Nibelungen-Handschrift C

Blatt 6^v
Str. 146,3 - 159,3

Blatt 7^r
Str. 159,3 - 173,4

Nibelungen-Handschrift C / Blatt 6v / JPG-Format klein

Nibelungen-Handschrift C / Blatt 7r / JPG-Format klein

Blatt 6^v
Str. 146,3 - 159,3

0146,3: fen die <burge> vñ iw/er\ lant
0146,4: hie wirt von in v/er\howen vil manic h/er\lich/er\ rant
0147,1: Od/er\ welt ir mit in dingen so enbietet ez in dar
0147,2: sone ritent iv so nahen niht die starchen schar
0147,3: ze Wormez zv dem Rine vf h/er\cenlichiv leit
0147,4: da von v/er\derben mvzen die gvten ritt/er\ gemeit
0148,1: ))N((v bitet eine wile sp/ra\ch kunic gvot
0148,2: vnz ich mih baz v/er\sinne ich kund iv minen mvot
0148,3: han ich get/ri\wer iemen die sol ich niht verdagn
0148,4: disiv starehen mære sol ich minen friwenden sagen
0149,1: Dem kunige disiv mære warn leide genvoc
0149,2: die rede er tovgenliche in sime h/er\cen trvoc
0149,3: er hiez gewinnen Hagenen vñ and/er\ sine man
0149,4: vñ bat ovch harte balde ze hofe nach Gernote gan
0150,1: Do chom/en\ im die besten swaz man d/er\ da vant
0150,2: er sp/ra\ch man wil uns svochen her in uns/er\ lant
0150,3: mit starchen herverten daz lat iv wesen leit
0150,4: ez ist gar ane schvlde daz si uns habent wid/er\seit
0151,1: Daz wern wir mit sw/er\ten sp/ra\ch do Gernot
0151,2: da sterbent wan die veigen die mvzen ligen tot
0151,3: dar vmbe ich niht v/er\gezzen mac d/er\ eren min
0151,4: die uns/er\ wid/er\winnen suln vns willechomen sin
0152,1: ))D((o sp/ra\ch d/er\ starche Hagene daz endunchet mich niht gvot
0152,2: Livdegast uñ Livdeger die tragent vb/er\mvot
0152,3: wir mvgen uns niht besendet in so churzen tagen
0152,4: so sp/ra\ch d/er\ chune reche wan mvget irz Sifride sagen?
0153,1: Die boten h/er\bergen hiez man in die stat
0153,2: swie uient man in wære doch schone ir pflegen bat
0153,3: Gunth/er\ d/er\ riche daz was wolgetan
0153,4: vnz er eruant an <vriunden> wer im wolde gestan
0154,1: Dem kunige in sinen sorgen was iedoch vil leit
0154,2: do sach in trourende ein degen vil gemeit
0154,3: der niht wizzen kunde waz im was geschehen
0154,4: do bat er im d/er\ mære den kunic Gunth/er\ v/er\iehen
0155,1: Mich wnd/er\t harte sere sp/ra\ch do Siurit
0155,2: wie habt ir so v/er\keret die vroliche sit
0155,3: d/er ir nv mit uns lange habt alher gepflegen
0155,4: des antwrt im do Gunth/er\ der vil zierlich degen
0156,1: Iane mag ich allen luten die swere niht gesagen
0156,2: die ich mvz tovgenliche in mime h/er\cen tragen
0156,3: man sol stæten friunden chlagen hercen not
0156,4: div Sifrides varwe wart beidiv bleich vñ rot
0157,1: ))E((r sprach zv dem kunige habt vf minen eit
0157,2: ich sol iv helfen wenden elliv iweriv leit
0157,3: welt ir vriunde svochen d/er\ sol ich ein/er\ sin
0157,4: vñ trowe ez wol mit eren volbringen an daz ende min
0158,1: Nv lone iv got her Sivrit div rede mich dunchet gvot
0158,2: vñ ob mir nimm/er\ helfe iw/er\ ellen getvot
0158,3: ich frewe mich doch d/er\ mære daz ir mir sit so holt
0158,4: lebe ich deheine wile ez sol werden wol v/er\scholt
0159,1: Ich wil ivch lazen horen warvmbe ich trurich stan
0159,2: von boten min/er\ viende ich daz v/er\nom/en\ han
0159,3: daz si mich svchen wellen mit h/er\uerten

Blatt 7^r
Str. 159,3 - 173,4

0159,3: hie
0159,4: daz getaten uns noch degene her zv disen landen nie
0160,1: Daz lat ivch ahten ringe sp/ra\ch do Sivrit
0160,2: vñ senftet iw/er\m mvote tvot des ich ivch bite
0160,3: lat mich iv erwerben ere vñ ovch den frumen
0160,4: e daz iw/er\ uiende her ze disen landen chvmen
0161,1: ))S((wenne iw/er\ starche uiende zir helfe mohten han
0161,2: drizzech tusint degene so wol ich si bestan
0161,3: het ich niwan tusint des lat ivch an mich
0161,4: do sp/ra\ch d/er\ kunic Gunth/er\ daz dien ich imm/er\ vmbe dich
0162,1: So heizet mir gewinnen tusint iwerr man
0162,2: sit daz ich d/er\ minen bi mir niht enhan
0162,3: niwan zwelf degene so wer ich iw/er\ lant
0162,4: iv sol imm/er\ dienen mit triwen Sifrides hant
0163,1: Des sol uns helfen Hagene vñ ovch Ortwin
0163,2: <Danchwart> vñ Sindolt die lieben rechen din
0163,3: ovch sol da mit riten Volcher d/er\ kune man
0163,4: d/er\ sol den vanen fvren baz ihs nieman <engan>
0164,1: Nv lat die boten riten wid/er\ in ir lant
0164,2: daz si uns da sehen schiere <daz> tv man in bekant
0164,3: so daz uns/er\ burge vride mvzen han
0164,4: do hiez d/er\ kunic besenden beidiv mage vñ man
0165,1: Die boten Livdeg/er\es ze hove giengen do
0165,2: daz si ze lande solden des warn si vil vro
0165,3: do bot in riche gabe Gunth/er\ d/er\ kunic gvot
0165,4: vñ schuf inn sin geleite des stunt in hohe d/er\ mvot
0166,1: ))N((v saget spra\ch do Gunth/er\ den vianden min
0166,2: si mugin mit ir reise wol da heime sin
0166,3: wellent ab/er\ si mich svochen her in miniv lant
0166,4: mirn zerinne min/er\ frivnden in wirdet arbeit erchant
0167,1: Den boten riche gabe man do fvr trouch
0167,2: d/er\ het in ze gebene d/er\ riche chunic genvoch
0167,3: dine torsten niht v/er\sprechen die Ludegeres man
0167,4: vrlovp si do nam/en\ vñ furen vrolichen dan
0168,1: Do die boten waren ze <Tenemarche/n\> kom/en\
0168,2: vñ d/er\ kunich Livdegast hete daz v/er\nom/en\
0168,3: waz si ze Rine redeten als im daz wart geseit
0168,4: ir starchez vb/er\mvoten was im ane maze leit
0169,1: Man saget im daz si heten manigen chunen man
0169,2: dar vnd/er\ sach man einen vor Gunth/ere\ stan
0169,3: der was geheizen Sifrit ein helt vz Nid/erlant\
0169,4: ez leidete Livdegaste do er div mære reht ervarnt
0170,1: ))D((o die von Tenemarche dizze horten sagen
0170,2: do ilten si d/er\ helfe deste me begagen
0170,3: so daz d/er\ kunic Livdegast sin/er\ mage uñ man
0170,4: wol zweinzich tusint degene zv d/er\ reise gewan
0171,1: Do besande ovch sich von Sahsen d/er\ chvne Livdeger
0171,2: vnz si vierzech tvsint heten vñ mer
0171,3: mit den si wolden riten in Gunth/er\es lant
0171,4: do heten ovch sich hie heime die drie kunige besant
0172,1: <mit> den Buregonden vñ and/er\ <ir> <hohe/n\> man
0172,2: die si durch vrlivge furen wolden dan
0172,3: si ilten sich bereiten des gie den helden not
0172,4: dar vnd/er\ mvsin degene side chiesen den tot
0173,1: Si vlizzen sich zer reise do si wolden dane
0173,2: Volker dem chunen bevolhen wart d/er\ vane
0173,3: do si varen wolden ze Wormze vb/er\ Rin
0173,4: Hagene d/er\ star

Blatt 6^v
Str. 146,3 - 159,3

Blatt 7^r
Str. 159,3 - 173,4

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr