Nibelungen-Handschrift C

Blatt 36^v
Str. 957,1 - 969,4

Blatt 37^r
Str. 969,4 - 982,4

Nibelungen-Handschrift C / Blatt 36v / JPG-Format klein

Nibelungen-Handschrift C / Blatt 37r / JPG-Format klein

Blatt 36^v
Str. 957,1 - 969,4

0957,1: rosse d/er\ stolze ritter gvot
0957,2: er begunde laufen sere daz tyere was vnbehvot
0957,3: ez enchunde im niht entrinnen do vienger ez zehant
0957,4: ane aller slahte wnden der helt ez schiere gebant
0958,1: Chrazzen noch gebizen chundez niht den man
0958,2: er bandez zvo dem satele gewalteklichen dan
0958,3: braht erz an die fivrstat durch sinen hohen mvot
0958,4: zeiner kurcewile d/er\ reche kvene vñ gvot
0959,1: Wie rehte weigerliche er zen herbergen reit!
0959,2: sin gere was vil michel starch vñ breit
0959,3: im hienge eñn starchez waffen nid/er\ an den sporn
0959,4: von vil rotem golde fvrter ein herlichez horn
0960,1: ))V((on bezzerm birsgewæte gehort ir nie gesagen
0960,2: einen roch von swarzem pfellel den sah man in tragen
0960,3: uñ einen hvot von zobele der riche was genvoch
0960,4: hey waz er gvt/er\ porten an sinem chochære trvoch!
0961,1: Ein hvot von einem pantel dar vb/er\ was gezogn
0961,2: durch richeite vñ durch sveze ovch fvrter einen bogn
0961,3: den man ziehen mvse mit antwerche dan
0961,4: d/er\ in spannen solde ern hete iz selbe getan
0962,1: Von einer lvdemes hvte was allez sin gewant
0962,2: von hovpte vnz an daz ende gestrvete man drvfe vant
0962,3: vz d/er\ liehten rvhe vil manic goldes zein
0962,4: ze beiden sinen siten <de/m\> kounin iægermeist/er\ schein
0963,1: Ovch furter Palmvngen ein ziere wafen breit
0963,2: so starch uñ ovch so scherpfe wie vreislich ez sneit
0963,3: swa man ez slvoch vf helme! sin ecke warn gvot
0963,4: d/er\ hereliche iægere d/er\ was vil hohgemvot
0964,1: ))S((it daz ich ivch d/er\ mære gar bescheiden sol
0964,2: im was sin gvot chocher vil gvoter stralen vol
0964,3: mit guldinnen tullen div sahs wol spannen breit
0964,4: ez mvse bald ersterbn swaz er mit schiezen v/er\sneit
0965,1: Do reit d/er\ ritter edele vil weidenlichen dan
0965,2: in sahen zvo zin chume/n\de die Gunth/eres\ man
0965,3: si liefen im engegene vñ enpfiengen im daz march
0965,4: do fvrter bi dem satele einen bern g/ro\z vñ starch
0966,1: Als er gestvnt von rosse do loster im div bant
0966,2: von fvezen vnt von munde do erlutte da zehant
0966,3: vil groze daz gehunde swaz des den bern sach
0966,4: daz tyer ze walde wolde die lvte heten vngemach
0967,1: Der ber von <de/m\> schalle durch die chvchen geriet
0967,2: hey waz er chuchenknehte von dem fivre schiet!
0967,3: vil chezzil wart gervret zerfvret manic brant
0967,4: hey waz man gvt/er\ spise in der aschen ligen vant!
0968,1: ))D((o sprungen von dem sedele die herren vñ ir man
0968,2: d/er\ ber begunde zvrnen d/er\ kunic hiez do lan
0968,3: allez daz gehunde daz an seilen lach
0968,4: wær iz wol v/er\endet si heten vrolichen tach
0969,1: Mit bogen vñ mit spiezen niht langer man daz lie
0969,2: do liefen dar die snellen da d/er\ ber gie
0969,3: so vil was d/er\ hvnde daz da niem/en\ schoz
0969,4: von dem <gro>

Blatt 37^r
Str. 969,4 - 982,4

0969,4: schalle beidiv berch vñ walt erdoz
0970,1: Der ber begunde vliehen vor den hunden dan
0970,2: im enchunde niht gevolgen wan Chriemh' man
0970,3: d/er\ erliefen mit <de/m> sw/er\te ze tode er in do slvoch
0970,4: hin wid/er\ zv d/er\ chouchen man den bern sid/er\ trvoch
0971,1: ))D((o sp/ra\chen die daz sahen er wær ein chreftic man
0971,2: die stolzen iagtgesellen hiez man zen tischen gan
0971,3: vf einen schonen anger saz ir da genvoc
0971,4: waz man do rich/er\ spise den iagtgesellen dar trvoc!
0972,1: Die schenchen chomen seine die tragen solden win
0972,2: ez enchunde baz gedienet nimm/er\ heleden sin
0972,3: heten si dar vnd/er\ niht so valschen mvot
0972,4: so wæren wol die degene vor allen schanden behvot
0973,1: Done hete nilnt d/er\ sinne d/er\ chuene veige man
0973,2: daz er sich ir untriwe chunde han v/er\stan
0973,3: er was in ganzen tugenden alles <valsches> bloz
0973,4: sins sterbes mvose engelten sit d/er\ sin nie niht genoz
0974,1: Do sp/ra\ch d/er\ h/er\re Sivrit wnd/er\ mich des hat
0974,2: sit man vns von d/er\ chuchen git so manigen rat
0974,3: durch waz uns die schenchen bringen niht den win
0974,4: man enpflege baz d/er\ iægere ine wil niht iagtgeselle sin
0975,1: Ich hete wol gedienet daz man min næme war
0975,2: d/er chunic ob dem tische sp/ra\ch in valsche dar
0975,3: man solz iv gerne bvzen swes wir gebresten han
0975,4: wir sin von Hagene schulde hivt ane trinchen bestan
0976,1: ))D((o sp/ra\ch d/er\ von Tronege vil lieb/er\ herre min
0976,2: ich wande daz diz pirsen hivte solde sin
0976,3: da zem Spehtsharte den win den sande ich dar
0976,4: sin wir hie vngetrunchen wie wol ihz imm/er\ mer bewar
0977,1: Do sp/ra\ch d/er\ herre Sivrit ir lip d/er\ habe vndanc!
0977,2: man solde mir siben savme win uñ lutt/er\tranc
0977,3: habn her gefveret do des niht mohte sin
0977,4: do solde man vns naher han gesidelt an den Rin
0978,1: Do sp/ra\ch ab/er\ Hagene ir edeln ritter balt
0978,2: ich weiz hie vil nahen einen brunnen d/er\ ist chalt
0978,3: daz ir niht enzvrnet da svln wir hine gan
0978,4: d/er\ rat wart manigem degene ze grozen sorgen getan
0979,1: Den helt von Nid/er\landen dwanch des durstes not
0979,2: den tische er deste ziter rvchen dan gebot
0979,3: er wolde fvr die berge zv dem brunnen gan
0979,4: do was d/er\ rat mit meine von den degenen getan
0980,1: Div tyer man hiez vf wægenen fveren in daz lant
0980,2: div da v/er\howen hete div Sivrides hant
0980,3: man iah im grozer eren swer ez ie gesach
0980,4: Gunth/er\ sine triwe vaste an Sivride brach
0981,1: ))D((o si dannen wolden zvo d/er\ linden breit
0981,2: do sp/ra\ch ab/er\ Hagene mir ist dicke daz geseit
0981,3: daz niht gevolgen chunne dem Chriemh' man
0981,4: swenner wolde gahen hey wolde vns daz sehn lan!
0982,1: Do sp/ra\ch von Nid/er\landen d/er\ herre Sivrit
0982,2: ir mvgt ez wol <v/er\svche/n\> welt ir mir lovfen mite
0982,3: ze wette zv dem brunnen so daz si getan
0982,4: d/er\ sol han

Blatt 36^v
Str. 957,1 - 969,4

Blatt 37^r
Str. 969,4 - 982,4

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr