Nibelungen-Handschrift C

Blatt 32^v
Str. 850,4 - 864,1

Blatt 33^r
Str. 864,1 - 877,3

Nibelungen-Handschrift C / Blatt 32v / JPG-Format klein

Nibelungen-Handschrift C / Blatt 33r / JPG-Format klein

Blatt 32^v
Str. 850,4 - 864,1

0850,4: liche wirde ich dir nimm/er\ mer bereit
0851,1: ))P((rvnh' do weinde Chriemh' niht lang/er\ lie
0851,2: vor des kuniges wibe inz mvnst/er\ si do gie
0851,3: mit ir ingesinde do hvop sich groz/er\ haz
0851,4: des wrden liehtiv ovgen vil starche trvebe vñ naz
0852,1: Swaz man gote gediente od/er\ iem/en\ da gesanch
0852,2: des duhte Prunh' div wile gar ze lanch
0852,3: <wande> ir was vil trvebe d/er\ lip vñ al d/er mvot
0852,4: des mvsin sit engelten rechen chvene vñ gvot
0853,1: Prvnh' mit ir frowen gie fvr daz munst/er\ stan
0853,2: si gedahte mich mvz Chriemh' mere horen lan
0853,3: des mich so lvte <zihet> daz <wortho/r\te> wip
0853,4: vñ hat er <sichs> gervemet ez gat Sivride an den lip
0854,1: Nv chome div <frau> Chriemh' mit manigem chvnen man
0854,2: do sp/ra\ch div husvrowe ir sult mich ez lan <v/er\stan>
0854,3: <ir> iahet min ze chebsen daz sult ir lazen sehn
0854,4: vñ sult ez hie bewaeren wa mir daz laster si geschehen
0855,1: ))D((o sp/ra\ch div schone Chriemh' ir moeht mich lazen <gan>
0855,2: ich erzivgez mit dem golde daz ich an d/er\ hende han
0855,3: daz brahte mir min vriedel do er erste bi dir gelach
0855,4: nie gelebte Prunh' deheinen leidern tach
0856,1: Diz golt ich wol erchenne ez wart mir v/er\stoln
0856,2: sp/ra\ch div kuniginne vñ ist lange mich v/er\holn
0856,3: ich chvm es an ein ende wer mirz habe genom/en\
0856,4: die frowen beide waren in groz vngemvote chom/en\
0857,1: Do sp/ra\ch aber Chriemh' ine wils niht wesn diep
0857,2: dv mohtes wol gedaht han vñ wære dir ere liep
0857,3: ich erzivgez mit dem gurtel den ich hie vmbe han
0857,4: daz ich ez niht enlivge ia wart min Sivrit din man
0858,1: Von Ninnive d/er\ siden si den porten trvoch
0858,2: von edelem gesteine gvot was er genvoch
0858,3: do den Prunh' gesach weinen si began
0858,4: daz mvse vreischen Gunther vñ alle Buregonde man
0859,1: ))D((o sp/ra\ch div kuniginne heizet her gan
0859,2: den fursten vom Rine ich wil in horen lan
0859,3: wie mich hat gehoenet siner swester lip
0859,4: si sagt hie offenliche ich si Sivrides wip
0860,1: Der kunic chome mit rechen weinen er do sach
0860,2: die sinen truetinne wie gvtlich er sp/ra\ch
0860,3: saget mir liebiv frowe waz ist iv getan?
0860,4: si sp/ra\ch vil lieb/er\ herre von schulden mvvoz ich trurich stan
0861,1: Von allen minen eren mich div swest/er\ din
0861,2: gerne wolde scheiden dir sol geklaget sin
0861,3: si giht mich habe gechebset Sivrit ir man
0861,4: do sp/ra\ch d/er\ kunic Gunther so hetes vbele getan
0862,1: Si treit hie minen gurtil den ich lange han v/er\lorn
0862,2: vñ ovch min guldin vingerlin daz ich ie wart geborn
0862,3: daz mvoz mich imm/er\ riwen dvne beredest mich
0862,4: kunic d/er\ grozen schanden daz diene ich imm/er\ vmbe dich
0863,1: Do sp/ra\ch d/er\ kunic Gunther nv lat in her gan
0863,2: hat er sichs gervemet daz sol er horen lan
0863,3: od/er\ sin mvz lovgen d/er\ helt vz Nid/er\lant
0863,4: den Chriemh' <vriedel> hiez man bringen sa zehant
0864,1: ))D((o d/er\ herre

Blatt 33^r
Str. 864,1 - 877,3

0864,1: Sivrit die ungemvoten sach
0864,2: ern wiste niht d/er\ mære wie balde er do sp/ra\ch
0864,3: waz weinent dise frowen? daz het ich gerne erchant
0864,4: od/er\ von welhen schulden d/er\ kunic habe nach mir gesant
0865,1: Do sp/ra\ch d/er\ chunic Gunth/er\ daz ist mir durch dich leit
0865,2: mir hat min frowe Prunh' ein mære hie geseit
0865,3: dv habst dich des gervmet daz dv ir schonen lip
0865,4: erste habest geminnet daz seit frowe Chriemh' din wip
0866,1: Do sp/ra\ch der h/er\re Sivrit uñ hat si daz geseit
0866,2: e daz ich erwinde ez sol ir werden leit
0866,3: uñ wil dir daz enpfuren vor allen dinen man
0866,4: mit minen hohen eiden daz ichs ir niht gesaget han
0867,1: Do sp/ra\ch d/er\ kunich von Rine daz soltv lazen sehen
0867,2: daz gerihte daz dv bivtest vñ mac daz hie geschehn
0867,3: aller valscen dinge wil ich dich ledic lan
0867,4: man hiez zvo zeime ringe die stolzen Buregonde gan
0868,1: ))S((ivrit gein dem eide hohe bot die hant
0868,2: do sp/ra\ch d/er\ kunic riche mir ist so wol erchant
0868,3: iw/er\ groz vnschulde ich wil ivch ledic lan
0868,4: des ivch min swest/er\ zihet daz ir des nine habt getan
0869,1: Do sp/ra\ch ab/er\ Sivrit genivzet es min wip
0869,2: daz si so hat betrubet den Prunhilde lip
0869,3: daz ist mir sich/er\lichen ane maze leit
0869,4: do sahen zvo zein and/er\ die guten ritt/er\ gemeit
0870,1: Man sol so frowen ziehen sp/ra\ch Sivrit d/er\ degn
0870,2: daz si vppekliche spruche lazen vnd/er\ wegen
0870,3: v/er\bivt ez dime wibe d/er\ minenn tvon ich sam
0870,4: ir grozen vnfvge ich mih wærlichen scam
0871,1: Mit rede was gescheiden manic schone wip
0871,2: do trvret also sere d/er\ Prunh' lip
0871,3: daz ez erbarm/en\ mvose die Gunth/eres\ man
0871,4: do chom von Tronege Hagene zv sin/er\ frowen gegan
0872,1: Er <vragte> waz ir wære weinende er si vant
0872,2: do sagtes im div mære er lobt ir sa zehant
0872,3: daz ez erarnen mvse der <Chriemhilde> man
0872,4: od/er\ ern wolde nimm/er\ dar vmbe vrolich gestan
0873,1: ))Z((v der rede chom Ortwin vñ ovch Gernot
0873,2: da die helde rieten den Sivrides tot
0873,3: dar zvo chom ovch <Giselh/er\> d/er\ edeln Vten kint
0873,4: do er ir rede gehorte er sp/ra\ch vil gutlichen sint
0874,1: Owe ir guten knehte warvmbe tvot ir daz?
0874,2: iane gediente Sivrit nie alsolhen haz
0874,3: daz er darvmbe solde v/er\liesen sinen lip
0874,4: ia ist es harte lihte darvmbe zvrnent div wip
0875,1: Svln wir govche ziehen? sp/ra\ch ab/er\ Hagene
0875,2: des habent lvzzil ere so gvte degene
0875,3: daz er sich hat gervemet d/er\ lieben frowen min
0875,4: darvmbe wil ich sterben ez enge im an daz leben sin
0876,1: Do sp/ra\ch d/er\ kunic Gvnth/er\ ern hat uns niht getan
0876,2: wan getriwer dienste man sol in lebn lan
0876,3: waz tovg ob wir dem degene wærn nv gehaz?
0876,4: er was vns ie getriwe vñ tet vil willechliche daz
0877,1: ))D((o sp/ra\ch vzer Mezzen d/er\ degen Ortwin
0877,2: iane kan in niht gehelfen div groze sterche sin
0877,3: erlovbt mirz min

Blatt 32^v
Str. 850,4 - 864,1

Blatt 33^r
Str. 864,1 - 877,3

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr