Nibelungen-Handschrift C

Blatt 3^v
Str. 64,3 - 78,4

Blatt 4^r
Str. 78,4 - 92,3

Nibelungen-Handschrift C / Blatt 3v / JPG-Format klein

Nibelungen-Handschrift C / Blatt 4r / JPG-Format klein

Blatt 3^v
Str. 64,3 - 78,4

0064,3: den sol man prufen wat
0064,4: ich wil v/er\svchen gerne wie ez vmbe Chriemhilde stat
0065,1: Da sazen schone frowe naht uñ tac
0065,2: luzzil deheiner mvoze ir deheiniv pflach
0065,3: vnze si geworhten die Sifrides wat
0065,4: er wolde sin/er\ verte han dehein/er\ slahte rat
0066,1: Sin vater hiez im zieren sin ritt/er\lich gewant
0066,2: da mit er varn wolde in Burgonden lant
0066,3: die ir uil liehten brunne die wrden ovch bereit
0066,4: vñ ir vil gvten helme ir <schilde> schon vñ breit
0067,1: Do nahet int ir reise zen Burgonden dan
0067,2: si heten vmbe ir sorge wiez im solde ergan
0067,3: ob si imm/er\ wid/er\ solden chom/en\ in daz lant
0067,4: do svomte man den degenen von dannen waffen vñ gewant
0068,1: Ir rosse div warn schone ir gereite goldes rot
0068,2: lebt iem/en\ vb/er\mvt/er des enwas niht not
0068,3: denne wære Sivrit vñ die sine man
0068,4: wie schone er vrlovbes gerte zen Burgonden dan!
0069,1: ))I((n werte trvorechliche der kunic vñ ovch sin wip
0069,2: er troste minneklichen do ir beid/er\ lip
0069,3: er sp/ra\ch ir sult niht weinen durch den willen min
0069,4: imm/er\ ane sorge mvget ir wol mines libes sin
0070,1: Ez was leit den rechen ez weint ovch manic meit
0070,2: ich wæn in hete rehte ir herce daz geseit
0070,3: daz in so vil ir friwende da von gelege tot
0070,4: von schulden si do klageten des gie in endeliche not
0071,1: An dem sehsten morgen ze Wormze vf den sant
0071,2: riten die vil chunen allez ir gewant
0071,3: was uon rotem golde ir gereite wol getan
0071,4: ir ross div giengen ebene des h/er\ren Sifrides man
0072,1: Ir schilde warn niwe starc vñ breit
0072,2: vñ lieht ir helme da ze hove reit
0072,3: Sifrit d/er\ vil chune in Gunth/er\es lant
0072,4: man gesach an heleden nie so h/er\lich gewant
0073,1: ))D((iv ort d/er\ swerte giengen nid/er\ vf die sporn
0073,2: ez furten scharpfe geren die ritt/er\ vz erchorn
0073,3: Sivrit d/er\ furt ir einen wol zweier spannen breit
0073,4: der ze sinenn ekken harte vreislichen sneit
0074,1: Die goldes roten zevme furtens an d/er\ hant
0074,2: von siden furgebuge sus <chomens> in daz lant
0074,3: daz volch si allenthalben kapfen an began
0074,4: do liefen in engegene des kunic Gunth/er\es man
0075,1: Die hochgemvten rechen ritt/er\ vñ knehte
0075,2: die sprungen in begegene daz was michel reht
0075,3: vñ enpfiengen dise geste in ir herren lant
0075,4: si nam/en\ in die moere vñ ir schilde von d/er\ hant
0076,1: Div ross si wolden dannen ziehen an ir gemach
0076,2: Sifrit d/er\ starche zv den helden sp/ra\ch
0076,3: lat uns noch die moere eine wile stan!
0076,4: wir wellen schiere hinnen des ich gvten willen han
0077,1: Man sol ovch uns/er\ schilde nind/er\ von uns tragen
0077,2: wa ich den kunic uinde kan mir daz iemen sagen
0077,3: Gunth/er\n den richen vz Burgonden lant?
0077,4: do sagetez im ir einer dem iz rehte was bekant
0078,1: ))W((elt ir den kunic uinden daz mac vil wol geschehen
0078,2: vf ienem sal witen han ich <in> gesehen
0078,3: bi den sinen degenen welt ir zv zim gan
0078,4: ir mvget da vor

Blatt 4^r
Str. 78,4 - 92,3

0078,4: im vinden manigen vz erwelten man
0079,1: Do waren ovch dem kunige div mære nv geseit
0079,2: daz vf sinem hofe wæren ritt/er vil gemeit
0079,3: die furten liehte brunne vñ herlich gewant
0079,4: si enkande niem/en\ in d/er\ Burgonden lant
0080,1: Den wirt des hete wnd/er\ von wanne koem/en\ dar
0080,2: die h/er\liche rechen in wæte lieht gevar
0080,3: uñ mit so schonen schilden niwe uñ breit
0080,4: daz im daz niemen sagete daz was im groezliche leit
0081,1: Des antwrte ein reche d/er\ hiez Ortwin
0081,2: starch uñ chvone moht/er\ wol sin
0081,3: Sit wir ir niht erchennen so sult ir heizen gan
0081,4: nach mime hoheim Hagene den sul wir si sehen lan
0082,1: Dem sint kunt div riche vñ ovch div fremden lant
0082,2: mager si bekennen daz tvot er uns bechant
0082,3: in hiez d/er\ chunic bringen mit den sinen man
0082,4: sach man in zvhtekliche ze hofe fur den chunic gan
0083,1: Waz sin d/er\ kunic wolde des vragete Hagene
0083,2: ez sint in mime huse vremde degene
0083,3: die niem/en\ hie bekennet ob ir si ê gesehen
0083,4: habt in vremden landen des svlt ir Hagene mir v/er\iehen
0084,1: Das tvn ich <sich/er\liche/n\> zeinem vens/ter\ er do gie
0084,2: sin ovge er do wenchen zv den gesten lie
0084,3: wol behagete im ir geverte vñ ovch ir gewant
0084,4: si warn im vil vremde in d/er Burgonden lant
0085,1: ))E((r sp/ra\ch von swannen furen die rechen an den Rin
0085,2: ez mohten selbe fursten od/er\ fursten boten sin
0085,3: ir ross div sint so schone ir chleid/er\ harte gvot
0085,4: swannen si ioch riten si sint vil hohe gemvot
0086,1: Also sp/ra\ch do Hagene als ich mich kan v/er\stan
0086,2: swie ich Sifriden noh nie gesehen han
0086,3: so wil ich wol getrowen swie ez sich gefuget hat
0086,4: so ist ez d/er\ reche d/er\ dort so herlichen stat
0087,1: Er bringet niwe mære her in dizze lant
0087,2: die chvn/en\ Nibelunge slvch des heldes hant
0087,3: Schilbunc vñ Nibelunch div richen kuniges chint
0087,4: er frumte starchiv wnd/er\ mit sin/er\ grozen chrefte sint
0088,1: Da d/er\ helt aleine an alle helfe reit
0088,2: er vant vor einem berge daz ist mir wol geseit
0088,3: bi Nibelunges horde vil manigen kunen man
0088,4: die warn im ê fremde vnz er ir chunde da gewan
0089,1: ))H((ort der Nibelunges d/er\ was gar getragen
0089,2: vz einem holn b/er\ge nv horet wnd/er\ sagen
0089,3: wie in teilen wolden d/er\ Nibelunge man
0089,4: daz sach der degen Sifrit den helt es wndern began
0090,1: Er chom zv zin so nahen daz er die rechen sach
0090,2: vn ovch in die <degene> ir einer drund/er\ sprach
0090,3: hie chumt d/er\ starch Sivrit d/er\ helt von Nid/er\lant
0090,4: vil seltseniv mære er an den Nibelunge/n\ vant
0091,1: Den rechen wol enpfiengen Schilbunc vñ <Nibelu/n\c>
0091,2: mie gemeine/m\ site die edeln fursten iunch
0091,3: den schaz in baten teilen den vil chunen man
0091,4: vñ batens in so lange vnz er inz loben began
0092,1: Er sach so vil gesteines als wir horen sagen
0092,2: hund/er\t chantzwægene ez mohten niht getragen
0092,3: noch

Blatt 3^v
Str. 64,3 - 78,4

Blatt 4^r
Str. 78,4 - 92,3

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr