: In dorfte niemen schelten sit do er wafen genam
0043,2: ia gerwoete vil selten d/er\ reche lobesam
0043,3: svchte niwan striten sin ellenthaftiv hant
0043,4: tet in zallen ziten in vremeden richen wol bekant

Auentv wie Sivrit ze Wormze chome
0044,1: )))D(((en h/er\ren mvten selten deheiniv h/er\cenleit
0044,2: er horte sagen mære wie ein schoniv meit
0044,3: in Burgonden wære ze wnsche wolgetan
0044,4: davon er sit vil arebeit vñ ovch frevden gewan
0045,1: Div ir vnmazen schone was vil witen chunt
0045,2: vñ ir vil hochgemvte zv d/er\ selben stunt
0045,3: an d/er\ iunchfrowen so manic helt ervant
0045,4: ez ladete vil d/er\ geste in daz Gvnth/er\es lant
0046,1: Swaz man nach ir minne d/er\ <werbende/n\> sach
0046,2: Chriemhilt in ir sinne ir selb/er\ nie v/er\iach
0046,3: daz si deheinen wolde zeime trvte han
0046,4: er was ir noch vil vremde dem si wart sider vnd/er\tan
0047,1: ))D((o gedaht vf hohe minne daz Sigelinde chint
0047,2: ez was ir aller werben wid/er\ in ein wint
0047,3: er mohte wol v/er\dienen schon/er\ frowen lip
0047,4: sit wart div edel Chriemh' des starchen Sifrides wip
0048,1: Im rieten sine mage vñ genvge sine man
0048,2: sit daz er vf minne vlizzen sich began
0048,3: daz er eine næme div im mohte zemen
0048,4: do sp/ra\ch der herre Sifrit so wil ich Chriemh' nemen
0049,1: die edeln iuncfrowen vz Burgonden lant
0049,2: durch ir vil grozen schone vo/n\ sage ist mir bechant
0049,3: nie keiser wart so riche d/er\ wolde haben wip
0049,4: im enzæme wol ze mi/n\nen der iungen kuniginne lip
0050,1: Disiv selben mære v/er\nam do Sigemvnt
0050,2: ez

Blatt 3^r
Str. 50,2 - 64,3

0050,2: reite sin gesinde da uon wart im chunt
0050,3: d/er wille sines kindes was im grimme leit
0050,4: daz er werben wolde die vil h/er\lichen meit
0051,1: Ez gefriesch ovch Sigelint des edeln kuniges wip
0051,2: si hete grozze sorge vmbe ir kindes lip
0051,3: den vorhte si v/er\liesen von Gunth/er\es man
0051,4: den gewerp man do dem degene sere leiden began
0052,1: ))D((o sp/ra\ch d/er\ starche Sivrit vil lieb/er\ vat/er\ min
0052,2: ane edeler frowen minne wolde ich imm/er\ sin
0052,3: ich enwrbe dar min h/erce\ vil groze liebe hat
0052,4: swaz ieman reden chunde des ist dehein/er\ slahte rat
0053,1: Sit dv niht wil erwinden sp/ra\ch d/er\ kunic do
0053,2: so bin ich dines willen inneklichen vro
0053,3: vñ wil dirz helfen fugen so ich beste chan
0053,4: doch hat d/er\ chunic Gvnther vil manigen vb/er\mvten man
0054,1: Ob ez and/er\ niemen wære wan Hagene d/er\ degen
0054,2: d/er\ chan mit vb/er\mvte der hochv/er\te pflegen
0054,3: daz ich vil sere fvrhte deiz vns werde leit
0054,4: ia ist mir solh/er\ mære dicke vil von in geseit
0055,1: Was mag vns daz gew/er\ren? sp/ra\ch do Sifrit
0055,2: swaz ich friwentliche niht ab in erbit
0055,3: daz mac doch mit ellen erwerben wol min hant
0055,4: ich trow im an ertwingen bediv lvt vñ lant
0056,1: ))D((o sprach der furste Sigemvnt din rede div ist mir leit
0056,2: wan wrden disiv mære ze Rine geseit
0056,3: dvne dorftes nimm/er geriten in daz lant
0056,4: Gunther vñ Gernot sint mir lange wol bekant
0057,1: Mit gewalt niem/en\ erwerbenn mac die meit
0057,2: so sp/ra\ch der kunic Sigemvnt daz ist mir wol geseit
0057,3: wellen ab/er\ wir mit rechen riten in daz lant
0057,4: vnsern besten friwenden sol div reise sin bechant
0058,1: Des enist mir niht ze mvote sp/ra\ch do Sifrit
0058,2: daz mir svln rechen ze Rine volge/n\ mit
0058,3: durch deheine hervart daz were mir leit
0058,4: da mit ich solde ertwingen die vil h/er\lichen meit
0059,1: Si mac svs wol erw/er\ben da min eines hant
0059,2: ich wil mit zwelf gesellen in Gunth/er\es lant
0059,3: dar sult ir mir helfen vat/er Sigemunt
0059,4: do gap man sinen degenen ze kleiden gra vñ punt
0060,1: ))D((o v/er\nam ovch disiv mære sin mvt/er\ Sigelint
0060,2: si begunde trvren vmbe ir liebez kint
0060,3: ia vorhte si vil sere die Gunth/er\es man
0060,4: div edele kuniginne darvmbe weinen began
0061,1: Do chom d/er\ herre Sivrit da er die frowen sach
0061,2: wid/er\ sine mvt/er\ gvetlicher sp/ra\ch
0061,3: irn svlt niht weinen d/ur\ch den willen min
0061,4: ia wil ich ane sorge vor allen wiganden sin
0062,1: Nv helfet mir der reise in Burgonden lant
0062,2: daz ich uñ mine rechen haben solch gewant
0062,3: daz so stolze degene mit eren mvgen tragen
0062,4: des wil ich genade iv mit triwen imm/er\ sagen
0063,1: Sit dv niht wil erwinden sp/ra\ch do Sigelint
0063,2: so hilf ich dir d/er\ reise min einigez kint
0063,3: mit d/er\ besten wæte die ritt/er\ ie getrvoch
0063,4: dir vñ den dinen degenen ir sult ir furen genvoch
0064,1: ))D((es neig ir mit zvhten d/er\ vil chvne man
0064,2: er sp/ra\ch ich wil <zer verte> niem/en\ mere han
0064,3: niwan zwelf gesellen

Blatt 2^v
Str. 36,4 - 50,2

Blatt 3^r
Str. 50,2 - 64,3

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr