Aventiuren 25 - 28

Auentewor wie sich die chünig von den Hewonenn houbenn

1539,1

)))N(((v lazzen das belaiben  wie si gebaren bie

1539,2

hoch gemuter rekchen  die gefouren nie

1539,3

so rechte herleichñ  in dhaines chünigs lant

1539,4

si hetten was si wolden  dar zu waffen vñ gewant

1540,1

Der vogt von dem Rein  chlaidet sein man

1540,2

sechtzig vnd tawsent  als ich vernomen han

1540,3

vnd newne tawsent chnecbte  gen der hochtzeit

1540,4

die si dahaime liezzen  die bewainten ez seit

1541,1

Do troug man die geraite  ze Wourmtz vbir den hof

1541,2

da sprach do von Speier  ain alter biscboff

1541,3

zu der alten chü

1541,3

niginne  vnser frewnt die wellent varen

1541,4

hin zer hochtzeite got muzze ir er wol bewaren

1542,1

Do sprach zu ir  du edel Vte

1542,2

ir möchte noch beleiben  holde goute

1542,3

ich sach heint in treume  vil angestlichhe not

1542,4

wie alles daz gefügel  in disem lande lait tot

1543,1

Swer gelawbet trawmen  sprach do Hagene

1543,2

der enwais der rechten maere  nicht zu sagene

1543,3

wenne ez im nach dem ern  vollichen ste

1543,4

ja wil ich daz meine herre  ze houe nach vrlaup ge

1544,1

Wir sullen gern reiten  in Etzln lant

1544,2

so mag wol chünigen dienen  guter helde hant

1544,3

da wir do müzzen schawen  Chrimhilden hochtzeit

1544,4

Hagen riet die raise  iedoch gerawe ez in seit

1545,1

Ez het ez wider rate  newr das Gernot

1545,2

mit vns efügen sprechen  im sere missebot

1545,3

er mant in Seifrides  frawn Chrimhilden man

1545,4

er sprach do vorz wil Hagen  die grozzen houe raisen lan

1546,1

Do sprach der von Tronge  durch vorcht ez nieman tu

1546,2

swenne ir helde wellet  so sult ir greiffen zu

1546,3

ia reite ich mit ew  in Etzln lant

1546,4

seit wart von im verhawen  manig helm vnd rant

1547,1

Dew scheff beraitet waren  ze varen vbir Rein

1547,2

swas si chlaider beten  die trug man dar ein

1547,3

si waren vil vnmüssig  vor abendes zeit

1547,4

doch chomen si von haus  vil harte froleich seit

1548,1

Gezelt vnd hütten  si spinen an daz gras

1548,2

an der halb des Reines  do daz geschehen was

1548,3

den chünig pat noch beleibñ  sein vil schones weip

1548,4

si traute noch des nachtz  seinen waetlichñ leip

1549,1

Floiten vñ videln  hup si des morgens fru

1549,2

da si da hin musten  do griffen si do zu

1549,3

swer hete lieb an arme  der traute frewdes leip

1549,4

des schiet seit mit laide  des chünig Etzln weip

1550,1

Roumolt der chouchenmaister  ein vil chüne man

1550,2

der nan sein herrn  haimleich dan

1550,3

do sagt er dem chünig  taugen seinen mout

1550,4

er sprach des mouzz ich trawren  daz ir die houe reizze tut

1551,1

Ich <han> ewch vil gewarent  vnd auch genug gemant

1551,2

er sprach wem welt ir lazzen  leute vnd lant?

1551,3

daz niemant chan erwenden  ew rekchñ tumbñ mut!

1551,4

dew Chrimhilde maere  nie gedauchtñ si mich gut

1552,1

Daz lant sei dir enpholhñ  vnd andern meinen man

1552,2

die ich haime lazze  vnd alles daz ich han

1552,3

mein chint vnd meine gesinde  vnd meiner frawen leip

1552,4

ia getut vns nimmer laide  dez chünig Etzln weip

1553,1

E daz si schieden danne  der chunig zu rate gie  

1553,2

mit seinen hochsten mannen  vnberichtet er nicht lie

1553,3

lant vnd burge  die der solden pflegen

1553,4

den liez er ze houte  vil mangen auzerwelten degen

1554,1

Die ros beraitet waren  der chunigen vñ ir man

1554,2

mit minecleichñ chüssen  schiede vil manger dan

1554,3

dem in hohñ moute  lept do der leip

1554,4

daz must seit bewainen  vil manich waetleich weip

1555,1

Wouffen vnd

1555,1

wainen  des hort man genug

1555,2

ir chint die chüniginne  zu dem chünig auff armen trug

1555,3

wie welt ir im verwaisen  vnser paider leip?

1555,4

ir solt durch vns belaibñ  so sait daz iamerhafte weip

1556,1

Ir sult nicht fraw wainen  durch den willen meine

1556,2

ir sult in hoben moute  hie haime an angst sein

1556,3

wir chormen schir wider  mit frewden wol gesunt

1556,4

si schiedñ minnicleichñ  von ir frivndñ sa ze stunt

1557,1

Do man die snellen rekchñ  sach zu den rossen gan

1557,2

do chost man wainende  vil mange frawen stan

1557,3

daz ir vil langes scheiden  sagt in wol ir mut

1557,4

auff grozzen schaden ze chomene  daz hertzen niemant sanfte tut

1558,1

Die snellen Borgonden  sicb an hubñ

1558,2

da wart in dem lande  ein michel üben

1558,3

paidentbalbñ des Raines  wainten weip vnd man

1558,4

swie dort ir volche getarte  si furen fröleich dann

1559,1

In der selben tzeiten  was der gelaube nach chrankch

1559,2

doch froumtens ainen capplan  der in messe sanch

1559,3

der <chome> gesunder wider  wan der vil chaume entran

1559,4

die andern musten alle  da zen Heunen bestan

1560,1

Do schikchten si ir raise  gen den Nevnen dan

1560,2

auf durcb Osterfrankchñ  der dreier chünig man

1560,3

dar laite si do Hagen  dem was ez wol becbant

1560,4

Danchwart was marsalch  der helt von Burgunden lant

1561,1

Do si durch Swanvelde  riten von Osterffranchen

1561,2

do mocht man si chiesen  an herleiehen siten

1561,3

di fürsten vnd er ir mage  die helde lobesam

1561,4

an dern tzwelften morgen  der chunig ze Tunawe quam

1562,1

Do rait von Tronge Hagen  ze aller foderst

1562,2

ez was den Nybelungen  ein hilfleicher trost

1562,3

do stunt der degen chüne  nider auf den sant

1562,4

sein ros er harte balde  zu einem pawm gepant

1563,1

Daz wazzer was engozzen  die scheff verporgen

1563,2

ez chome den Nybelungen  ze grozzen sorgen

1563,3

wie si chomen vbir den wach  der was gar ze berait

1563,4

do erbant zu der erden  manich ritter gemait

1564,1

Laider sprach so Hagen  mag dir wol hie geschehen

1564,2

voget von dem Reine  nu möcht du selbe sehhen

1564,3

daz wazzer ist engozzen  vil starche ist im sein flut

1564,4

ich waen wir hie verliesen  noch hewte vil mangen ritter gut

1565,1

Waz weizzet ir mir Hagen  spracb do der chünich her?

1565,2

durch ewr selbs tugent  vntrost vns nicht mer

1565,3

den furt sult ir vns suchñ  hin vbir das lant

1565,4

daz wir hinnen bringen  baidew ros vnd gewant

1566,1

Ja en ist mir sprach da Hagen  mein lebñ nicht so lait

1566,2

daz ich mich ertrenkchñ  in disem wage berait

1566,3

er sol von meinen handen  ersterbñ manich man

1566,4

in Etzln landen  des ich vil guten willen han

1567,1

Beleibet bei dem wazzer  ir stoltzen ritter gut

1567,2

ich wil die vergen suchen  selbe pei der flut

1567,3

die vns vbir bringen  in das Etzln lant

1567,4

Hagen der chüne  nam seinen schilde an die hant

1568,1

Der holt vil gut gewaeffen  an seinen leip trug

1568,2

vnd ainen helm auf seinem hawpt  lauter genuch

1568,3

do trug er ob der prum  aine waffen also prait

1568,4

daz zu seinen eken  hart pitterleich snait

1569,1

Er suchte nach den vergen  wider vnd dan

1569,2

er horte wazzer giezzen  <lozzen> er began

1569,3

in ainem scbonen prunn  daz taten weisew weip

1569,4

die chülten sich dar ynne  vñ bedawten iren leip

1570,1

Hagen wart ir ynne  er slaich in sanfte nach

1570,2

do si den helt ersahen  do ward in von in gacb

1570,3

daz si im entrunnen  des waren si vil her

1570,4

da nam er ir gewaete  der helt der schadet in nicht mer

1571,1

Da sprach das aine merweip  die was Haderburg genant

1571,2

her Hagen gebt uns wider  vnser gewant

1571,3

do ir vns edel rekch  gebt wider vnser wat

1571,4

ich sag ew wie ewer raise  hin zen Heunen ergat

1572,1

Si swebten so die vogle  vor im auf der flut

1572,2

des dauchten in ir list  starkch vnd gut

1572,3

swas si im sageten  er gelawbt ins dester pas

1572,4

des er an si gerte  ir ainew sagt im daz

1573,1

Si sprach ir mügt wol reiten  in Etzln lant

1573,2

des sei mein trewe bürg  mein haubt sei ewr phant  

1573,3

daz held nie gefuoren  in dhaine reiche pas

1573,4

nach also grozzen ern  ir solt wol gelauben daz

1574,1

Die rede waz da Hagen  in seinem hertzen her

1574,2

er gab ir wider ir chlaider  der helt sampt sich nicht mer

1574,3

do si do an geleten  ir wunderleich gewant

1574,4

do sagten si im die raise  in daz Etzln lant

1575,1

Do sagt daz ander merweip  die hiez Winelint

1575,2

ich wil dich waren  das Adrianes chint

1575,3

durch der waete liebe  hat mein moume dir gelegen

1575,4

vñ choumpst zu den Heunen  so pist du sere betrogen

1576,1

Do solt du cheren wider  daz ist an der tzeit

1576,2

wande ir helde chüne  also geladet seit

1576,3

daz ir ersterben müset  in der Heunen lant

1576,4

swelch dar gereitent  die hant den tot an der hant

1577,1

Des antwort Hagen  ir trieget an not

1577,2

wie chünde sich gefügen  daz wir alle tot

1577,3

zer hochtzeit gelegen  durch iemandes has?

1577,4

do begunde si im die maer  sagen chundleich pas

1578,1

Si sprach  nu mercbet Hagen  ia mouz ez also wesen

1578,2

daz ewer dhainer  da nicht chan genesen

1578,3

wan aine des cbünigs cappelan  da bei sei ew bechant

1578,4

der cboumpt gesunder wider  in des Günthers lant

1579,1

Da sprach in grimmem mute  der chüne Hagen

1579,2

daz waer meinen herrn  müleich ze sagen

1579,3

daz wir zen Heunen solden  fliezzen alle den leip

1579,4

nv zaig vns vbir daz wasser  das aller weisiste weip

1580,1

Si sprach seit ir der verte  nicht wellet habñ

1580,1

rat

1580,2

swa ienhalbe pei dem wazzer  ain berberge stat

1580,3

dar inne ist ein verg  vnd niendert anderswo

1580,4

der maere der er fragt  der gelaubet er sicb sa

1581,1

Dem vngemuten rekchen  sprach ir ainer nach

1581,2

nu baitet nah her Hagen  lat ew nicbt sein ze gach

1581,3

vernempt pas div maere  wir ir chömt vbir sant

1581,4

dirr marcherre  der ist Else genant

1582,1

Dem pruder ist geheisen  Gelpfrat

1582,2

ein vogt in Baierlande  dez ez ew mouleich stat

1582,3

welt ir durch sein marche  ir solt ew wol bewaren

1582,4

vñ sult auch mit dem vergen  vil bescbaidenleich varen

1583,1

Der ist so grimmes mutes  er lat ew nicht genesen

1583,2

iren welt mit guten sinnen  bei dem holt wesen

1583,3

welt ir daz er euch foure  so gibt im den solt

1583,4

er hütet ditz landes  vnd Gelpfrade holt

1584,1

Vnd cham ere nicht vil schiere  so ruffet vbir flout

1584,2

iocht ir seit Amelrinch <>  daz was ein reck gut

1584,3

der durch veintscheft  rawmt dise lant

1584,4

so koumpt euch der verge  als im der nam wirt genant

1585,1

Der übermut Hagen  den frawen do neyg

1585,2

des rates vnd der lere  der helt vil still sweig

1585,3

da ging er bey der flute  hoher an den sant

1585,4

do er anderhalp  ein herwerg vant

1586,1

Er begond ruffen  vaste über floute

1586,2

hol mich hy vorge  sprach der degen gute

1586,3

so gib ich dir ze mite  vol gold einen pauch vil rot

1586,4

ia ist mir dirr verte  daz wiß werlichen not

1587,1

Der verig was so reich  daz im nicht dienen zäm

1587,2

da von er lon vil selten  von ymant da genam

1587,3

auch warn seine knecht  vil hochgemut

1587,4

noch stund allz Hagen  dishalb der flut

1588,1

Da da ruft er mit der krefte  daz aller wag erdoz

1588,2

wann des heldes sterck  was michel vnd groz

1588,3

nu hol mich Amelreichen  des herrn Elsen man

1588,4

der von disen landen  durch groß veintscheft entran

1589,1

Vil hoch an seinem swerte  er im den pauchk do pot

1589,2

vil licht vnd vil schon  was er von golde rot

1589,3

daz er in überfürte  in des Elsen lant

1589,4

der übermut verge  nam daz ruder selb in dy hant

1590,1

Auch was der selb verg  vil mülich gesit

1590,2

zu girde nach großem gut  vol bösez ende gibt

1590,3

da wänt er verdinen  daz Hagen golt so rot

1590,4

daz laid er von dem degen  sint den grimmigen tot

1591,1

Der verg zog genote  hin uber an daz lant

1591,2

den er da nennen hort  do er des nicht <en> vant

1591,3

ez müet in hart ser  als er Hagen sach

1591,4

der helde wider den recken  in vil großen zorñ

1592,1

Ir mügt wol sein geheißen  Armelreich benamen

1592,2

des ich mich hy verwen  dem seit ir vngleich

1592,3

von vater vnd von muter  was er der bruder mein

1592,4

nu ir mich sust betrogen habt  ir moußt dishalben sein

1503,1

Nein durch got den reichen  sprach do Hagen

1593,2

ich pin ein frömder

1593,2

reck  vnd sorg auff degen

1593,3

nu nempt hin minniclelich  mein ellendes solt

1593,4

daz ir mich füret über  ich wil euch ymmer wesen holt

1594,1

Des antwort der verg  ia kan ez nichte gesein

1594,2

ez hab vinande  den liben herñ mein

1594,3

. . . . . . . . . . . . . . . .  frivnde fur in diß lant

1594,4

als lip dir sey ze leben  so trit bald auß an daz lant

1595,1

Des entut ir nicht sprach Hagen  mir ist der reyse not

1595,2

vnd nempt von mir ze lon  disen pouch von golde rot

1595,3

vnd fürt mir über tausent ros  vnd also manchen man

1595,4

entrewñ sprach der verg  daz wirt nymmer getan

1596,1

Er hub ein starckez ruder  michel vnd breyt

1596,2

vnd slug ez auff Hagen  des was er vngemeit

1596,3

daz er in dem schiff  straucht auff seine kny

1596,4

so rechte grimmer verge  kome dem helde von Trong nie

1597,1

Er wold baz ertzürnen  den vngermuten gast

1597,2

do slug er einen schalten  daz da gar zerprast

1597,3

Hagen über daz heupt  er was ein starcker man

1597,4

da von der Elsen verg  großen schaden gewan

1598,1

Mit grymmigem mute  des keünen Hagen hant

1598,2

greiff zu einer scheiden  do er seine waffen vant

1598,3

er slug im ab daz hewpt  vnd warff ez an den grunt

1598,4

dy mer wurden schir  den Burgunden kunt

1599,1

An den selben stunden  do er den vergen slug

1599,2

daz schiff floz hinnaw  daz was im leit genug

1599,3

e ers gericht wider  müden er began

1599,4

da tzoch vil krefticklich  zu des Günthers man

1600,1

Hagen was vil ring  des starcken vergen val

1600,2

da kert er hart bald  daz waßer hin zetal

1600,3

da vand er seinen herren  an dem stade stan

1600,4

da ging im engegen  manig weydlich man

1601,1

Mit gruß in wol enpfingen  dy selben ritter gut

1601,2

do sahen sy in dem schiff  noch richen daz blut

1601,3

von einer starcken wunden  dy er dem vergen slug

1601,4

da von so muß Hagen  hören fragen genug

1602,1

Do der künig Günther  daz heiß blut ersach

1602,2

swebende in dem schiff  wy bald er do sprach

1602,3

wan saget ir mir Hagen  war ist der verge nu kumen?

1602,4

ewer starcken ellen  ym daz leben hat benomen

1603,1

Do sprach er lawgenlichen  do ich daz schiff da vant

1603,2

bey einer wilden widen  da lost ez mein hant

1603,3

ich han keinen vergen  nindert hy gesehen

1603,4

ez ist auch nimant laide  von meinen schulden hy geschehen

1604,1

Do sprach von Burgundñ  der starcke Gernot

1604,2

hewt muß ich sorgen  auff liber frewnde tot

1604,3

sint wir der schifflewt  zu dem scheff nymant han

1604,4

wy wir nu komen über daz waßer  darümb muß ich frewd lan

1605,1

Vil laut riff do Hagen  legt nider auff daz gras

1605,2

ir knechte da gereit  ia gedenck ich daz ich was

1605,3

der allerbeste verge  den man bey dem Rein vant

1605,4

ich getraw euch wol füren  über in des Gelpfrades lant

1606,1

Do sy gewärlich  komen über flut

1606,2

dy ros sy gar an slugen  der swimmen daz wart gut

1606,3

wan in der starcken vnden  keines da benam

1606,4

etlicbz ran verren  als ez ir müde gezam

1607,1

Da trugen sy zu dem schiff  ir golde vnd auch ir wat

1607,2

sind daz sy der verte  nicht möchten baben

1607,2

rat

1607,3

Hagen was da meister  des furt er über sant

1607,4

vil manchen künen recken  in daz vnkunde lant

1608,1

Zu dem ersten bracht er über  tawsent ritter her

1608,2

vnd sechtzig seiner degen  dennoch was ir mer

1608,3

newn tawsent knechte  furt er an den sant

1608,4

des tages was vil vnmüssig  des vil künen Hagen hant

1609,1

Daz schiff zu seiner leng  was starck weit vnd groz

1609,2

des in dem geding  manig helt genoz

1609,3

ez trug wol mit ein ander  vir hundert über flut

1609,4

an rimen musten tzihen  des tages manig recken gut

1610,1

Do er sy wol gesunt  bracht über dy flut

1610,2

do gedacht frömder mere  der snell degen gut

1610,3

dy im e da sagten  dy wilden mere weip

1610,4

des hett des künigs capplan  vil nach verlorñ den leip

1611,1

Bey dem cappelsaüm  er den priester vant

1611,2

heiligtum genug  lag vnter seiner hant

1611,3

des mocht er nicht genißen  do in Hagen ersach

1611,4

der vil <arme> capplan  must leiden vngemach

1612,1

Er swang in auß dem schiff  dar tzu was im gach

1612,2

da riffen ir genug  vach herr vach

1612,3

Geiseler der iung  tzürnen do began

1612,4

darvmb er ez nicht laßen wolde  daz was im leyd getan

1613,1

Do spracb von Burgunden  der starcke Gernot

1613,2

waz hilfft euch nu Hagen  des capplans tot?

1613,3

tet ez anders ymand  ez schold euch wesen leyt

1613,4

vmb welch schuld  habt ir dem prister widerseyt?

1614,1

Der pfaff swam genote  er wold sein genesen

1614,2

ob ym ymand hülff  des mocht da nicht gewesen

1614,3

wañ der grimm Hagen  tzornig was genug

1614,4

er stiß in zu dem grund  daz daucht sy michel vngefug

1615,1

Do der arme priester  der hilff nicht ensach

1615,2

da kert er wider uber  des leid er vngemach

1615,3

wy er do nicht swimmen konde  im halff dy gotes hant

1615,4

daz er kam wol gesunder  hinüber an daz lant

1616,1

Da stund der arme prister  vnd scbawet sein gewant

1616,2

da bey sach wol Hagen  daz er wär vngewant

1616,3

daz im e da sagte  dy weisen mer weip

1616,4

er gedacht diser degen  muß verlisñ den leip

1617,1

Do sy daz schiff entluden  vnd gar getrugen dan

1617,2

waz sy darauff hetten  der dreier künig man

1617,3

Hagen ez schrit zu stücken  vnd stiß ez an dy flut

1617,4

des hettñ michel wunder  dy recken gut

1618,1

Warvmb tut ir daz bruder?  sprach do Danchwart

1618,2

wye schüll wir kumen uber  so wir dy widervart

1618,3

riten von den Hewnen  wider an den Rein?

1618,4

seht do sagt im Hagen  daz des nicht kond gesein

1619,1

Do sprach der helt von Trong  ich tun ez auff den wan

1619,2

ob wir an diser verte  keinen tzagen hagen

1619,3

der vns entrinnen wöll  durch tzaglich not

1619,4

der muß an disem wage  doch ligen schemlichen tot

1620,1

Sy furten mit in einen  von Burgunden lant

1620,2

der was ein helt zen handen  Volker was er genant

1620,3

der redet spehlich  seinen mut

1620,4

waz y begond <Hagen>  daz daucht den vidler gut

1621,1

Do des küniges capplan  daz schiff zuhawen sach

1621,2

hin wider über daz waßer  er zu Hagen

1621,2

sprach

1621,3

ir mörder vngetrewer  waz hett icb euch getan

1621,4

daz ir mich on schuld  ertrenckt wollt han?

1622,1

Des antwort im Hagen  nu laßt dy red wesen

1622,2

mir ist leit auff mein trew  daz ir seyt genesen

1622,3

hy vor meinen handen  daz wißt sunder an spot

1622,4

do sprach der arm capplan  des wil ich ymmer loben got

1623,1

Ich fürcht euch nu vil kleine des schüllet ir sicher sein

1623,2

nu vart ir zu den Hewnen  so wil ich an den Rein

1623,3

got en laß euch nymmer  zu dem Rein wider kurmen

1623,4

des wünschen ich euch vil ser  ir hett mir nahen den leip benomen

1624,1

Do sprach der künig Günther  zu seinem capplan

1624,2

ez wirt euch wol gebüßt  waz euch hat getan

1624,3

Hagen in seinem tzorn  vnd kum ich an  den Rein

1624,4

wider mit meinem leben  des schüllt ir on angst sein

1625,1

Vart wider heim ze lande  wañ ez muß nu sein

1625,2

ich enpewt meinen dienst  der liben frawen mein

1625,3

vnd andern meinen magen  als ich von rechte scbol

1625,4

ir sagt in libe mere  daz wir noch alle varen wol

abentewer wy sy mit Elsen vnd Gelpfraten striten vnd wye in gelang

1626,1

<))D((o> sy nu wol gesunt  kamen auff den sant

1626,2

der künig begonde fragen  wer schol vns durch daz lant

1626,3

dy rechten weg weisen  daz wir nicht vervaren?

1626,4

do sprach der kün Volcker  daz schol ich ein wol bewarñ

1627,1

Nu enthaltet euch sprach Hagen  ritter vnd knecht

1627,2

vnd engahet nicht ze sere  daz düncket mich recht

1627,3

vil vngefüge mär  tun ich euch bekant

1627,4

wir kumen nymmer  heym in vnser lant

1628,1

Daz sagten mir tzwey mer weip  hewt morgen fru

1628,2

wir enkemen nymmer wider  nu rat ich waz man tu

1628,3

daz ir euch waffent helde  vnd zu streit euch wol bewart

1628,4

wir haben hy starcke veind  daz ir gewerlichen vart

1629,1

Ich wande an lugen funde  dy waßer <weisen> weip

1629,2

sy iahen daz besunder  daz vnser keines leip

1629,3

wider ze land kem  newr der capplan

1629,4

darümb ich in gern  hewt ertrenckt wolt han

1630,1

Da flugen dise mer  von scharen baz zu scharen

1630,2

des wurden snell beld  vor leid missvar

1630,3

do sy begonden sorgen  auff den grimmigen tot

1630,4

an der hoff reys  des ging sy werlichen not

1631,1

Da ze Moringe  si waren über kumen

1631,2

do dem Else vergen  was der leip benomen

1631,3

do sprach aber Hagen  seint daz ich

1631,3

\ vinde han

1631,4

an dirre vart erworben  wir werden sich/er\lich bestan

1632,1

Ich slvoch d/er\ herren vergen  hivte morgen frvo

1632,2

si wizen wol div mære  nv grifet balde zvo

1632,3

ob Else vñ Gelpfrat  noch hivte hie bestat

1632,4

vnser ingesinde  daz ez in schedelich erge

1633,1

Ich erchenne si so chvene  ez wirdet niht v/er\lan

1633,2

div ros div svlt ir lazen  deste sanfter gan

1633,3

daz des iemen wæne  wir vliehen vf den wegen

1633,4

des rates svln wir volgen  sp/ra\ch da vil maniger chvner degen

1634,1

))W((er sol nv daz gesinde  wisen vb/er\ lant?

1634,2

si sprachen daz tvo Volker  dem sint hie wol bechant

1634,3

stige vñ straze  d/er\ chune spileman

1634,4

ê daz manz gespræche  do sah man wol gewafent stan

1635,1

den snellen videlære  den helm er vf gebant

1635,2

in herlicher varwe  was al sin wichgewant

1635,3

er bant ovch zeime <scafte>  ein zeichen daz was rot

1635,4

sit chom er mit den chvnigen  in eine grozliche not

1636,1

Do was tot des vergen  nv Gelpfrate chomen

1636,2

mit eime waren mære  do het iz ovch v/er\nomen

1636,3

sin brvod/er\ Else  ez was in beiden leit

1636,4

si sanden nach ir degenen  die waren schiere bereit

1637,1

In vil churcen citen  als wir v/er\nomen han

1637,2

sah man zv zin riten  die heten scaden getan

1637,3

in starchem vrlivge  vil vngefvgiv ser

1637,4

d/er\ chomen Gelpfrate  wol siben hundert od/er\ mer

1638,1

Do si ir grimmen vinden  begunden riten nach

1638,2

ia leiten si ir herren  den was ein teil ze gach

1638,3

nach den chvenen gesten  si wolden anden zorn

1638,4

des wart d/er\ herren frivnde  sid/er\ mere v/er\lorn

1639,1

))D((o het d/er\ wise Hagene  wol gefvget daz

1639,2

wie mohte sin/er\ frivnde  ein helt gehuten baz?

1639,3

er pflac d/er\ nachhvote  mit sehzech sin/er\ man

1639,4

vñ Danchwart siner brvd/er\  daz was vil wislich getan

1640,1

In was des tages zervnnen  des heten si niht mer

1640,2

er vorht an sinen frivnden  leit vñ ser

1640,3

si riten vnd/er\ schilden  durch d/er\ Beyer lant

1640,4

dar nach in churcen stvnden  die helde wrden an gerant

1641,1

Beidenthalp d/er\ strazen  vñ hinden vaste nnach

1641,2

hvofslege si horten  dem volche was ze gach

1641,3

do sprach d/er\ chvne Danchwart  man wil hie vns bestan

1641,4

nv binden vf die helme  daz ist ratlich getan

1642,1

Si hielten ab ir verte  als ez do mvose sin

1642,2

si sahen in d/er\ vinster  der liehten helme schin

1642,3

done wolde Hagene  niht lamger si v/er\dagen

1642,4

wer iagt vns vf d/er\ straze?  daz mvos im Gelpfrat do sagen

1643,1

))D((o sp/ra\ch d/er\ marcg/ra\ve  vzer Beyerlant

1643,2

wir haben vnsern vinden  da her nach gerant

1643,3

ine weiz niht wer mir hvte  minen vergen slvoc

1643,4

der was ein helt zen handenn  daz ist mir leide genvoc

1644,1

Do sprach von Tronege Hagene  was d/er\ verge din?

1644,2

der enwolde uns niht fvren

1644,2

  des ist div schulde min

1644,3

do slvog ich dinen vergen  deiswar des gie mir not

1644,4

ich hete von dem degene  vil nach gewnnen den tot

1645,1

Ich bot im mine miete  golt silb/er\ vñ gewant

1645,2

daz er vns vb/er\ fvrte  her in iw/er\ lant

1645,3

daz mvte in harte sere  in zorne er mich do slvoc

1645,4

mit einer starchen schalten  vil wenic ich im do v/er\trvoc

1646,1

Do kom ich zvo dem swerte  vñ wert im sinen zorn

1646,2

mit ein/er\ starchen wnden  des wart d/er\ helt v/er\lorn

1646,3

daz bringe ich <iv> ze svone  swie ivch nv dvnchet gvot

1646,4

do giengez an ein striten  si wrden zornic gemvot

1647,1

))I((ch wistez wol <sp/ra\ch> Gelpfrat  do hie fver gereit

1647,2

Gvnther mit den sinen  daz vns geschêhe leit

1647,3

von Hagen vb/er\mvete  nv ensol er niht genesen

1647,4

fvr des vergen ende  sol er pfant hie wesen

1648,1

Si neigte/n\ vber schilde  ze stiche div starchen sper

1648,2

Gelpfrat vñ Hagene  in was zein and/er\ ger

1648,3

Else vñ Danchwart  ovch zesamne riten

1648,4

in vil hohem mvote  da wart grimme do gestriten

1649,1

Wie chunden sich v/er\svchen  imm/er\ helde baz?

1649,2

von eime starchen schafte  hind/er\ ors gesaz

1649,3

Hagene d/er\ chvene  vor Gelpfrates hant

1649,4

im brast daz fverbvege  do wart im vallen bechant

1650,1

Uon ir ingesinde  d/er\ chrach d/er\ schefte schal

1650,2

do erholt ovch sich dort Hagene  d/er\ ê des was zetal

1650,3

chomen von d/er\ tioste  nid/er\ an daz gras

1650,4

er wæn vnsænftes mvtes  wid/er\ Gelpfrate was

1651,1

))W((er in div ros behielte  daz ist mir vnbechant

1651,2

si warn von den sætelen  chomen vf den sant

1651,3

Gelpfrate vñ Hagene  ein and/er\ liefen an

1651,4

des hvlfen ir gesellen  da wart striten getan

1652,1

Swie chreftechlichen Hagene  zvo Gelpfrate sp/ra\nch

1652,2

d/er\ edel marcg/ra\ve  des schiltes hin im swanch

1652,3

wol gegen einer ellen  daz fivre dræte dan

1652,4

des was vil nach erstorben  des kunich Gunthers man

1653,1

Do begund/er\ rvefen  Danchwarten an

1653,2

hilfa lieb/er\ brvod/er\  ia hat mich bestan

1653,3

ein rehter helt zen handen  ern læt mich niht genesn

1653,4

do sp/ra\ch d/er\ chvene Danchwart  des schol ich scheidere wesn

1654,1

Do spranger dar vil balde  vñ slvg im einen slac

1654,2

da von d/er\ herre Gelpfrat  vor im got gelac

1654,3

Else wolde gerne  rechen do den man

1654,4

sit mvser schedeliche  mit den sinen cheren dan

1655,1

Im was erslagen d/er\ brvod/er\  selbe was er wnt

1655,2

wol ahzech siner degene  beliben an d/er stvnt

1655,3

mit dem vil grimme tode  Else mvse dan

1655,4

flvhtechliche wenden  daz heten geste getan

1656,1

Do die von Bayerlanden  wichen vf dem wege

1656,2

do horte man noch hellen  die vreislichen slege

1656,3

do iageten die von Tronege  ir vianden nach

1656,4

die ez niht engelten wanden  den was allen ze gach

1657,1

Do sprach an ir vlvehte  Danch

1657,1

/wart der degen

1657,2

wir schüllen widerkerñ  balde auff disen wegen

1657,3

vnd laß wir sy reiten  sy sint von blute naz

1657,4

gahen wir zu den frewndñ  an trewñ rat ich daz

1658,1

Do sy hin wider kamen  do der streit was geschehen

1658,2

do sprach der kün Hagen  helt ir schüllt besehen

1658,3

wes vns hy geprest  oder wen wir haben verlorñ

1658,4

in disem herten streite  durch disen Gelpfrades tzorñ

1659,1

Sy hetten verlorñ vir  daz lißen sy also sein

1659,2

ez was wol vergoltñ  mit wunden vnter in

1659,3

den von Baierlanden  sy hundert lißen tod

1659,4

des waren den von Trongen  ir schild trüb vnd rot

1660,1

Ein teil schein auß den wolcken  des lichten manen brehen

1660,2

do sprach aber Hagen  nymant schol veriehen

1660,3

dem meinen liben herren  daz wir hy haben getan

1660,4

man schol sy an sorgen  vntz morgen reiten <lan>

1661,1

Do sy da nach in kamen  dy dort da striten ee

1661,2

da tet dem ingesind  dy müde starcke we

1661,3

wy lang schüll wir reiten?  des fraget manich man

1661,4

do sprach der kün Danckwart  wir mügen nicht herwerg gehan

1662,1

Ir müßt alle reiten  vntz daz ez werd tag

1662,2

Volcker der kün  der der phañ pfhlag

1662,3

bat den marschalck vragen  wo sehüll wir heint sein

1662,4

da geru vnser mere  vnd aucb dy liben herrñ mein?

1663,1

Do sprach der kün Danckwart  ich kan euch ez nicht gesagen

1663,2

wir mügen nicht geruen  e ez beginnet tagen

1663,3

wo wir ez dann finden  so ligen in einem gras

1663,4

do sy daz vernamen  wy leid in etlichen was!

1664,1

Si bliben vnuermailet  des heißen blutes rot

1664,2

vntz daz dy suñ  ir lichtez scheinen bot

1664,3

den morgen über berge  do daz der künig gesach

1664,4

daz sy gestriten hetten  der künig vil tzörnicklichñ sprach

1665,1

Wy nu frewnt Hagen?  ich waen versmaht daz

1665,2

daz ich bey euch wäre  daz euch dy ringe naz

1665,3

sust wurden von dem blute  wer hat euch daz getan?

1665,4

er sprach daz tet Gelpfrat  der hett vns nahen bestan

1666,1

Durch den seinen vergen  wir wurden angerant

1666,2

do slug Gelpfrads  meines bruder hant

1666,3

seint entran vns Else  des twang in michel not

1666,4

yn hundert vnd vns vir  bliben in dem streite tot

1667,1

Wir enkonden nicht bescheiden  war sy sich legten nider

1667,2

all dy lantlewt  erfunden ez wol sider

1667,3

daz ze bof füren  der edelñ Vtten kint

1667,4

sy wurden wol enpfangñ  da ze Paßaw sint

1668,1

Der <edelñ> fürsten öhem  bischoff Pilgrem

1668,2

dem ward vil wol zu mute  do er dy neuen sein

1668,3

sab mit so vil der recken  kumen in daz

1668,3

lant

1668,4

daz er sy gern säh  daz ward im schir bekant

1669,1

Sy wurden wol enpfangen  von frewnden auff den wegen

1669,2

da zu Paßaw  kond er sy nicht gelegen

1669,3

sy musten über daz waßer  da sy funden velt

1669,4

da slugen auff dy knechte  manig hut vnd getzelt

1670,1

Sy musten da bleiben  allen einen tag

1670,2

vnd auch dy nacht mit vollen  wy schon man ir pfhlag!

1670,3

darnach sy musten reiten  in Rüdigers lant

1670,4

dem kamen auch dy mere  daz was in libe bekant

1671,1

Do dy wege müden  rue genamen

1671,2

vnd sy dem lande  naher bekamen

1671,3

sy funden auff der vart  slaffend einen man

1671,4

dem von Trong Hagen  sein starckez waffen an gewan

1672,1

Eckhart was geheißen  der selb ritter gut

1672,2

er gewan darümb  vil trawrigen mut

1672,3

daz er verlos sein waffen  von der helde vart

1672,4

dy march Rüdigers  fundens übel bewart

1673,1

Awe mir diser schaden  sprach do Eckhart

1673,2

ja rewet mich sere  der Burgunden vart

1673,3

sint ichs in friden verlos  do was mein frewd ergan

1673,4

awe herr Rüdiger  wy ich wider dich geworben han!

1674,1

Hagen vil wol hort sein clagen  sorg im klagen gepot

1674,2

er gab im wider sein wappen  vnd sechs pouche rot

1674,3

dy hab dir helt ze minnen  daz du mein frewnt seyst

1674,4

du bist ein degen küne  wy ein du auff der march seist

1675,1

Got lan euch ewer gabe  sprach da Eckgewart

1675,2

doch rewet mich vil sere  zu den Hewnen ewer vart

1675,3

ir sluget Seifriden  man ist euch gehaz

1675,4

daz ir euch wol behütet  in trewen rate ich euch daz

1676,1

Nu müß vns got behüten  sprach do Hagen

1676,2

wir haben an disen tzeiten  nicht mer ze tragen

1676,3

nur wo mein hern  nocb heinte mügen han

1676,4

nachtseld in disem lande  da sy geruen vnd ir man

1677,1

Dy ros sind vns <vermüdet>  auff den verren wegen

1677,2

vnd der speis zerinnen  sprach Hagen der degen

1677,3

wir findens nindert feyl  vns wär wirtes not

1677,4

der vns noch heinte geb  durch sein mild sein brot

1678,1

Des antwort im da Eckhart  ich tzeig euch einen wirt

1678,2

daz ir ze haws selten  so wol bekomen pirt

1678,3

in keinem frömden lande  als euch wol mag geschehen

1678,4

ob ir vil snelle degen  wöllet Rüdigerñ sehen

1679,1

Der sitzet bey der strazz  vnd ist der beste wirt

1679,2

der y kam ze haws  sein hertz tugent birt

1679,3

als der lichte meye  daz gras mit blumen tut

1679,4

so er schol helden dienen  so ist er frölich gemut

1680,1

Do sprach der künig Günthher  wöllt ir mein bot sein

1680,2

ob vns wöll enthalten  durch den willen mein

1680,3

der markegraff Rüdiger  vnser mag vnd vnser man

1680,4

daz wil ich ymmer dinen  mit trewen so ich beste kan

1681,1

Der bot pin ich gerñ  sprach da Eckgewart

1681,2

in vil gutem willen  hub er sich an dy vart

1681,3

vnd sagte Rüdiger  wen er hett gesehen

1681,4

vnd auch Götlinde  do was in lib geschehen

1682,1

Man sah ze Bechlarn  gahen einen degen

1682,2

selb erkant in Rüdiger  er sprach auff disen wegen

1682,3

dort her gahet Eckewart  ein Crimhilden

1682,3

/man\

1682,4

er wande daz die viende  im heten etewaz getan

1683,1

Do gie er fvr die porte  da er den boten vant

1683,2

daz swert er von im gvrte  vñ leit ez von d/er\ hant

1683,3

er sp/ra\ch zv dem degene  waz habt ir ver\nomen

1683,4

daz ir also sere?  hat vns iem/en iht genomen?

1684,1

))V((ns hat geschadet niemen  sp/ra\ch Eckewart zehant  

1684,2

mich habent dri kunige  her zvo ziv gesant

1684,3

Gunther von Burgonden  Giselher vñ Gernot

1684,4

d/er\ rechen ieslicher  iv sinen dienest her enbot

1685,1

Daz selbe tvot her Hagene  vñ ovch Volker

1685,2

ir dienest willechliche  noch sage ich iv mer

1685,3

daz iv des kuniges marschalch  Dancwart daz enbot

1685,4

daz den gvten degenen  wêr iw/er\ herberge not

1686,1

Mit lachendem munde  sp/ra\ch do Rvdeger

1686,2

nv wol mich dirre mære  daz die kunige her

1686,3

miner herberge rvochent  div wirt in niht v/er\seit

1686,4

choement si mir ze hvose  mit dienste bin ich in bereit

1687,1

Ivch hat des kuniges <marschalch>  heizen wizzen lan

1687,2

wen ir ze herbergen  noch hinte mvzet han

1687,3

sehzech chouner rechen  vñ tvsent ritt/er\ gvot

1687,4

vñ nivn tvsent knehte  do wart er vroelich gemvot

1688,1

So wol mich dirre geste  sp/ra\ch do Rvdeger

1688,2

daz mir choment ze hvose  die rechen also her

1688,3

den ich noch vil selten  iht gedienet han

1688,4

nv riten in begegene  mine mage vñ man

1689,1

Uon gahen zv den rossen  hvop sich da michel not

1689,2

von rittern vñ von knehten  d/er\ wirt do gebot

1689,3

den sinen ambtlvten  si schvffenz deste baz

1689,4

noch <enwistes> niht frov Gotelint  div in ir kemenaten saz

1690,1

))D((o gie d/er\ marcg/rave\  da er die frowen vant

1690,2

sine wip vñ sine tohter  do sagter in zehant

1690,3

div vil lieben mære  div er hete v/er\nomen

1690,4

daz ir frowen brvder  ir ze hvse solden chomen

1691,1

Vil liebiv trvtinne  sp/ra\ch do Rvdeg/er\

1691,2

ir svlt vil wol enpfahen  die edeln kunige her

1691,3

so si mit ir gesinde  fvr ivch ze hove gan

1691,4

ir svlt oech schone grvzen  Hagenen Gunth/eres\ man

1692,1

Mit in chvmt ovch einer  d/er\ heizet Dancwart

1692,2

d/er\ ander heizet Volker  an zvhten wol bewart

1692,3

die sehse svlt ir chussen  ir vnt div toht/er\ min

1692,4

vñ svlt ovch bi den degenen  in zvehten groezliche sin

1693,1

Daz lobten do die frowen  vñ warens vil bereit

1693,2

si svhten vz den kisten  div maniger <hande/n\> chleit

1693,3

dar inne si begegene  den rechen wolden gan

1693,4

da wart vil michel vlizen  von schonen frowen getan

Auentv wie d/er\ marchrave die kunige mit ir rechen in sin hvs enpfie vñ wier ir sit pflach

1694,1

<)))))I(((((n> solhen unmvzen  svln wir die frowen lan

1694,2

hie wart vil michel gahen  vb/er\ velt getan

1694,3

von Rvdeg/eres\ frivnden  da man die geste vant

1694,4

si wrden

1694,4

wol enpfangen  in des marcg/raven\ lant

1695,1

Do si d/er\ marcg/rave\  zvo zim chom/en\ sach

1695,2

Rvdeger d/er\ snelle  wie vrolich er sp/ra\ch

1695,3

sit willechomen ir h/er\ren  vñ ovch iw/er\ man

1695,4

hie in disem lande  wie gern ih ivch gesehn han!

1696,1

Do danchtem im die rechen  mit triwen ane haz

1696,2

daz er in willechomen wære  vil wol erzeichter daz

1696,3

svnd/er\ grvozter Hagenen  den het er <ê> bechant

1696,4

sam tet er Volkeren  den helt von Burgonden lant

1697,1

Do sp/ra\ch zem marcg/raven\  Danchwart d/er\ degen

1697,2

sit ir vns welt bervochen  wer sol vns danne pflegen

1697,3

des vnsern ingesindes  von Wormez vb/er\ Rin?

1697,4

do sp/ra\ch d/er\ marcg/rave\  die angest svlt ir lazen sin

1698,1

Ez wirdet wol behalden  swaz ir in daz lant

1698,2

habt mit iv gefvret  ros silb/er\ vñ gewant

1698,3

dem schaffe ich <solhe> hvte  daz sin wirt niht v/er\lorn

1698,4

daz iv ze schaden bringe  gegen einem halben sporn

1699,1

))S((pannet vf ir knehte  die hvtten an daz velt

1699,2

swaz ir hie v/er\lieset  des wil ich wesen gelt

1699,3

vñ ziehet abe die zovme  div ros div lazet gan

1699,4

daz het in wirt deheiner  da vor vil selten getan

1700,1

Des frevten sich die geste  do daz geschaffen was

1700,2

die herren riten dannen  sich leiten in daz gras

1700,3

vb/er\ al die knehte  si heten gvot gemach

1700,4

ich wæn in an d/er\ verte  nie so sanfte geschach

1701,1

Nv was div marcg/ra\uinne  fvr daz tor gegan

1701,2

mit ir vil schonen tohter  do sah man bi ir stan

1701,3

die <minnekliche/n\> frowen  vñ manige schone meit

1701,4

die trvgen vil d/er\ boege  vñ oech die herlichen chleit

1702,1

Daz edele gesteine  verre lvhte von in dan

1702,2

vz ir vil richen wæte  die warn wol getan

1702,3

do chomen ovch die rechen  vñ erbeizten sa zehant

1702,4

hey waz man grozer zvehte  an den Burgonden vant!

1703,1

Sehs vñ drizzech meide  vñ and/er\ manic wip

1703,2

den was ze wnsche schone  vñ minneklich d/er\ lip

1703,3

die giengen in engegene  vñ wolden si enpfan

1703,4

da wart ein schone grvzen  von den frowen getan

1704,1

))D((iv ivnge marcg/ra\uinne  chvste die kunige dri

1704,2

alsam tet ir mvt/er\  da stvnt ovch Hagen bi

1704,3

den bat ir vat/er\ chvssen  do blicte si in an

1704,4

er dvhte si so gremlich  daz siz gerne hete lan

1705,1

Doch mvste si da leisten  daz ir d/er\ wirt gebot

1705,2

gemisschet wart ir varwe  bleich vñ rot

1705,3

si chvste oech Danchwarten  dar nach den spilema/n\

1705,4

durch sines libes ellen  wart im daz grvzen getan

1706,1

Div iunge marcg/ravinne\  nam do bi d/er\ hant

1706,2

Giselh/er\n den rechen  von Burgonden lant

1706,3

alsam tet ir mvot/er\  Gunthern den chvnen man

1706,4

Gernoten fvrte Rvdeg/er\  mit in minnechlichen dan

1707,1

In d/er\ schonen bourge  stvnt ein witer sal

1707,2

ritter vñ frowen  gesazen da zetal

1707,3

do hiez man balde schenchen  den gesten gvten

1707,3

win

1707,4

ez endorften nimmer helede  gehandelt gvetlicher sin

1708,1

Mit lieben ovge/n\ blichen  wart vil gesehn an

1708,2

div Rvdegeres tohter  do was so wolgetan

1708,3

ia trvotes in dem hercen  vil manic ritter gvot

1708,4

daz chunde ovch si v/er\dienen  si was vil hohe gemvot

1709,1

Si gedahten swes si wolden  es enmoht aber niht geschehn

1709,2

an mægede vñ oech an frowen  wart da vil gesehn

1709,3

fvr vñ wid/er\e  wande ir saz da genvoc

1709,4

d/er\ edel videlære  dem wirte holden willen trvoc

1710,1

))N((ach gewonheite  do schieden si sich da

1710,2

ritter vñ frowen  die giengen and/er\swa

1710,3

do rihte man die tische  in demn sale wit

1710,4

den vil lieben gesten  ma/n\ diente willekliche sit

1711,1

Dvrch d/er\ geste liebe  hin ze tische gie

1711,2

niwan div marcg/ravinne\  ir toht/er\ si do lie

1711,3

beliben bi den kinden  da si von rehte saz

1711,4

daz si ir niht ensahen  die geste mvete sere daz

1712,1

Do si mit frevden heten  gegezzen vb/er\ al

1712,2

do wiste man die schonen  wid/er\ in den sal

1712,3

gæmelich/er\ sprouche  d/er\ wart da niht v/er\deit

1712,4

d/er\ reit vil da Volker  ein degen chven vñ gemeit

1713,1

Do sp/ra\ch offenliche  der tivre spileman

1713,2

vil rich/er\ marcg/rave\  got hat an iv getan

1713,3

vil genædekliche  daz er iv hat gegeben

1713,4

ein wip so rehte schoene  dar zvo ein wnneklichez lebn

1714,1

Ob ich ein fvrste wære  sp/ra\ch ab/er\ d/er\ spileman

1714,2

vñ solde ich tragen chrone  ze wibe wolde ich han

1714,3

die iwern schonen tohter  des wonnet mir d/er\ mvot

1714,4

div ist minneklich ze sehene  dar zvo edel vñ gvot

1715,1

))D((o sp/ra\ch d/er\ marcg/rave\  wie moehte daz gesin

1715,2

daz imm/er\ kunic gegerte  d/er\ lieben tohter min?

1715,3

wir sin beide ellende  ich vñ ovch min wip

1715,4

vñ haben niht ze gebene  waz hilfet danne ir schoner lip?

1716,1

Do sp/ra\ch d/er\ herre Gernot  ir svlt die rede lan

1716,2

vñ solde ich trvttinne  nach mime willen han

1716,3

ane gvot ze wibe  wær ich ir imm/er\ vro

1716,4

des antwrte Hagene  vil harte minneklichen do

1717,1

Nv sol doch her Giselh/er\  min h/er\re nemen wip

1717,2

ez ist so hoh/er\ mage  d/er\ marcg/ra\vinne lip

1717,3

daz wir ir dienten gerne  ich vñ and/er\ iw/er\ man

1717,4

vñ soldes und/er\ chrone  da zen Burgonden gan

1718,1

Div rede Rvdegeren  von in dvhte gvot  

1718,2

vñ ovch die marcg/ra\uinne  ia frevtez in den mvot

1718,3

sit trvgen an die helde  daz si ze wibe nam

1718,4

Giselher d/er\ edele  wandez in beiden wol gezam

1719,1

Swaz sich sol gefvgen  wer mac daz vnd/er\sten?

1719,2

man bat die ivncfrowen  hin ze hove gen

1719,3

do swor man im ze gebene  daz wnnekliche kint

1719,4

oech lobt er ze nemene  die vil <minnekliche/n\> sint

1720,1

))M((an beschiet d/er\ ivncfrowen  bvrge vñ lant

1720,2

des sichert da mit eiden  des richen chuniges hant

1720,3

vñ Gernot d/er\ herre  daz wrde daz getan

1720,4

do sp/ra\ch d/er\ marcg/rave\  sit ich der lande niht enhan

1721,1

sone lat iv niht v/er\smahen  min ellendes solt

1721,2

ich gibe

1721,2

zv miner tohter  silber uñ golt

1721,3

swaz zwei hvnd/er\t moere  meiste mvgen getragen

1721,4

div rede mvste den degenen  beidenthalben wol behagen

1722,1

Nach gewonheite  man hiez an einen rinch

1722,2

sten die minneklichen  manec sneller ivngelinch

1722,3

in gezweiete/m\ mvote  ir ze gegene stvnt

1722,4

si gedahten in ir sinne  so noch die tvmben dicke tvont

1723,1

Do man begunde vragen  die minneklichen meit

1723,2

ob si den rechen wolde  ein teil was ez ir leit

1723,3

vñ dahte doch ze nemene  den wætlichen man

1723,4

si schamte sich d/er\ vrage  so manic maget hat getan

1724,1

Ir rvonte ir vat/er\ Rvdeg/er\  daz si spræche ia

1724,2

vñ in vil gerne næme  vil schiere was do da

1724,3

mit sinen wizen handen  d/er\ si do vnbesloz

1724,4

Giselh/er\ der ivnge  swie lvzzil si des sit genoz!

1725,1

Do sp/ra\ch d/er\ marcg/rave\  ir edeln kunige rich

1725,2

als ir nv wid/er\ wendet  daz ist gewonlich

1725,3

heim zvo zivren landen  so gib ich iv min kint

1725,4

daz ir si mit iv fvret  daz gelobten si sint

1726,1

))S((waz man da schalles horte  den mvsen si doch lan

1726,2

man hiez die iuncfrowen  zir kemenaten gan

1726,3

vñ oech die geste slafen  si erbiten an den tac

1726,4

do bereite man die spise  d/er\ wirt ir minneklichen pflac

1727,1

Do si nv gezzen heten  vñ wolden danne/n\ varn

1727,2

gein d/er\ Hvnen landen  daz heiz ich wol bewarn

1727,3

sp/ra\ch d/er\ wirt vil edele  ir svlt noch hie bestan

1727,4

wande ich so lieber geste  selten her gewnnen han

1728,1

Des antwrte Danchwart  iane mages niht gesin

1728,2

wa næmet ir die spise  daz brot vñ ovch den win

1728,3

daz so manigem manne  wære hie bereit?

1728,4

do daz der wirt gehorte  ez was im ane maze leit

1729,1

Do sp/ra\ch der marcg/rave\  div rede ist ane not

1729,2

ze vierzehen nêhten  win vñ brot

1729,3

gêbe ich iv voelleklichen  mit den die ir noch hie hat

1729,4

ir mvzet hie beliben  des ist deheiner slahte rat

1730,1

Swie vil si dannen gerten  si mvsen da bestan

1730,2

vnz an den vierden morgen  do wart ovch da getan

1730,3

von des wirtes milte  daz verre wart geseit

1730,4

er gap den sinen gesten  beidiv wafen vñ kleit

1731,1

))E((z mohte wern niht langer  si mvsen dannen varn

1731,2

Rvdeg/er\ d/er\ chunde  vil wenic iht gesparn

1731,3

von d/er\ sinen milte  swes iemen gerte nem/en\

1731,4

daz v/er\sagt er niemen  ez mvse in allen gezemen

1732,1

Daz edel ingesinde  brahte fvr daz tor

1732,2

gesatelt vil d/er\ rosse  do warte ovch in da vor

1732,3

vil d/er\ gvten rechen  die trvgen schilde enhant

1732,4

wande si riten wolden  nid/er\ in d/er\ Hunen lant

1733,1

Der wirt do sine gabe  bot vb/er\ al

1733,2

e daz die edeln geste  choemen fvr den sal

1733,3

er chvnde miltekliclhe  mit grozen eren lebn

1733,4

die sine schonen toht/er\  die het er Giselh/er\ gegebn

1734,1

Do gab er Gvnthere  dem helde lobelich

1734,2

daz wol trvoc mit eren  d/er\ edel kunic rich

1734,3

swier

1734,3

nie gabe enpfienge  ein waffenlich gewant

1734,4

do neich d/er\ fvrste here  des milten Rvdegers hant

1735,1

Do gab er Gernote  ein wafen gvot genvoc

1735,2

daz er sit in stvrm/en\  vil herlichen trvoch

1735,3

d/er\ gabe im vil wol gvnde  des marcg/raven\ wip

1735,4

da von d/er\ gvte Rvdeger  mvse vliesen sit den lip

1736,1

))D((o bot div marcg/ra\uinne  Hagen ir gabe alsam

1736,2

mit bete minnekliche  sit si d/er\ kunec nam

1736,3

daz er ane ir stivre  zvo d/er\ hochgecit

1736,4

varn niene solde  d/er\ helt gelobt ez ane strit

1737,1

Alles des ich ie gesach  sp/ra\ch do Hagene

1737,2

sone gerte ich niht mere  nv ze habene

1737,3

niwan ienes schildes  d/er\ dort hanget an der want

1737,4

den wolde ich gerne fvren  mit mir in d/er\ Hvnen lant

1738,1

))D((o div marcg/ra\uinne  Hagen bete v/er\nam

1738,2

ez mante si ir leide  weinen si gezam

1738,3

do gedahte si vil tivre  an Noudvnges tot

1738,4

den het erslagen Witege  des twanc si iæmerlichiv not

1739,1

Si sp/ra\ch zvo dem degene  den schilt wil ich iv gebem

1739,2

daz wolde got von himele  daz er noh solde leben

1739,3

d/er\ in da trvg enhende  d/er\ lag in stvrme tot

1739,4

den mvz ich imm/er\ weinen  des gat mir <armen> wibe not

1740,1

Div edel marcg/ravinne\  von ir sedele gie

1740,2

bi dem schilt vezzil  si den schilt gevie

1740,3

do brahte si in Hagene  si selbe mit ir hant

1740,4

div gabe was mit eren  an den rechen gewant

1741,1

Ein hvlft von liehtem pfelle  ob siner varwe lac

1741,2

bezzer schilt deheinen  belvhte nie d/er\ tac

1741,3

von edelm gesteine  swers ze chovfen hete gegert

1741,4

od/er\ in veil hete  er was wol tvsint marche wert

1742,1

Den schilt hiez do Hagene  von im tragen dan

1742,2

do chom sin brvd/er\ Danchwart  hin ze hove gegan

1742,3

dem gap vil richiv chleid/er\  des marcg/raven\ kint

1742,4

die er da zen Hvnen  trvoc vil herlichen sint

1743,1

())A((llez daz d/er\ gabe  von in da wart genomen

1743,2

in ir deheines hende  wær ir niht bechomen

1743,3

wan dvrch des wirtes liebe  d/erz\ in so schone erbot

1743,4

sit wrdens im so vint  daz si in mvsen slahen tot

1744,1

Volker mit siner  videlen dan

1744,2

chom gezogenliche  fvr Gotelinde stan

1744,3

er videlt sveze done  vñ sang ir siniv liet

1744,4

da mite nam er vrlovp  do er von Bechelaren sciet

1745,1

Ir hiez div marcg/ravinne\  eine lade tragen

1745,2

von frivntlich/er\ gabe  mveget ir nv horen sagen

1745,3

dar vz si nam sehs povge  vñ spiens im an die hant

1745,4

die svlt ir fvren Volker  von mir in d/er\ Hunen lant

1746,1

vñ svlt dvrch mine/n\ willen  si da ze hove tragen

1746,2

swenne ir wid/er\ wendet  daz man mir mvge sagen

1746,3

wie ir mir habt gedienet  da zer hochgecit

1746,4

des si zem reche/n\ gerte  vil wol gewert er sis sit

1747,1

Do sp/ra\ch d/er\ wirt zen gesten  ir svlt dest sanfter varn

1747,2

ich wil ivch selbe leiten  vñ heizen wol bewarn

1747,3

daz man

1747,3

iv vf d/er\ strazen  nêm deheiniv pfant

1747,4

ich sol ivch selbe leiten  in daz Ezelen lant

1748,1

))D((er wirt wart wol bereit  mit fvnf hund/er\t man

1748,2

ze rossen vñ ze chleidern  die fvrt er mit im dan

1748,3

in vrolichem mvote  zv d/er\ hochgecit

1748,4

der deheiner nimm/er\ mere  chom ze Bechelaren sit

1749,1

Mit chvsse minnekliche  d/er\ wirt do dannen schiet

1749,2

also tet ovch Giselher  als im div liebe riet

1749,3

mit vnbeslozzen armen  si trvten schoeniv wip

1749,4

daz mvose sit bewæinen  vil manig/er\ ivncfrowen lip

1750,1

Vil venster wart entslozzen  vñ wit vf getan

1750,2

d/er wirt mit sinen mannen  zen rossen wolde gan

1750,3

in wæn ir hercen sageten  div chrefteklichen ser

1750,4

daz si d/er\ lieben <frivnde>  dar nach gesahen nimmer mer

1751,1

Nach ir lieben frivnden  heten genvge leit

1751,2

do weinten ane maze  vil frowen vñ manic meit

1751,3

doch riten si mit frevden  nid/er\ vb/er\ sant

1751,4

zetal bi Tvonowe  vnz in daz hunische lant

1752,1

))D((o sp/ra\ch zen Bvrgonden  d/er\ ritt/er\ vnv/er\zaget

1752,2

Rvdeg/er\ d/er\ edele  ia svln niht sin v/er\daget

1752,3

Ezeln disiv mære  daz wir zen Hvnen chomen

1752,4

vñ oech mine frowen  sine hant so liebes niht v/er\nom/en\

1753,1

Ze tal dvrch oestiriche  vil manec bote reit

1753,2

den lvten alle/n\thalben  wart daz wol geseit

1753,3

daz die herren choemen  von Wormez vber Rin

1753,4

dem Ezeln ingesinde  chunde niht lieber gesin

1754,1

Die boten fvr strichen  mit disen mæren

1754,2

daz die Nibelunge  zen Hvnen wæren

1754,3

dv solt si wol enpfahen  Chriemh' frowe min

1754,4

dir choment nach grozen eren  her die stolzen brved/er\ din

1755,1

Do div kuniginne  v/er\nam div mære

1755,2

ir begunde entwichen  ein teil ir swære

1755,3

von ir vat/er\ lande  chom ir vil manic man

1755,4

da von d/er\ kunic Ezele  vil manigen iamer <sit> gewan

1756,1

Si gedahte tovgenliche  noch mohte is werden rat

1756,2

d/er\ mich an minen frevden  also gepfendet hat

1756,3

mag ich daz gefvgen  ez sol im leide ergan

1756,4

ze dirre hochgecite  des ich vil gvten willen han

1757,1

Ich solz also schaffen  daz min rache erge

1757,2

in dirre hochgecite  swiez dar nach geste

1757,3

an sinem argen libe  der mir hat benomen

1757,4

vil d/er\ minen wnne  des sol ich nv ze gelte chomen

Auenture wie die Nibelunge ze Ezeln bvrge chom/en\ vñ wie si da enpfange/n\ wrden

1758,1

<)))))D(((((o> die Nibelunge  chomen in daz lant

1758,2

do vrieschez von <Berne>  meister Hildebrant

1758,3

ez sagtez sime herren  ez was im grimme leit

1758,4

er bat in wol enpfahen  die chvnen ritter gemeit

1759,1

Do hiez d/er\ starche Wolfhart  bringen in div march

1759,2

do reit mit Diet/ri\che  vil manic reche starch

1759,3

da si se enpfa

1759,3

hen wolden  zvo zin an daz velt

1759,4

da hetens vf gebunden  vil manic herlich gezelt

1760,1

Do si von Tronege Hagene  verrest chomen sach

1760,2

zv den sinen herren  d/er\ helt vil balde sp/ra\ch

1760,3

nv svlt ir snellen degene  von dem sedele stan

1760,4

vñ get in hin begegene  die ivch hie wellent enpfan

1761,1

Dort chvmt her ein gesinde  daz ist mir wol bechant

1761,2

ez sint vil snelle degene  von Amelvnge lant

1761,3

die fvret  d/er\ von Berne  si sint vil hochgemvot

1761,4

ir svltz in wol erbiete/n\  daz rat ich sp/ra\ch d/er\ degen gvot

1762,1

Do stvnden von den rossen  daz was vil michel reht  

1762,2

nid/er\ mit Diet/ri\che  manic ritter vñ kneht

1762,3

si giengen zv den gesten  da man die helede vant

1762,4

si grvzten minnekliche  die von Bvregonden lant

1763,1

))D((o si d/er\ herre Dietrich  zvo zin chomen sach

1763,2

beide liebe vnde leide  im dar an geschach

1763,3

er weste wol div mære  ir reise was im leit

1763,4

er wa/n\de ez weste Rvdeg/er  daz erz het in geseit

1764,1

Sit willechomen her Gunther  Gernot vñ Giselher

1764,2

Hagen vñ Danchwart  sam si ovch Volker

1764,3

vñ allez iwr gedigene  den Sivrides tot

1764,4

weinet min froe Chriemh'  noch diche in angestlich/er\ not

1765,1

Si mac vil geweinen  sp/ra\ch do Hagene

1765,2

er lit vor manigem iare  ze tode erslagene

1765,3

den kunech von den Hvnen  den si genomen hat

1765,4

den sol si nv minnen  Sivrit so gahes niht erstat

1766,1

Tot des chunen rechen  lazen wir nv sten

1766,2

sol lebn min froe Chriemh'  noch mac schade ergen

1766,3

so redete von Berne  d/er\ herre bieterich

1766,4

trost d/er\ Nibelunge  da vor behvet dv dich

1767,1

Wie sol ich mich behvten?  sp/ra\ch d/er\ kunic her

1767,2

Ezel vns boten sande  wes sol ich vragen mer?

1767,3

daz wir zvo zim chomen  her in siniv lant

1767,4

oech hat vns vnser swester  aller triwen gemant

1768,1

))S((o wil ich iv wol raten  sp/ra\ch do Hagene

1768,2

nv bitet iv div mære  baz ze sagene

1768,3

den herren Dietrichen  vñ sine helde gvot

1768,4

daz si ivch lazen wizzen  d/er\ frowe/n\ Chriemh' mvot

1769,1

Do giengen svnd/er\sprachen  die dri kunige rich

1769,2

Gunth/er\ unde Gernot  vñ ovch her Dietrich

1769,3

nv sage vns von Berne  vil edel ritter gvot

1769,4

wie dir si gewizzen  d/er\ frowen Chriemh' mvot

1770,1

Do sp/ra\ch d/er\ vogt von Berne  waz sol ich iv mere sagen

1770,2

wan alle morgen frveie  weinen uñ klagen

1770,3

hoere ich vil iæm/er\liche  daz Ezeln wip

1770,4

dem richen got von himele  des starchen Sivrides lip?

1771,1

Ez ist et vnerwendet  sp/ra\ch do d/er\ spileman

1771,2

Volk/er\ d/er\ vil chvene  daz wir v/er\nom/en\ han

1771,3

wir svln ze hove riten  vñ svln daz besehn

1771,4

waz vns snellen degenen  mvge zen Hvnen geschehn

1772,1

Die chunin Burgonden  hin ze hove riten

1772,2

si chomen herrenliche  nach ir landes siten

1772,3

do

1772,3

wnd/er\t da zen Hvnin  vil manigen chvnen man

1772,4

vmbe Hagenen von Tronege  wie d/er\ wære getan

1773,1

Dvrch daz man saget mære  des was im genvoc

1773,2

daz er von Nid/er\landen  Sivriden slvoc

1773,3

sterchist aller rechen  den Chriemh' man

1773,4

des wart michel vragen  ze hove nach Hagenen getan

1774,1

))D((er helt was wol gewahsen  daz ist al war

1774,2

groz was er zen brvsten  gemischet was sin har

1774,3

mit einer grisen varwe  div bein im warn lanc

1774,4

vn eyslich sin gesihene  er het herlichen ganc

1775,1

Do hiez man herbergen  vil manigen chvnen man

1775,2

daz gesinde von dem Rine  wart gesvndert dan

1775,3

daz riet div kuniginne  div in argen willen trvoch

1775,4

da von man sit die knehte  an d/er\ herberge slvoch

1776,1

Danchwart Hagen/en\ brvd/er\  d/er\ was marschalch

1776,2

d/er\ kunec im sin gesinde  vil vlizeklich bevalch

1776,3

daz er ir vollechliche  mit spise solde pflegen

1776,4

daz tet do willechliche  mit triwen d/er\ vil chvne degen

1777,1

Chriemh' div kuniginne  mit ir gesinde gie

1777,2

da si die Nibelvnge  in valschem mvte enpfie

1777,3

si chvste Giselh/ere\  vñ nam in bi d/er\ hant

1777,4

do daz gesach Hagene  den helm er vast/er\ gebant

1778,1

Nach svs getanem grvoze  sp/ra\ch do Hagene

1778,2

mvgen sich bedenchen  wol snelle degene

1778,3

man grvzet sund/er\lingen  die fvrsten uñ ir man

1778,4

wir han niht gvter reise  zv dirre hochgecite getan

1779,1

))N((v sit sp/ra\ch si willechomen  swer ivch gerne siht

1779,2

dvrch iw/er\ selbes frivntschaft  engrvz ich ivch niht

1779,3

nv sagt waz ir mir bringet  von Wormez vb/er\ Rin

1779,4

dar vmbe ir mir so groze  soldet willechomen sin

1780,1

Het ich gewist div mære  sp/ra\ch do Hagene

1780,2

daz iv gabe bringen  solden degene

1780,3

ich wære wol so riche  het ich mihs baz verdaht

1780,4

daz ich iv mine gabe  her zen Hvnen hete braht

1781,1

Nv svlt ir mich d/er\ mære  mere wizzen lan

1781,2

hort d/er\ Nibelunge  wa habt ir den getan?

1781,3

d/er\ was idoch min eigen  daz ist iv wol bechant

1781,4

den solt ir mir gefveret han  her in Ezelen lant

1782,1

Entriwen min frov Chriemh'  des ist vil manic tac

1782,2

deich hort d/er\ Nibelunge  niene gepflach

1782,3

den hiezen mine herren  senchenin den Rin

1782,4

da mvoz er wætliche  vnz an daz ivngeste sin

1783,1

Do sp/ra\ch div <kunegin/ne\>  ich hans ovch ê gedaht

1783,2

mir ist sin harte chleine  noch her ze lande braht

1783,3

swer min eigen wære  vñ ich sin wilen pflac

1783,4

nach im vñ sime herren  han ich vil manigen leiden tac

1784,1

Daz ist verlorn arebeit  sp/ra\ch ab/er\ Hagene

1784,2

wie mohte ich iv iht bringen?  iclh han vil ze tragene

1784,3

an <halsp/er\ge> vñ an schilte  an mime helme lieht

1784,4

diz swert an min/er\ hende  des enbringe ich iv nieht

1785,1

Iane rede ihz niht darvmbe  deich mere goldes wel

1785,1

le gern

1785,2

ich hans so vil ze gebene  deich iw/er\ gabe mac enb/er\n

1785,3

ein mort vñ zwene rovbe  die mir sint genomen

1785,4

des mohte ich vil arme  noch ze liebem gelte chomen

1786,1

))D((iv frowe hiez do chunden  den rechen vb/er\ al

1786,2

daz niemen trage/n\ solde  dehein wafen in den sal

1786,3

ir helde ir svlt mirs vf geben  ich sol si behalten lan

1786,4

entriwen sp/ra\ch do Hagene  daz wirdet nimmer getan

1787,1

Iane ger ich niht der eren  fvrsten wine milt

1787,2

daz ir zen herbergen  trvget minen schilt

1787,3

vñ and/er\ min gewæfen  ir sit ein kunigin

1787,4

daz enlerte mich vater niht  ich wil selbe kamerære sin

1788,1

Owe mir d/er\ leide  sp/ra\ch do Chriemh'

1788,2

warvmbe wil min brvd/er\  vñ Hagen sinen schilt

1788,3

von in niht tragen lazen?  si sint gewarnot

1788,4

vñ wesse ich wer iz tæte  ich riet im imm/er\ sinen tot

1789,1

Des antwort in zorne  d/er\ herre Dietrich

1789,2

ich binz d/er\ hat gewarnet  die edeln fvrsten rich

1789,3

vñ Hagenen den starchen  den Buregonden man

1789,4

nv zvo vahendinne  dv solt mihs niht geniezen lan

1790,1

))D((es schamte sich vil sere  daz Ezelen wip

1790,2

si vorhte bitterliche  den Diet/ri\ches lip

1790,3

do gie si von in dannen  daz si niht mere ensp/ra\ch

1790,4

wan daz si swinde bliche  an ir viande sach

1791,1

Bi henden sich do viengen  zwene degene

1791,2

daz eine was her Diet/ri\ch  daz and/er\ Hagene

1791,3

do sp/ra\ch gezogenliche  d/er\ reche vil gemeit

1791,4

daz iw/er\ chomen zen Hvnen  daz ist mir grozelichen leit

1792,1

Do stvnden bi ein and/er\  die rechen lobelich

1792,2

Hagene von Tronege  vñ oech her Dietrich

1792,3

in grozen zvhten manigen  die ritt/er\ wolgetan

1792,4

daz sach d/er\ kunec Ezele  darvmbe er vragen do began

1793,1

Div mære ich wiste gerne  sp/ra\ch d/er\ kunic rich

1793,2

wer iener reche wære  den dort her Dietrich

1793,3

so frivntlich enpfæhet  er treit vil hohen mvot

1793,4

swer sin vater wære  er mach wol sin ein helt gvot

1794,1

))D((es antwrtem kunige  ein Chriemh' man

1794,2

er ist geborn von Tronege  sin vater hiez Adrian

1794,3

swie blider hie gebarte  er ist ein grimm/er\ man

1794,4

ich laze ivch daz wol schowen  daz ich gelogen niene han

1795,1

Wie sol ich daz erchennen  daz er so grimmech ist?

1795,2

noch dann er niht enwiste  vil manigen argen list

1795,3

den div kvnigi/n\ne  an ir frivnden begie

1795,4

daz si ir mit dem lebene  niht einen dannen chomen lie

1796,1

Wol erchande ich Adrianen  d/er\ was min man

1796,2

lob vñ michel ere  er hie bi mir gewan

1796,3

ich machet in ze ritter  vñ gab im min golt

1796,4

Helche div get/ri\we  was im inneklichen holt

1797,1

Da von ich wol erchenne  allez Hagenen sint

1797,2

ez wrden mine gisel  zwei wætlichiv kint

1797,3

er vñ von Spane Walther  die wohsen hie ze man

1797,4

Hagenen sande ich widere  Walth/er\ mit Hiltegunde entran

1798,1

Er

1798,1

gedahte langer mære  div warn ê geschehn

1798,2

siner frivnt von Tronege  den het er reht ersehn

1798,3

der im in siner ivgende  vil starchen dienest bot

1798,4

sit frvmt/er\ im in alter  vil manigen frivnt tot