Nibelungen-Handschrift C

Blatt 7^v
Str. 173,4 - 187,3

Blatt 8^r
Str. 187,3 - 201,1

Nibelungen-Handschrift C / Blatt 7v / JPG-Format klein

Nibelungen-Handschrift C / Blatt 8r / JPG-Format klein

Blatt 7^v
Str. 173,4 - 187,3

0173,4: che der mvos scharmeist/er\ sin
0174,1: Da mit reit ovch Sindolt vñ Hvnolt
0174,2: die wol gedienen chunñden richer kunige golt
0174,3: Dancwart d/er\ snelle vñ ovch Ortewin
0174,4: die mohten wol mit eren in d/er\ h/er\uerte sin
0175,1: <))H((er> kunic sit hie heime sp/ra\ch do Sivrit
0175,2: sit daz iw/er\ rechen mir wellen volgen mit
0175,3: belibet bi den frowen vñ habet hohen mvot
0175,4: ich trwoe iv wol beherten beidiv ere uñ gvot
0176,1: Die ivch da wolden svchen ze Wormze an den Rin
0176,2: daz sol ich wol behuten daz si iv iht schade sin
0176,3: wir svlen in geriten so nahen in ir lant
0176,4: daz in ir vb/er\mveten w/er\de in sorgen erwant
0177,1: Von Rine si durch Hessen mit ir helden riten
0177,2: gegen d/er\ Sahsen lande da wart sit gestriten
0177,3: mit rvobe vñ ovch mit brande wosten si daz lant
0177,4: daz iz den fursten beiden wart mit arbeit bechant
0178,1: ))S((i kom/en\ vf die marche die knehte zogeten dan
0178,2: Sifrit d/er\ vil starche vragen do began
0178,3: wer sol des gesindes vns nv hvten hie?
0178,4: iane wart den Sahsen geriten schedelich/er\ nie
0179,1: Si sp/ra\chen lat d/er\ tumben huten vf den wegn
0179,2: den vil chunen marschalch d/er\ ist ein sneller degen
0179,3: wir v/er\liesen deste minre von Livdeg/er\es man
0179,4: lat in vñ Ortwinen hie die nachhvte han
0180,1: So wil ich selbe riten sp/ra\ch Siurit d/er\ degen
0180,2: vñ wil d/er\ warte gein den uienden pflegen
0180,3: vnz ich vil rehte ervinde wa die rechen sint
0180,4: do wart gewaffent balde d/er\ schonen Sigelinde kint
0181,1: Daz volch bevalh er Hagene da er wolde dan
0181,2: vñ ovch Gernote dem uil kunem man
0181,3: do reit er eine dannen in d/er\ Sahsen lant
0181,4: da er div rehten mære wol mit eren sit ervant
0182,1: Do sah er here daz grozze daz uf dem velde lac
0182,2: daz wid/er\ sin/er\ helfe mit vnfvge wach
0182,3: des was wol vierzech tusint od/er\ dannoch baz
0182,4: d/er helt in hohem nnvte sach vil frolichen daz
0183,1: ))D((o het ovch sich ein reche von den vienden dar
0183,2: erhaben vf die warte d/er\ was ze vlize gar
0183,3: den sach d/er\ herre Sifrit vñ in d/er\ chune ma/n\
0183,4: ietwed/er\ do des and/er\n mit nide govmen began
0184,1: Ich sage iv wer d/er\ wære d/er\ hie d/er\ warte pflach
0184,2: ein lieht/er\ schilt von golde im vor der hende lach
0184,3: ez was d/er\ kunich Livdegast d/er\ hute sin/er\ schar
0184,4: dirre gast vil edele ernante vil h/er\lichen dar
0185,1: Nv hete ovch in h/er\ Livdegast vientlich erchorn
0185,2: ir ross si nam/en\ beide zen siten mit den sporn
0185,3: si neigten vf die schilde die schefte mit ir kraft
0185,4: des wart d/er\ kunic here mit grozen sorgen behaft
0186,1: Div ross nach stiche trvgen div richen kuniges kint
0186,2: mit hurte fur ein and/er\ sam si wæte ein wint
0186,3: mit zovmen wart gewendet vil ritt/er\lichen dan
0186,4: mit sw/er\ten ez ersvhten die <zwe/n\> grimme starche man
0187,1: ))D((o sluch d/er\ herre Sifrit daz al daz velt erdoz
0187,2: do stovp im vz dem helme sam von brenden groz
0187,3: die heizen fivres vunchen

Blatt 8^r
Str. 187,3 - 201,1

0187,3: von des rechen hant
0187,4: da streit vil mæhteklichen d/er\ voget vz Nid/er\lant
0188,1: Do slouc ovch im her Livdegast vil manigen grimmen slach
0188,2: ir ietwed/er\es ellen vf schilden vaste lach
0188,3: do heten dar gehutet wol drizzech siner man
0188,4: ê im d/er helfe chome den sich doch Sivrit gewan
0189,1: mit drin starchen wnden die er dem kunige slouc
0189,2: durch eine liehte brunne div was gvot genvoch
0189,3: daz sw/er\t an sinen ekken braht vz wnden blout
0189,4: des gewan d/er\ kunic Livdegast einen trurigen mvot
0190,1: Er bat sich leben lazen vñ bot im siniv lant
0190,2: vñ sagt im daz er wære Livdegast genant
0190,3: do chom/en\ sine rechen die heten wol gesehen
0190,4: waz da von in beiden vf d/er\ warte was geschehen
0191,1: ))D((o er in danne furte do ward er an gerant
0191,2: von drizzech sinen mannen do wert des heledes hant
0191,3: sinen richen gisel mit vngefugen slegen
0191,4: sit tet schaden mere Sifrit d/er\ vz erwelte degen
0192,1: Die drizzech er ze tode vil werliche slvoch
0192,2: er liez ir leben einen balde er reit genvoch
0192,3: vñ sagt hin div mære waz hie was geschehn
0192,4: ovch moht mans die warheit an sinem rotem helme sehn
0193,1: Den von Tenemarche was vil grimme leit
0193,2: ir h/er\re was gevangen do in daz wart geseit
0193,3: man seit ez Livdegere toben er began
0193,4: von ungefugem zorne wand im was leide getan
0194,1: Livdegast d/er\ riche was gefuret dan
0194,2: von Sifrides gewalte zv Gunth/er\es man
0194,3: er bevalh in Hagene der chune reche gout
0194,4: do er v/er\nam div mære do ward er frolich gemvot
0195,1: ))E((r hiez d/er\ Burgonden ir vanen binden an
0195,2: wol vf so sp/ra\ch Sivrit hie wirt noch me getan
0195,3: ê sich d/er\ tac v/er\ende sol ich habn den lip
0195,4: daz mvet in Sahsen lande etliches guten rechen wip
0196,1: Ir helde von dem Rine ir sult min nemen war
0196,2: ich kan ivch wol geleiten in Livdegeres schar
0196,3: da seht helme howen von guter helede hant
0196,4: ê daz wir wid/er\ <wende/n\> in d/er\ Burgonden lant
0197,1: Zen rossen gahte Gernot vñ ovch sine man
0197,2: Volker d/er\ chune den vanen zvochte dan
0197,3: d/er\ starche videlære do reit er vor der schar
0197,4: do was ovch daz gesinde ze strite h/er\lichen gar
0198,1: Sine furten doch niht mere niwan tusint man
0198,2: darvb/er\ zwelf rechen stieben do began
0198,3: div molte von den strazen si riten vb/er\ lant
0198,4: do sach man von in schinen vil manigen h/er\lichen rant
0199,1: ))D((o waren ovch die Sahsen mit ir <scharn> chom/en\
0199,2: mit sw/er\ten wol gewahsen als wir han sit v/er\nom/en\
0199,3: div swert div sniten sere den rechen an d/er\ hant
0199,4: do wolden si den gesten wern burge vñ lant
0200,1: Der herren scharmeist/er\ daz volch do furten dan
0200,2: da was ovch chom/en\ Sifrit mit den sinen man
0200,3: die er da mit im brahte vzer Nid/er\lant
0200,4: des tages wart in sturme vil manic blutig/er\ rant
0201,1: Sindolt vñ Hvnolt vñ ovch Ger

Blatt 7^v
Str. 173,4 - 187,3

Blatt 8^r
Str. 187,3 - 201,1

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr