Nibelungen-Handschrift C

Blatt 9^v
Str. 228,4 - 242,2

Blatt 10^r
Str. 242,2 - 255,4

Nibelungen-Handschrift C / Blatt 9v / JPG-Format klein

Nibelungen-Handschrift C / Blatt 10r / JPG-Format klein

Blatt 9^v
Str. 228,4 - 242,2

0228,4: michel wnder des h/er\ren Sivrides hant
0229,1: Swaz die rechen alle in strite hant getan
0229,2: Danchwart vñ Hagene vñ and/er\ des kuniges man
0229,3: swaz ieme/n\ streit nach eren daz ist gar ein wint
0229,4: wid/er\ Sifriden des kunic Sigemundes kint
0230,1: Si frumte/n\ in dem stvrme d/er\ helde vil erslagen
0230,2: doch enkund iv daz wnder niem/en\ wol gesagen
0230,3: waz da worhte Sifrit swenn/er\ ze sturme reit
0230,4: den vrowen an ir magen frvmet er div groezlichen leit
0231,1: Ovch mvste da beliben vil maniges wibes trvot
0231,2: sine slege man horte vf helmen alse lout
0231,3: daz si von wnden brahten daz vliezende blvot
0231,4: er ist in allen tugenden ein ritt/er\ kvn vñ gvot
0232,1: Da hat ovch vil begangen von Mezzen Ortewin
0232,2: swaz er ir mohte erlangen mit den handen sin
0232,3: die mvsen wnt beliben od/er\ meistich tot
0232,4: da tet iw/er\ brud/er\ die all/er\ grozisten not
0233,1: div imm/er\ in den stourmen chvnde sin geschehn
0233,2: man mvz d/er\ warheite den vzerwelten iehn
0233,3: die stolzen Burgonden die habent so gevarn
0233,4: daz si vor allen schanden ir ere chunnen wol bewarn
0234,1: ))M((an sach da vor ir handen vil manigen satel bloz
0234,2: da von den liehten swerten daz velt vil lvt erdoz
0234,3: die rechen von dem Rine die habent so gestriten
0234,4: daz ez ir vianden wære bezzer v/er\miten
0235,1: Die chunen Tronegære die taten groziv leit
0235,2: da man mit volches chreften zv zein and/er\ reit
0235,3: da vrumte manigen toten des chunen Hagenen hant
0235,4: des vil ze sagene wære her zer Burgonden lant
0236,1: Sindolt vñ Hunolt die Gernotes man
0236,2: vñ Rvmolt d/er\ vil chune die hantz so gvot getan
0236,3: daz er Livdegere mac imm/er\ wesn leit
0236,4: daz er den minen h/er\ren het ze Rine wid/er\seit
0237,1: Strit den all/er\ hohsten d/er\ ind/er\ da geschach
0237,2: ze iungest vñ zem ersten den ieman gesach
0237,3: den tet vil willekliche div Sifrides hant
0237,4: er bringet riche gisel in daz Gunth/er\es lant
0238,1: Die twanc mit sinen ellen d/er\ wætlich man
0238,2: des ovch d/er\ kunic Livdegast schaden vil gewan
0238,3: vñ ovch von den Sahsen d/er\ chune Livdeg/er
0238,4: nv horet miniv mære vil edeliv kuniginne her
0239,1: ))S((i hat gevangen beide div Sifrides hant
0239,2: ez enwart nie menig/er\ gisel braht in dizze lant
0239,3: so nv von sinen schulden chumet an den Rin
0239,4: ir enchunden disiv mære nimm/er\ lieb/er\ gesin
0240,1: Man bringet d/er\ gesunden fvnf hvnd/er\t od/er\ baz
0240,2: vñ der verchwnden frowe wizzet daz
0240,3: wol ahzech roze bære in Burgonden lant
0240,4: die meistech hat v/er\howen des chunen Sifrides hant
0241,1: Die durch ir vb/er\mveten wid/er\sageten an den Rin
0241,2: die mvzen nv gevangen die Gunth/er\es sin
0241,3: die bringet man mit frevden her in dizze lant
0241,4: do erblvet ir liehtiv varwe do si div mære reht ervant
0242,1: Ez wart ir lieth antlvzze vor liebe rosen rot
0242,2: do mit

Blatt 10^r
Str. 242,2 - 255,4

0242,2: liebe was gescheiden vz d/er\ grozen not
0242,3: d/er minneklich reche Sivrit d/er\ iunge man
0242,4: si vrevt ovch sich ir friunde daz was von schulden getan
0243,1: ))D((o sp/ra\ch div minnekliche dv hast mir wol geseit
0243,2: dv solt haben dar vmbe ze miete richiv kleit
0243,3: vñ zehn march von golde heiz ich dir tragen
0243,4: des mag man solchiv mære richen frowen gern sagen
0244,1: Man gab im sine miete daz golt vñ ovch div chleit
0244,2: do gie an div venst/er\ vil manic schoniv meit
0244,3: si warten vf die straze riten man do vant
0244,4: vil der hochgemvten in d/er\ Burgonden lant
0245,1: Da chom/en\ die gesunden die wnden taten sam
0245,2: si mohten grvzen horen von vriunden ane scham
0245,3: d/er\ wirt gein sinen gesten vil vrolichen reit
0245,4: mit vreuden was v/er\endet daz sin vil grozliche leit
0246,1: Do enpfie er wol die sine die vremden tet er sam
0246,2: wan dem richen kunige and/er\s niht enzam
0246,3: wan danchen gvetliche die im warn chom/en\
0246,4: daz si den sige nach eren in stvrme heten genom/en\
0247,1: ))G((vnth/er\ bat <im> mere von sinen frivnden sagen
0247,2: wer im an d/er\ reise ze tode wær irslagen
0247,3: do het er vlorn niem niwan sehzech man
0247,4: v/er\klagen man die mvse so sit nach heleden ist getan
0248,1: Di gesunden brahten v/er\howen manigen rant
0248,2: vñ helme vil v/er\schroten in Gunth/er\es lant
0248,3: si stunden von den rossen nid/er\ fur den sal
0248,4: ze liebem antpfange man horte vrolichen schal
0249,1: Do hiez man h/er\bergen die wegemvden man
0249,2: d/er kunic sinen gesten danchen vil began
0249,3: er hiez d/er\ wnden hveten vñ schaffen in gemach
0249,4: wol man sine tvgende an sinen vianden sach
0250,1: Er sp/ra\ch ze Livdegere nv sit mir willechom/en\
0250,2: ich han von iw/er\n schulden schaden vil genom/en\
0250,3: d/er\ wirt mir nv gebvzet ob ich gelucke han
0250,4: got lone minen frivnden si hant mir liebe getan
0251,1: Ir mvgt in g/er\ne danchen sp/ra\ch do Livdegere
0251,2: also hoher gisel gewan nie kunic mere
0251,3: vmbe schone hvte wir bieten michel gvot
0251,4: daz ir genædechliche an mir vñ minen frivnden tvot
0252,1: ))I((ch wil ivch ledech lazen sp/ra\ch d/er\ kunic gen
0252,2: daz mine viande hie bi mir besten
0252,3: des wil ich haben burgen daz si miniv lant
0252,4: iht rvemen ane hulde des sichert do ir beder hant
0253,1: Man brahte si ze rowe vñ schvf in gvt gemach
0253,2: den wnden man gebettet vil gvtlichen sach
0253,3: man schancte den gesunden met vñ gvten win
0253,4: do chunde daz gesinde nimm/er\ vrolich/er\ sin
0254,1: Ir zerhowen schilde man behalten trvoch
0254,2: blvtig/er\ sætele d/er\ was da genvoch
0254,3: die hiez man ovch v/er\bergen daz weinten niht div wip
0254,4: do chom hermvede vil maniges chunen ritt/er\s lip
0255,1: Der wirt pflac sin/er\ geste vil grozliche wol
0255,2: der vremden vñ d/er\ chunden was daz lant so vol
0255,3: man hiez d/er\ sere wnden vil gvtliche pflegn
0255,4: do was ir vb/er\mveten vil harte ringe

Blatt 9^v
Str. 228,4 - 242,2

Blatt 10^r
Str. 242,2 - 255,4

Adresse
Erbprinzenstraße 15, 76133 Karlsruhe
Postfach 1429, 76003 Karlsruhe
Telefonnummern und E-Mail-Adressen

Öffnungszeiten
Mo - Fr 9.00 - 19.00 Uhr,
Sa 10.00 - 18.00 Uhr

Lesesaal Sammlungen:
Mo - Fr 9.30 - 13.00 Uhr, 14.00 - 16.00 Uhr
Do 9.30 - 13.00 Uhr, 14.00 - 18.00 Uhr