Nibelungen-Handschrift C

Blatt 42^v
Str. 1109,4 - 1122,1

Blatt 43^r
Str. 1122,1 - 1135,1

Nibelungen-Handschrift C / Blatt 42v / JPG-Format klein

Nibelungen-Handschrift C / Blatt 43r / JPG-Format klein

Blatt 42^v
Str. 1109,4 - 1122,1

1109,4: mage dar inne vroliche vant!
1110,1: Wie si nv gefouren des enkan ich niht gesagn
1110,2: man horte zallen citen hie Chriemh' klagn
1110,3: daz ir niem/en\ troste daz herce vñ ovch den mvot
1110,4: ez entæt ir brvd/er\ Giselh/er\ d/er\ was get/ri\we uñ gvot
1111,1: Prvnh' div schone mit vb/er\mvte saz
1111,2: swaz Chriemh' geweinte vnmære was ir daz
1111,3: sine wart ir reht/er\ triwen nimm/er\ me bereit
1111,4: sit geriet ovch ir vroe Chriemh' ich wæn als ungefvegiv leit

Auentv wie der Nibelunge hort ze Wormze braht wart
1112,1: <)))))D(((((o> div minnekliche also v/er\witewet wart
1112,2: bi ir ime lande d/er\ grave Eckewart
1112,3: beleip mit sinen mannen sin triwe im daz gebot
1112,4: er diente sin/er\ frowen mit willen vnz an sinen tot
1113,1: Ze Wormze bi dem munst/er\ ein gezimb/er\ man ir sloz
1113,2: von holze harte michel wit uñ groz
1113,3: da si mit ir gesinde sit ane frevde saz
1113,4: si was zer chirchen gerne vñ tet vil willechliche daz
1114,1: Da man begrvop ir vriedel wie selten si daz lie
1114,2: mit trvrigem mvote si alle cite dar gie
1114,3: si bat got den richen d/er\ sinen sele pflegn
1114,4: vil diche wart beweinet mit grozen triwen d/er\ degn
1115,1: Vote vñ ir gesinde si trosten zaller stvnt
1115,2: do was ir daz herce so grozliche wnt
1115,3: ez chunde niht vervahen swaz man ir trostes bot
1115,4: si hete nach ir frivnde die allergroziste/n\ not
1116,1: die nach liebem manne ie mere wip gewan
1116,2: man moht ir starche tvgende chiesen wol dar an
1116,3: si chlaget unz an ir ende die wile wert ir lip
1116,4: sit rach sich harte swinde in grozen triwen daz wip
1117,1: ))S((vs saz si in ir leiden daz ist al war
1117,2: nach ir mannes tode vnz in daz vierde iar
1117,3: daz si zir brvd/er\ Gunth/er\ dehein wort nie gesp/ra\ch
1117,4: uñ ovch ir vint Hagenen in d/er\ zite niene gesach
1118,1: Hagene sp/ra\ch zem chunige mohten wir daz tragen an
1118,2: daz ir iw/er\ swester hulde mohtet han
1118,3: so choem zv disen landen daz Nibelunges golt
1118,4: des wrde vns vil ze teile wær uns div kuniginne holt
1119,1: Daz schuln wir v/er\svchen sp/ra\ch d/er\ kunic sa
1119,2: ich wil ez mine brveder hin ze ir werbn lan
1119,3: daz si mir daz fvegen daz si vns gerne sehe
1119,4: ine trowes niht sp/ra\ch Hagene daz ez immer geschehe
1120,1: Do hiez er Ortwinen hin ze hove gan
1120,2: vñ d/er\ marchrauin Geren do daz was getan
1120,3: man braht ovch Gernoten vñ Giselher daz kint
1120,4: si v/er\svohtenz vrivntliche an frowen Chriemh' sint
1121,1: ))D((o sp/ra\ch von Buregonden d/er\ choune Gernot
1121,2: frowe ir chlaget ze lange den Sivrides tot
1121,3: nv wil d/er\ kunich iv rihten daz ers niht hat erslagen
1121,4: man hoert ivch zallen ziten so rehte groezliche klagn
1122,1: Si sp/ra\ch des zihet <niemen> in

Blatt 43^r
Str. 1122,1 - 1135,1

1122,1: in slvoch div Hagenen hant
1122,2: wa man in v/er\howen moehte do er daz an mir ervant
1122,3: solt ich des getrowen daz er im trvege haz
1122,4: ich hete wol behvetet sp/ra\ch div kuniginne daz
1123,1: daz ich niht v/er\meldet hete sinen lip
1123,2: so liez ich nv min weinen ich vil armez wip
1123,3: holt wirde ich in nimm/er\ die ez da habent getan
1123,4: do begunde <vlegen> Giselh/er\ der vil wætlich man
1124,1: Si sp/ra\ch ich mvoz in grvezen irn welts mich niht erlan
1124,2: d/er\ habe groze sunde d/er\ kunic hat mir getan
1124,3: so vil d/er\ hercen swære gar ane mine scholt
1124,4: min mvnt im giht d/er\ svone im wirt daz herce nimm/er\ holt
1125,1: Dar nach wirt ez bezzer sprachen ir mage do
1125,2: waz ob er ir an v/er\dienet daz si noch wirdet vro?
1125,3: er mac si wol ergezzen sp/ra\ch Gernot d/er\ helt
1125,4: do sp/ra\ch div iamersriche seht nv tvon ich swaz ir welt
1126,1: ))S((i wolden kunic grvzen do si in des v/er\iach
1126,2: mit sinen besten frivnden ers in ir hvse sach
1126,3: done torste Hagene fvr si niht gegan
1126,4: wol wesser sine schulde er het ir leide getan
1127,1: Do si v/er\chiesen wolde vf in den grozen haz
1127,2: Gunther gezogenliche gie gegen ir dar naher baz
1127,3: durch des hordes liebe was d/er\ rat getan
1127,4: dar vmbe riet die svone d/er\ vil vngetriwe man
1128,1: Ez enwart nie svone mit so vil træhenen me
1128,2: mit valsche gefvget ir tet ir schade we
1128,3: si v/er\chos vf si alle wan vf den einen man
1128,4: in het erslagen niem/en\ het ez niht Hagene getan
1129,1: Dar nach uil unlange do trvgen si daz an
1129,2: daz div kuniginne den grozen hort gewan
1129,3: von Nibelunge lande vñ fvrt in an den Rin
1129,4: ez was ir morg/en\gabe er solt ir wol von rehte sin
1130,1: ))D((ar nach si beide fvren Giselher uñ Gernot
1130,2: zwelf hund/er\t mannen Chriemh' do gebot
1130,3: die in da holn solden da er v/er\borgen lac
1130,4: da sin d/er\ degn Albrich mit sinen besten friunden pflac
1131,1: Do die uon <Rine> chomen in Nibelunge lant
1131,2: do sp/ra\ch zvo sinen magen Albrich al zehant
1131,3: wir mvgn ir des hordes vor gehabn niht
1131,4: sit sin ze morgengabe div edele kuniginne giht
1132,1: Doch enwrde ez nimm/er\ sp/ra\ch Albrich getan
1132,2: niwan daz wir vbele da v/er\lorn han
1132,3: mit dem vil edeln rechen die gvten tarnhvot
1132,4: die trvoch von allem rehten d/er\ schone/n\ Chriemh' trvot
1133,1: Nv ist ez leid/er\ vbele Sivride chomen
1133,2: daz vns die tarnkappen het d/er\ helt benom/en\
1133,3: vñ daz im mvse dienen mit vorhten dizze la/n\t
1133,4: do gie d/er\ chamerære da er des hordes sluzzel vant
1134,1: ))E((z stvnden vor dem berge die Chriemh' man
1134,2: vñ ovch ein teil ir mage den schazze ma/n\ trvge dan
1134,3: nid/er\ zv den unden an div schiffelin
1134,4: den fvrt man vf dem sewe vof ze berge vnz in den Rin
1135,1: Nv mvgt ir von dem horde wnder

Blatt 42^v
Str. 1109,4 - 1122,1

Blatt 43^r
Str. 1122,1 - 1135,1

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr