Nibelungen-Handschrift C

Blatt 34^v
Str. 904,2 - 917,3

Blatt 35^r
Str. 917,3 - 930,2

Nibelungen-Handschrift C / Blatt 34v / JPG-Format klein

Nibelungen-Handschrift C / Blatt 35r / JPG-Format klein

Blatt 34^v
Str. 904,2 - 917,3

0904,2: v/er\senden ir svlt mich wizzen lan
0904,3: mit wie getanen listen ich daz svel vnderstan
0904,4: ich wil im ze hvote imm/er riten vñ gan
0905,1: Si sp/ra\ch dv bist min mag sam bin ich d/er\ din
0905,2: ich bevilhe dir mit triwen den holden wine min
0905,3: daz dv mir behvtest den minen lieben man
0905,4: si seit im kundiv mære daz bezzer wære v/er\lan
0906,1: Si sp/ra\ch min man ist chvene dar zv starch genvoch
0906,2: do er den lintrachen an dem berge slvoch
0906,3: do batte sich in dem blvote der reche vil gemeit
0906,4: da von in sit in stvremen nie dehein wafen v/er\sneit
0907,1: Idoch so han ich sorge swenner in stvrme stat
0907,2: vñ vil d/er\ gereschvzze von rechen handen gat
0907,3: daz ich da v/er\liese den minen lieben man
0907,4: hey waz ich grozzer leide dicke vmbe minnen frivnt han!
0908,1: Ich meldez vf genade vil lieb/er\ frivnt dir
0908,2: daz dv dine triwe behaldest ane mir
0908,3: da man da mach v/er\howen den minen lieben man
0908,4: daz laz ich dich wol hoere dest vf genade getan
0909,1: ))D((o von <des> trachen wnden vloz daz heize blvot
0909,2: vñ sich dar inne badete d/er\ chuene reche gvot
0909,3: do gehafte im zwischen herten ein lindenblat vil breit
0909,4: da mac man in v/er\howen des ist mir sorge/n\ vil bereit
0910,1: Do sp/ra\ch d/er\ unget/ri\we vf daz sin gewant
0910,2: nêt ir ein kleinez zeichen mit iw/er\ selbes hant
0910,3: wa ich in svle behvten daz ich daz mvge v/er\stan
0910,4: si wanden helt do vristen ez was vf sinen tot getan
0911,1: Si sp/ra\ch mit kleinen siden næ ich vf sin gewant
0911,2: ein tovgenlichez cruce da sol helt din hant
0911,3: den minen man behveten soz an die herte gat
0911,4: vñ er in starchen sturmen vor sinen vianden stat
0912,1: Daz tvn ich sp/ra\ch do Hagene vil liebiv frowe min
0912,2: do wande ovch des div frowe ez solde ir frvom sin
0912,3: da mite was v/er\raten d/er\ vil chune man
0912,4: vrlovp nam do Hagene do gie er vroliche dan
0913,1: ))D((az er revarn hete bat im sin herre sagen
0913,2: mvget ir die reise wenden so suln wir riten iagen
0913,3: ich han <nv> gar div mære wie ich in gewinnen sol
0913,4: mvget ir nv daz gefuege? daz tvon ich sp/ra\ch d/er\ kunicwohl
0914,1: Des kuniges ingesinde was allez wol gemvot
0914,2: ich wæn imm/er\ rechen dehein/er\ mer getvot
0914,3: so grozer meinrete so von im ergie
0914,4: do sich an sine t/ri\we Chriemh' div kuniginne v/er\lie
0915,1: An dem dritten morgen mit tvsint sin/er\ man
0915,2: reit d/er\ herre Sivrit vroeliche dan
0915,3: er wande solde rechen sin/er\ friunde leit
0915,4: Hagene im reit so nahen daz er geschowet div kleit
0916,1: Als er gesach daz pilde do schicter tovgen dan
0916,2: die sagten and/er\ mære zwene sin/er\ man
0916,3: daz vride habn solde Gunth/eres\ lant
0916,4: si het d/er\ herre Livdeger zvo dem kunige gesant
0917,1: ))W((ie vngerne Sivrit do hin wid/er\ reit
0917,2: ern getætes kuniges uinden eteslichiv leit!
0917,3: wande in vil

Blatt 35^r
Str. 917,3 - 930,2

0917,3: chvme erwanden die Gunth/eres\ man
0917,4: do reit er zv dem kunige d/er\ wirt im danchen began
0918,1: Nv lon iv got des willen frivnt Sivrit
0918,2: daz ir so willechlichen tvot des ich ivch bite
0918,3: daz sol ich imm/er\ dienen als ich von rehte sol
0918,4: vor allen minen frivnden so getrwoe ich iv wol
0919,1: Nv wir d/er\ hereverte ledic worden sin
0919,2: so wil ich iagen riten von Wormez vb/er\ den Rin
0919,3: vñ wil kurcewile zem <Otenwalde> han
0919,4: iagen mit den hunden als ich vil dicke han getan
0920,1: Allen minen gesten den sol man daz sagen
0920,2: daz ich vil frvo rite die mit mir wellen iagen
0920,3: daz si sich bereiten die hie wellen bestan
0920,4: hofschen mit den frowen da si mir liebe getan
0921,1: ))D((o sp/ra\ch d/er\ herre Sivrit in herlichem site
0921,2: swenne ir iagen ritet da wil ich gerne mite
0921,3: so svlt ir mir <lihen> einen svochman
0921,4: vñ eteslichen brachen so rite ich mit iv in den tan
0922,1: Bedurfet ir niht eines? sp/ra\ch d/er\ kunic zehant
0922,2: ich lihiv welt ir viere den wol ist bechant
0922,3: der walt vñ ovch die stige swa div tiere hine gant
0922,4: die ivch vrwise nach vns riten niht enlant
0923,1: Do die vil vnget/ri\wen vf geleiten sinen tot
0923,2: si wistenz al gemeine Giselh/er\ vñ Gernot
0923,3: wolden niht iagen riten ine weiz durch welhen nit
0923,4: daz si in niht en warenden idoch erarneten siz sit

Auentv wie Sivrit ermort wart
0924,1: <)))))G(((((vnth/er\> vñ Hagene die rechen vil balt
0924,2: lobten mit vntriwen ein pirsen in den walt
0924,3: mit ir scharpfen geren si wolden iagn swin
0924,4: pern vñ wisende waz mohte kuners gesin?
0925,1: Da mite reit ovch Sivrit in vrolichem site
0925,2: herrenliche spise die fvrte man in mite
0925,3: zeinem kalten brunnen namens im den lip
0925,4: daz het geraten Prunh' des kunic Gunth/eres\ wip
0926,1: Do gie d/er\ degene chvne da er Chriemh' vant
0926,2: ez was nv vf gesvomet sin edel pirsgewant
0926,3: vñ and/er\ d/er\ gesellen si wolden vb/er\ Rin
0926,4: done dorfte Chriemh' leid/er\ nimm/er\ gesin
0927,1: ))D((ie sinen trvtinne die chuster an den mvnt
0927,2: got laze mich dich frowe gesehn noch gesvnt
0927,3: vñ mich div dinen ovgen mit holden magen din
0927,4: soltv kurcewilen ine mac hie heime niht gesin
0928,1: Do gedahtes an div mære sine torst ir niht gesagen
0928,2: da von si Hagen <e> vragte do begunde klagen
0928,3: div edele kuniginne daz si ie gewan den lip
0928,4: do weinte ane maze des kunen Sivrides wip
0929,1: Si sp/ra\ch zv dem rechen lat iw/er\ iagen sin
0929,2: mir trovmte hinte leide wie ivch zwei wildiv swin
0929,3: iagent vb/er\ heide da wrden blvmen rot
0929,4: daz ich so sere weine daz tvot mir armem wibe not
0930,1: Ja fvrhte ich herre Sivrit eteslichen rat
0930,2: ob man d/er\ deheinen missedie

Blatt 34^v
Str. 904,2 - 917,3

Blatt 35^r
Str. 917,3 - 930,2

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr