Nibelungen-Handschrift C

Blatt 35^v
Str. 930,2 - 944,1

Blatt 36^r
Str. 944,1 - 957,1

Nibelungen-Handschrift C / Blatt 35v / JPG-Format klein

Nibelungen-Handschrift C / Blatt 36r / JPG-Format klein

Blatt 35^v
Str. 930,2 - 944,1

0930,2: net hat
0930,3: die vns gefvgen chunnen <etesliche/n\> haz
0930,4: belibet herre Sivrit mit t/ri\wen rate ich iv daz
0931,1: ))E((r sp/ra\ch liebiv frowe ich chum in kurcen tagn
0931,2: ine weiz hie niht d/er\ uinde die vns iht hazzes tragen
0931,3: alle dine mage sint mir gemeine holt
0931,4: ovch enhan ich an den degenen hie niht and/ers\ v/er\scholt
0932,1: Neyna herre Sivrit ia vurht ich dinen val
0932,2: mir trovmte hinte leide wie ob dir zetal
0932,3: vielen zwene berge ich ensach dich nimm/er\ me
0932,4: wiltv nv mir scheiden daz tvot mir <innekliche/n\> we
0933,1: Er vmbevie mit arm/en\ daz tugende riche wip
0933,2: mie minneklichem chussen trvot er ir schonen lip
0933,3: mit vrlovbe er <dannen> schiet in churcer stunt
0933,4: sine gesach in leid/er\ darnach nimm/er\ mer gesvnt
0934,1: ))D((o riten si von dannen in einen walt
0934,2: durch kurcewile willen vil manic degen balt
0934,3: riten mit dem wirte man fvrt ovch mit in dan
0934,4: vil d/er\ edeln spise die di helede solden han
0935,1: Geladen vil d/er\ rosse chom vor in vb/er\ Rin
0935,2: die den iegeren trvgen brot uñ win
0935,3: vleisc vñ uische vñ and/ers\ manigen rat
0935,4: den ein kvnic so <riche> harte billechin hat
0936,1: Si hiezen herbergen fvr den grunen walt
0936,2: da si da iagn solden . . . . . . . . . . . . . . . .
0936,3: . . . . . . . . . . . . . . . . vf einen wert vil breit
0936,4: do chom d/er\ herre Sivrit daz wart dem kunige geseit
0937,1: Von dem iagtgesellen wrden gar bestan
0937,2: die warte an allen enden do sp/ra\ch d/er\ chune man
0937,3: Sivrit d/er\ starche wer sol vns durch den walt
0937,4: wisen vor den bergen ir rechen chven vñ balt?
0938,1: ))I((a mvzen wir vns scheiden sp/ra\ch do Hagene
0938,2: e daz wir beginnen hie ze iagene
0938,3: da bi wir beche/n\nen ich uñ d/er\ h/er\re min
0938,4: wer <die> besten iægere an dirre waltreise sin
0939,1: Lvot vñ ovch gehvende wir suln teilen gar
0939,2: so cher ieslich/er\ swar er gerne var
0939,3: der danne iage daz beste des sage man im danch
0939,4: do wart ir biten niht zen herbergen lanch
0940,1: Do sp/ra\ch d/er\ h/er\re Sivrit ich han d/er\ hvnde rat
0940,2: niwan einen brachen d/er\ so genozzen hat
0940,3: daz er die v/er\te erchenne d/er\ tyere durch den tan
0940,4: do schvf d/er\ kunic Gunth/er zvo zim den er <wolde> han
0941,1: Do nam er einen iæger meister einen gvten spvrhunt
0941,2: er brahte den <herren> in einer kurcen stunt
0941,3: da si vil tyere funden swaz d/er\ von legere stvnt
0941,4: die eriageten die gesellen so noh gvte iægere tunt
0942,1: Swaz ir b/er\ brache ersp/ra\ncte die slouc mit sin/er hant
0942,2: Sivrit d/er\ vil chvene d/er\ helt vz Nid/er\lant
0942,3: sin ross daz livf so sere daz ir im niht entran
0942,4: daz lop an dem geiægede er vor in allen da gewan
0943,1: Er was an allen dingen bid/er\be genvoch
0943,2: sin tyere <was> daz erste daz er ze tode slouch
0943,3: ein vil starchez halpfwol mit d/er\ sinen hant
0943,4: dar nach er harte schiere einen grimm/en\ lewen vant
0944,1: Do d/er\ wart ersprenget den

Blatt 36^r
Str. 944,1 - 957,1

0944,1: schoz er mit dem bogen
0944,2: eine scharpfe stralen het er dar in gezogen
0944,3: der lewe lief nach dem schuzze wan drier sprunge lanch
0944,4: die sinen iagtgesellen die sagten Sivride danch
0945,1: ))D((arnach slvger schiere einen wisent vñ elch
0945,2: starcher vore viere uñ einen grimm/en\ schelch
0945,3: sin ross trvg in so <balde> daz ir im niht entran
0945,4: hirz od/er\ hinden chund im wenic iht engan
0946,1: Einen ebyr grozen den sach d/er\ spurehvnt
0946,2: als er begunde vliehen do chom an d/er\ stvnt
0946,3: des selben geiægedes meist/er\ d/er\ bestunt in vf d/er\ sla
0946,4: daz swin vil zornikliche lief an den chunen rechen sa
0947,1: Do slvg in mit dem sw/er\te d/er\ Chriemh' man
0947,2: ez hete ein and/er\ iægere so sanfte niht getan
0947,3: do er in het ervellet man vie den spurehunt
0947,4: do wart sin iagt daz riche wol den Buregonden kunt
0948,1: Do sp/ra\chen sine iægere magez mit hulden wesn
0948,2: so lat uns h/er\re Sivrit d/er\ tyer ein teil genesn
0948,3: ir tvot uns <hivte> lære den berch uñ ovch den walt
0948,4: des begunde smielen d/er\ degn chune vñ balt
0949,1: ))D((o hortens allenthalben lvdem uñ doz
0949,2: von lvten vñ ovch von hunden d/er\ schal was so groz
0949,3: daz in da von antwrte berge vñ ovch d/er\ tan
0949,4: vier vñ drizzech rvore die iægere heten v/er\lan
0950,1: Do mvse vil d/er\ tyere v/er\liesen da daz lebn
0950,2: do wanden si <daz> fvegen daz man in mvste geben
0950,3: den pris an dem geiægede des enchunde niht geschehn
0950,4: do d/er\ starche Sivrit wart zer viwerstete gesehn
0951,1: Daz pirsen was ergangen vñ idoch niht gar
0951,2: die zem viwer wolden di brahten mit in dar
0951,3: vil manig/er\ hande tyere vñ wildes genvoch
0951,4: hey waz man des zer chuchen des kuniges ingesinde trvoch
0952,1: ))D((o hiez d/er\ kunic kounden den iægern voz erchorn
0952,2: daz er enbizen wolde do wart vil lvot ein horn
0952,3: zein/er\ stunt geblasen da mit in wart erchant
0952,4: daz man den fursten edele da zen h/er\bergen vant
0953,1: Ein Sivrides iægere sp/ra\ch ich han v/er\nom/en\
0953,2: von eines hornes duzze daz wir nv suln chom/en\
0953,3: zv den herbergen antwrten ich des wil
0953,4: do wart nach den iægeren gevraget blasende vil
0954,1: Do sp/ra\ch d/er\ h/er\re Sivrit nv rvomen ovch wir den tan
0954,2: sin ros daz trougin ebene si ilten mit im dan
0954,3: si ersprancten mit ir scalle ein tyer vil gremilich
0954,4: daz was ein ber wilde do sp/ra\ch d/er\ degn hind/er\ sich
0955,1: Welt ir uns hergesellen kurcewile wern
0955,2: den brachen sult ir lazen ia sih ich einen bern
0955,3: d/er\ sol zen herbergen mit uns hinnen varn
0955,4: swie vbel er gebare ern chan sihs nimmer bewarn
0956,1: ))D((er brache wart v/er\lazen d/er\ ber spranch von dan
0956,2: do <wolde> in erriten d/er\ Chriemh' man
0956,3: er chom in ein gevelle done chundes niht wesn
0956,4: daz starche tyer do wande vor dem iægere genesn
0957,1: Do sp/ra\nch von sinem

Blatt 35^v
Str. 930,2 - 944,1

Blatt 36^r
Str. 944,1 - 957,1

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr