Nibelungen-Handschrift C

Blatt 33^v
Str. 877,3 - 890,4

Blatt 34^r
Str. 890,4 - 904,2

Nibelungen-Handschrift C / Blatt 33v / JPG-Format klein

Nibelungen-Handschrift C / Blatt 34r / JPG-Format klein

Blatt 33^v
Str. 877,3 - 890,4

0877,3: h/er\re ez mvoz im werden leit
0877,4: do heten im die degene ane schulde wid/er\seit
0878,1: Do liezen siz beliben spilen man do sach
0878,2: hey waz man starch/er\ schefte vor dem munst/er\ brach
0878,3: vor Sivrides wibe al zvo dem sale dan!
0878,4: do wrden in vnmvote genvge Gunth/eres\ man
0879,1: Sin gevolgete niemen niwan daz Hagene
0879,2: riet alle cite Gunth/er\ dem degene
0879,3: ob Sivrit niht enlebte so wrde in vndertan
0879,4: vil d/er\ kunige lande d/er\ helt do trvoren began
0880,1: Er sp/ra\ch nv lat beliben den mortlichen zorn
0880,2: er ist uns ze selden vñ zen eren geborn
0880,3: ovch ist so grimme chvene d/er\ vil starche man
0880,4: ob er sin innen wrde sone torst in niem/en\ bestan
0881,1: Nein ich sp/ra\ch do Hagene ir mvgt wol stille dagn
0881,2: ich kanz heinliche wol also an getragen
0881,3: daz Prunh' weinen sol im werden leit
0881,4: ia mvoz im von Hagene imm/er\ wesn wid/er\seit
0882,1: ))D((o sp/ra\ch d/er\ kunic Gunth/er\ wie mohte daz ergan?
0882,2: des antwrt im Hagene ich wilz ivch horen lan
0882,3: wir heizen boten riten zv zvns in daz lant
0882,4: wid/er\sagen offenliche die hie nieme/n\ sin bechant
0883,1: So iehet vor den gesten daz ir vñ iw/er\ man
0883,2: wellet herverten also daz ist getan
0883,3: so lobt er in die reise des vlivset er den lip
0883,4: da man in mac v/er\howen div nnære saget mir sin wip
0884,1: Der kunic gevolget vbele Hagene sinem man
0884,2: vil michel vntriwe begunden tragen an
0884,3: ê iemen daz erfunde die rechen vz erchorn
0884,4: von zweier frowen bagen wart vil d/er\ degene v/er\lorn

Auentv wie ze Wormze wid/er\saget
0885,1: <)))))A(((((n> dem vierden morgen zwen vñ drizzech man
0885,2: sach man ze hove riten do wart ez kunt getan
0885,3: Gunth/er\ dem vil richen im wære wid/er\seit
0885,4: von lvoge erstunden frowen div aller grozisten leit
0886,1: Vrlovp si gewnnen si solden fvr gao
0886,2: vñ iahen daz si wæren die Livdegers man
0886,3: den ê da het betwngen div Sivrides hant
0886,4: vñ in ze gisel brahte in daz Gunth/eres\ lant
0887,1: Die boten er do grvzte vñ hiez si sizzen gan
0887,2: ir ein/er\ sp/ra\ch dar vnd/er\ h/er\re lat uns stan
0887,3: vnz wir sagn div mære di iv enboten sint
0887,4: ia habt ir ze vinde daz wizzet manich mvt/er\ kint
0888,1: Iv wid/er\sagt <Livdegast> vñ Livdeger
0888,2: den ir da wilen tatent div gremlichen ser
0888,3: die wellent zvo ziv riten mit her in dizze lant
0888,4: do begunde zvrnen Gunth/er\ als ob ez wære im vnbechant
0889,1: ))M((an hiez die trvgenære zen her\bergen varn
0889,2: wie chunde sich Sivrit do da vor bewarn
0889,3: er od/er\ and/er\ iem/en\ daz si trugen an?
0889,4: daz wart sid/er\ in selben ze grozem leide getan
0890,1: Der kvnic mit sinen frivnden rvnende gie
0890,2: Hagene von Tronege in nie gerowen lie
0890,3: noch heten ez gescheiden gnvoge skuniges man
0890,4: done wolde Hagene niedes

Blatt 34^r
Str. 890,4 - 904,2

0890,4: rates abe gan
0891,1: Eines tages Sivrit si rvonende vant
0891,2: do begunde vragen der helt von Nid/er\lant
0891,3: wie get so trvrekliche d/er\ kunic uñ sine man?
0891,4: daz sol ich immer rechen hat im iemen iht getan
0892,1: ))D((o sp/ra\ch d/er\ kunic Gunth/er\ mir ist vo/n\ schulden leit
0892,2: Livdegast uñ Livdeger di hant mir wid/er\seit
0892,3: si wellent nv offenliche riten in min lant
0892,4: do sp/ra\ch d/er\ degen chuene daz sol div Sivrides hant
0893,1: wol nach iw/er\n eren mit vlize vnd/er\stan
0893,2: ia getvn ich den degenen als ich han ê getan
0893,3: ich gelege in wste ir burge vñ ovch ir lant
0893,4: ê daz ich erwinde des si min hvobet iw/er\ pfant
0894,1: Ir uñ iw/er\ rechen ir sult hie bestan
0894,2: vñ lat mich zvo zin riten mit den vñ ich hie han
0894,3: daz ich iv gerne diene daz laz ich ivch gesehn
0894,4: do begunde im Gunth/er\ darvmbe groz genade iehn
0895,1: ))D((o schicten si die reise mit den knehten dan
0895,2: Sivride uñ sinen degenen ze sehn ez was getan
0895,3: do hiez er sich bereiten die von Nid/er\lant
0895,4: die vzerwelten degene die svhten stritlich gewant
0896,1: Do sp/ra\ch d/er\ herre Sifrit min vat/er\ Sigemunt
0896,2: ir svlt hie beliben ich chvom in kurcer stvnt
0896,3: git uns got gelucke her wid/er\ an den Rin
0896,4: ir sult bi dem kunige hie vil vroliche sin
0897,1: Div zeichen si an bunden also si wolden dan
0897,2: do waren da genvge Gunth/eres\ man
0897,3: dine wessen niht d/er\ mære wa von ez was geschehn
0897,4: man mohte groz gesinde do bi Sivride sehn
0898,1: Ir helm vñ ovch ir pruenne si bvnden vf div march
0898,2: do wolde von dem lande vil manich reche starch
0898,3: do gie von Tronege Hagene da er Chriemh' vant
0898,4: vñ bat im gebn vrlovp si wolden rvmen daz lant
0899,1: ))S((o wol mich sp/ra\ch do Chriemh' daz ich ie gewan den man
0899,2: d/er\ minen lieben frivnden so tar vor gestan
0899,3: also min h/er\re Sivrit tvot den friunden min
0899,4: des mvoz ich hohes mvtes sprach div kuniginne sin
0900,1: Vil lieb/er\ frivnt Hagene nv gedenchet an daz
0900,2: daz ich iv gerne diene vñ nie noch wart gehaz
0900,3: des <lazet> mich geniezen an minen lieben man
0900,4: ern sol des niht engelten hab ich Prunh' iht getan
0901,1: Daz hat mih sit gerowen sp/ra\ch daz edel wip
0901,2: ovch hat er so zerblowen dar vmbe minen lip
0901,3: daz ich ie beswarte ir mit rede den mvot
0901,4: daz hat vil wol errochen d/er\ helt chune vñ gvot
0902,1: Ir werdet wol gefrivnde her nach disen tagen
0902,2: Chriemh' liebiv frowe ia sult ir mir sagen
0902,3: wie ich iv mvge gedienen an Sifride iw/er\m man
0902,4: daz tvon ich frowe gerne baz ihs niem/en\ gan
0903,1: Ich wær alle sorge sp/ra\ch daz edel wip
0903,2: daz im niemen næme in stvrme sinen lip
0903,3: ob er niht volgen wolde siner vb/er\mvot
0903,4: so wær ovch imm/er\ sicher d/er\ helt chuene vñ gvot
0904,1: ))D((o sp/ra\ch ab/er\ Hagene frowe habt ir wan
0904,2: ob man in mvge

Blatt 33^v
Str. 877,3 - 890,4

Blatt 34^r
Str. 890,4 - 904,2

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr