Nibelungen-Handschrift C

Blatt 69^v
Str. 1952,1 - 1965,1

Blatt 70^r
Str. 1965,1 - 1976,4

Nibelungen-Handschrift C / Blatt 69v / JPG-Format klein

Nibelungen-Handschrift C / Blatt 70r / JPG-Format klein

Blatt 69^v
Str. 1952,1 - 1965,1

1952,1: ))S((i sp/ra\ch dv solt mir helfen herre Bloedelin
1952,2: ez sint in disem hvose die viande min
1952,3: die Sivriden slvgen den minen lieben man
1952,4: d/er\ mir daz hilfet rechen dem bin ih imm/er\ vnd/er\tan
1953,1: Des anwrt ir Bloedel da er bi ir saz
1953,2: ia ne getarre ich dinen magen geraten cheinen haz
1953,3: wande si min brvod/er\ bi im gerne siht
1953,4: ob ich si bestunde d/er\ kunec v/er\trvge mir sin niht
1954,1: Neyna herre Bloedel ich bin dir imm/er holt
1954,2: ia gib ich dir dar vmbe min silb/er\ vñ min golt
1954,3: vñ eine schone frowen daz Nvdvnges wip
1954,4: so mahtv gerne trvten den ir vil minneklichen lip
1955,1: Daz lant zvo den burgen soltv haben dir
1955,2: vil tivrlicher reche dv solt gelovben mir
1955,3: daz ich dich <sicherliche/n\> alles des gewer
1955,4: daz ich dir hie benennet han ob dv leistes mine ger
1956,1: Do d/er\ herre Bloedel die miete v/er\nam
1956,2: vñ daz im dvrch ir schone div frowe wol gezam
1956,3: mit strite wander dienen daz minnekliche wip
1956,4: dar vmbe mvosen rechen mit im v/er\liesen den lip
1957,1: Er sp/ra\ch man sol geswigen d/er\ rede vb/er\ al
1957,2: ê man is <werde> inne so heb ich einen schal
1957,3: ez mvz arnen Hagene swaz er iv hat getan
1957,4: od/er\ ich wil dar vmbe minen <lip> v/er\lorn han
1958,1: Nv wafent ivch sp/ra\ch Bloedel alle mine man
1958,2: wil svln den vianden in ir herberge gan
1958,3: des wil mich niht erlazen daz Ezeln wip
1958,4: dar vmbe svln wir degene alle wagen den lip
1959,1: ))D((o div kuniginne Bloedelinen lie
1959,2: in des strites willen ze tische si do gie
1959,3: mit Ezele dem kunige vñ ovch mit sinen man
1959,4: si hete swinde ræte an die geste getan
1960,1: Wie si ze tische gienge daz wil ich iv sagen
1960,2: man sach da kunige riche chrone vor ir trage/n\
1960,3: vil manigen hohen fvrsten vñ manigen werden degn
1960,4: die sah man g/ro\zer zvhte vor d/er\ kuniginne pflegen
1961,1: Der wirt d/er\ schvf den gesten den sedel vb/er\ al
1961,2: den hohsten vñ den besten zvo zim in den sal
1961,3: den christen vñ den heiden ir spise er vnd/er\schiet
1961,4: man gab genvoc in beiden als ez d/er\ wise kunec beriet
1962,1: Ir and/er ingesinde zen h/er\bergen azen
1962,2: den warn trvhsazen ze dienste lazen
1962,3: die mvsen ir spise wol ze vlize pflegen
1962,4: ir wirtschaft vñ ir frevde wart sit mit iamer wid/er\wegen
1963,1: ))D((o die fvrsten gesezzen warn vb/er\ al
1963,2: vñ nv begvnden ezzen do wart in den sal
1963,3: getragen zvo den fversten daz Ezeln kint
1963,4: da von d/er\ kunec riche gewan vil starchen iamer sint
1964,1: Dar giengen an d/er\ stvnde vier Ezeln man
1964,2: si trvogen Ortlieben den ivngen kunec dan
1964,3: zv d/er\ fvrsten tische da ovch Hagene saz
1964,4: des mvsiz kint ersterben dvrch sinen mortlichen haz
1965,1: Do

Blatt 70^r
Str. 1965,1 - 1976,4

1965,1: d/er\ kunich riche sinen svon ersach
1965,2: zvo sinen chonemâgen er gvetliche sp/ra\ch
1965,3: nv seht ir frivnde mine daz ist min einech man
1965,4: vñ ovch iw/er\ swest/er\ der magiv noh vil dienste tvon
1966,1: Gevehter nach dem chvnne ein wirt ein kvne man
1966,2: rich vñ ovch vil edele starch vñ wolgetan
1966,3: leb ich deheine wile ich gib im drizzech lant
1966,4: so magiv wol gedienen des iungen Ortliebes hant
1967,1: Dar vmbe ich bite gerne ivch lieben frivnde min
1967,2: swenne ir ze lande widere ritet an den Rin
1967,3: so svlt ir mit iv fvren den iwern swester svon
1967,4: vñ svlt ovch an dem kinde vil genædekliche tvon
1968,1: Ziehet in zen erein vnz er werde ze man
1968,2: hat iv in den landen iem/en\ iht getan
1968,3: daz hilfet er iv rechen daz habt vf minen lip
1968,4: die rede hort ovch Chriemh' des kunec Ezeln wip
1069,1: ))I((m solden wol getrowen dise degene
1969,2: gewhser zeinem manne so sp/ra\ch Hagene
1969,3: doch ist d/er\ kunec ivnge so veicklich getan
1969,4: man sol mich sehen selten ze hove nach Ortliebe gan
1970,1: Der kvnich Hagenen an blichte im was div rede leit
1970,2: swie niht dar vmbe en redete d/er\ fvrste vil gemeit
1970,3: ez betrvebte im sin herce vñ bewart im den mvot
1970,4: do was d/er\ Hagenen wille niht ze kurcewile gvot
1971,1: Ez tet den fvrsten allen mit dem kunige we
1971,2: daz Hagen von sime kinde het gesprochen ê
1971,3: daz siz v/er\sizzen solden daz was in vngemach
1971,4: sine wessen niht d/er\ mære waz von dem rechen sit geschach
1972,1: Gnvge di ez horten vñ im doch warn gram
1972,2: in heten gerne bestanden ovch het d/er\ kunec alsam
1972,3: getorster von sinen eren so wær ers chomen in not
1972,4: sit tet im Hagene mere er slvogen vor sinen ovgen tot

Aventv wie Bloedel mit Danchwart an d/er\ herberge streit
1973,1: <))))D((((ie> Bloedelines rechen die warn alle gar
1973,2: mit tusent <halsp/er\gen> hvben si sich dar
1973,3: da Danchwart mit den knehten ob den tischen saz
1973,4: do hvop sich vnd/er\ degenen mort vñ nitlicher haz
1974,1: Also d/er\ herre Bloedel fver die tische gie
1974,2: Danchwart der marschalch in gvetlich enpfie
1974,3: willechomen her ze hvse min her Bloedelin
1974,4: waz iw/er reise meine des wnd/er\t gar die sinne min
1975,1: Iane darftv mih niht grvezen sp/ra\ch do Bloedelin
1975,2: wan dizze chomen daz mine daz sol din ende sin
1075,3: dvrch Hagenen dinen brvoder der Sivriden slvoc
1975,4: des engiltestv zen Hvnen vñ and/er\ degene genvoc
1976,1: Neina herre Bloedel sp/ra\ch do Danchwart
1976,2: so mohte vns balde riwen disiv hovevart
1976,3: ich was ein vil kleiner kneht do Sivrit vlos den lip
1976,4: iane weiz ich waz mir wi

Blatt 69^v
Str. 1952,1 - 1965,1

Blatt 70^r
Str. 1965,1 - 1976,4

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Wissenstor:
Mo - Fr 9.00 - 21.00 Uhr,
Sa 10.00 - 20.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr