Nibelungen-Handschrift C

Blatt 5^v
Str. 119,2 - 133,1

Blatt 6^r
Str. 133,2 - 146,3

Nibelungen-Handschrift C / Blatt 5v / JPG-Format klein

Nibelungen-Handschrift C / Blatt 6r / JPG-Format klein

Blatt 5^v
Str. 119,2 - 133,1

0119,2: wol sin
0119,3: daz d/er\ so lange dagete daz was dem kunige leit
0119,4: do vnderstundez Gernot d/er\ ritt/er\ <kvone> vñ gemeit
0120,1: Er sp/ra\ch ze Ortwine lat iw/er\ zvrnen stan!
0120,2: vns en hat h/er\re Sifrit solhes niht getan
0120,3: wir mugen ez noch wol scheiden mit zvhten dest min rat
0120,4: vñ haben in ze frivnde daz uns lobelich/er stat
0121,1: Des antwrte Hagene vns mac wol wesen leit
0121,2: allen iwern degenen daz er ie gereit
0121,3: durch striten h/er\ ze Rine er soldez haben lan
0121,4: im heten min h/er\ren solh/er\ leide niht getan
0122,1: ))D((o sp/ra\ch aber Sifrit d/er\ chreftige man
0122,2: mvte ivch daz her Hagene daz ich gesprochen han
0122,3: so sol ich lazen chiesen daz die hende min
0122,4: wellent vil gewaldech hie zen Burgonden sin
0123,1: Daz sol ich eine wenden sp/ra\ch do Gernot
0123,2: allen sinen degenen reden er v/er\bot
0123,3: iht mit vb/er\mvete des im wære leit
0123,4: do gedaht ovch Sifrit an die vil h/er\lichen meit
0124,1: Wie zæme vns mit iv striten? sp/ra\ch ab/er\ Gernot
0124,2: swaz helde nv dar und/er\ mvsen ligen tot
0124,3: wir hetens luzzil ere ob wir ez wolden tvon
0124,4: des antwrt Sifrit des kunic Sigemundes sun
0125,1: Warumbe bitet Hagene vñ ovch Ortwin
0125,2: daz er niht gahet striten mie den frivnden sin
0125,3: d/er\ er also manigen hie ze lande hat?
0125,4: si mvsin rede v/er\miden daz was Gernotes rat
0126,1: Ir sult vns wesen willechom/en sp/ra\ch Giselh/er\ daz kint
0126,2: vñ iw/er\ hergesellen die hie mit iv sint
0126,3: wir suln iv gerne dienen ich uñ die mage min
0126,4: do hiez man den gesten schenchen Gunth/er\es win
0127,1: ))D((o sp/ra\ch d/er\ wirt des landes allez daz wir han
0127,2: gervchet irs nach eren daz si iv vnd/er\tan
0127,3: vñ si mit iv geteilet lip uñ gvot
0127,4: do wart d/er\ h/er\re Siurit ein luzzel senft/er\ gemvot
0128,1: Do hiez man in behalten alliz ir gewant
0128,2: man gab in h/er\berge die besten die man vant
0128,3: Sivrides knappen man schvof in gvot gemach
0128,4: den gast man sit vil gerne da zen Buregonden sach
0129,1: Man bot im michel ere darnach ze manigen tage/n\
0129,2: tusint stunden mere danne ich iv kunde gesagen
0129,3: daz hete v/er\scholt sin ellen ir svlt wol wizzen daz
0129,4: in sach vil luzzil iemen der im were gehaz
0130,1: Sich vlizzen kurzewile die kunige vñ ovch ir man
0130,2: so was er ie d/er\ beste swes man da began
0130,3: des chunde im volgen niemen so michel was sin k/ra\ft
0130,4: so si den stein wrfen od/er\ schuzzen den schaft
0131,1: Swa so vor den frowen durch ir hofscheit
0131,2: churzewile pflagen die ritt/er\ vil gemeit
0131,3: da sah man ie vil gern den helt vz Nid/er\lant
0131,4: er het vf hohe minne sine sinne gewant
0132,1: ))Z((e hofe die schonen frowen vrageten mêre
0132,2: wer der stolze vremde reche wêre
0132,3: sin lip d/er\ ist so schone vil riche sin gewant
0132,4: do sp/ra\chen ir genvge ez ist d/er\ chunic von Nid/er\lant
0133,1: Swes iemen da begunde des was sin lip bereit

Blatt 6^r
Str. 133,2 - 146,3

0133,2: er trvoch in sinem mvte ein minnekliche meit
0133,3: vñ ovch in ein div frowe die er noch niene gesach
0133,4: div im in heinliche vil dicke gvtliche sp/ra\ch
0134,1: Swenne vofem hofe wolde spilen da div kint
0134,2: ritter vñ knappen daz sach vil diche sint
0134,3: Criemh' durch div venst/er\ div kuniginne her
0134,4: dehein/er\ kurzewile bedorfte div kuniginne mer
0135,1: Vñ wesser daz in sehe die er in h/er\cen trvoch
0135,2: da het er kurcewile imm/er\ ane genvoch
0135,3: solt ovoch er si sehen ir sult gelovben daz
0135,4: daz im in dirre w/er\lde chunde nimm/er\ werden baz
0136,1: ))S((wenn/er\ bi den rechen vf dem hofe stvnt
0136,2: also noch die lute durch kurzewile tvont
0136,3: so stvnt so minnekliche daz Sigelinde chint
0136,4: daz in dvrch h/er\cenliebe trvtte manic frowe sint
0137,1: Er daht ovch manige zite wie sol daz geschehen
0137,2: daz ich die maget edele mit ovgen mvge gesehen
0137,3: die ich vo/n\ hercen minne vñ lange han getan?
0137,4: div ist mir vil vremde des mvz ich dicke truric stan
0138,1: Swenne die kunige riche riten in ir lant
0138,2: so mvsin ie die rechen mit in al zehant
0138,3: da mit reit ovch Sifrit daz was den frowen leit
0138,4: er het d/ur\ch hohe minne diche michel arebeit
0139,1: Svs wont/er\ bi den herren daz ist al war
0139,2: in Gunth/er\es lande volleklich ein iar
0139,3: daz er die minneklichen die zite niene gesach
0139,4: von d/er\ im sit vil liebe vñ ovch vil leide geschach

Auentv wie Sivrit mit den Sahsen streit
0140,1: <)))D(((o> chomen vremdiv mære in Gunth/er\es lant
0140,2: von boten die im verre warn dar gesant
0140,3: von vnchvnden rechken die in trugen haz
0140,4: do si die rede v/er\namen leit was in innekliche daz
0141,1: Die wil ich iv nennen ez was Lvdeger
0141,2: vzer Sahsen lande ein rich/er\ furste her
0141,3: vñ ovch von Tenemarche d/er\ kunic Lvdegast
0141,4: an dem sinen vriunden ganz/er\ helfe nie gebrast
0142,1: Ir boten chom/en\ warn in Buregonden lant
0142,2: die ir widerwinnen heten dar gesant
0142,3: do vragte man d/er\ mære die unchvnden man
0142,4: do braht man si balde ze hofe fvr den kvnic stan
0143,1: ))D((o sp/ra\ch d/er\ kunic Gunth/er nv sit willekom/en\
0143,2: wer ivch her habe gesendet des enhan ich niht v/er\nomen
0143,3: daz svlt ir lazen horen sp/ra\ch d/er\ ritt/er\ gvot
0143,4: do vorhten si vil sere den grimmen Gunth/eres\ mvot
0144,1: Welt ir uns kvnic erlovben daz wir iv mære sagen
0144,2: div wir iv da bringen sone svln wir niht v/er\dagen
0144,3: wir nennen iv die herren die vns here habent gesant
0144,4: Livdegast vñ Livdeg/er\ die wellent svchen iw/er\ lant
0145,1: Ir habt ir haz v/er\dienet ir svlt gelovben daz
0145,2: daz iv die rechen beide tragent grozen haz
0145,3: si wellent herv/er\ten ze Wormze an den Rin
0145,4: in hilfet vil d/er\ degene des sult ir ane zwifel sin
0146,1: Inre zwelf wochen ir reise sol geschehen
0146,2: habt ir iem/en\ vrivnde daz lat vil balde sehenn
0146,3: die iv vriden hel

Blatt 5^v
Str. 119,2 - 133,1

Blatt 6^r
Str. 133,2 - 146,3

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr