Nibelungen-Handschrift C

Blatt 39^v
Str. 1033,4 - 1046,3

Blatt 40^r
Str. 1046,4 - 1058,4

Nibelungen-Handschrift C / Blatt 39v / JPG-Format klein

Nibelungen-Handschrift C / Blatt 40r / JPG-Format klein

Blatt 39^v
Str. 1033,4 - 1046,3

1033,4: des man
1034,1: Do si so iam/er\liche die frowen horten chlagn
1034,2: do wande sumeliche si solden chleid/er\ tragn
1034,3: iane mohten si d/er\ sinne vor leide niht gehabn
1034,4: in was vil starchiv swêre in ir hercen begrabn
1035,1: ))D((o chom d/er\ kunic Sigemunt da er Chriemh' vant
1035,2: er sp/ra\ch owe d/er\ reise her in <ditzce> lant!
1035,3: wer hat mich mines kindes vñ ivch iw/er\s man
1035,4: bi so gouten friunden v/er\gebne ane getan?
1036,1: Hey solde ich den bechennen sp/ra\ch daz edel wip
1036,2: holt enwrde im nimm/er\ min h/er\ce vñ ovch d/er\ lip
1036,3: ich getæt im als leide daz die mage sin
1036,4: mit iam/er\ mvesen weinen daz wizzet von den schulden min
1037,1: Sigemvnt mit armen den fursten vmbesloz
1037,2: do wart von sinen frivnden d/er\ iamer also groz
1037,3: daz von dem starchen wofe palas uñ sal
1037,4: vñ ovch div stat ze Wormz von ir weinen erschal
1038,1: Done chunde niem/en\ trosten daz Sivrides wip
1038,2: man zoch vz den chleid/er\n den sinen schonen lip
1038,3: den edeln kunich riche si leiten vf den re
1038,4: do was von grozem iam/er\ sinen luten allen we
1039,1: Do sp/ra\chen sine rechen von Nibelunge lant
1039,2: in sol imm/er\ rechen mit willen unser hant
1039,3: er ist in dirre burege d/er\ iz da hat getan
1039,4: do ilten nach gewefen alle Sivrides man
1040,1: Die vz erwelten rechen mit schilden chom/en\ dar
1040,2: einlief hund/er\t rechen die het an siner schar
1040,3: Sigemunt d/er\ herre den Sivrides tot
1040,4: den wolde gerne rechen des gie im wærliche not
1041,1: Sine wessen wen si solden mit strite bestan
1041,2: sine tætenz Gunth/er\ vñ sine man
1041,3: mit den d/er\ herre Sivrit an daz geiægede reit
1041,4: Chriemh' si sach gewafent do was ir grozliche leit
1042,1: Swie starch ir iamer wære vñ swie groz ir not
1042,2: do vorhte si so sere d/er\ Nibelunget tot
1042,3: von Gunthers mannen daz si ez vnd/er\stunt
1042,4: si warnt si goutliche so frivnt noch liebe frivnde tvont
1043,1: ))D((o rief div iamers riche min her Sigemunt
1043,2: wes welt ir beginnen? iv enist niht rehte chunt
1043,3: ez hat d/er\ chunich Gunther so manigen chunen man
1043,4: ir sit v/er\lorn alle welt ir mit strite si bestan
1044,1: Mit vf erburten schilden ze strite was in not
1044,2: Chriemh' div frowe bat vñ ovch gebot
1044,3: daz siz niden solden die rechen vil gemeit
1044,4: ob siz niht wenden chunde daz wære ir bedenthalben leit
1045,1: Si sp/ra\ch herre Sigemunt ir svlt iz lazen stan
1045,2: vnz iz sich baz gefvvege so wil ich minen man
1045,3: imm/er\ mit iv rechen d/er\ mir in hat benom/en\
1045,4: wirde ich des bewiset ich sol im schædeliche komen
1046,1: Ez ist d/er\ vb/er\mveten hie bi Rine vil
1046,2: da von ich iv des strites raten niene wil
1046,3: si habent wid/er\ einen ie wol drizzech man

Blatt 40^r
Str. 1046,4 - 1058,4

1046,4: nv laz in got gelinngen als si an vns gedienet han
1047,1: Ir sult hie beliben vñ dolt mit mir div leit
1047,2: so ez tagen beginne ir helde vil gemeit
1047,3: so helfet mir besarchen den minen lieben man
1047,4: do sprachen die degene daz sol werden getan
1048,1: ))N((vne choundiv niem/en\ daz wnd/er\ wol gesagn
1048,2: von ritt/er\n vñ frowen wie man die horte klagn
1048,3: do wart man des wofes in d/er\ stete gewar
1048,4: vil der burgære dic chom/en\ gahende dar
1049,1: Si klagten mit den gesten wande in was starche leit
1049,2: die Sivrides schulde in niem/en\ het geseit
1049,3: wa von d/er\ edele reche v/er\lvr den sinen lip
1049,4: do weinten mit den frowen d/er\ gvten chavflvte wip
1050,1: Smide hiez man gahen bewrchen einen sarch
1050,2: von edelm mærmelsteine vil michel vñ starch
1050,3: man hiez in vaste binden mit gespenge gvot
1050,4: do was al den lvten harte trurich d/er\ mvot
1051,1: Div naht div was zergangen man sagt iz wolde tagen
1051,2: do bat div edele frowe zv dem mvnster tragen
1051,3: den vil edeln toten ir vil lieben man
1051,4: swaz er da frivnde hete die sah man weinende gan
1052,1: Do man in zem <munster> brahte vil d/er\ glocken chlanc
1052,2: man horte von den pfaffen vil michel gesanc
1052,3: do chom d/er\ chunic Gunth/er\ mit den sinen man
1052,4: mit im d/er\ grimme Hagene zv dem wofe gegan
1053,1: ))E((r sp/ra\ch vil liebiv swest/er\ owe d/er\ laide din
1053,2: daz wir d/er\ starchen leide niht mohten vb/er\ sin!
1053,3: wir mvzen klagn imm/er\ den sinen schonen lip
1053,4: daz tvot ir ane schulde sp/ra\ch do daz iam/er\hafte wip
1054,1: Wær iv dar vmbe leide sone wær es niht geschehn
1054,2: ir hetet min v/er\gezzen des mage ich wol nv iehn
1054,3: da ich da wart gescheiden vo/n\ mime lieben man
1054,4: daz wolde got von himele wær ez mir selb/er\ getan
1055,1: Dir ist von minen lvten leides niht geschehen
1055,2: sp/ra\ch d/er\ kunic Gunther des wil ich dir v/er\iehn
1055,3: die wellen sin vnschuldich die heizet nah/er\ gen
1055,4: sp/rarch si zvo d/er\ bare daz wir die warheit v/er\sten
1056,1: Daz ist ein michel wnd/er\ vil dicke ez noch geschiht
1056,2: swa man den mortmeilen bi dem toten siht
1056,3: so blvtent im die wnden als ovch da geschach
1056,4: da von man die sculde da ze Hagene gesach
1057,1: ))D((ie wnden vluzzen sere also si taten ê
1057,2: die ê da sere chlageten des wart nv michel me
1057,3: do sp/ra\ch d/er\ kunich Gunth/er\ ich wilz ivch wizzen lan
1057,4: in slvgen schachære Hagene hat es niht getan
1058,1: Si sp/ra\ch die selben schachman sint mir wol bechant
1058,2: got laz iz noch errechen siner friunde hant
1058,3: Gunth/er\ vñ Hagene ia habt ir ez getan
1058,4: die Sivrides rechen heten do ze strite wan

Blatt 39^v
Str. 1033,4 - 1046,3

Blatt 40^r
Str. 1046,4 - 1058,4

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr