Nibelungen-Handschrift C

Blatt 8^v
Str. 201,1 - 215,1

Blatt 9^r
Str. 215,1 - 228,4

Nibelungen-Handschrift C / Blatt 8v / JPG-Format klein

Nibelungen-Handschrift C / Blatt 9r / JPG-Format klein

Blatt 8^v
Str. 201,1 - 215,1

0201,1: not
0201,2: die vrumten in dem strite vil manigen helt tot
0201,3: e si daz reht erfunden wie chune was ir lip
0201,4: daz mvse sit beweinen vil manic wetlichez wip
0202,1: Volker vñ Hagene vñ ovch Ortwin
0202,2: die lascten im strite vil maniges helmes schin
0202,3: mit vliezendem bloute ez warn chune man
0202,4: da wart von Danchwarte vil michel wnd/er\ getan
0203,1: Die von Tenemarche versvohten wol ir hant
0203,2: do horte man vo/n\ hurte erdiezen manigen rant
0203,3: vñ ovch von scharfpen sw/er\ten d/er\ man da vil geslouc
0203,4: die stritchunen Sahsen taten scaden ovch genvoch
0204,1: ))D((o die von Burgonden drungen in den strit
0204,2: von in wart verhowen vil manic wnde wit
0204,3: do sahe man vb/er\ sætele vliezen daz blout
0204,4: svs wrben nach den eren die ritt/er\ chun vnde gvot
0205,1: Man horte da lout erhellen den helden an d/er\ hant
0205,2: div vil scharpfen wafen da die von Nid/er\lant
0205,3: drungen nach ir herren in die h/er\ten schar
0205,4: si chom/en\ degenliche mit samt Sifride dar
0206,1: Volgen d/er\ von Rine niemen man im sach
0206,2: man mohte chiesen vliezen den blvtigen bach
0206,3: durch die vil liehten helme von Sifrides hant
0206,4: vnz er Livdegeren von sinen h/er\gesellen vant
0207,1: Drie wid/er\chere het er nv genom/en\
0207,2: des hers an ein ende nv was ovch Hagene chom/en\
0207,3: d/er half im wol ervollen in strite sinnen mvot
0207,4: des tages mvse erst/er\ben von in vil manic ritt/er\ gvot
0208,1: Do d/er\ starche Livdeger Sifriden vant
0208,2: vñ daz er so hohe trvge an sin/er\ hant
0208,3: daz vil scharpfe wafen vñ ir so manigen slouc
0208,4: dar vmbe wart d/er\ chvene vor leide zornich genvoc
0209,1: ))D((o wart ein michel dringen vñ groz d/er\ sw/er\te klanch
0209,2: do ir ingesinde zv zei/n\ and/er\ dranch
0209,3: do versuhten sich die rechen beidenthalben baz
0209,4: die schar begunden wichen sich houp da grozlich/er\ haz
0210,1: Dem vogete von den Sahsen was daz wol geseit
0210,2: sin brud/er\ was gevangen daz was im harte leit
0210,3: wol wesser daz iz tete daz Sigelinde kint
0210,4: man zeh is Gernoten vil wol ervant er iz sint
0211,1: Die slege Livdegeres die warn also starch
0211,2: daz im vnd/er\ satele struchte daz march
0211,3: do sich daz ross erholte d/er\ chune Siurit
0211,4: gewan in dem sturme einen vreiselichen sit
0212,1: Des half im wol Hagene vñ ovch Gernot
0212,2: Ortwin vñ Volker des lage ir vil da tot
0212,3: Sindolt vñ Hunolt die zwene chune man
0212,4: von den vil manic frowe schaden grozzen da gewan
0213,1: In sturme <vngescheide/n> warn die kunige her
0213,2: do sah man vb/er\ helme vliegen manigen ger
0213,3: durch die liehten schilde von d/er\ degene hant
0213,4: man sach da var nach bloute manigen herlichen rant
0214,1: ))I((n dem starchen sturme erbeizte manic man
0214,2: nid/er\ von den rossen ein and/er\ liefen an
0214,3: Sifrit d/er\ chune vñ ovch Livdeger
0214,4: da striten wol nach eren die helede chun vñ her
0215,1: Do flovch

Blatt 9^r
Str. 215,1 - 228,4

0215,1: daz schilt gespenge von Sifrides hant
0215,2: den sige gedaht erw/er\ben d/er\ helt von Nid/er\lant
0215,3: an den kunen Sahsen die dolten vngemach
0215,4: hei waz da lieht/er ringe d/er\ snelle Dancwart zebrach
0216,1: Do het d/er\ herre Livdeger vf eime schilde erkant
0216,2: gemalet eine chrone vor Sifrides hant
0216,3: wol wesser daz iz wære d/er\ vb/ermvete man
0216,4: d/er\ helt zv sinen friunden starche rufen began
0217,1: Gelovbet ivch des sturmes mage vñ man!
0217,2: svn den Sigemundes ich hie gesehn han
0217,3: von Nid/er\lant den starchen han ich hie bechant
0217,4: in hat d/er\ ubil tivfel her zen Sahsen gesant
0218,1: Die vanen wrden lazen inn dem sturme nid/er\
0218,2: frides er do gerte des w/er\t man sid/er\
0218,3: doch mvser werden gisel in Gunth/er\es lant
0218,4: daz het an im ertwngen des chunen Sifrides hant
0219,1: ))M((it gemeinen rate so liezen si den strit
0219,2: durchel vil d/er\ helme vñ ovch d/er\ schilde wit
0219,3: si leiten von den handen swaz so man d/er\ vant
0219,4: die trugen blutes varwe von d/er\ Buregonden lant
0220,1: Si viengenn swen si wolden des heten si gewalt
0220,2: Gernot der herre vñ Hagene ein degen balt
0220,3: die wnden hiezen baren si furten mit in dan
0220,4: zv den Buregonden funf hund/er\t wetlich/er\ man
0221,1: Die sigelosen rechen ze Tenemarchen riten
0221,2: do enheten ovch die Sahsen so hohe niht gestriten
0221,3: daz man in lobes iæhe daz was den heleden leit
0221,4: do wrden ovch die veigen von friunden sere gekleit
0222,1: Si hiezen daz gewæfen wid/er\ sovmen an den Rin
0222,2: ez hete wol geworben mit den rechen sin
0222,3: Sifrit d/er\ starche het ez gvot getan
0222,4: dez im do iehen mvsen alle Gunth/er\es man
0223,1: ))G((egen Wormez sande d/er\ h/er\re Gernot
0223,2: heime zv sime lande den friunden er enbot
0223,3: wie im gelunge wære vnt den sinen man
0223,4: ez heten die vil chunen wol nach eren getan
0224,1: Die garzvne liefen von den wart ez geseit
0224,2: do frevten sich die schoenen die ê heten leit
0224,3: d/er\ vil lieben mære die in waren chom/en\
0224,4: da wart von edeln frowen uil michel fragen v/er\nom/en\
0225,1: <wie> gelunge wære des richen chuniges man
0225,2: man hiez d/er\ boten einen zv Chriemh' gan
0225,3: daz geschach vil tovgen iane torstes vb/er\lvot
0225,4: wan si hete dar vnd/er\ ir vil liebez h/er\cen trvot
0226,1: Do si den boten kvomenden zir kemenaten sach
0226,2: Chriemh' div uil schone gvtlichen sp/ra\ch
0226,3: sag an liebiv mære ia gib ich dir min golt
0226,4: tvstvz ane triegen ih wil dir imm/er\ wesn holt
0227,1: Wie schiet vz dem strite min brud/er\ Gernot
0227,2: vñ and/er\ mine friwende? ist mir iht manig/er\ tot?
0227,3: wer tet da daz beste? daz soltv mir sagen
0227,4: do sp/ra\ch d/er\ bote bid/er\be wir heten nind/er\ deheinen zagen
0228,1: ))Z((e vorderst am striten reit niem/en\ alse wol
0228,2: vil edeliv kuniginne sit manz iv sagen sol
0228,3: so d/er\ gast vil chune vzer Nid/\erlant
0228,4: da worhte

Blatt 8^v
Str. 201,1 - 215,1

Blatt 9^r
Str. 215,1 - 228,4

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr