Nibelungen-Handschrift C

Blatt 38^v
Str. 1008,4 - 1021,2

Blatt 39^r
Str. 1021,2 - 1033,4

Nibelungen-Handschrift C / Blatt 38v / JPG-Format klein

Nibelungen-Handschrift C / Blatt 39r / JPG-Format klein

Blatt 38^v
Str. 1008,4 - 1021,2

1008,4: an rehten t/ri\wen daz ir ivch selben habt erslagn
1009,1: Die blum/en\ allenthalben von blvote warn naz
1009,2: do ranger mit dem tode vnlange tet er daz
1009,3: wande in des todes wafen al ze sere sneit
1009,4: do mohte reden niht mere d/er\ reche chven uñ gemeit
1010,1: Do die herren sahen daz d/er\ helt was tot
1010,2: si leiten in vf einen schilt d/er\ was von golde rot
1010,3: vñ wrden des ze rate wie daz solde ergan
1010,4: daz man iz v/er\hêle daz iz het Hagene getan
1011,1: ))D((o sp/ra\chen ir genvoge vns ist vbele geschehn
1011,2: ir sult ez heln alle vñ svlt geliche iehn
1011,3: da er rite iagn eine d/er\ Chriemh' man
1011,4: in slvgen schachære da er fvre durch den tan
1012,1: Do sp/ra\ch d/er\ unget/ri\we ich fvren ñn daz lant
1012,2: mir ist vil vnmære vñ wirt ez ir bechant
1012,3: div so hat getrubet miner frowen mvot
1012,4: ez ahtet mih vil ringe swaz si weinens getvot
1013,1: Von dem selben brunnen da Sivrit wart erslagen
1013,2: sult ir div rehten mære von mir hoern sagn
1013,3: vor dem Otenwalde ein dorf lit Otenhaim
1013,4: da vliuzet noch d/er\ brunne des ist zwifel dehein

Auentv wie Ch'r ir man klagte vñ wie man in begrvp
1014,1: <)))))D(((((o> erbiten si d/er\ nahte vñ fvren vb/er\ Rin
1014,2: von heleden chunde nimm/er\ wirs geiaget sin
1014,3: ein tyer daz si da slugen daz weinten edeliv kint
1014,4: ia mvsin sin engelten vil gvte wigande sint
1015,1: Von grozer vb/er\mvete mvgt ir nv horen sagn
1015,2: vñ von starch/er\ rache do hiez Hagen tragn
1015,3: Sivride den herren von Nibelunge lant
1015,4: fvr eine kemenaten da man Chriemh' vant
1016,1: Er hiez in also toten legn an die tvr
1016,2: daz si in da solde vinden so si d/er\ gienge fvr
1016,3: hin zer mettine e daz ez wrde tac
1016,4: d/er\ div frowe Chriemh' deheine selten verlac
1017,1: ))M((an lvote da zem munster nach gewonheit
1017,2: do wachte div frowe vor ir manige meit
1017,3: si bat ir balde bringen lieht uñ ir gewant
1017,4: do chom ein kamerære da er Sivriden vant
1018,1: Er sach in blvtes roten sin wat was elliv naz
1018,2: daz ez sin herre wære niht enwesser daz
1018,3: hin zer kemenaten daz lieht trvog an d/er\ hant
1018,4: von dem vil leid/er\ mære sit vroe Chriemhilt ervant
1019,1: Do si mit ir frowen zem munst/er\ wolde gan
1019,2: do sp/ra\ch d/er\ kamerære ia sult ir stille stan
1019,3: ez lit vor dem gademe ein ritt/er\ tot erslagn
1019,4: da begunde Chriemh' harte vnmæzliche klagn
1020,1: E daz si reht erfunde daz ez wære ir man
1020,2: an die Hagen/en\ vrage denchen si began
1020,3: wier in wolde vristen do wart ir erste leit
1020,4: ir was alle ir freuden mit sime tode wid/er\seit
1021,1: Do seich si zv d/er\ erden daz si niht ensp/ra\ch
1021,2: die sehonen frev

Blatt 39^r
Str. 1021,2 - 1033,4

1021,2: delosen ligen man do sach
1021,3: der edeln frowen iam/er\ wart unmazen groz
1021,4: do erschre si nach unchrefte daz al div kemenate erdoz
1022,1: ))D((o sp/ra\ch ir gesinde waz ob ez ist ein gast?
1022,2: daz blvot ir vzem munde von h/er\cen iam/er\ brast
1022,3: si sp/ra\ch ez ist Sivrit d/er\ min vil lieb/er\ man
1022,4: ez hat geraten Prunh' daz ez hat Hagene getan
1023,1: Div frowe bat sich wisen da si den rechen vant
1023,2: si hvop sin schone hovbet mit ir wizen hant
1023,3: swie rot er was von blvote si het in schier bechant
1023,4: do was missevarwe des chunen degenes gewant
1024,1: Do rief vil iæmerliche div kuniginne milt
1024,2: owe mir min/er\ leide! nvne ist dir din schilt
1024,3: mit sw/er\ten niht v/er\howen dv list ermorderot
1024,4: vñ wesse ich wer daz tæte ich riet im imm/er\ sinen tot
1025,1: Allez ir gesinde chlagt uñ schre
1025,2: mit ir vil lieben frowen wande in starche we
1025,3: vmbe ir vil edeln herren den si da heten v/er\lorn
1025,4: do het gerochen Hagene harte Prunh' zorn
1026,1: Do sp/ra\ch div iam/er\hafte man sol hin gan
1026,2: vñ wechen die Sivrides man
1026,3: vñ sol ovch Sigemunde disiv mære sagen
1026,4: ob er mir helfen welle den herren Sivriden chlagen
1027,1: ))D((o lief ein bote balde da er ligen vant
1027,2: die Sivrides helede von Nibelunge lant
1027,3: mit disen leiden mæren wachter manigen man
1027,4: die sprungen ane sinne vil balde vo/n\ ir betten dan
1028,1: Ovch kom d/er\ bote <schiere> da d/er\ kunic lac
1028,2: Sigemunt d/er\ h/er\re d/er\ slafes niht enpflac
1028,3: ich wæn sin herce im sagete daz im da was geschehn
1028,4: ern mohte sinen lieben svon lebnden nimm/er\ me gesehn
1029,1: Wachet herre Sigemunt wande ir svlt balde gan
1029,2: ze Chriemh' miner frowen der ist ein leit getan
1029,3: daz ir vor allen leiden an ir herce gat
1029,4: daz sult ir klagen helfeo wandez ivch sere bestat
1030,1: Vf rihte sich do Sigemunt er sp/ra\ch <waz> sint div leit
1030,2: d/er\ schonen Chriemh' di dv mir hast geseit?
1030,3: d/er\ bote sp/ra\ch mit iam/er\ si mvoz von schulden chlagen
1030,4: ia ist von Nid/er\landen d/er\ choune Sivrit erslagn
1031,1: ))D((o sp/ra\ch d/er\ herre Sigemvnt lat daz schimpfen sin
1031,2: vñ also bosiv mære von dem svne min
1031,3: daz ir daz saget iemen daz er si erslagn
1031,4: wande ich en chunde in nimm/er\ vnz an min ende v/er\klagn
1032,1: Vñ welt ir niht gelovben daz ir mich hoeret sagn
1032,2: ir mvegt wol selbe hoeren Chriemh' klagn
1032,3: vñ allez ir gesinde den Sivrides tot
1032,4: vil sere erschrach do Sigemunt des gie im groezliche not
1033,1: Mit hund/er\t sinen mannen er von den betten sp/ra\nch
1033,2: si zvchten zv den handen div scharpfen wafen lanch
1033,3: si liefen zvo dem wofe vil seneliche dan
1033,4: do chomen tusint rechen des chunen Sivri

Blatt 38^v
Str. 1008,4 - 1021,2

Blatt 39^r
Str. 1021,2 - 1033,4

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr