Nibelungen-Handschrift C

Blatt 55^v
Str. 1441,1 - 1453,1

Blatt 56^r
Str. 1453,1 - 1465,4

Nibelungen-Handschrift C / Blatt 55v / JPG-Format klein

Nibelungen-Handschrift C / Blatt 56r / JPG-Format klein

Blatt 55^v
Str. 1441,1 - 1453,1

1441,1: ir gebietet sp/ra\ch do Wærbelin
1441,2: in ir kemenaten bat si div kunigin
1441,3: bringen tovgenlichen da si <die> boten sp/ra\ch
1441,4: da von sit manigem degene harte leide geschach
1442,1: Si sp/ra\ch zen boten beiden ir dienet michel gvot
1442,2: ob ir minen willen tovgenlichen tvot
1442,3: so sagt swaz ich enbiete heim in vnser lant
1442,4: ich mache ivch gvtes riche vñ gibe iv herlich gewant
1443,1: Swaz ir d/er\ minen frivnde imm/er\ mvget gesehn
1443,2: ze Wormze bi dem Rine den svlt ir niht v/er\iehn
1443,3: daz ir noch ie gesæhet betrvebet minen mvot
1443,4: vñ saget minen dienest den heleden <chven> vñ gvot
1444,1: Bitet daz si leisten daz in d/er\ kunic enbot
1444,2: vñ mich da mite scheiden von aller miner not
1444,3: die Hvnen mvgen wænen deich ane frivnde si
1444,4: ob ich ein ritter hieze ich wær in eteswenne bi
1445,1: Ir saget ovch Gernote dem lieben brvod/er\ min
1445,2: daz im zer werlde niemen hold/er\ mvege sin
1445,3: vñ bitte in daz er fvere mit im in dizze lant
1445,4: die vnser besten frivnde deiz vns zen eren si gewant
1446,1: Vñ sagt ovch Giselhere er denche wol dar an
1446,2: daz er von minen schulden nie leides niht gewan
1446,3: des sêhen in vil gerne hie div ovgen min
1446,4: daz wolde ich imm/er\ mere hinz im diende sin
1447,1: Nv sagt ovch min/er\ mvot/er\ die ere die ich han
1447,2: vñ ob von Tronege Hagene welle dort bestan
1447,3: wer <si> danne solde wisen durch div lant
1447,4: dem sint die wege von kinde her zen Hvnin wol bekant
1448,1: ))D((ie boten niene wessen wa vo/n\ daz was getan
1448,2: daz Hagene d/er\ chvene solde niht bestan
1448,3: hind/er\ in Rine daz wart in sid/er\ leit
1448,4: mit im was manigem degene zem grimmem tode wid/er\seit
1449,1: Boteschaft vñ brieve daz was nv gegebn
1449,2: si fvren gvotes riche vñ mohten schone lebn
1449,3: vrlovp gab in Ezele vñ ovch des <kuniges> wip
1449,4: in was mit rich/er\ wæte vil wol gezieret d/er\ lip
1450,1: Do d/er\ kunic Ezele von im gesande
1450,2: sine boten zvo dem Rine von manigem lande
1450,3: b/ra\ht er vil d/er\ rechen zvo siner hochgecit
1450,4: d/er\ deheiner nimm/er\ mere chom zvo sime lande <SIT>

Aventv wie die boten ze Rine q/ua\men vñ wie si danne schieden
1451,1: <))))D((((ie> boten dannen fvren vb/er\ Hvnin lant
1451,2: zvo den Burgonden dar waren si gesant
1451,3: nach drin edeln kunigen vñ ovch nach ir man
1451,4: die solden chomen Ezelen des man gahen do began
1452,1: Hin ze Bechelaren chomen si geriten
1452,2: da diente man in gerne daz wart niht v/er\miten
1452,3: sin dienst enbot do Rvdeger vñ ovch Gotelint
1452,4: bi in hin ze Rine vñ ovch des marcg/ra\ven kint
1453,1: Sine liezens ane gabe von in niht schei

Blatt 56^r
Str. 1453,1 - 1465,4

1453,1: den dan
1453,2: daz deste baz gefveren die Ezelen man
1453,3: Vten vñ ir kinden enbot do Rvedeger
1453,4: sine heten in so wæge deheinen marcg/ra\ven mer
1454,1: Si enbvte/n\ ovch Prvnh' dienste vñ gvot
1454,2: triwe uñ minne vñ willigen mvot
1454,3: do si die rede gehorte die boten mvsin varn
1454,4: si bat div marcg/ra\uinne got vo/n\ himele bewarn
1455,1: ))E(( daz di boten chomen vol dvrch Bayerlant
1455,2: Wærbel d/er\ vil snelle den gvten bisschof vant
1455,3: waz d/er\ do sinen frivnden hin ze Rine enbot
1455,4: daz ist mir vngewizzen niwan sin golt also rot
1456,1: daz gab er in ze minne ritern er si lie
1456,2: do sp/ra\ch d/er\ bisschof Pilgerim solde ich si sehen hie
1456,3: mir wære wol ze mvote die swest/er\ svne min
1456,4: ich mach leid/er\ selten zvo zin chom/en\ an den Rin
1457,1: Welhe wege si fvoren ze Rine dvrch div lant
1457,2: desen chan ich niht bescheiden ir golt vñ ir gewant
1457,3: daz ennam in niemen man vorht ir herren haz
1457,4: Ezel was vil gewaltich man erchande in allen landen daz
1458,1: Inre tagen zehenen si chomen an den Rin
1458,2: ze Wormze zv d/er\ veste Wærbel vñ Swæmmelin
1458,3: do sagte man div mære den kvnigen vñ ir man
1458,4: da choemen boten vremde Gunther vragen do began
1459,1: ))D((o sp/ra\ch d/er\ vogt von Rine wer tvot vns bechant
1459,2: von disen vremden rechen die choment in daz lant?
1459,3: daz enwesse nieman vnze si gesach
1459,4: Hagene d/er\ chvene d/er\ helt zvo Gunthere sp/ra\ch
1460,1: Uns choment niwe mære des wil ich iv v/er\iehn
1460,2: die Ezeln videlære die han ich hie gesehn
1460,3: si hat iwer swest/er\ gesendet an den Rin
1460,4: durch die Ezelen liebe si svln vns willechomen sin
1461,1: Si riten vil bereite fver den palas dan
1461,2: ez gefvren herrenlicher nie fvrsten spileman
1461,3: des chuniges ingesinde enpfie si sa zehant
1461,4: ir rôs man herbergen vñ hiez behalten ir gewant
1462,1: ))I((r reisechleid/er\ waren rich vñ so getan
1462,2: daz si mit eren mohten fvr den kunic gan
1462,3: d/er\ enwolde/n\ si niht mere da ze hove tragn
1462,4: obs iemen nemen wolde die boten hiezen daz sagn
1463,1: In d/er\ selben maze man ovch lvte vant
1463,2: die ez vil gerne namen den wart ez gesant
1463,3: do leiten an die geste verre richer wat
1463,4: als ez boten kuniges ze tragen herlichen stat
1464,1: Do gie mit vrlovbe da d/er\ kunic saz
1464,2: daz Ezelen gesinde vil gerne sah man daz
1464,3: Hagene von den sedele gein den boten sp/ra\nch
1464,4: vñ lief in engegene des sagten im die chnappen danch
1465,1: Durch div chvnden mære vragen er began
1465,2: wie sich gehabte Ezele vñ ovch sine man
1465,3: do sp/ra\ch d/er\ videlære daz lant gestvnt nie baz
1465,4: noch wrden vro die

Blatt 55^v
Str. 1441,1 - 1453,1

Blatt 56^r
Str. 1453,1 - 1465,4

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Wissenstor:
Mo - Fr 9.00 - 21.00 Uhr,
Sa 10.00 - 20.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr