Nibelungen-Handschrift C

Blatt 56^v
Str. 1465,4 - 1478,3

Blatt 56a^r

Nibelungen-Handschrift C / Blatt 56v / JPG-Format klein

Blatt 56^v
Str. 1465,4 - 1478,3

1465,4: die lvote ich sagiv endechliche daz
1466,1: ))E((r brahtes zv den wirte d/er\ palas d/er\ was vol
1466,2: do enpfie man die geste so man von rehte sol
1466,3: minnechliche grvezen in and/er\ kvnige lant
1466,4: Swæmmil vil d/er\ degene da bi Gunth/ere\ va/n\t
1467,1: Der chunic gezogenliche grvzen si began
1467,2: sit willechom/en\ beide ir Ezelen spileman
1467,3: vñ iw/er\ hergesellen hat ivch her gesant
1467,4: d/er\ kunic von den Hvnin zvo d/er\ Burgonden lant?
1468,1: Mit zvht si nigen beide do sp/ra\ch Wærbelin
1468,2: iv enbivtet sinen dienest d/er\ liebe herre min
1468,3: vñ Chriemh' iw/er\ swester her in dizze lant
1468,4: si habent vns iv heleden in grozen triwen her gesant
1469,1: Do sp/ra\ch d/er\ fvrste riche d/er\ mære bin ich vro
1469,2: wie gehabt sich Ezele so sprach d/er\ chunic do
1469,3: vñ Chriemh' min swest/er\ vzer Hvnen lant?
1469,4: do sp/ra\ch d/er\ videlære div mære tvn ich iv bechant
1470,1: Sich gehabten chunige ir svlt wol wizzen daz
1470,2: in deheinem lande vrolicher noch baz
1470,3: vñ allez ir gedigene die mage vñ ovch ir man
1470,4: si frevten sich d/er\ reise do wir schieden von in dan
1471,1: ))G((nade siner dienste die er mir enboten hat
1471,2: vñ ovch min/er\ swester mir ist liep daz also stat
1471,3: daz si so lebnt mit vrevden d/er\ chunic vnt sine man
1471,4: wande ich doch d/er\ mære gevraget sorgende han
1472,1: Die zwene ivnge/n\ chvnige waren ovch nv chomen
1472,2: wande si div mære heten erst v/er\nomen
1472,3: dvrch ir swester liebe die boten gerne sach
1472,4: Giselh/er\ d/er\ ivnge d/er\ zvo zin gvetlichen sp/ra\ch
1473,1: Ir boten soldet groze vns willechomen sin
1473,2: ob ir dicker woldet zvns riten an den Rin
1473,3: ich wæn ir frivnde fvndet die ir gerne moehtet sehen
1473,4: iv solde von vns degenen lvzzil leides geschehn
1474,1: Wir getrwoen iv aller eren sp/ra\ch do Swæmmelin
1474,2: ine chvnd iv niht bewæren mit den sinnen min
1474,3: wie minneklich iv Ezele her enboten hat
1474,4: vñ iw/er\ edeliv swester d/er\ dinch in hoh/er\ wirde stat
1475,1: Gnade vñ triwe mant ivch des kuniges wip
1475,2: vñ daz ir ie was wæge iwer herce vñ iw/er\ lip
1475,3: vñ ze vorderst dem kunige sin wir her gesant
1475,4: daz ir gervchet riten zvo zin in d/er\ Hvnin lant
1476,1: Ez sol ovch mit iv riten d/er\ herre Gernot
1476,2: Ezele d/er\ riche iv allen daz enbot
1476,3: ob ir ivch iw/er\ swester niht sehn woldet lan
1476,4: so wolde er gerne wizzen waz er iv rechen hete getan
1477,1: daz ir also vremdet in vñ siniv lant
1477,2: ob iv div kuniginne wære nie bechant
1477,3: so moeht er doch v/er\dienen daz in ir rvchet sehn
1477,4: swenne daz geschêhe so wær im liebe geschehn
1478,1: ))D((o sp/ra\ch d/er\ kunic Gvnther nv lat die rede stan
1478,2: vñ vart ze herbergen ich wil ivch hoeren lan
1478,3: in disen siben

Blatt 56a^r

[ Blattverlust - Ergänzung nach der Hs. a ] ⁽¹⁾

1478,3: /nachten wil ich in sein lant
1478,4: swes ich mich berate die maere tun ich ew bechant
1479,1: Do sprach der bote Waerbel chünde daz geschehen
1479,2: das wir meine frawn mochte e gesehen
1479,3: Vtten die vil reichen e wir schufen vns gemach?
1479,4: Geyselher der edel do ail zuchticleich sprach
1480,1: Das ensol ew niermant wenden welt ir fur si gan
1480,2: da habt ir meiner mueter willen an getan
1480,3: wañ si sicht ew gern durch die szvester meine
1480,4: vnd durch den chünig Etzln des sult ir an zweiuel sein
1481,1: Geyselher si pracht da sein muter sas
1481,2: sy sach die boten gerñ mit trewen tet si das
1481,3: si grüzt sei mit tugent wan si was wol gemout
1481,4: ia daucht si die maere von der chüniginne gout
1482,1: Mein fraw ew here enbivtet so sprach Swaemmelin
1482,2: ir dienst in grossen trewen des sult ir sicher sein
1482,3: das ir seit ir so frömde daz haizzet si ew
1482,4: mute tragen
1483,1: Da sprach die chünigin das mag nicht laider gesein
1483,2: swie gern ich dikch saech die liebe tochter meine
1483,3: ia ist mir ze verre des edln chunigs weip
1483,4: nu sein immer <saelich> baide si vñ Ettzln leip
1484,1: Ir solt mich lazzen wissen e daz ir raumet hie
1484,2: wenne ir reiten wellet in gesach so gern nie
1484,3: boten in langen zeiten danne ich ew hhan gesehhen
1484,4: die boten ir do lobten daz si das liezzen geschehen
1485,1: Zen herbergen do fouren die von Heunen lannt
1485,2: da het der chünig reiche nach den frivnden sein gesant
1485,3: Gunther der vil edel fragt sein man
1485,4: wie in die rede behagte vil manger raten do began
1486,1: er rite wol mit ern in chünig Ettzeln lant
1486,2: das rieten im die pesten die dar vnder vant
1486,3: newer Hagen alaine dem waz ez grimme lait
1486,4: er sprach zu dem chhünig taugen ir habt ew selben widersait
1487,1: Nu ist ew wol gewissen was wir han getan
1487,2: des müg wir immer sorge auf Chrimhilden han
1487,3: auch slug ich ze tode ir man mit meiner hant
1487,4: wie getorsten wir gereiten in des chünigs Ettzln lant?
1488,1: Do sprach der chünig reiche mneine swester lie den tzorn
1488,2: mit chüsse minnicleich si hat auf vns vercborn
1488,3: daz wir ir ie getaten e daz si hinnen rait
1488,4: ez en sey et Hagen danne ew ainer von ir widerseit
1489,1: Nu lat ew nicht betrigen sprach Hagen swes si iehen
1489,2: die boten von den Heunen vnd welt ir Chrimhilden sehen
1489,3: ir mugt do wol verliesen ewer ere vñ ewrn leip
1489,4: ez ist vil lanch raeche des reichen chünig Etzeln weip
1490,1: Do sprach zu dem rate der fürste Gernot
1490,2: ob ir nu von schulden forchtet den tod
1490,3: in <heunischen> reichen solden wir ez dar durch lan?
1490,4: wir <ensaehñ> vnser swester daz waer zaegleich getan
1491,1: Do sprach der herre Geyselher zu dem

Blatt 56^v
Str. 1465,4 - 1478,3

Blatt 56a^r

(1)
Literatur: Das Nibelungenlied nach der Handschrift C, hg. v. U. Hennig (Altdeutsche Textbibliothek 83), Tübingen 1977, S. XIV